Comunicación La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica by asturnet 31 de xineru, 2014 La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica, al tiempo que denuncia como exemplu más dun centenar dincumplimientos nel BOPA y na web del Principáu. Esti vienres 31 de xineru la Xunta pola Defensa de la Llingua Asturiana (XDLA) presentó nel Rexistu Xeneral Central del Principáu dAsturies un requerimientu formal instando a la Conseyería de Presidencia al cumplimientu de la llegalidá en materia toponímica. Nel escritu de la XDLA, recuérdase que la Llei dUsu y Promoción del Asturianu, aprobadal 28 de marzu de 1998, recueye nel so artículu 15, Capítulu V, que «los topónimos de la Comunidá Autónoma del Principáu dAsturies han tener el nome oficial na so forma tradicional». Un decretu posterior, del 4 dabril del 2002, regula la Xunta Asesora de Toponimia del Principáu dAsturies, y otru del 18 de xunetu desi añu, establez el procedimientu de recuperación y fixación de la toponimia asturiana. Lartículu 5.2 desti decretu diz qua partir del momentu de la entrada en vigor del Decretu pol que se determinen los topónimos correspondientes, les denominaciones o topónimos que nél se recueyan tendrán la consideración de denominaciones oficiales. Cumpliendo estes normes aprobáronse yá entel 2007 y el 2012 50 decretos cola denominación oficial de los topónimos dotros tantos conceyos. La XDLA denuncia nel requerimientu quen cuasi tola documentación xenerao dende les conseyeríes del Principáu dAsturies nun sutilizal nome oficial na so forma tradicional, inclumpliéndose polo tanto la llexislación y vulnerándosel principiu de llegalidá consagráu nos artículos 9 y 103 de la Constitución Española de 1978, ún de los principios fundamentales dun Estáu de Derechu. Amás, nel casu de la toponimia, lactuación de lAlministración nun requier tomar más midíes que la del so propiu cumplimientu. Argumentos comol de la gradualidá de laplicación de la norma, les más de les veces cola sida de la escasez de recursos, podríen entendese, siempre con unos plazos razonables, pa la renovación de lletreros de carretera y mapes, pero nunca pal so usu normal nos escritos que lAlministración produz a diario. Hai que recordar quhai topónimos que son oficiales dende hai siete años y el Gobiernu asturianu, el mesmu que los oficializó, nun los usa. La XDLA esixe de lAlministración del Principáu dAsturies ladopción de les midies necesaries pa correxir esta situación porque nos alcontramos «ante un claru incumplimientu duna Llei dictada pola mesma Alministración, que la incumple de manera sistemática y reiterada». Pídese, polo tanto, quen tola documentación que se xenere se cumpla estrictamente la llegalidá toponímica. Nel requerimientu, la XDLA pon como muestra sesenta resoluciones o anuncios publicaos nel BOPA no que va dañu quincumplen la llegalidá toponímica y unos exemplos de secciones de la web del Principáu onde susen topónimos que tiene una forma yá oficializada dende va años y que siguen ensin respetase. En casu de que nun se dea respuesta al requerimientu, la XDLA valora la posibilidá dimpugnar de manera individualizada cualquier tipu de procedimientu alministrativu procedente de cualquiera de los organismos del Principáu dAsturies quincumplan les formes toponímiques oficiales aprobaes pol mesmu Principáu. 31 de xineru, 2014 0 FacebookTwitterPinterestEmail
