Sociedá La Direutora de Turismu espera qu’Asturies seya escoyida finalista en Xineru pa tener la Capitalidá Europea de la Cultura de 2016 by asturnet 12 de payares, 2008 La Direutora Xeneral de Turismo, Elisa Llaneza, dixo esti miércoles nuna xinta colos medios de comunicación que la presentación de la candidatura conxunta d’Uviéu, Xixón y Avilés a la Capitalidá Europea de la Cultura nel añu 2016 dai fuercies a la Comunidá Autónoma y va tener “un efeutu dafechamente positivu” sobre’l Principáu. Elisa Llaneza insistiera nesta presentación que la candidatura asturiana “tien munches cartes y munchos ases” pa pasar la primer escoyeta nel mes de Xineru y quedar asitiada ente les cuatro candidates españoles de un total de catorce que se presenten y que como Santander o Segovia lleven munchu tiempo yá espardiendo la so candidatura. Poro, la direutora de turismu tamién esclarió que si nun s’algamara l’obxetivu “sólo’l fechu de tar nel procesu d’esbilla tien un efeutu positivu nel Principáu”. La directora general también ha comentado que, de momento, no se ha hecho ninguna estimación sobre lo que podría suponer en crecimiento turístico ser Capital Europea, y ha explicado que “esas estimaciones se hacen a posteriori”. 12 de payares, 2008 0 FacebookTwitterPinterestEmail
Política IX-BA-Verdes xestionarán Bientar Social, Vivienda, Mediu Rural y Cooperación nun nuevu gobiernu de coalición by asturnet 31 d'ochobre, 2008 La FSA-PSOE ya IX-BA-Verdes aportaron esti vienres a un pautu pa formar un gobiernu de coalición y darréu la coalición va algamar la Conseyería de Bienestar Social y Vivienda y l’area de Mediu Rural, amás de la Direición Xeneral de Cooperación, de la que nel pasáu mandatu s’encargó Rafael Palacios. Les dos formaciones presentaron el pautu esti vienre nuna rueda prensa xunta’l presidente del Principáu, Vicente Álvarez Areces. Al llau tuvieron el secretariu xeneral de la Federación Socialista Asturiana (FSA-PSOE), Javier Fernández y el coordinador xeneral d’IX, Jesús Iglesias. PSOE ya IX-BA-Verdes nun van compartir conseyeríes nin promover la creación de nenguna conseyería nueva nin tampoco direiciones xenerales.El primer conceyu del nuevu Conseyu de Gobiernu podría celebrase tres del del viaxe institucional del Presidente a los Emiratos Árabes que fina’l 13 de payares. L’acuerdu inclúi l’apoyu d’IX a los presupuestos autonómicos que xorrecen un 7,6 por cientu pa 2009. 31 d'ochobre, 2008 0 FacebookTwitterPinterestEmail
Emigración El Centru Asturianu de Puertu Ricu celebró 50 años desistencia by asturnet 21 d'ochobre, 2008 El Viceconseyeru de Seguridá, Emigración y Cooperación al Desarrollu, Valentín Ruiz García, asistió a los actos que, por aciu del so 50º Aniversariu, organizó la Xunta Directiva actual del Centru Asturianu de Puertu Ricu, presidida por Argentina Menéndez. Según datos del Censu dEspañoles residentes nel Esterior, recoyíos hastal 1 dagostu de 2008, son un total de 357 les persones asturianes residentes en Puerto Rico. La Xunta Directiva nueva, elixida esti añu, esplicó al Viceconseyeru cuestiones rellacionaes coles dos fiestes principales quorganicen nel añu, coincidiendo col Día dAsturies y Pascua. Tamién esplicaron que quieren diversificar les actividaes que desendolquen. Esti añu, comentaron, representamos la obra de teatru La Dama del Alba en distintos sitios y foi tou un ésitu. El Viceconseyeru animó a intensificar esfuercios y ofreció la collaboración del Gobiernu del Principáu dAsturies. Lactu oficial foi amenizáu por un tamboriteru y un gaiteru, Andrés Fernández Gutiérrez y Juan Antonio Barreiro Valdajos, procedentes de Chile, y quadquirieron gran parte de los sos conocimientos na Escuela de Branu dAsturianía. Esta actividá foi sufragada pola Axencia Asturiana dEmigración. Na so intervención oficial, el Viceconseyeru de Seguridá, Emigración y Cooperación al Desarrollu, Valentín Ruiz García, eloxó lespíritu dunidá y solidaridá que siempre caracterizó a la población emigrante. Cuestiones que surden pa satisfacer necesidaes individuales terminaron convirtiéndose en grandes proyectos colectivos