Escéniques Presentación nel Teatru Campoamor del ciclu teatral “Asturias a escena” by asturnet 7 d'ochobre, 2007 A partir de les 12:30 nel salón de te del Teatru Campoamor d’Uvieu tuvo llugar la presentación del ciclu de Teatru “Asturias a escena” que va llevar un total de diecisiete obres teatrales a los escenarios del Teatru Filarmónica d’Uvieu y del Teatru Casino de Trubia d’ochobre a avientu d’esti mesmu añu. “Hasta que la boda nos separe” de Roberto Lumbreras embaxo la dirección de la compañía Barataria Teatro va ser la obra encargada d’abrir el ciclu el prósimu 19 d’ochobre nel Filarmónica. Otres obres que se van representar son “Vecinos” a cargu d’Entresijo Teatro, “Monólogos del chigre” y “Alonsomanía” con Carlos Alba y “Pais” por Teatro Casona. Nel Teatro Casino de Trubia van actuar la Compañía de Rosario Trabanco con “De piescos y escayos”, Zig-Zag Danza con “Tangos de historias de ayer y de hoy” , Higienico Papel con “Puntu y coma” , Carlos Alba con “Monólogos de chigre” y Carbayín con “La maldición de la pita roxa”. Amás durante esti ciclu “Asturias en Escena” van representase nel Teatru Filarmónica cuatro obres empobinaes al publicu infantil: “Frío” a cargu de Higienico Papel, “Más vale trocar” por Factoría Norte, “Despierta costurerita”, de La tejedora de los sueños y “La danza,un camino por recorrer” a cargu de Zig-Zag Danza, 7 d'ochobre, 2007 0 FacebookTwitterPinterestEmail
Música Sergio Rodríguez va reinterpretar la música tradicional asturiana nel discu Tutu Studiu 07 by asturnet 30 de setiembre, 2007 El sellu Ámbitu-L’Aguañaz va sacar al mercáu nel mes de payares un discu del productor y músicu Sergio Rodríguez, Tutu Studiu 07, una reellaboración en clave lletrónica de la música tradicional asturiana. El trabayu ta compuestu por diez pieces d’aire folk, pero namás n’apariencia, porque van muncho más allá d’esi estilu. Les melodíes, d’inspiración tradicional o completamente nueves, vense arropaes por unes igües que les actualicen. L’álbum inclúi la participación de munchos de los meyores del músicos del país, xente como Rubén Bada, Xosé Ambás, Borja Baragaño, Diego Pangua, José Manuel Tejedor, Dolfu R. Fernández, Héctor Braga, Lisardo Prieto, Xuan Nel Expósito, Toli Morilla, Pepín de Muñalén y Dulcamara, ente otros. 30 de setiembre, 2007 0 FacebookTwitterPinterestEmail
Fiestes Les celebraciones del Día dAsturies lleguen esti añu a Navia y Veiga by asturnet 6 de setiembre, 2007 Les celebraciones oficiales Día dAsturies, itinerantes dende la llegada dAreces al poder, van facese esti añu en Navia y Veiga, los díes 7 y 8 de setiembre. Les actividaes van ser sobremanera musicales, con grupos asturianos de tolos estilos. Ente otros van tar tar Los Llanzones, Toli Morilla, Los Redentores, Felpeyu y Tejedor. Amás van tar tamién actuando los miembors de la Orquesta Sinfónica Moza del Principáu dAsturies y delles bandes de gaites que van facer pasacais. Pero nun too va ser música nesti Día dAsturies, tamién va haber teatru, deportes tradicionales, un mercáu astur, prebas de sidra, esposiciones y una feria del llibru y el discu nasturianu y eonaviegu. Yá pela nueche, y lo mesmos en Veiga quen Navia, va poder disfrutase dun espectáculu de fueos artificiales. La fiesta coincide cola tradicional Romeiría dos Romedios de Porciay va ser ser un bon complementu pala gran xornada folixera nel nuesu país. El cartelu anunciando el Día dAsturies, vuelve a ser nasturianu y cola so versión neonaviegu pa la zona más occidental del país. 6 de setiembre, 2007 0 FacebookTwitterPinterestEmail