Comunicación La XDLA critica la incapacidá de la dirección de RTPA pa xestionar la programación en llingua asturiana by asturnet 17 de xineru, 2014 La XDLA critica la incapacidá de la dirección de RTPA pa xestionar la programación porque na so opinión los primeros programes estrenaos nel 2014 siguen la llinia marcada pol arecismu d’inorar la realidá llingüística asturiana, dalgo que fixo que los espectadores nun sigan la programación. Dendel nacimientu de RTPA, la Xunta pola Defensa de la Llingua Asturiana (XDLA) vien denunciando una programación inspirada pol discursu oficial del arecismu: modernidá malentendida y distanciamientu de lAsturies real. Asina, pa la Xunta ye “como sil nuestru país fora una comunidá monollingüe, TPA llegó a les pantalles escondiendo la realidá al nun apaecer lidioma propiu nes emisiones. Sicasí, la presión social fixo que, un añu depués de la primer emisión, la cadena estrenara los primeros programes nasturianu que, como reconoció José Ramón Pérez Ornia, primer director del Ente, taben dellos puntos perriba de laudiencia de los espacios en castellanu”. D’aquella, comprometióse a que la llingua tuviera «un valor nuevu», semando lorixe «duna industria audiovisual nasturianu», pero quedó escaecío a les primeres de cambiu. Años depués destes palabres y tres la llegada dAntonio Virgili a la dirección, la XUnta critica que “los programes n’asturianu siguen siendo mui pocos, anque paradóxicamente sían los más vistos. La canal nun emite dibuxos, series, deportes o informativos nasturianu; tampoco la toponimia oficial tien un usu xeneralizáu na programación en castellanu”. Nuna nota de prensa enforma dura, la Xunta diz que “la televisión que paguen tolos asturianos nun respeta lleis básiques como la Carta Europea de les Llingües Minoritaries, lEstatutu dAutonomía o la Llei dUsu. La prueba ta nos primeros programes estrenaos nel 2014, propios duna cadena estatal o de TeleMadrid. Sicasí, pa poner unes pingarates de casa, en dalgún destos espacios nuevos trátase al nuestru idioma como una realidá ayena, rara, cómica. Pudimos ver un concursu onde se facía una encuesta sobrel significáu duna palabra asturiana na Plaza la Escandalera dUviéu, con un montaxe que busca la comicidá al ver que naide sabe qué significa. Depués, facíen una llamada a Castripol pa ver si topaben a daquién que la conociera, ensin reparar en que nesi conceyu nun se fala asturianu sinón gallego-asturianu. Too ello entemecío con collaboradores del espaciu que dicen que nun saben asturianu, como si d’una llingua remota se tratara, anque la llei de creación de la canal onde trabayen diz que RTPA tien que xugar un papel importante dientro del procesu de normalización”. Con too y con eso, parez que la sociedá diol llombu a estos espacios que, a pesar de contar con una promoción bien grande, tuvieron perbaxo de la media daudiencia Medicina tv.com salud y De hoy no pasa tuvieron un 2,5% na estrena, mentes que la media del día foi del 4%-. Otra manera, la reemisión del espaciu nasturianu Día de mercáu, emitíu por sorpresa y en prime-time ensin nenguna promoción, tuvo un share del 5,2%, perriba de la media. La Xunta tamién dexa bien afitao que “la promoción de los espacios n’asturianu nun tien nada que ver cola que se fai pa los espacios en castellanu: programes como Camín, espaciu que llegó a algamar un 30% de share, emitiósel sábadu pela nueche ensin nenguna promoción, faciendo que lespaciu quedara nun 0,7%, que, otra manera, ye la media daudiencia que tien la TPA un sábadu pela nueche. ¿Por qué nun promocionó la cadena la emisión dún de los programes de más éxitu? ¿Nun quieren que Camín ayude a la cadena a xubir a laudiencia media del mes? ¿O ye que la dirección de RTPA nun quier que los programes nasturianu tengan éxitu y asina xustificar el pocu porcentaxe demisión nesti idioma? Lo mesmo pasó con Día de mercáu anque nesti casu, sí que tuvo audiencia, anque non la avezada (10%) al tratase duna reposición que semitió ensin promoción- o con El club musical, emitíul miércoles ensin anunciu previu”. La nota de prensa tamién dala de que “esta falta datención choca cola que-y tán dando a El Faro, serie gallega que por mor de los datos tan malos d’audiencia pasó a emitise peles mañanes. La serie tuvol primer día col horariu nuevu un 0% daudiencia, pero la cadena sigue enfotada nella, mostrando un ciñu que nun tien hacia los espacios nasturianu y anunciándola en cada pausa publicitaria. Otra manera, la estrenal domingu