Lliteratura Nast Cartafueyos densayu y “Formientu” protagonicen güei la XVI Selmana Cultural de la Facultá dHestoria by asturnet 24 d'abril, 2008 Los actos de la XVI Selmana Cultural siguen, y van facelo güei a les 12 con una mesa redonda-presentación de les revistes Formientu, de lliteratura moza nasturianu y Nast, densayu na mesma llingua. Nel actu van tar presentes representantes de les dos publicaciones, Inaciu Galán, director de Formientu y Toño Martínez, en representación de Nast. La coordinación de la mesa va correr a cargu de Javier Cubero, representante de la Comisión de Cultura de la Facultá de Xeografía y Hestoria. Lactu va incluyir un pequeñu recital poéticu. Darréu, phacia la una la tarde, van entregase los premios naranxa y llimón a los profesores de la Facultá y a les dos, los actos van completase con una espicha. Los actos desta Selmana Cultural van siguir el llunes que vien cola presencia de Gustavo Bueno, ente otros. Programa completu de la XVI Selmana Cultural 24 d'abril, 2008 0 FacebookTwitterPinterestEmail
Convocatories Les humanidaes celebren los 400 años de la Universidá dUviéu” na Facultá de Xeografía y Hestoria by asturnet 22 d'abril, 2008 Ayeri entamaron na Facultá de Xeografía y Hestoria de la Universidá dUviéu la XVI Selmana Cultural, questi añu ta centrada nos cuatrocientos años de la universidá asturiana, cuntando cola presencia de dellos actos nos que la llingua asturiana va ser protagonista, como la presentación del ensayu sobre 1808 de Faustino Zapico y un alderique sobre revistes nasturianu nel que van participar los responsables de les revistes Nast, cartafueyos densayu y Formientu, de lliteratura moza. Los actos de güei van entamar a les doce la mañana nel Salón dActos de la Facultá de Xeografía y Hestoria, llugar de celebración de tolos actos, cola comunicación Cultura y economía na Asturies dentamos del sieglu XVIII, por Álvaro Ruiz de la Peña y Joaquín Ocampo. A la una la tarde va celebrase un Conciertu barrocu alredor de 1708 pol grupu Forma Antiqva. El miércoles a doce la tarde Faustino Zapico va falar de lAsturies de 1808, de la que ta acabante espublizar un ensayu cola editorial Trabe. Darréu, a la una la tarde, La guitarra romántica: los maestros del sieglu XIX va tar al cargu de José Antonio García Fuertes. Pal xueves los actos van entamar a les 12 con una mesa redonda-presentación de les revistes Formientu, de lliteratura moza nasturianu y Nast, densayu na mesma llingua. Nel actu van tar presentes los directores de les publicaciones, Inaciu Galán y Xabel de Cea respectivamente, amás dun representante de la Comisión de Cultura de la Facultá de Xeografía y Hestoria, Javier Cuberu. Lactu va incluyir un pequeñu recital poéticu. Darréu, phacia la una la tarde, van entregase los premios naranxa y llimón a los profesores. A les dos los actos van completase con una espicha. Los actos van siguir la selmana que vien, de llunes a miércoles y complétense con delles esposiciones. Programa completu de la XVI Selmana Cultural 22 d'abril, 2008 0 FacebookTwitterPinterestEmail
Sociedá Fina’l I Foru sobre la vivienda con conferencies sobre habitabilidá, ecoloxismu y urbanismu n’España by asturnet 25 d'ochobre, 2007 Dende esti martes 23 hasta’l 26 d’ochobre la Universidá d’Uvieu cellebra na Facultá de Psicoloxía el I Foru sobre la vivienda. Na xornada que cierra el Foru va participar, dende les 10 de la mañana la profesora de Psicoloxía Social de la Universidá d’Uvieu Maria de la Villa Moral Jimenez cola conferencia “Relaciones humanas y comportamiento socioespacial; ¿Habitar o convivir?”. Tres el decansu va llegar el turnu de la Coordinadora Ecoloxista d’Asturies col tema “Urbanizar hasta el mar, ¿Que se salva de la construcción?” y del espertu en vivienda Fernando Urruticoechea con “El insostenible tinglado del urbanismo y la vivienda en España”. A partir de les 13:30 hores va cellebrase l’actu de cierre del Foru. Más información 25 d'ochobre, 2007 0 FacebookTwitterPinterestEmail
ConvocatoriesFiestes Sigue abiertul plazu pa presentase a los premios de poesía, novela, ensayu y periodismu en llingua asturiana by asturnet 11 de xunu, 2007 Redacción. La Conseyería de Cultura, Comunicación Social y Turismu abrió apocayá’l plazu pa presentar obres al ‘XXVIII Premiu Xosefa Xovellanos’ de novela, ‘XIII Premiu Xuan María Acebal’ de poesía, ‘XIII Premiu Máximo Fuertes Acevedo’ y el ‘IV Premiu Enriqueta González Rubín’ de periodismu. Los premios tienen una dotación de 7.000 euros pal ganador, menos el de periodismu, que tien un premiu de 3.000 euros. La fecha tope pa presentar obres ye l’1 d’ochobre. Los premios del Principáu son los más prestixosos de la lliteratura asturiana. Autores como Dolfo Camilo Díaz, Xuan Xose Sánchez Vicente, Miguel Solís Santos, Antón García, Esther Prieto o Xilberto Llano ganaron n’otres ocasiones el premiu de novela. El de poesía ganáronlu autores como Martín López-Vega, Milio Rodríguez Cueto, Pablo Antón Marín Estrada o Xuan Bello. El premiu d’ensayu ganáronlu Inaciu Iglesias, Ramón d’Andres o Milio Rodríguez Cueto n’ediciones anterioes. En cuantes al premiu de periodismu, el que lleva menos ediciones, foi algamáu por Beatriz R. Viado, Ismael González Arias, Inaciu Galán y González y Cristobal Ruitiña ente otros. Bases completes 11 de xunu, 2007 0 FacebookTwitterPinterestEmail