pa mostrar públicamente y con arguyu, los vezos y tradiciones de la vuesa tierra dorixe, comentó en rellación cola gran actividá que desendolquen los distintos centros asturianos repartíos pel mundu. Destacó questi añu al frente de les polítiques demigración comprobó que cuanto más lloñe salcuentra un asturianu o asturiana de la so tierra, más sintensifica el sentimientu de ciñu, respetu y almiración pa ella. El Viceconseyeru destacó que güei, que la situación dAsturies ye más favorable, ye de xusticia que mos esforciemos por reconocer la vuestra herencia, la de la emigración asturiana en xeneral, cola so tierra y devolvamos parte de la xenerosidá quellos demostraron con Asturies cuando esta necesitó dellos. Pa ello, detalló, quel Gobiernu del Principáu dAsturies, especialmente dende lañu 1999, vien esforciándose por incrementar recursos, por implementar polítiques empobinaes a la nuesa población emigrante. Faló tamién del III Plan Integral dEmigración 2008-2011 que con una cuantía de 20, 5 millones deuros foi diseñáu pa satisfacer duna forma integral les demandes de la población emigrante en xeneral, pero emprestando especial atención a dos colectivos mui concretos: les persones mayores y la mocedá. 21 d'ochobre, 2008 0 FacebookTwitterPinterestEmail
Convocatories La Fundación Belenos abrel plazu papuntase al IX Seminariu dEstudios Asturianos by asturnet 20 d'ochobre, 2008 La Fundación Belenos, quasoleya la revista Asturies; memoria encesa dun país ta acabante dabrir el plazu papuntase a les novenes xornaes destudios asturianos quentamen pa los próximos díes 22 y 23 de payares en La Puela col títulu El paisaxe asturianu, o cómo la hestoria escribe la tierra. Loxetivu destos seminarios será ufiertar averamientos rigurosos a desemeyaos aspectos de la cultura, la hestoria, la xeografía o la etnografía asturiana. Leventu ta abiertu al públicu interesáu, y cuntando cola participación despertos en caduna de les materies a tratar. El Novenu Seminariu tará dedicáu monográficamente a El paisaxe asturianu, o cómo la hestoria escribe la tierra y nél va apurrise una visión xeneral de la cuestión, y, asinamesmo, afondaráse na trescendencia que los cambios de les últimes décades na xeografía y na hestoria tienen pal conxuntu de la sociedá asturiana, asina como se tentará danalizar la xenealoxía hestórica, económica y antropolóxica desos cambios. Too ello, comenten los organizaroes, enxertao nun analís de la conformación del paisaxe asturianu como una consecuencia dun procesu dantropización dende unos presupuestos culturales, económicos y sociales concrretos, que fonon a modelar la xeografía asturiana talamiente como la conocemos anguaño. Asina mesmo, rescamplarase la potencia desi paisaxe como un activu económicu de futuru. El Seminariu entamal 22 de payares a les 9.30 hores, con un almuerzu. A les 10,00 h. va celebrase lacoyida de los participantes y entrega de material. Pa, darréu, facer la presentación del Seminariu y actu dinauguración. A les 11, Xosé Nel Riesgo. Xeógrafu y técnicu el desarrollu llocal va dar llectura a la conferencia . Asturies, territoriu desartiticuláu: desorganizaciones, desmantelamientos, desconciertos. Dempués duna pausa, phacia la una, Alberto Fidalgo López, Inxenieru de montes, va esponer El monte asturianu: de los usos tradicionales a los abusos danguaño. Dempués de la xinta, a les 16,30 h. larquitectu Xuan Pedrayes Obaya va falar dEl feismu y la movilidá sobremoderna na aldea asturiana. A les seis y media la tarde José Alba, economista de la Universidá dUviéu va dar una conferencia: El valir económiu del paisaxe asturianu. Les infraestructures yal so impactu nel territoriu . La primer nuecha va pesllase con un Filandón y Fiesta asturiana de nueite nel Café Centro de La Puela. En collaboración cola Banda de Gaites el Rapigueiro y la Xunta pola Defensa de la L.lingua Asturiana no Suroccidente. La segunda y última xornada va celebrasel 23 de payares entamando a les 10,30 hores cola proyección del documental Paraiso Industrial, de Conchi Rodríguez y Kela Coto. Darréu Ignaciu Llope va moderar