Música Soncai System, el nuevu grupu de Xune Elipe, yá tien discu nel mercáu by asturnet 26 d'agostu, 2007 Apocayá estrenaren la descarga dun cantar de baldre del so nuevu discu y agora yá ye posible mercar el discu enteru nes tiendes del país. Tamos falando del primer discu del nuevu grupu de Xune Elipe y el productor Sergio Rodríguez, Clashturies. Nel discu apaecen artistes especializaos nestilos que van dende’l reggae al hip hop, pasando pel folk y la lletrónica. Xente como Delfo Valdés y Vito Álvarez de La Tarrancha, Mario Fueyo Dark la eMe, Aique de Chalaneru Sound System, Javier Tejedor, Rubén Bada de DRD, Eladio Díaz y Jorge Cambareli tamién de Dixebra, amás de los disc jokeys Dani Stylo y Dj pimp. Cola llingua asturiana como idioma principar del discu, colo que los miembros del grupu quieren amosar a les clares les sos posibilidaes espresives del asturianu y el so apueste dusalu como vehículu de comunicación modernu y amañosu pa la mocedá urbano. Descarga’l cantar de baldre 26 d'agostu, 2007 0 FacebookTwitterPinterestEmail
Lorient 2007 Lorient algama en 2007 un bon balance económicu y artísticu de la man de Lisardo Lombardía by asturnet 17 d'agostu, 2007 Con un perbonu balance artísticu y económicu y 650.000 participantes, el primer añu de Lisardo Lombardía como direutor del Festival de Lorient (FIL) fina ente alabancies y el fechu evidente de que s’afita nel Festival Intercélticu más importante d’Europa la profesionalidá na so xestión. Ciento cuarenta mil entraes y sesenta y cinco mil espectadores nel Gran Desfile de les Nacioens Celtes son cifres qu’amuesen l’ésitu económicu y de participación del FIL 2007, que tuvo a Escocia como país invitáu. A pesar de la redución nes subvenciones del Estáu de 37.000 euros y de la necesidá de nun cellebrar una Nueche Máxica’l sábadu 11 por coincidir col campeonatu de la lliga de fútbol frances, el festival registró un ésitu de públicu como nun se vía dende había años. L’añu de Escocia Con un presupuestu de 450.000 euros, el gobiernu escocés punxo esti añu los medios económicos afayadizos pa llograr un ésitu nel so pasu per Lorient. Escocia ufrió una cara enforma moderna de la so cultura proponiendo una programación musical de calidá, con Capercaillie,The Unusual Suspects, The Red Hot Chilli Pipers, Darien project o the Whistlebinkies ensin escaecese de les Bandes de Gaites y les sos danzantes tradicionales. Munches animaciones de la casa – cursos de dances, prebes de whisky o conciertos completaron la so presencia nel festival. <p>Acontecimientos excepcionales El cartelu de completo pa los conciertos nel Espace Marine de Laurent Voulzy que recibió na escena a Alan Stivell y Dan Ar Braz, o de la Bagad de Lann-Bihoué que celebró los sos 55 años xunta Alain Souchon. Y conciertos como’l de Sinead O Connor que presentó’l so nuevu álbum brillaron xunta’l decubrimienru de los “nuevos talentos del sur” como nomen eufemísticamente a los asturianos y a los gallegos: Fiar Na Roca, la moza gaitera Andrea gallego Fernandez o Tejedor y Corquieu foron ensalzaos abondo pola crítica y la prensa amás d’aplaudíos pol públicu, qu’enllenó les sos actuaciones. L’añu entrante, el Festival va desendolcase del 1 al 10 d’agostu y va tener como invitáu a País de Gales. 17 d'agostu, 2007 0 FacebookTwitterPinterestEmail