pela nueche dun programa nuevu en castellanu fixo que baxara hasta’l 4% laudiencia que TPA tenía cola emisión de Güelos. Amás, tamién tuvo repercusión nel programa n’asturianu que vieno depués: Sones, que quedó nun 4,9%, cuando la media ye del 10% (¡y tovía quedó perriba de la media de TPA de tol día, 4,6%). Ún de los espacios más vistos desi domingu foi Territoriu sidreru, tamién nasturianu y que tuvo un 7,1%”. A pesar de que laudiencia ta mostrando que quier programes basaos na nuestra identidá cultural y llingüística, TPA anecia nuna programación fecha por productores que vienen de Madrid. Mentanto, mantién a les productores del país con programes de pocu presupuestu, dalgo que nun permite lafitamientu del nuestru sector audiovisual y la so competitividá a nivel estatal. Les productores de fuera, quaparecieron nAsturies col nacimientu de TPA, consumen unos 15 millones deuros del presupuestu del Ente 23 millones-. La dirección de RTPA ta llevando a la cadena a la so desaparición, con un gastu de dineru escomanáu pa una programación que nun tien una respuesta de laudiencia nin xenera beneficios nel país. Hai que preguntase qué capacidá tienen los xestores del Ente pa dirixir la nuestra televisión si les sos decisiones tán faciendo que la sociedá asturiana-y dea’l llombu y que cada vez tenga menos sentíu mantener una televisión con esi modelu de programación”. A lo cabero, la Xunta atalanta que “l’aparición de la TDT y l’aumentu na ufierta de canales esixe a la cadena una precisión mayor na so programación, que tien que basar na especificidá y nes espectatives de laudiencia a la que se dirixen. TPA namás va tener sentíu y namás va contar col respaldu de la xente si va del llau de la nuestra realidá llingüística y del sector audiovisual asturianu. Ye fundamental que los asturianos vean los medios públicos como un serviciu que forma parte de la so identidá, dalgo fundamental pasegurar el futuru de la cadena y la so aceptación social. Lo contrario va mostrar que la cadena namás respuende a los intereses políticos y empresariales de dalgunos, amás de dexar clara la incapacidá de la directiva de RTPA pa xestionar el seviciu públicu audiovisual de tolos asturianos”. 17 de xineru, 2014 0 FacebookTwitterPinterestEmail
Comunicación La XDLA pide a TPA que la emisión de cine nasturianu nun quede nun casu aisláu by asturnet 27 d'avientu, 2013 Esti vienres 27 davientu, TPA emite pela primer vez na historia una película doblada al asturianu. Trátase dEl rostru impenetrable, protagonizada y dirixida por Marlon Brando. Dende la Xunta pola Defensa de la Llingua Asturiana (XDLA), organización que lleva años reivindicando una televisión pública comprometida cola llingua y cultura del país, queremos mostrar el nuestru satisfacción pola iniciativa al tratasa dun fechu históricu pa la normalización llingüística. La XDLA confía en questi trabayu nun quede nun casu aisláu y síal puntu darrinque pal nacimientu duna industria del doblaxe nAsturies, coles consecuencies positives questo tendría pal empléu nel sector audivisual. Y ye quamás de como pegollu de la normalización al mostrar que lidioma ye válidu en tou tipu de situaciones, el doblaxe supón laniciu duna industria que da trabayu a traductores, actores y empreses de doblaxe. Asina, laparición de TVG en Galicia xeneró una industria que mantién a 300 persones y a seis empreses de doblaxe. Otra manera, lasociación quier volver a recordar la importancia de facer un apueste pola emisión de dibuxos animaos nasturianu. Hai que destacar que TPA ye la única televisión europea duna comunidá billingüe que nun emite programación pa los más neños na llingua propia. Amás, esta programación podría xugar un papel importante como material lúdico pa les clases dasturianu. La XDLA recuerda que nel Informe sobre la necesidá duna programación infantil nasturianu, la organización señaló la importancia de poner en marcha una escuela de doblaxe