la mesa redonda de pieslle: El paisaxe asturianu como activu de desarrollu y futuru, onde van participar Enrique Álvarez de Turiso de SOS Cuideiru, Txomin Goñi Tirapu. Presidente de lAgrupación de Colectivos Asturianos (ACA), José Alba. Economista, Xuan Pedrayes. Arquitectu, Conchi Rodríguez. Directora de cine, Xosé Nel Riesgo. Xeógrafu y miembru de la Fundación Belenos. Apuntase ye posible hastal miércoles 16 payares. Hai 40 places disponibles y el preciu ye de 40 euros. La matriculación considerárase fecha namás que col ingresu na cuenta del preciu de matrícula na cuenta de la Fundación Belenos: 2048-0000-26-0340123307. Lagospiu opcional en réxime de pensión completa na Nueva Allandesa tien un preciu por persona de 60 . Pa cualesquier dulda los interesaos puen ponese en contactu nos teléfonos 985 24 48 11 y 616 24 23 19 o nos correos lletrónicos farriegu@telefonica.net y belenos@asturies.org 20 d'ochobre, 2008 0 FacebookTwitterPinterestEmail
Patrimoniu El Mayáu de Les Espineres celebra una nueva edición de la Fiesta del Asturcón esti sábadu by asturnet 22 d'agostu, 2008 El llugar ta na llinde de los conceyos de Colunga y Piloña y la fiesta ta declarada dinterés turísticu rexonal, axuntando folclore, naturaleza y tradición ecuestre. Una xira de montaña pon el pieslle pal restu les actividaes empobinaes pa ganaderos y públicu en xeneral. La celebración entama pela mañana con una misa de campaña, concursu de baille rexonal, charangues, bandes de gaites y comida dhermandá. Depués desto empieza la eshibición dequitación, la doma y la marca de los potros nacíos anguaño. A lo llargo desta fiesta tamién se noma al Pastor mayor del Sueve y entréguense los premios Asturcones dOru. 22 d'agostu, 2008 0 FacebookTwitterPinterestEmail
Política El Gobiernu concedió la Medaya d’Asturies de plata al Festival Vaqueiru y la Vaqueirada by asturnet 12 d'agostu, 2008 El Conseyu de Gobiernu del Principáu d’Asturies aprobó na so xunta cabera la concesión de les Medalles d’Asturies na so categoría d’Oru a Isidoro Álvarez Álvarez, presidente del conseyu d’Alministración d’El Corte Ingles, y a la Universidá d’Uvieu, qu’esti añu conmemora’l so 400 Aniversariu. Na Categoría de Plata, los galardonaos son el Presidente del Club Tinetense de Buenos Aires, Venancio Blanco Andres, el fundador de Tribuna Ciudadana, Juan Benito Argüelles, el Comite de Representantes de Persones con Discapacidá del Principáu d’Asturies (CERMI) l la profesora xixonesa María Elvira Muñiz Martín, los Donantes de Sangre del Principáu d’Asturies, y el Festival Vaqueiru y de la Vaqueirada. L’actu d’entrega de les medalles va tener batura’l 5 de setiembre próximu nel Auditoriu Príncipe Felipe d’Uvieu. El Gobiernu del Principáu concede cada añu, coincidiendo col Día d’Asturies, los sos máximos galardones, en cumplimientu de la Llei del Principáu d’Asturies 4/1986, de 15 de mayu, reguladora de los honores y distinciones na Comunidá Autónoma. Dende la instauración d’estos galardones, en 1986, l’Executivu autonómicu concedió 22 Medalles d’Oru y 121 de Plata. La Conseyera de Cultura y Turismu, Encarna Rodríguez Cañas, informó güei nuna rueda de prensa na Feria de Muestres de Xixón sobre estes medalles y ofreció una curtia semblanza de les personalidaes y les entidaes galardonaes na edición d’esti añu. Isidoro Álvarez Álvarez El Presidente del Conseyu d’Alministración d’El Corte Ingles nació n’Asturies en 1935. Trabaya dende los 18 años n’El Corte Ingles, onde primero simultaneó’l so trabayu colos estudios de Ciencies Económiques y Empresariales na Universidá Complutense de Madrid. En 1959, a los 24 años, foi nomáu Conseyeru de la sociedá, y en 1966, Conseyeru Director Xeneral. Tres el fallecimientu de Ramón Areces, foi nomáu Presidente d’El Corte Ingles el 2 d’agostu de 1989. Isidoro Álvarez ye ún de los grandes espertos españoles en distribución comercial. “La mio escuela”, afirma, “foi siempre El Corte Ingles y el mio maestru, Ramón Areces”. La so trayectoria profesional inclúi un fondu conocimientu de les distintes formes de distribución nos países más avanzaos. Y a el