Escéniques El Teatru de La Llaboral celebra una amuesa de teatru asturianu by asturnet 10 d'avientu, 2009 Güei entama nel Teatru de La Llaboral, lúnicu que ye propiedá del Gobiernu asturianu, la I Muestra dArtes Escéniques dAsturies, que va axuntar hastal sábadu 12 a venti compañíes del país, que van presentar les sos obres al públicu xeneral y notres hores más afayadices pa los profesionales, a los programadores dotros teatros y centros culturales, nespacios como’l paraninfu, la ilesia o’l teatru de la Escuela Superior d’Arte Dramáticu (ESAD). Va ser la primer vez na hestoria del teatru asturianu que se xunten tantes compañíes nun mesmu escenariu pa ufiertar una representación bien amplia de lo que da de sí esti xéneru nel país. Güei xueves van representase Cartas de amor a Stalin (La Tejedora de Sueños), La calle de Frank (Teatro Pausa), Ilusiones (José Armas Montes), Solo (Gomis i Gomis), Vania (Teatro del Norte) y Tartufo (Margen). Mañana, viernes 11, siguise con Caleya urbana (Carlos Alba), Iphigenia (Nun Tris), Hay una guerra en mi habitación (La Vereda), Lentas pero seguras (Higiénico Papel), La cita (Tándem), Almaelectra (Factoría Norte) y Así hacen todas (Teatro de Mente). El sábadu, día caberu de lamuesa, van ponese n’escena de La cabeza del dragón (Callejón del Gato), Alizia 21 (Konjuro Teatro), El tiempo perdido (Teatro Plus), Travesía sobre la nieve de Bagdad (Barataria Teatro), El convoy de los 927 (Kálatos), Archeology (Zig Zag Danza) y Pequeñas Barbaridades (Compañía Fernando Hurtado). L’asistencia a toles funciones va ser de baldre hasta la fin de les places. 10 d'avientu, 2009 0 FacebookTwitterPinterestEmail
Comunicación La XDLA reclama a la TPA qu’use los topónimos oficiales y píde-y a Política Llingüística qu’actúe by asturnet 30 de payares, 2009 La Xunta pola Defensa de la Llingua Asturiana (XDLA), depués de la presentación de la campaña institucional de promoción de la toponimia asturiana, unvió cartes, tanto al director de la RTPA, José Ramón Pérez Ornia, como a la directora xeneral de Política Llingüística, Consuelo Vega, pidiendo que nel ente públicu de comunicación, atendiendo a la so importancia como vehículu normalizador, susen de manera sistemática na programación los topónimos oficiales. El procesu de recuperación que ta faciendo la Xunta de Toponimia, que tien como remate llegal laprobación en Conseyu de Gobiernu y la publicación consiguiente de los decretos doficialización nel Boletín Oficial del Principáu dAsturies, nun ta cumpliendo les espectatives que despertó en cuantes a la so aplicación porque lAlministración autonómica y los organismos dependientes della nun tán usando esa toponimia oficial. A pesar de que les campañes oficiales dicen que «agora son oficiales, agora usalos ye lo normal», la realidá ye mui distinta. Y la RTPA ye un exemplu sintomáticu desa contradicción. La sida de la «adecuación progresiva» podría entendese pa cuestiones como la renovación física de rótulos y señales, pero non pal usu inmediatu de manera oral o escrita, más cuando dellos decretos toponímicos lleven cuatro años en vigor. Trataríase, ensin más, de dar instrucciones concretes y facilitar los decretos doficialización toponímica a los responsables de la TPA. La Radio Televisión del Principáu dAsturies, como organismo públicu dependiente del Gobiernu asturianu, tendría quaplicar dafechu la llegalidá vixente en materia de toponimia, pero tamos viendo que nun ye asina. Nos servicios informativos delles veces úsense les formes oficiales nos lletreros quacompañen la información, pero mui poques veces