encargada de formar a los profesionales que trabayen nes primeres series y películes que los asturianos puedan ver nel so idioma. Too ello, en collaboración cola Dirección Xeneral de Política Llingüística del Gobiernu dAsturies y el sector priváu, tendría que ser el primer pasu que permitierel nacimientu dun Serviciu Asturianu de Doblaxe, encargáu de coordinar la selección de ficción ayena, la xestión de derechos y el doblaxe de les producciones, amás de la promoción de la ufierta y de validar el rexistru llingüísticu pa la so emisión posterior en TPA. 27 d'avientu, 2013 0 FacebookTwitterPinterestEmail
Patrimoniu La Bullada de Purpurina daráse otra vuelta’l día 28 by asturnet 18 d'avientu, 2013 La Coordinadora Ecoloxista dAsturies convoca un añu mas la Bullada de Purpurina y yá van con esti 21 años. Esti galardón reconoz el llabor y acciones d’empreses, instituciones y alministraciones qu’a’l nuesu xuiciu destacáronse más nel so llabor contra la naturaleza y el mediu ambiente asturiano. L’añu pasáu esti premiu llograr por meritos mesmos Asturgold polos sos innumberables meritos contra’l mediu ambiente poles sos males artes en sacar alantre’l so proyectu mineru de Salave. Esti nuevu añu, desgraciadamente, son munchos los as candidatos-as propuestos, de toos realizose una preselección ente los que s’escoyó los qu’atroparon mayores méritos, ente estos, el xuráu va tener la difícil xera d’escoyer namái a unu-a, a pesar de les abondoses razones de cada unu pa ser toos premiaos. – A la Confederación Hidrógrafica del Cantábricu por volver colos dragaos y balta del monte de ribera de los nuesos ríos, estropiando a la fauna y flora esistente, quitar a munchos d’ellos la poca naturalidá que-yos quedaba. – A la Xunta de Saneamientu d’Asturies que xunto con tantos conceyos son responsables de gastar millones d’euros de los fondos europeos en construyir centenar de depuradores y nun son capaces de que nun funcionar la mayor parte de les redes de saneamientos y EDAR d’Asturies. Lo que nos caltien con una rexón onde mas de la metá de la so población arrama les sos agües ensin depurar. – A la Dirección Xeneral de Mines por tragar por tou lo que sía en temes de mines y canteres, que se convirtió nun continuu coladeru de les empresa que nun cumplen coles esixencies ambientales impuestes nes esplotaciones, faciendo casu omiso de les denuncies presentaes por esos incumplimientos. – A Maria Jesús Álvarez Conseyera de Agroganaderia y Recursos Autoctonos del Principáu pola so dedicación nos meses que lleva; a matar llobos y mabees, a escorrer los animales selvaxes, a dexar que los ganaderos incumplan les acotadures, a facilitar que se llanten mas ocalitos, a la fin por vencer a les presiones de tolos esquilmadores de la naturaleza asturiana. – A Asturiana de Zinc. Una de les empreses responsable de la grave contaminación ambiental que tenemos na zona central d’Asturies. Una empresa ensin escupulicios que dexó que decenes de trabayadores contaminar con mercuriu que ta matando silenciosa y impunemente a un montón de trabayadores y vecinos. El xuráu va decidir esta próxima selmana cuál de toos estos candidatos ye’l más sobresaliente anguaño. Tienen toos ellos merecíes razones, pero namá unu-a pue ser l’escoyíu. La Bullada de Purpurina dase’l 28 d’Avientu, día de los Santos Inocentes, anque’l premiu nun ye nenguna chancia. 18 d'avientu, 2013 0 FacebookTwitterPinterestEmail