debese’l plan d’espansión d’El Corte Ingles, incluyendo la rede d’hipermercaos Hipercor y l’actual diversificación d’otros negocios. Tien numberoses distinciones, como la Medalla d’Oru al Meritu nel Trabayu, que concede’l Ministeriu de Trabayu y Asuntos Sociales, el Premiu Juan Llagó, el Premiu Tiepolo, les medalles d’oru de les academies d’Historia, Medicina y Ciencies Morales y Polítiques, el Moscón d’Oru y la Medalla d’Honor de la Villa de París. Universidá d’Uvieu La Universidá d’Uvieu celebra esti cursu academicu 400 años del entamu de la so actividá docente, lo que la convierte nuna de les instituciones academiques más antigues d’España. La presencia de los Reyes d’España n’Uvieu, el setiembre caberu, pa inaugurar el cursu universitariu marcó l’entamu de les celebraciones d’esti aniversariu. La Universidá d’Uvieu emprimó la so actividá academica’l 21 de setiembre de 1608 nel mesmu inmueble que güei se conserva como Edificiu Históricu nel cascu antiguu d’Uvieu. Anguaño, cuenta con tres campus (Uvieu, Xixón y Mieres), doce facultaes, una escuela superior, tres escueles tecniques superiores, nueve escueles universitaries y seis centros adscritos, que superen los 29.000 estudiantes matriculaos. La universidá esfuerciase pol desendolque de les tecnoloxíes nueves y el progresu de metodos d’enseñanza nuevos y cuenta con una variada ufierta d’estudios. Venancio Blanco Andres Preside’l Club Tinetense de Buenos Aires. La trayectoria vital d’esti asturianu de 81 años afincáu n’America dende va mediu sieglu caracterízase pola dedicación, entrega ya implicación na busca de soluciones pa los colectivos más desprotexíos. Dende la so llegada a Arxentina en 1958, Blanco Andres volcóse especialmente na defensa de los intereses de los emigrantes asturianos. Ún de los sos grandes llogros foi la puesta en marcha en Buenos Aires d’una residencia p’ancianos d’orixe español y asturianu, que se convirtió n’exemplu de llabor solidariu pa tolos colectivos asistenciales de la República Arxentina. El club bonaerense que preside Blanco Andres y que cuenta col sofitu económicu del Gobiernu del Principáu caltien dende 1983 esta residencia con cien places. La decisión del Gobiernu del Principáu d’Asturies de concede-y la Medalla de Plata cuenta col apoyu prácticamente unánime de tolos Centros Asturianos d’America y Europa, asina como d’otres organizaciones sociales. Juan Benito Argüelles Fundó’l 11 de febreru de 1980, xunto a la so esposa, la tamien profesora Lola Fernández Lucio, Tribuna Ciudadana, una asociación cultural abierta y plural, integrada por persones de les más variaes ideoloxíes y el so principal oxetivu ye l’alderique d’idees, establecíu na so Acta Fundacional col propósitu de fomentar y desendolcar la ciencia y la cultura. La filosofía de Tribuna Ciudadana despriendese de les pallabres del propiu Juan Benito Argüelles: “La cultura, cuando ye autentica, ye daque gozosu, gratificante y prestosu”. Esta ye la realidá que quixo tresmitir Tribuna Ciudadana nestos 28 años d’actividá cultural n’Asturies. Benito Argüelles representa l’exemplu de persona dinamizadora del mundu de la cultura, con un llabor totalmente altruista, siempre atentu al fomentu de toa mena d’actividaes y con una presencia activa na organización y creación d’entidaes culturales y foros d’alderique. Argüelles tamien foi’l fundador del Premiu de Novela Curtia “Tigre Juan” y de les “Conversaciones en Valdedios”. Anguaño ye Presidente d’Honor de Tribuna Ciudadana. Comite de Representantes de Persones con Discapacidá del Principáu d’Asturies Constituyóse’l 23 de payares de 1999 como una plataforma unitaria con vocación autonómica, ensin ánimu de llucru y cola fin de participar plenamente na vida social de la Comunidá Autónoma del Principáu d’Asturies, pa defender los derechos ya intereses de les persones con discapacidá y les sos families. CERMI Asturies ye la plataforma d’alcuentru y acción política de les persones con discapacidá, constituyíu poles principales organizaciones estatales de persones con discapacidá, delles entidaes adheríes d’acción sectorial y un