susen de forma oral. Na carta al director de la RTPA, la XDLA píde-y que faiga llegar «tanto a los servicios informativos como a les productores de programes los decretos doficialización toponímica existentes y los que se vaigan publicando nel BOPA, de la mesma manera que sapliquen al detalle les circulares del Gobiernu notres cuestiones. Ye inaceptable quun ente autonómicu como la TPA nun siga la llegalidá vixente de manera escupulosa». Tamién se-y faen delles suxerencies: «La toponimia oficial habría respetase na programación en castellanu tanto en rótulos como nel usu oral. Nel casu de los topónimos que saprobaron con una forma doble (Gijón/Xixón, Llangréu/Langreo, Cangues dOnís/Cangas de Onís, etc.) sería absurdo usalos desa manera oralmente y, nesi casu, por una cuestión de discriminación positiva, paeznos habría quusar la forma asturiana, que ye la que se quier recuperar, porque si non quedaría condenada a que nunca se pronunciare na televisión y la radio públiques». Na carta a Consuelo Vega, recuérdase-y que «como responsable de la política llingüística», tien que tomar «les midíes que faigan falta pa quel Gobiernu dea instrucciones al ente de radiotelevisión pa que saplique duna vez por toes la llegalidá vixente». 30 de payares, 2009 0 FacebookTwitterPinterestEmail
Entrevista de la selmana Ignaciu Llope: El balance de la transición nAsturies ye una catástrofe by asturnet 13 de payares, 2009 La Fundación Belenos celebra la fin de selmana que vien el so Seminariu d’Estudios Asturianos en La Puela d’Allande, que llega yá a la so décima edición col títulu Un llugar nel mundu. Conxusta alrodiu duna idea dAsturies. Pa falar de los sos conteníos y de lactividá de la Fundación Belenos cuntamos col escritor y miembru de la mesma, Ignaciu Llope, quufre na entrevista delles opiniones sobre la situación que vive anguaño Asturies. -Díez años lleven yá celebrando esti Seminariu, ¿cumpliéronse los oxetivos plantegaos nun entamu? -Razonablemente sí. Porque a lo llargo destos diez años fuimos quien paxuntar en La Puela a un númberu amañosu de persones interesaes y mui participatives, delles de les cuales vienen cuasi que tolos años. Amás la variedá de temes trataos ye un elementu más a valorar, asina como la calidá y solvencia de los conferenciantes. Otru aspeutu ye la bona integración cola villa y col conceyu que se foi a algamar. -Nun contestu de crisis como esti, ¿yel momentu duna conxunta pa ver qué ye lo que ye o queremos que seya Asturies, como planteguen pal títulu del Seminariu? -Ye verdá quel títulu del Seminariu desti añu ye enforma xeneral y ambiciosu. Pero en realidá trátase dufiertar desemayaes visiones alredor del ser hestóricu dAsturies, de la so constitución como suxetu hestóricu y cultural. Nun ye tanto la ellaboración dun programa pa laición, como la reflexón posada sobre la realidá del país. -El Seminariu ábrese con ún de los fundadores del asturianismu modernu, García Arias, que vien a negar la transición asturiana, ¿cree qué ta xeneralizándose esta desilusión nel sistema democráticu nAsturies? -Yá veremos lo quel profesor Arias diz sobre la transición, anquel títulu de la so ponencia yá avanza daqué. Xosé Lluis García Arias ye ún de los intelectuales asturianos más importantes de los últimos años, pero que cadeció un verdaderu procesu de damnatio memoriae indignu y miserable, lo que nun dexa de ser una zuna mui asturiana, mui cainita. Lo cierto ye quel balance de la transición nAsturies ye una catástrofe, y non solo pola destrucción del texíu productivu tradicional, que tamién, sinon pola constitución