Lliteratura Beatriz R. Viado gana’l Premiu Fuertes Acevedo d’ensayu by asturnet 28 de payares, 2013 La periodista Beatriz R. Viado ye la ganadora del caberu premiu que quedaba por fallar ente los que convoca añalmente la Conseyería de Cultura del Principáu. El XIX Premiu Máximo Fuertes Acevedo densayu foi pal trabayu Yá cuasi nunca lo facemos por amor. Conciencies mercenaries, una obra que’l xuráu camienta bien estructurada, que se sirve de la llingua asturiana pa reflexonar sobre un tema relevante y d’actualidá, como ye’l de les rellaciones ente poder y medios de comunicación. El xuráu designáu pa esti premiu, y quescoyó la obra de lautora naveta por unanimidá, tuvo formáu polos escritores ya investigadores Rafael Rodríguez Valdés, Cristóbal Ruitiña Testa, Lourdes Álvarez García, Hugo Cortina Fanjul y Marta Mori de Arriba, y pola direutora xeneral de Política Llingüística, Ana Fueyo, como presidenta. Beratriz R. Viado ñació nEl Remediu en 1976 y reside anguaño nInglaterra como muncha otra mocedá asturiano que tien dir a la gueta trabayu especializáu lloñe d’Asturies. Ye llicenciada en Ciencies de la Información pola Universidad Complutense de Madrid y en Filosofía pola UNED. Ex direutora del selmanariu nasturianu Les Noticies, tamién tien trabayao en AtlánticaXXII o Muyeres Ateyabana, el periódicu Diagonal Asturies o Onda Cero Radio. Tien espublizaosd dellos llibros, comol destináu pa mozos y moces Qué ye que yel Tercer Mundu. Un viaxe del centru a les periferies (2004) o lensayu documental El país del silenciu (2007), del que ye coautora xunta Vanessa Gutiérrez. Nel añu 2003, algamól Premiu Enriqueta González Rubín de periodismu n’asturianu pol reportaxe El campu asturianu, en víes destinción espublizáu nel diariu Les Noticies. 28 de payares, 2013 0 FacebookTwitterPinterestEmail
Política IX suspende la negociaciones del Presupuestu al nun esclariar la FSA si acepta les propuestes fiscales by asturnet 27 de payares, 2013 Les conversaciaciones sobre’l presupuestu d’Asturies pa 2014 quedaron esti miércoles suspendíes dempués de que la Federación Socialista Asturiana (FSA) nun esclariara, hasta’l momentu, si acepta la puesta en marcha de les midíes social y fiscal plantegaes por Izquierda Xunida (IX), sigún dió a conocer la coalición d’izquierdes esta mesma tarde. El coordinador xeneral d’IX, Manuel González Orviz, aseguró, a la salida de la xunta, que’l PSOE puede cuntar col so sofitu si lo que plantega ye un cambéu impositivu que grave más a quien más tien y que dexe dar respuesta a les necesidaes de reactivación económica y a los paraos de la Comunidá Autónoma, p’atender les prestaciones sociales. Pa lo que nun va tar, dixo, IX, ye p’aplicar les polítiques de retayos, dirixíes a protexer al capital y el sistema financieru. Más allá de les diferencies sobre cuanto pueden recaldase colos impuestos de patrimoniu pa les fortunes de más de 450.000 euros, según los heriedos más abultaos, o los impuestos a los bancos y pol usu non sostenible de los montes asturianos, el desencuentro produzse ante la indefinición de los socialistes al respective de la so voluntá, real, y el silenciu sobre l’aplicación de la fiscalidá que propón IX. L’aplicación d’estos impuestos, aprofió Gonzalez Orviz, en patrimoniu y sucesiones, son los mesmos que nel so día aplicaron Felipe González, José María Azanar y hasta Zapatero y, agora, tamién propón el PSOE de Rubaclaba. Eso sí, ironizó’l coordinador d’IX, vese que les propuestes de la última conferencia socialista apéxense, como l’alta velocidá a Asturies, en Payares. IX diz< na so páxina web que va esperar agora "a conocer los presupuestos que'l Gobiernu unvia al Parlamentu pa definir la so posición. La decisión, dixo Gonzalez Orviz, ta agora nel PSOE que ye quien tien de decidir si acepta los nuesos planteamientos de progresividad fiscal, reactivación económica, protección social, desenvolvimientu del mediu rural y un apueste claru pol financiamientu de la Investigación, Desenvolvimientu ya innovación (I+D+i)". Nota de prensa d’IX sobre la fin de les negociaciones 27 de payares, 2013 0 FacebookTwitterPinterestEmail