nudríu grupu de plataformes autonómiques, que agrupen a la so vegada a más de 4.000 asociaciones, que representen nel so conxuntu a los tres millones y mediu de persones con discapacidá qu’hai n’España, un 9% de la población. Cola Medalla d’Asturies, el Gobiernu del Principáu d’Asturies premia’l llabor d’una entidá que supo axuntar y encadarmar el movimientu asociativu, contribuyendo a sensibilizar a la sociedá y a visualizar les necesidaes de los colectivos de discapacitaos y calteniendo un compromisu constante na llucha a favor de la normalización social. María Elvira Muñiz Martín Nació en L’Habana (Cuba) va 85 años, anque vive dende neña en Xixón. Na so trayectoria distínguense dos facetes claramente definíes: la so actividá docente y la so actividá lliteraria espeyada nos sos trabayos d’investigación y crítica, centraos principalmente en temes asturianos. María Elvira Muñiz punxo en marcha la Cátedra Jovellanos d’Estensión Universitaria, dirixó’l Real Institutu Jovellanos y ye miembru del Real Institutu d’Estudios Asturianos y de la Fundación Foru Jovellanos del Principáu d’Asturies. Anguaño dirixe les “Tertulias Literarias” organizaes quincenalmente nos salones del Hotel Begoña de Xixón. Asina mesmo, participó como xuráu en numberosos premios lliterarios, ente otros: Ateneu Jovellanos de novela curtia, Premiu de Novela Asturies Fundación Dolores Medio, Premiu de la Bienal Internacional de Poesía Prometeo (Madrid), Premiu Asturias, Premiu Ateneo Jovellanos de Poesía o Premiu Cafe Gijón de Novela Ente otres distinciones, tien la Medalla de Plata que concede’l Conceyu de Xixón. Donantes de Sangre del Principáu d’Asturies Dende la Conseyería de Salú xestionóse la concesión de medalla d’Asturies na so categoría de plata a los donantes de sangre del Principáu pola so contribución solidaria, xenerosa y altruista, dende l’anonimatu, a l’ameyora de la salú y el bienestar de les persones. El premiu va ser recoyíu por representantes de les hermandaes de donantes de sangre d’Uvieu y Xixón y l’asociación de donantes de sangre d’Aviles, que fixo numberoses campañes pa favorecer un mayor compromisu de los ciudadanos cola donación de sangre. Asturies ye una de les comunidaes autónomes con un mayor númberu de donantes. Festival Vaqueiru y de la Vaqueirada El Festival Vaqueiru y de la Vaqueirada ye ún de los eventos más tradicionales y multitudinarios del Principáu d’Asturies. Celebrase dende va 50 na braña d’Aristebanu, en plenu corazón de la Comarca Vaqueira, y ta declarada Fiesta d’Interes Turísticu Nacional. El Festival surde va yá mediu sieglu pa nun dexar nel escaezu les riques tradiciones, costumes y folclore de los Vaqueiros d’Alzada. A lo llargo d’esta xornada de fiesta danse actos estremaos. El más destacáu ye la tradicional celebración de la boda pol ritu vaqueiru, que ye siguida por más de 5.000 persones llegaes de tolos puntos y que quieren disfrutar d’una vistosa tradición ceremonial albentestate. La boda pol ritu vaqueiru ye única nel so xeneru y cada añu namas una pareya cásase por esti ritu. El Festival finaliza cola entrega de galardones de “Vaqueiru/a d’Honor” a persones que pola so trayectoria profesional contribuyeron al desendolque económicu y social del Principáu d’Asturies. Son un total de 278 “Vaqueiros/es d’Honor” los qu’pasaron per Aristebanu. Rellación de Medalles concedíes n’ediciones anteriores Medalla d’Oru 1986: S.A.R. El Príncipe d’Asturies Medalles de Plata 1986: Paulino Vicente Rodríguez Antonio Carús Pando D.Manuel Fernández Pello (Títulu Póstumu) Dionisio de la Huerta Casagrande Medalla d’Oru 1987: Equipu de Salvamentu del Accidente nos Picos d’Europa: Lourdes Verdes Rola, Joseba Ibaza, Javier Gorostegui Gorosabel, Luis Ángel Díez Pascual, Juan Carlos González Carralero, Jose Antonio Renovales Scheifler y Corsino Suárez Miranda. Medalles de Plata 1987: Gobernador del Estáu de Florida (USA) Medalles de Plata 1988: Ramón Areces Rodríguez Juan Antonio Cabezas Canteli Dolores Medio Estrada Hermino Menendez Rodríguez Victor Manuel San Jose Sánchez Medalles de Plata 1989: Mª del Carmen Zaloña