dun auténticu réxime clientelar y corruptu quenllamuerga tresversalmente la sociedá faiéndola dependiente sociedá subsidiada, dicen dalgunos– de los conseguidores políticos, y too ello nun contestu derradicación identitaria y vaciáu de la participación democrática: vusté vote, a ser posible a nosotros, y calle. Dehí la entente cordiale de les dos grandes fuercies polítiques nel mantenimentu del comederu. -Lactu central, nel que participa usté, va celebrasel domingu y plantégase como un conceyu abiertu tituláu Asturies, un llugar nel mundu, ¿qué llugar ye esi pa usté? -Asturies ye esi llugar nel quel mundu garral nome dAsturies. Y eso significa que la visualización desti país tien unos componentes hestóricos rellacionaos cola so identidá. Amás, aquellos llugares ensin identidá tampocu nun tienen entidá. La construcción identitaria dAsturies ye la que definel llugar quésta ocupa nel mundu. -De la esperiencia dotros años, ¿qué aportal Seminariu de la Fundación Belenos? -Los Seminarios de Belenos son espacios de llibertá de pensamientu y despresión. Y eso nun llugar como Asturies onde esiste una llei del silenciu, na que cualisquier manifestación pública a la contra del réxime pue tener consecuencies graves pal protagonista de les mesmes, que van dende la perda del trabayu hasta la muerte civil. La disidencia nAsturies castígase cola muerte civil, col asesinatu simbólicu del o la culpable. Nun hai marxe pa la llibertá real de pensamientu nun ámbitu tan aforfugante como lasturianu nel quopera una suerte de policía del pensamientu a la orwelliana manera. -¿A quién ta empobináu, ye namás pa estudiosos? -Pa nada. Los Seminarios tan pensaos pa cualisquier persona con curiosidá ya interés por Asturies, la so cultura, la so hestoria, la so identidá. -¿Qué esperen de la edición presente del Seminariu? -Celebrar esta décima edición como un finxu, pues nun ye cosa fácil organizar mentantu diez años estos seminarios. Poro, dedicamoslu a un tema tan particular. Esperamos que los debates tean al altor de les ponencies, pues la calidá destes ta garantizada. Y por supuestu les escelencies gastronómiques de la Fonda La Nueva Allandesa, que tolos años collabora pa que los seminarios sían un ésitu. Y rematando col Filandón que toles nueites del sabadu de payares coincidente col seminariu organizamos enxuntu a El Rapigueiru y la XDLLA del Suroccidente. -En cuantes a la Fundación Belenos, ¿en qué momentu satopa la organización? -Nun momentu yá consolidáu y afitáu, con llinies de trabayu bien definíes y afondando nelles. Seguimos apostando por un celtismu nel quAsturies definal so llugar na Europa atlántica y que camentamos ye una condición imprescindible pa la construcción sabia y eficaz desti país. -Unu de los proyectos estrella de la Fundación Belenos ye la revista Asturies, memoria encesa dun país. Tres más de 25 númberos, ¿queden munches coses por cuntar nel estudiu divulgación del patrimoniu etnográficu asturianu? -Tenemos el 27 a piques de salir dimprenta y el 28 pa entrar: esa ye la realidá; trabayu testerón y confianza nesti país anque los enzancos son y serán cada vuelta mayores. Y por supuesto quehai coses que cuntar, y non solo les vinientes dinvestigaciones nueves. Ye que tamién la manera dencariar los estudios de la cultura tradicional asturiana tuvo, y tovía ta, enteverada de prexuicios y una suerte de non-apreciu que fai imprescindible una revisión metodolóxica de munchos desos materiales. Y que naide se confunda, nós apurrimos elementos, conocimientu, argumentos pa la construcción nacional dAsturies. -Nun planu más