Música “Tiempos Modernos” de Dixebra ya pue mercase n’Asturies by asturnet 27 de payares, 2013 Yá ta nos puntos de venta avezaos de Discos LAguañaz (grandes almacenes, chigres, llibreríes) “Tiempos Modernos”, el trabayu discográficu nuevu de Dixebra, que fail númberu doce na so carrera. Según el veteranu grupu asturianu, “apegaes a la realidá más que nunca les quince pieces que componen el discu pueden sentise como cantares independientes o como un too con un filu conductor: aquellos tiempos modernos que yá avanzare Chaplin nos años trenta del sieglu pasáu son güei la vida de tolos díes de miles de persones nesti capitalismu xabaz. Paru, perda de derechos, represión, corrupción, políticos ensin escrúpulos, alienación… son claves pa entender lactualidá y too ello ta presente nes lletres desta obra musical, pero tamién la esperanza, la resistencia, la solidaridá o lactivismu tienen espaciu nella”. Tiempos Modernos de Dixebra ye una reflexón dende la música sobre los díes convulsos que nos tocó vivir nAsturies y nel mundu; asina nun falten les referencies al nuestru país en temes como «Nueva economía», «A golpe de tacón», «Caballu al verde», «Motivos pa regresar» o «Química inorgánica» (el primer cantar dedicáu esplícitamente a la ciudá que vio nacer a la banda, Avilés), pero tamién otres más xenerales en «Cinco cifres», «¿Qué más falta?», «Banqueru» o «A punta de pistola», cuando non directamente internacionales, como por exemplu «Antístasi», sobre la situación actual en Grecia. Musicalmente sigue la filosofía que la banda mantién dende la so nacencia, esto ye, nun refugar a priori nada que pueda arriquecer el so soníu; desti mou podemos alcontrar pieces de calter reggae, ska, punk, folk, funk, metal o rap, cola presencia duna bayurosa representación dinstrumentos, onde amás de los avezaos tamién pue sentisel timbre dotros comol banjo, acordión, violín, ukelele, guitarra acústica o diferentes percusiones. Bien importantes son nesti trabayu les collaboraciones, que lleguen de la mano de Lisardo Prieto (Felpeyu), Ángel Ruíz, Toño Gómez, Javier Tejedor o Vito Álvarez, destacando nel aspectu vocal la presencia del raperu colombianu afincáu nAsturies Shalóm o de la cantante cubana, tamién afincada equí, Ariane Valdivié. Y conxuntamente con too ello una presentación de lluxu, con una estética mui cuidada y tola información necesaria pa entender dafechul sentíu y el por qué de cada canción. Tiempos Modernos va ser, de xuru, ún de los trabayos cimeros de Dixebra, una obra versátil musicalmente y crítica temáticamente, con pieces crudes, rápides y contundentes, y otres sutiles, cadencioses y hasta llamatives. Un discu al altor de lo esperable destos músicos. 27 de payares, 2013 0 FacebookTwitterPinterestEmail
Comunicación La XDLA presentó lInforme sobre la necesidá duna programación infantil nasturianu na TPA by asturnet 25 de payares, 2013 La Xunta pola Defensa de la Llingua Asturiana (XDLA) presentó esti sábadu lInforme sobre la necesidá duna programación nasturianu en TPA, nun actu na Llibería Paradiso de Xixón, contó cola participación de Carlos Pulgar, portavoz de la Xunta pola Defensa de la Llingua; Toño Caamaño, actor y director de doblaxe; y Milio Rodríguez Cueto, escritor y profesor de llingua asturiana. Linforme señala quensin la tresmisión xeneracional nun va haber nenguna posibilidá de que lidioma siga vivu na Asturies del futuru, polo quindica quhai quufrir a les xeneraciones nueves conteníos televisivos nel idioma propiu y güei TPA nun ta cumpliendo con esti cometíu al quobliguen los sos estatutos. Asina, TPA ye la única televisión europea duna comunidá billingüe que nun emite programación pa los más neños na llingua propia. Cadenes como ETB o TV3 crearon canales dedicaes específicamente a la emisión de programación infantil o xuvenil, mentes quotres dediquen delles hores al día a les series de dibuxos animaos doblaes al idioma propiu. Una de les autonómiques que menos tiempu dedica a la programación infantil de tol Estáu ye la televisión balear, IB3, que namás emite una hora al día dibuxos animaos en catalán: menos del 5% de la emisión. A pesar desos datos tan ruinos, esi porcentaxe ye asemeyáu al que dedica la TPA a los programes nasturianu, que nun llega al 5% y que nin siquier tien un