Música El Festival de Lorient entama la recta final completando’l programa by asturnet 25 de xunetu, 2007 Con Tejedor, Corquiéu y la Banda Villa de Mieres a la cabeza de la delegación asturiana, el Festival Intercélticu d’Avilés ya tien peslláu’l programa y entama la so recta final na organización de los 10 díes de programación que na primer quincena d’agostu 8del 2 al 12) va ufrir actuaciones tan destacaes como les de Sinead OConnor, la Bagad de Lann-Bihoué, que cumple 55 años, Didier Squiban Quartet, Capercaillie y Dan Ar Braz. El vienres 3 dagostu entamarán los conciertos nel Espace Marine cola amestaura de gaites y guitarres elléctriques de grupos galos, canadienses y escoceses: Frizbee, Red Hot Chilli Pipers, The Mahones. Y el sábadu 4 siguirá presente la música elléctrica, pero cola apaición yá de la tradicional de la man del Campeonato Nacional de Bagadoù. Esti día actuará una de les más nomaes instituciones de la música Folk Irlandesa: Les Dubliners y en Les « After » du Manège HiKS et DJ Blue darán el toque elléctricu a la xornada. Anque pa los asturianos, el sábado 4 ye fundamentalmentel día del Concursu McCrimon de Gaita quenfrenta tradicionalmente a los gaiteros astures colos gallegos, cola participación de dalgún bretón interpretando la gaita asturiana y gallega dende va unos años. Con Tejedor, Corquiéu y la Banda Villa de Mieres a la cabeza de la delegación asturiana, el Festival Intercélticu d’Avilés ya tien peslláu’l programa y entama la so recta final na organización de los 10 díes de programación que na primer quincena d’agostu 8del 2 al 12) va ufrir actuaciones tan destacaes como les de Sinead OConnor, la Bagad de Lann-Bihoué, que cumple 55 años, Didier Squiban Quartet, Capercaillie y Dan Ar Braz. El domingu día 5 la cultura céltica amuela la so gran diversidá cola Grande Parade de Nations Celtes, con 3500 artistes desfilando peles cais de Lorient y pela nueche, Sinead OConnor presentarál so nuevu discu Theology. La primer Nueche céltica cuntará con Doudou NDiaye Rose Junior y la Bagad Men Ha Tan. El llunes 6 dagostu sedrá la Grande Nuit de lÉcosse con The Whistlebinkies, Red Hot Chilli Pipers y The Unusual Suspects y el martes 7 la primer Nueche Máxica aportará al Stade du Moustoir pa afitar la gran vitalidá desti nimáus espectáculo, auténtica seña didentidá del festival. Les Nueces Máxiques repetiránsel xueves y el sábadu. Laurent Voulzy, los 55 años de la Bagad de Lann-Bihoué, Didier Squiban Quartet o Capercaillie y Dan Ar Braz son dellos otros nomes que cuntarán ente les actuaciones del restu la selmana, na que tarán siempre presentes los miembros de la delegación asturiana, col grupu Tejedor a la tiesta y Corquiéu o la Banda Villa de Mieres. 25 de xunetu, 2007 0 FacebookTwitterPinterestEmail
Música El Festival Intercélticu dOccidente tien yá programa pa la edición desti añu by asturnet 24 de xunetu, 2007 Redacción. La XI Edición del Festival Intercelticu d’Occidente va celebrase esti añu ente los díes 15 y 21 d’agostu na playa del Murallón en Tapia y los organizadores yá dieron anuncia del programa d’actividaes alredor de la música que va tener llugar esti añu na yá tradicional fiesta. El Festival d’Occidente va cuntar esti añu cola presencia de músicos de la talla del irlandes John Mcsherry o de los bretones David Pasquet Group. El programa del Festival va tar compuestu esti añu por actuaciones en vivu y otru tipu d’actividaes que quieren ser a ‘animar a tou tipu de públicu’. Ente los grupos que van poder vese esti añu en Tapia tán los irlandeses ‘Lunasa’ y los asturianos ‘Llan de Cubel’ y ‘Tejedor’. Ta previstu un calendarariu de conferencies y exposiciones a lo llargo de los díes de Festival, cuntando tamien cola ‘Noite Máxica’, una cita “enllena de soníos y colores, onde música, teatru y danza van dase la mano pa sorprender al públicu”. Amás, van celebrase actividaes dedicaes a la reciella, ente les que destaquen los xuegos tradicionales y los talleres de música, nos que va poder deprendese a tocar instrumentos como la zanfona o’l curdión diatónicu. 