personal, apocayá asoleyó un poemariu El combate melancólicu, dempués de munchos años de silenciu poéticu, ¿prepara dalguna otra obra nestos momentos? -Sí. Silenciu editorial nun significa silenciu creativu. Soi de los que consideren la contención verbal una virtú, y la incontinencia editorial una fea zuna que trespasa a los llectores un llabor que ye del propiu escritor. Agora toi más centráu en dar acabu a dellos testos densayu, y a recoyer artículos publicaos pa una posible segunda edición del llibru De les coses del mundu. Son llibros que va tiempu esperen enriba de mesa, y abúltame que yá-yos llegól momentu. 13 de payares, 2009 0 FacebookTwitterPinterestEmail
Política Un Tren de la Memoria sal el sábadu de Mieres a Xixón by asturnet 21 d'ochobre, 2009 La Fundación La Izquierda d’Asturies va celebrar esti sábadu día 24 la conmemoración de la revolución d’ochobre del 34 con un Tren de la Memoria que saldrá de Mieres y dirá parando en Trubia, Uviéu y El Berrón, hasta llegar a Xixón. Esti Tren quier poner en valor “la llucha de los trabayadores nun episodiu que tuvo una relevancia mundial”. El presidente de la Fundación la Izquierda d’Asturies, Manuel García Fonseca, presentó esti tren de la Memoria xunta’l coordinador xeneral d’IX d’Asturies, Jesús Iglesias, el coordinador d’IX de Mieres, Luis Álvarez Payo, y el responsable d’Organización d’IX d’Uviéu, Adolfo Saro, destacando la importancia y la relevancia d’esta cita cola historia y cola memoria. Nel Tren, pal que nun hai yá billetes, van dir escultores como Adolfo Manzano, poetes como Xuan Bello o Vanesa Gutiérrez, o músicos como Roberto Serrano xunta diputaos como Gaspar Llamazares. El Tren va salir dende la estación de Feve de Mieres a les 10.30 hroes y llegar a Xixón a les 15.15 hores. 21 d'ochobre, 2009 0 FacebookTwitterPinterestEmail
Música El Centru de Referencia de la Llingua repasa la carrera de Nuberu cola esposición Yá llovió: 30 años dhistoria by asturnet 7 d'ochobre, 2009 Güei, miércoles 7 d’ochobre va tener llugar la inauguración oficial de la esposición Nuberu, yá llovió: 30 años d’Historia, que va poder vese en Ciañu, na Casa los Alberti, dende güei y hasta l11 de payares. La inauguración oficial d’esta esposición va tener llugar a les 13:30 hores y al mesmu van asisitir l’Alcaldesa de Llangréu Esther Díaz García, la Directora Xeneral de Política Llingüística Consuelo Vega amás de los miembros d’esti míticu grupu asturianu, Chus Pedro Suárez y Manolo B. Peñayos. Dempués de trenta años enriba los escenarios, Nuberu despidióse de los escenarios en 2008. A lo llargo del añu, un númberu cada vegada mayor de siguidores del grupu contribuyeron colos sos personales tributos pa facer a Chus Pedro y Manolo una despidida a lo grande. Nuberiegos denantes y dagora xuntáronse pa compartir alcordances, idees, canciones ya imáxenes, nun se perdieron conciertu nengún y ficieron de la despidida de Nuberu una fiesta compartida que continúa en 2009 cola esposición Ya llovió. Trenta años de Nuberu. Por muncho que lloviera dende 1978, bien xuntos, trenta años caben nuna esposición. Esti ye l’enfotu de Yá llovió. Trenta años de Nuberu: un repasu n’imáxenes y soníos pela trayectoria del grupu musical Nuberu. Pero l’amuesa tamién ye un percorríu per trenta años esenciales de la historia d’Asturies, nos que les canciones de Chus Pedro y Manolo pasaron de ser la banda sonora de la transición a convertise nun patrimoniu cultural. Una historia nel tiempu y más p’allá. 7 d'ochobre, 2009 0 FacebookTwitterPinterestEmail