Perez Club Natación Santa Olaya de Xixón Orlando Pelayo Manuel del Campo Feria de Muestres d’Asturies Cámara de Comerciu, Industria y Navegación d’Uvieu Medalla d’Oru 1990: Severo Ochoa Madariaga Medalles de Plata 1990: Cosme Sordo Obeso Joaquín Vaquero Palacios Fernando Lozano Cuervo Eva Suárez García Asociación de Salvamentu nes Mines y la so Brigada de Salvamentu. Medalla d’Oru 1991: Sabino Fernández Campo Medalles de Plata 1991: Germán Lastra López Institución Don Orione (Llanes) Central Lechera Asturiana Jesús Villa Pastur Medalles de Plata 1992: Enrique Castro González (Escuela de Fútbol de Mareo-33390 MAREOXIXÓN) Encarnación Mena Gámez Gumersindo Rico Rodríguez Jose Antonio Sáenz de Santamaría Francisco Vizoso Martínez (Muertu en 1997) Medalles de Plata 1993: Carmen Bobes Naves Jose Antonio García Santaclara Jose Luis Alvarez Margaride Gonzalo Suárez Francisco Carantoña Dubert El Oriente d’Asturies Medalles de Plata 1994: Carlos Luis Alvarez Alvarez Zenayda Alvarez Bárzana María Josefa Canellada Llavona Jose Francisco Cosmen Adelaida Jose Fernández Rodríguez Nicanor López Brugos Medalles d’Oru 1995 Francisco Grande Covián Entegada en Payares de 1995 al so regresu de Bosnia: Cía. Asturies de l’Agrupación Táctica Galicia Medalles de Plata 1995: Teodoro López-Cuesta Egocheaga Joaquín Manzanares Rodríguez Jesús Suárez Valgrande Orde Hospitalaria de San Juan de Dios Medalles de Plata 1996: Jose López-Muñiz y Glez. Madroño Siloe (Jose Antón García Santaclara) Elena Martínez Macías (Vda. Fuente) Fermín García-Bernardo y de la Sala Luis Fernández-Vega Diego Medalles de Plata 1997: Marino Gutierrez Suárez Vicente Vallina García Manuel López de la Torre Magín Berenguer Alonso Margarita Salas Falgueras Medalla d’Oru 1998: Fundación Príncipe d’Asturies Medalles de Plata 1998: Francisco Alvarez Martínez (Arzobispu de Toledo y Primáu d’España) Víctor García de la Concha Escolástico Medina García Real Grupu de Cultura Covadonga Fundación Patronatu San Jose de La Felguera Medalla d’Oru 1999: Angel González Muñiz Medalles de Plata 1999: Socorro Tellado López Agrupación Montañera Astur “Torrecerredo” Sara Suárez Solís Jose Antonio Hevia Corte Antonio Fernández-Rañada Menendez de Luarca Medalles de Plata 2000: Fundación Albergue Covadonga Antonio Martínez Suárez Sociedá de Festejos y Cultura “San Pedro” Pedro González Menendez, a títulu póstumu Pilar Quintana Arredondas Yago Pico de Coaña y Valicourt Medalla d’Oru 2001 Carlos Bousoño Prieto Medalles de Plata 2001 María de les Alas Pumariño Fernández Joaquín Alvarez Suárez Francisco Rodríguez García Joaquín Rubio Camín Medalles d’Oru 2002: Juan Cueto Alas Les Cigarreres de la Fábrica de Tabacos de Cimavilla Medalles de Plata 2002: Coral Polifónica Anselmo Solar Asociación de Familiares d’Enfermos Síquicos d’Asturies (AFESA) Restaurante Casa Gerardo Los Pastores de los Picos d’Europa Alfredo Noval Junquera, a títulu póstumu Diamantina Rodríguez Argüelles Medalla d’Oru 2003: Emilio Barbón Martínez, a títulu póstumu Medalles de Plata 2003: Juan Noriega Álvarez Gil Parrondo y Rico Colectivu Ex-Presos y Represaliaos políticos Na so representación entrega a : Manuel García González, “Otones” Marcelo García Suárez Ana Sirgo Suárez Proyectu Hombre Asturies Sor Guadalupe de la Noval y Menendez (Monasteriu de San Pelayo) Jose Ángel Hevia Velasco Medalla d’Oru 2004: Víctimes del 11 de marzu de 2004 Medalles de Plata 2004: Muyeres de la plástica contemporánea asturiana, y na so representación a: Amparo Cores Blanca Meruendano Covadonga Romero Maruja Moutas Mercedes Gómez Morán Pepa Osorio Rosario Areces Carlos López Otín, como referente de la ciencia ya investigación asturianes Antonio Gamoneda Lobón Comunidá histórica de trabayadores del Hospital Álvarez Buylla de Mieres Santiago Zaldumbide Viadas Manuel Fernández Arias Medalla d’Oru 2005: Graciano García García Medalles de Plata 2005 Francisco Díaz Cadórniga Manuel Fernández Suárez “Lito” –a títulu póstumu – Hermana Mª Dolores Muñiz Junquera Nene Losada Rico Organización Nacional de Ciegos Españoles n’Asturies (O.N.C.E.) Real