espaciu pa los más pequeñinos de la casa. Asina, TPA nun cumple col so mandáu llegal de velar por una presencia del idioma como reflexu de la realidá sociollingüística dAsturies y garantía del derechu de los ciudadanos a disponer de medios de comunicación social nasturianu, como recueyen los principios rectores de RTPA. El documentu de la XDLA reseñal papel del doblaxe, amás de como pegollu de la normalización al mostrar que lidioma ye válidu en tou tipu de situaciones, como aniciu duna industria que da trabayu a traductores, actores y empreses de doblaxe. Asina, laparición de TVG en Galicia xeneró una industria que mantién a 300 persones y a seis empreses de doblaxe. Tamién fala del importantel papel que podría xugar esta programación como material lúdico pa les clases dasturianu, dalgo de lo que nun anda sobrada una llingua que tovía güei, depués de trenta años dasturianu nes escueles, sigue nuna situación de marxinalidá dientro del sistema educativu. Escuela de doblaxe Nel informe, la XDLA ve necesario que, como anunciare José Ramón Pérez Ornia nel 2008, se ponga en marcha una escuela de doblaxe encargada de formar a los profesionales que trabayen nes primeres series y películes que los asturianos puedan ver nel so idioma. Too ello, en collaboración cola Dirección Xeneral de Política Llingüística del Gobiernu dAsturies y el sector priváu, tendría que ser el primer pasu que permitierel nacimientu dun Serviciu Asturianu de Doblaxe, encargáu de coordinar la selección de ficción ayena, la xestión de derechos y el doblaxe de les producciones, amás de la promoción de la ufierta y de validar el rexistru llingüísticu pa la so emisión posterior en TPA. L’informe ye ‘l complementu d’un anterior informe que sobre l’usu del asturianu na TPA que se presentare esti añu 2013 y onde dexábase bien a les clares que na programación de TPA tamién rescampla lausencia de programación infantil nasturianu, “lo que convierte a la TPA na única televisión europea duna comunidá billingüe que nun emite programación pa los más neños nel idioma propiu”. Por exemplu, nes demás autonómiques del Estáu, TVG2 (Galicia) y Canal 9 2 (País Valencianu) dediquen cuasil 25% de la emisión a la programación infantil na llingua propia, mentes quen Cataluña y País Vascu hai canales dedicaes dafechu a la mocedá. Nel 2010, la XDLA entamó una campaña de mailing pa esixir a la dirección de RTPA una mayor presencia del asturianu notros ámbitos que nun foren los puramente culturales, amás del respetu a la toponimia oficial, que taba empezando a recuperase pero que nun susaba nes emisiones. Pidíase una presencia digna de la llingua asturiana con programes de toa triba, poniendo lenfotu na programación infantil, nos informativos y nes tresmisiones deportives. 25 de payares, 2013 0 FacebookTwitterPinterestEmail
Plástiques Alfonso Zapico gana’l “Alfonso Iglesias” con “Cuadernos d’Itaca” by asturnet 21 de payares, 2013 El dibuxante Alfonso Zapico, qu’algamó fama nel panorama del comic européu pela so nomada ‘Dublinés’ y qu’algamara esti añu pasáu’l Premiu Nacional del Cómic, xuntó esti miércoles el premiu ‘Alfonso Iglesias’ de Cómic n’Asturianu, dotáu con 3000 euros, al so palmarés. La Conseyería de Cultura, daba anuncia el miércoles de la decisión del xuráu de concedeí esti Premiu al cómic presentáu pol dibuxante bliméin presentáu embaxo’l titulu ‘Cuadernos d’Ítaca’, pola “profesionalidá que s’amuesa na obra d’acordies coles nueves tendencies europees”. El fallu del xuráu foi por mayoría, lo que fala de la calidá de les obres presentaes esti añu xunta la d’Alfonso Zapico, que se presentara col seudónimu *Capricornio*. Alfonso Zapico, ñacíu en Blimea, nel conceyu de Samartin del Rei Aurelio, en 1981, estudió Artes Plástiques y Diseñu na Escuela d’Arte d’Uviéu, y trabaya dende va tiempu como profesional gráficu y autor de cómic. Fizo ilustraciones, diseños, animaciones y campañes nel mundu publicitariu amás de