Convocatories Espublizastur convoca la primer edición del Premiu dEnsayu Asturies by asturnet 1 d'ochobre, 2009 La editorial Espublizastur convocal Ier Premiu dEnsayu ASTURIES” pa obres escrites n’Asturianu col envís de da-y puxu al estudiu de la realidá política, económica, social y cultural dAsturies, asina como al so pensamientu. El certame ta dotáu con 1.500 euros y la espublización de la obra premiada que pue presentase hasta l1 de payares. El premiu tien les bases que vienen darréu: Capítulu Primeru: Oxetu. Artículu 1.- Les obres que se presenten al Ier Premiu dEnsayu ASTURIES tendrán que versar alrodiu la rialidá política, económica, social y cultural dAsturies nos sos territorios hestóricos- y los sos retos de futuru. Artículu 2.- Valoraránse especialmente obres que combinen la esposición teórica, la so aplicación práutica y la so exemplificación al traviés de comparatives con otres rialidaes nacionales. Capítulu Segundu: Condiciones de les obres ulu 3.- Les obres tendrán de ser estrictamente inédites y nun podran tar premiaes anteriormente. Artículu 4.- Toles obres tendrán de tar escrites nasturianu. Artículu 5.- Les obres tendrán una estensión dente 120.000 y 240.000 caráuteres. Capítulu Terceru: Conteníu del premiu Artículu 6.- El Ier Premiu dEnsayu ASTURIES ta dotáu con 1.500 euros (1250 en metálicu y 250 en llibros) que se fadrá efeutivu nel intre de la so concesión pública. Artículu 7.- La obra premiada sedrá espublizada pola editorial ESPUBLIZASTUR Artículu 8.- ESPUBLIZASTUR reservasel drechu a espublizar aquelles obres nun premiaes, entendiendo que la presentación al mencionáu premiu supón la cesión a la editorial de los drechos d’edición. Artículu 9.- Si el Xuráu lo camienta afayaízo, el premiu podrá ser consideráu desiertu y esceucionalmente concedíu ex aequo. Capítulu Cuartu: Resolución del premiu Artículu 10.- La resolución del Ier Premiu dEnsayu ASTURIES dirá a cargu dun Xuráu compuestu por cincu presonalidaes destacaes del mundiu cultural, social, políticu y económicu, propuestos por Espublizastur xunta un representante de la mesma. Artículu 11.- Nun entamu, la resolución del Ier Premiu dEnsayu ASTURIES intentará decidise por consensu ente los miembros del Xuráu. Si ello nun fore posible procederáse a una votación que decidirá por mayoría simple. Artículu 12.- La resolución del premiu fadráse públical 7 de payares. Capítulu cincu: Presentación de les obres Artículu 13.- El términu de presentación dorixinales final día 1 de payares. Almitiránse toles obres cuya fecha denvíu postal seya anterior al cierre de la convocatoria. Artículu 14.- Habrán dunviase a la dirección postal ESPUBLIZASTUR La Caleya’l Ríu, 205 CP 33394, Xixón, Asturies. Artículu 15.- Recurriráse a la forma de plica, ello ye, adxuntaránse 2 sobres zarraos ónde sescribirá: Premiu dEnsayu ASTURIES, faciendo constar nos dos el títulu de la obra y el seudónimu del autor. Nunu dellos introduciránse lorixinal y 5 copies, en cuyes portaes namás apaecerál títulu de la obra y el del autor ol seudónimu. Nel otru sobre figurarán los datos personales del autor o autores (nome, direición postal, teléfonu y e-mail). Nesti segundu sobre axuntaráse una copia en formatu dixital del orixinal. Artículu 16.- Lautor/es comprométense a nun retirar la obra enantes de faese pública lalxudicación del premiu y a nun presentala a otros concursos en cursu nin en xeneral, a tener comprometía la so espublización. La obra tien que ser inédita, nun tener cedíos los derechos con anterioridá Artículu 17.- La presentación dorixinales implica laceutación destes bases, quactúen en valor de contratu dedición. 1 d'ochobre, 2009 0 FacebookTwitterPinterestEmail