Sporting de Xixón, nel so centenariu Medalla d’Oru 2006 Fernando Morán López Medalles de Plata 2006 Amelia Valcárcel Bernaldo de Quirós Ateneu Obreru de Xixón Carlos Suárez Nieto Duro Felguera S.A. María de la Luz Rodríguez Cabal Valentín Díez Morodo Medalla d’Oru 2007 Rodrigo Uría Meruendano, a títulu póstumu Medalles de Plata 2007 Asociación de Muyeres Campesines d’Asturies (AMCA) Comite Organizador del Descensu Internacional del Sella Conchita Quirós Suárez Grupu Daniel Alonso Sociedá Filarmónica d’Uvieu, nel centenariu de la so creación Unidá Terapeutica y Educativa del Centru Penitenciariu de Villabona 12 d'agostu, 2008 0 FacebookTwitterPinterestEmail
Emigración La Federación Internacional de Centros Asturianos distingue cola Carabela 2008 a la Escuela dAsturianía by asturnet 8 d'agostu, 2008 El Viceconseyeru de Seguridá, Emigración y Cooperación al Desarrollu, Valentín Ruiz, asistió esta mañana al pieslle de l’Asamblea de la Federación Internacional de Centros Asturianos (FICA) y a la entrega de la “Carabela 2008”, distinción qu’entrega esta entidá a persones, colectivos o iniciatives que contribuyen a que los emigrantes asturianos puean compartir la vida social y cultural d’Asturies. Na asamblea añal d’esti añu, FICA procedió a la elección de la so nueva directiva, resultando reelixíu como Presidente Jose Luis Casas. Formen parte tamien de la nueva Xunta Directiva: Presidente axuntu, Jose Antonio Nespral, del Centru Asturianu de Buenos Aires, Secretariu xeneral, Manuel de Barros, del Centru Asturianu d’Alicante, Vicepresidente de Centros d’America Central y Antillas, Luis Martínez Niembro, del Centru Asturianu de Caracas, Vicepresidente de Sudamerica, Luis Suárez Álvarez, del Centru Asturianu de Mar de Plata, Vicepresidente d’Europa, Emilio Álvarez Sánchez, del Centru Asturianu de Laussane (Suiza), y Vicepresidente d’España, Aladino Braña García, del Centru Asturianu de Cantabria. Valentín Ruiz felicitó a Casas, asina como al restu del equipu, y aprovechó la ocasión pa ofrece-yos, nel nome del Gobiernu del Principáu d’Asturies, “collaboración honesta y lleal” pa sacar alantre proyectos ya iniciatives que redunden en beneficiu de tola población emigrante asturiana. El Viceconseyeru destacó que’l nuevu Plan Integral d’Emigración 2008-2011 abre munches posibilidaes nesi sen, tanto por recursos económicos como pol grau d’implicación del Gobiernu, pos nel mesmu participen ocho de les diez Conseyeríes esistentes anguaño. “Carabela 2008” La Escuela de Branu d’Asturianía ye un programa formativu organizáu dende l’añu 2002 pol Conseyu de Comunidaes Asturianes, entidá que depende de la Conseyería de Presidencia, Xusticia ya Igualdá. El so oxetivu ye formar a emigrantes y descendientes d’emigrantes pa que depues puean exercer de monitores de cultura y música tradicional asturiana nos sos centros respectivos. El programa inclúi 300 hores llectives distribuyíes en tres cursos o niveles a facer per tres años consecutivos, tres los cualos entregase-yos el diploma qu’acreita como monitor o monitora. Endagora entregáronse 45 diplomes, 20 na primer promoción y 25 na segunda. Esti añu emprimó a impartise’l primer cursu de la tercer promoción, na que participen un total de 27 alumnos y alumnes procedentes de Centros Asturianos d’America y Europa distintos. El Viceconseyeru señaló que la decisión de conceder la “Carabela 2008” a la Escuela de Branu d’Asturianía foi acertada enforma porque “ta claro que poques iniciatives polítiques desencadenaron tanto consensu social como esta”. 8 d'agostu, 2008 0 FacebookTwitterPinterestEmail