caltener una bona rellación cola prensa asturiana, collaborando en La Nueva España y na publicación Cuenca del Nalón. Hasta agora tenía espublizaos publicaos cuatro álbumes o de cómic o noveles gráfiques: “La guerre du professeur Bertenev” “Café Budapest”, “Dublinés” y “La ruta Joyce”. El xuráu formábenlu, baxo la presidencia de la directora xeneral de Política Llingüística, Ana María Fueyo Llaneza, los autores de cómic Javier Marinas, ganador de la edición anterior del premiu, y Ruma Barbero; l’escritor y guionista Chechu García y los técnicos en materia llingüística y educativa, Luis Casteleiro y José Luis Remis. 21 de payares, 2013 0 FacebookTwitterPinterestEmail
Comunicación Les 4 sociedaes de la RTPA camuden nuna sola pa ser a sobrevivir nel nuevu escenariu de la TV pública n’España by asturnet 14 de payares, 2013 El Conseyu de Gobiernu dio ayeri lluz verde al segundu proyectu de llei de reestructuración del sector públicu, centráu de forma casi esclusiva na RTPA pero ensin munchos cambios de modelu: namái amenorga’l Conseyu d’Alministración de 10 a 15 miembros, que prometen ser profesionales y non políticos, y dexen de cobrar los del Conseyu de Comunicación. La llei pasa agora a la Xunta pa la so tramitación parlamentaria nun momentu en que l’Executivu escarez de mayoríes sólides que garanticen la so aprobación. El plan del gabinete que lidera Javier Fernández contempla la fusión de los cuatro entidaes que nestos momentos dan forma al ente nuna sola, que pasaría a denominase Radio Televisión del Principáu, y amenorga’l númberu d’integrantes tantu del conseyu d’alministración como del de comunicación, nel que nun se cobraría un res. Almite’l Gobiernu que l’impactu prácticu d’estes midíes, en términos económicos, va ser escasu, anque aprofia que’l gruesu del axuste aplicáu na RTPA yá se constata nos presupuestos de 2013, con un amenorgamientu del so financiamientu públicu de casi 13 millones. L’aprobación d’esta segunda llei, que va dir siguida d’una tercera que va poner orde y conciertu normativu nel conxuntu de cambeos introducíos nel sector públicu demientres la llexislatura, llega nun momentu especialmente delicáu nel ámbitu audiovisual. Entá recién la decisión del Gobiernu valencianu de pesllar la so canal autonómica y cuando l’Executivu madrilanu ta dispuestu a faer lo mesmo si, como asocedió nel primer casu, la xusticia anula l’ERE aplicáu sobre la plantiya, el futuru de la RTPA tendría de pasar por un modelu económicu sostenible, pero tamién por un modelu sociocultural qu’ufriera utilidá y non fora namái qu’un “televisión piquiñina” como nomaba hai décades un cantautor pernomáu a la emisión territorial de TVE. Los planes del Principáu nun planteguen pol momentu pesllar la canal, sinón defender, en palabres del voceru y conseyeru de Presidencia, Guillermo Martínez, “un mediu de comunicación públicu, eficaz, tresparente, calidable nos sos conteníos y austeru nel gastu”. El proyectu de llei aprobáu ayeri centrase na xestión del ente, na midida na que l’Executivu cree que la RTPA yá ta esperimentando anguaño un retayu de fondos bien cuantiosu al pasar nesti añu de 32,8 millones a 20 y a que la filosofía qu’empón la reestructuración del sector públicu quier facelu eficiente pero non desanicialu. Los cambeos previstos na llei afecten al modelu de xestión, amenorgando les cuatro entidaes actuales a una sola, de forma que l’Ente Públicu de Comunicación sume y les otres trés sociedades, TPA, RPA y la Productora de Programes, fúndense nun mesmu organismu, buscando, en palabres del voceru, un funcionamientu más eficaz. AL paecer, lo que s’intenta ye algamar un modelu de comunicación públicu con un programa-marcu a nueve años vista qu’afite los oxetivos xenerales que tendría de cumplir el serviciu. Mandatu que depués s’afigurará en contratos-programa de tres años onde detallarase nidiamente’l financiamientu. 14 de payares, 2013 0 FacebookTwitterPinterestEmail