24 de xunetu, 2007 0 FacebookTwitterPinterestEmail
Música Soncai System estrenal so primer cantar cola descarga de baldre by asturnet 24 de xunetu, 2007 Redacción. El primer cantar del nuevu grupu de Xune Elipe, la voz de Dixebra, ta yá na rede pa poder descargalu de baldre. ‘Soncai System,’ ye’l primer cantar de tolos inxertos nel primer discu de la banda, ‘Clashsturies’. El discu va tar nes tiendes a lo llargo del mes d’agostu. Nel discu, Elipe y Sergio Rodríguez axuntaron a dellos músicos asturianos de diferentes estilos y tendencies ente los que tán Delfo Valdes y Vito Álvarez (La Tarrancha), Mario Fueyo (Dark la eMe), Aique (Chalaneru Sound System), Javier Tejedor, Ruben Bada (DRD), Eladio Díaz y Jorge Cambareli (Dixebra) o los disc jokeys Dani Stylo y Dj pimp. El discu ye, según los autores “un percorríu pelos diversos estilos que güei sonen con fuercia nes cais de les nueses ciudaes: reggae, ska, funk, raggamuffin, hip hop… pero enllen de matices y detalles”. Descarga’l cantar de baldre 24 de xunetu, 2007 0 FacebookTwitterPinterestEmail
Música Más docho hores de música nalcordanza dÍgor Medio y Carlos Redondo by asturnet 21 de xunu, 2007 El vienres pela tarde abriéronse los dos escenarios preparaos na Playa Poniente de Xixón y a lo llargo d’unes d’ocho hores xubieron más de 150 músicos. Los escenarios llevaben los nomes d’Ígor y Carlos, músicos del grupu Felpeyu que morrieron va agora un añu nun accidente de tráficu que sufrió’l grupu cuando viaxaba p’hacia Cataluña. El conciertu organízalu l’asociación ‘N’alcordanza’ y va entamar a les 6 de la tarde. El conciertu va cuntar con música pop, rock y folk, con un repás especial pelos temes de ‘Los Locos’ y ‘Felpeyu’, a los que pertenecíen Carlos ya Ígor. Dalgunos grupos que lleven años ensin xuntase nun quixeron perder la oportunidá d’axuntar pa recordar la figura de los dos músicos. L’escenariu ‘Ígor’ va cuntar coles actuaciones de folk, con grupos como Gatos del Fornu, La Bandina’l Tombo, Tejedor, N’arba, Llan De Cubel, Corquieu y Felpeyu, amás d’una actuación de lo que nomen ‘Felpeyu’s Old Stars’, colos antiguos miembros que pasaron pel grupu, los hermanos Cástor y Felix Castro, Elías García, Isidro Suárez, Toño Gómez, Xel Pereda, Dudu Puente y Ruma Barbero. Van participar tamien nel escenariu folk Toli Morilla, Xurde Fernández, Ruben Bada, Flavio Rodríguez, Antón Barquero, Ramón Prada, Chus Pedro, Fonsu Fernández, Edi Word, Lorena García, Indalecio Santos, Pedro Pangua y Manolo Durán. Per otru llau, nel escenariu ‘Carlos’, espaciu rockeru, van tocar Los Huracanes de Montiana, Lucas y Los Patosos, Mamy Carter, Holiday Fleet, Edwin Moses y la formación Los Manguanes. El conciertu rock van rematalu los músicos de Los Locos tocando los temes de la banda. 21 de xunu, 2007 0 FacebookTwitterPinterestEmail