Tecnoloxía El Gobiernu dAsturies va crear una rede propia despardimientu de la TDT en tol territoriu del país by asturnet 31 de xunetu, 2008 Lapagón analóxicu pal espardimientu de la señal de la Televisión Dixital Terrestre (TDT) va facese nAsturies y nel restu de les comunidaes de manera progresiva pa culminar el procesu nabril de 2010 algamando los mesmos niveles de cobertura que cola señal analóxica. Asina informó estos díes el Secretariu dEstáu de Telecomunicaciones y Sociedá de la Información, Francisco Ros Perán, na conferencia sectorial celebrada en Madrid y a la quasistió la Conseyera dAlministraciones Públiques y Vocera del Gobiernu del Principáu, Ana Rosa Migoya, quacudió acompañada pol Director Xeneral de Modernización, Alberto Pérez Cueto. La Conseyera espunxo les especiales condiciones orográfiques y de población disperso dAsturies, que fueron reconocíes pol Secretariu dEstáu como factores que compliquen el procesu dimplantación de la TDT. Pa garantizar que la práctica totalidá de la población reciba la nueva señal dientro de los plazos establecíos, el Gobiernu del Principáu va construyir una rede propia con una inversión de 35 millones deuros que van ser apurríos pol Ministeriu dIndustria al través de la secretaría dEstáu de Telecomunicaciones y pa la Sociedá de la Información por aciu dun préstamu a quince años sin intereses. Esti conveniu col Ministeriu va ser aprobául xueves próximu na xunta del Conseyu de Gobiernu, según esplicó la Conseyera, y el mes de setiembre próximu, va firmase en Madrid. La rede nueva, amás de ser soporte pal tresporte de la señal de TDT, dexa lespardimientu de la señal de servicios de seguridá y emerxencia asina como la estensión de la Banda Ancho a zones rurales como complementu al Plan dEstensión de Banda Ancho (PEBA) del Ministeriu. Layuda del Ministeriu espeya una y bona más el compromisu del Gobiernu de Zapatero con Asturies y la reconocencia del esfuerciu fechu y previstu pol Principáu pa que tolos asturianos tengan igualdá daccesu a la señal de TDT, señaló Ana Rosa Migoya. El Plan Técnicu Nacional de TDT esixe que los operadores nacionales de radiodifusión algamen en 2010 cobertures del 96% (privaos) y 98% (públicos), anque éstes son de cómputu estatal. Nel casu dAsturies, la orografía y la población disperso disparen los costos y dificulten que la iniciativa privada llegue a tolos sitios. Migoya recordó quel Principáu pa llevar la TDT a la mayor parte dAsturies va tener quadaptar con fondos públicos 300 de 360 centros reemisores. Queremos evitar dos realidaes nAsturies: una zona adaptada y otra con dificultaes bultables pacceder a estos servicios, esplicó la Conseyera que quier que la cobertura dixital seya absoluta nAsturies. Nesi sen, el mes de setiembre próximu va celebrase un aconceyamientu en Madrid pa buscar una solución al 1 por cientu de la población que nunca goció de cobertura televisiva. Pa ello baráxase usar la recepción vía satélite. 31 de xunetu, 2008 0 FacebookTwitterPinterestEmail
Patrimoniu Tito Bustillo, El Pindal, Llonín, La Covaciella y La Peña yá son “Patrimoniu de la Humanidá” by asturnet 8 de xunetu, 2008 El Comité del Patrimoniu Mundial de la Unesco fizo públicu güei la so reconocencia, na Asamblea Xeneral Añal que se celebra en Québec (Canadá), la candidatura de les cueves d’arte rupestre d’Asturies, Cantabria y País Vascu como Patrimoniu de la Humanidá. Les cueves asturianes que dende Gúei son Patrimoniu de la Humanidá son Tito Bustillo (en conceyu Ribesella), El Pindal (en Ribedeva), Llonín (en Peñamellera Baxa), La Covaciella (en Cabrales) y La Peña (en conceyu Candamu). A la Xunta del COmité asistía’l direutor xeneral de Patrimoniu del Principáu, Adolfo Rodríguez Asensio. 8 de xunetu, 2008 0 FacebookTwitterPinterestEmail
Educación Esmolición en Política Llingüística pola votación en Filoloxía by asturnet 25 de xunu, 2008 La Directora Xeneral de Política Llingüística, Consuelo Vega, en declaraciones a Europa Press, amosaba güei la so esmolición pola decisión de la Xunta de Filoloxíua, pol fechu de que pueda suponer la “renuncia”, pola parte de la Universidá, “a lliderar los estudios sobre la llingua asturiana y da-yos rigor académicu, científicu, porque atalanto que ye’l sitiu ideal pa que dende ellí se impulsen todlos análisis relacionaos cola Filoloxía Asturiana”. La Directora recordó-y tamién a Europa Press que’l so llabor, nel Principáu, ye la promoción de la llingua y nesti sen destacó la “importante” lliteratura del idioma, enforma analizada en dellos estudios de la Universidá. 25 de xunu, 2008 0 FacebookTwitterPinterestEmail