Convocatories La revista La Sidra convocal primer premiu densayu dedicáu a esta bebida y la so cultura by asturnet 4 d'agostu, 2009 La revista La Sidra, quasoleya lEnsame Sidreru, convoca’l Primer Premiu d’Ensayu “Emilio Trabanco Trabanco” dotáu con un premiu de 1.500 euros . Les obres que se presenten tendrán de tar rellacionaes col mundu de la sidra y la cultura desendolcada alredor desta bebida del país, pudiendo tar redactaes n’asturianu o en castellán. El plazu pa presentar testos termina l1 d’avientu. Les bases d’esti primer premiu Emiliom Trabanco Trabanco d’ensayu son les que vienen darréu: Capítulu Primeru: Oxetu Artículu 1.- Les obres que se presenten al primer premiu densayu Emilio Trabanco Trabanco tendrán de tar rellacionaes col mundiu la sidre y la cultura desendolcada al so alrodiu. Artículu 2.- Valoraránse especialmente aquelles obres que sepan destacar la esistencia duna cultura asturiana de la sidre y que sepan integrar aspeutos concretos de la mesma dientru dun tou. Artículu 3.- Les obres tendrán de ser inédites dafechu y nun podrán tar premiaes anteriormente. Artículu 4.- Les obres podrán tar escrites nasturianu o nespañol.Artículu 5.- Les obres tendrán una estensión mínima de 65 páxines (TNR 12 duple espaciu) Artículu 6.- El primer Premiu dEnsayu Emilio Trabanco Trabanco ta dotáu con 1.500 (1250 en metálicu y 250 en llibros), que se fadrá efeutivu nel intre de la so concesión pública. Artículu 7.- LEnsame Sidreru (E.S) comprométese a la espublización de la obra premiada. Artículu 8.- LEnsame Sidreru resérvasel drechu a espublizar aquelles obres nun premiaes atalantando que la presentación al mencionáu premiu supón la cesión al E.S de los drechos dautor. Artículu 9.- Sil Xuráu lo considera afayaizo, el premiu podrá ser consideráu ermu y esceicionalmente concedíu ex a quo. Capítulu segundu: Resolución del Premiu Artículu 10.- La resolución del primer Premiu dEnsayu Emilio Trabanco Trabanco dirá a cargu dun Xuráu compuestu por cincu presonalidaes destacaes del mundiu la sidre, propuestos pol E.S, asina comu un representante del mesmu, que lu presidirá. Artículu 11.- Nun entamu la resolución del primer Premiu dEnsayu Emilio Trabanco Trabanco intentará decidise por consensu ente los miembros del Xuráu. Si ello nun fuere posible, procederáse a una votación que decidirá por mayoría simple. Artículu 12.- La resolución del premiu fadráse públical 15 davientu del presente añu. Capítulu terceru: Presentación de les obres Artículu 13.- El términu de presentación dorixinales final díi 1 davientu del presente añu a les 19 hores. Artículu 14.- Habrán dunviase seyes copies en papel correchamente encuadernaes y una copia en soporte informáticu a la direición:PREMIU DENSAYU Emilio Trabanco TrabancoLa Caleyal Ríu 205Carceo Santuriu33394 Xixón ASTURIES Artículu 15.- Nos orixinales tendrá que costar el nome, apellíos y direición del autor/a. Si se quier alxuntar un seudónimu, lautor/a tendrá qualxuntar una plica. Artículu 16.- Lautor/a comprométense a nun retirar la obra enantes de facese pública lalxudicación del premiu y a nun presentala a otros concursos en curus nin en xeneral, a tener comprometía la so espublización. Artículu 17.- La presentación dorixinales implica laceptación destes bases quactúen en valor de contratu dedición. 4 d'agostu, 2009 0 FacebookTwitterPinterestEmail