Fiestes Tolo dAsturies va enllenar Llangréu de cultura esta fin de selmana by asturnet 17 de mayu, 2007 Redacción. Los próximos díes 18, 19 y 20 de mayu, Llangreu acoyerá la ‘Muestra Cultural Tolo d’Asturies¡, esta feria allugaráse nel recintu de la estación d’autobuses de Llangreu. Tolo d’Asturies ye una feria que ñaz cola intención d’amosar diferentes realidaes representatives de la gran bayura cultural d’Asturies. L’Ayuntamientu de Llangreu y la Conseyería de Cultura, Comunicación Social y Turismu del Principáu d’Asturies patrocinen esta feria cultural ‘Tolo d’Asturies’ qu’organicen les asociaciones culturales “Reija” y “L’Enguedeyu”. La Muestra Cultural Tolo d’Asturies ye música, ye baille tradicional, son muestres didáctiques, ye gastronomía, ye artesanía, ye tamien animación de cai y ye muncho más que convida a la participación y disfrute de tola xente. Música pa tolos gustos (Tuenda, Xuacu Amieva, Anabel Santiago, Tejedor, Banda Gaites de Llangreu, Xentiquina, Los Llanzones, Hector Braga, El Che de Cabaños, Marisa Valle Roso, Fernando Valle Roso…), grupos de baille tracional, muestra didáctica d’indumentaria tradicional, muestra didáctica d’instrumentos, talleres d’artesanía, puestos de venta de productos gastronómicos y artesanos d’Asturies, animación de cai… Los organizadores de la feria, l’Agrupación d’etnografía y folclor Reija de Llangreu y el Coleutivu de baille y música tradicional L’Enguedeyu, van encargase d’animar les xornaes. Son estos dos grupos con gran tradición y de reconocíu prestixu que siempre busquen el caltenimientu y espardimientu del folclor y la etnografía popular en tolos sos aspeutos. D’esti mou nun solo representen los bailles y cantares tradicionales d’Asturies, sinón que tamien organicen charres, esposiciones y talleres de tradición, amás de cuntar con escueles de música y cultura tradicional. Los sos dos grupos de baille tradicional, amás d’otros grupos convidaos a esta feria, participarán n’animación de la Muestra Cultural Tolo d’Asturies nos tres díes nos qu’esta va desendolcase. Coles sos interpretaciones musicales siempre traten de presentar lo bailles y dances tradicionales d’un mou asemeyáu al que les xentes del pueblu representaben y representen nes romeríes y folixes populares. Programa: Vienres 18 mayu 22:00 hores Conciertu Tuenda + Xuacu Amieva Sábadu 19 mayu 12:00 hores Apertura Muestra Cultural TOLO D’ASTURIES 18:00 hores Xentiquina 19:00 hores Muestres didáctiques de vistimenta ya instrumentos tradicionales a cargu d’Armando Valdes y Hector Braga y cola collaboración de de les dos entidaes organizadores y de la escuela de musica tradicional de l’A.E.F. Reija. 22:00 hores Conciertu Anabel Santiago + Tejedor Tol día: Folixa y baille pa toes/os cola bandina Los Llanzones Animación colos grupos de baille y música tradicional L’Enguedeyu (Llangreu) y San Felix (Candás) Taller d’alfarería pan neñes y neños (L’Alfar de Faro-Uvieu), mañanes de 12 a 14.30 y tardes de 17 a 20 hores Domingu 20 mayu 13:00 hores Desfile Banda Gaites de Llangreu (Del Parque Vieyu La Felguera pa la Muestra Cultural TOLO D’ASTURIES na estación d’autobuses) 13:30 hores Toná (El Che de Cabaños, Marisa Valle Roso y Fernando Vallle Roso) 18:00 hores Animación pa neñes y neños, cuentacuentos con Carlos Alba “Cellero” (El mio Güelu y Yo) Tol día: Folixa y baille pa toes/os cola bandina Los Llanzones Animación colos grupos de baille y música tradicional Reija (Llangreu) y Trebeyu (Xixón) Taller d’alfarería pa neñes y neños (L’Alfar de Faro-Uvieu) 20:00 hores Clausura de la “I Muestra Cultural TOLO D’ASTURIES de LLANGRÉU” 17 de mayu, 2007 0 FacebookTwitterPinterestEmail