Plástiques El Muséu de Belles Artes amuesa yál Retratu dAdela Carbone, de José Ramón Zaragoza by asturnet 27 de xunetu, 2009 La Conseyera de Cultura y Turismu del Principáu, Mercedes Álvarez González, inauguró la selmana pasadal cuadru Retratu dAdela Carbone, del José Ramón Zaragoza, nel Muséu de Belles Artes dAsturies. Al actu tamién acudieron el Direutor Xeneral de Patrimoniu Cultural, José Luis Vega, el Direutor del Muséu, Emilio Marcos Vallaure y dellos miembros de la xunta rectora del centru autonómicu. José Ramón Zaragoza ye ún de los más importantes pintores asturianos del primer terciu del sieglu XX, compañeru de xeneración dEvaristo Valle y Nicanor Piñole. Entamó los sos estudios na Escuela de Belles Artes dUviéu que completó na Escuela Especial de Pintura, Escultura y Grabáu de Madrid, y con Luis Menéndez Pidal. En 1904 consiguió por oposición la beca de pintura en Roma, onde entró en contautu col simbolismu divisionista quentós entamabal so camín nItalia. En 1915 afincóse en Madrid onde foi profesor de Dibuxu Artísticu na Escuela dArtes y Oficios, y na de Belles Artes de San Fernando. En 1925 decoró los techos de la planta baxa del Círculu de Belles Artes, la so obra más conocida. El Muséu tien la so obra maestra, el gran Tríptico de Prometeo, robláu en Roma, en 1908, que tuvo espuestu permanentemente hasta quhubo quocupar la sala pacoyer lApostoláu del Greco. el retratu de la famosa actriz italoespañola Adela Carbone ye totalmente carauterísticu de la elegancia y del coloríu qualgamó esti xéneru. El Muséu Nacional del Teatru, nAlmagro, conserva otru retrato de Zaragoza de la mesma actriz de 1916. Nel actu tamién se presentó la escultura Inmaculada de Luis Fernández de la Vega. La talla ye del sieglu XVII y va esponese nuna de les sales dedicaes al arte barrocu. 27 de xunetu, 2009 0 FacebookTwitterPinterestEmail
Política El Procurador de Castiella y Lleón esixe la llexislación de protección, usu y promoción del asturlleonés by asturnet 9 de xunu, 2009 El Procurador del Común de Castiella y Lleón, cargu equivalente al Procurador Xeneral dAsturies, remitió una resolución a la Xunta desta comunidá pa que llexisle la protección, lusu y la promoción de la llingua lleonesa, como resultáu duna quexa presentada pola asociación zamorana Furmientu, el pasáu mes de payares. Furmientu señala que lEstatutu dAutonomía de Castiella y Lleón, aprobáu en payares de 2007 recoyó per primer vegada una reconocencia esplícita del lleonés como parte del patrimoniu cultural de la comunidá pero, «pasáu un añu dende la so aprobación, ye evidente que lAlministración autonómica nun llevó alantre, nin tan siquiera anunciao, nengún tipu dacción empobinada al mencionáu desenrrollu llegal». La Xunta tien un plazu de dos meses paceptar o refugar la resolución. Furmientu 9 de xunu, 2009 0 FacebookTwitterPinterestEmail
Sociedá La Universidá va almitir documentos n’asturianu nel rexistru by asturnet 21 de mayu, 2009 El Secretariu Xeneral de la Universidá dUviéu, anunció ayeri que la Xunta de Gobiernu de la institución va aprobar el próximu 28 de mayu un reglamentu dusu del asturianu pol que van poder presentate escritos nasturianu nel rexistru. Anque tovía nun tán zarraos tolos detalles desti reglamentu, según paez, la Universidá va contestar siempres en castellán. Los documentos nasturianu quaporten al Rexistru de la Universidá van mandase a la Unidá de Traducción recién creada pola Conseyería de Cultura, pa tornar al destinatariu del mesmu, tornáu al castellán. El secretariu de la Universidá, Francisco Fernández García, dio anuncia de que no que cinca a les actividaes académiques habituales y p’axustase a lo qu’afiten los tribunales, el castellán ha siguir siendo la llingua dusu habitual. 21 de mayu, 2009 0 FacebookTwitterPinterestEmail