ConvocatoriesFiestes La Universidá organiza un cursu qu’ufierta de baldre dir al Festival de Lorient con abellugu y gastos pagos by asturnet 27 de mayu, 2007 La Universidá d’Uviéu organiza, dientru la so programación de verano, un cursu qu’ufierta de baldre siguir el Festival de Lorient con abellugu y gastos pagos, faciendo práctiques periodístiques nel Festival Bretón y nel Festival d’Avilés. “Periodismo cultural e información local: La crónica cultural” ye’l títulu d’una experiencia na que s’inclúin les práctiques nel Festival bretón n’agostu depués de desendolcase n’Avilés del 23 al 28 de xunetu. Pa inscribise nel cursu ye requerimientu tener conocimientos d’inglés o de francés, pero por 317 euros de matrícula inclúi una selmana de cursu n’Avilés, coincidiendo col Festival Intercélticu avilesín, y 10 díes en Lorient, colos gastos pagos, coincidiendo col Festival Intercélticu que dirixe l’asturianu Lisardo Lombardía, anñas del tresporte hasta la ciudá bretona. Los dos Festivales son l’abellugu de les práctiques de crónica periodística cultural del cursu nuna experiencia pionera na Universidá d’Uviéu ya inclusu n’España de cursu de calter internacional. El cursu amás ye homologable por 4,5 créditos de llibre configuración nos expedientes d’enseñances reglaes y por 3 créditos de Formación Permanente al Profesoráu Non Universitariu del Principáu d’Asturies n’activo. Información del cursu na web d’Uniovi 27 de mayu, 2007 0 FacebookTwitterPinterestEmail
Cooperación Programa ALAS pa la movilidá d’estudiantes americanos descendientes d’emigrantes asturianos by asturnet 22 de payares, 2006 L’Axencia Asturiana d’Emigración, l’Institutu Asturianu de la Mocedá y la Universidá d’Uviéu roblaron un conveniu que fizo posible la puesta en funcionamiientu del “Programa ALAS” d’ayudes a la movilidá y de movilidaes ensin sofitu, la primer edición va posibilitar l’adxudicación de 20 beques pa mozos americanos descendientes d’asturianos. Los beneficiarios del Programa ALAS podrán estudiar na Universidá d’Uviéu demientres el segundu cuatrimestre académicu 2006-2007. Les estancies van proporcionar a los estudiantes la oportunidá d’averase a la cultura de los sos ascendientes y conocer en profundidá otru sistema universitariu. La presentación de solicitúes tien como data de fin de plazu el 23 de payares de 2006. El peridou lectivu comprende dende’l 21 de febreru al 29 de xunu de 2007. Podrán solictase dos tipos de movilidá: con ayuda y ensin ella. Nos dos garantízase’l reconocimientu académicu na universidá d’orixe, siempre que tea adherida al Protocolu de collaboración ente’l Principáu d’Asturies y la Universidá d’Uviéu o tenga vixente un conveniu con ésta de cooperación d’intercambiu d’estudiantes. La movilidá con ayuda ta remunerada. Los que l’algamen van disfrutar de la beca correspondiente y tarán exentos d’abonar la matrícula n’estudios oficiales de la Universidá d’Uviéu. La movilidá enson ayuda nun ta remunerada. Los que l’algamwen habrán abonar los precios públicos por matrícula na Universidá d’Uviéu. Pa participar nel programa ALAS ye afayadizo ser descendiente d’emigrantes asturianos pa lo que se va pidir un certificáu del presidente del Centru Asturianu más averáu y/o documentu acreditativu de la condición de descendiente asturianu; habrá que tar cursando estudios nuna universidá llatinoamricana que s’alcuentre en condiciones d’adherise al Protocolu anexu al Conveniu Marcu de Collaboración ente’l Principáu d’Asturies y la Universidá d’Uviéu primero del entamu de la movilidá; cursar un mínimu de 15 créditos na Universidá d’Uviéu durante la estancia. Pa más información se puede consultar colaOficina de Relaciones Internacionales de la Universidad d’Uviéu o unviándo-yos un corréu llectrónicu a relinsur@uniovi.es. 22 de payares, 2006 0 FacebookTwitterPinterestEmail
Hestoria La Historia del Movimientu Obreru d’Asturies na Universidá by asturnet 25 de xunetu, 2006 Dende’l 20 d’ochobre hasta’l 15 d’avientu la Universidá asturiana tendrá un espaciu d’estudiu de la Historia del Movimientu Obreru Asturianu. El cursu, codirixíu por Rubén Vega y Rafael Rodríguez, centraráse nel analisis d’esti movimientu, que marcó la vida social del país. L’estudiu de les diferentes etapes de la organización del proletariáu asturianu amuesará una bona colección de materiales audiovisuales como’l documetal “El Paisano” de Ramón Lluís Bande, “Hay una luz en Asturias” o Lluvina. Amás de los codirectores participarán nes ponencies historiadores como Francisco Erice, Claudia Cabrero o Carlos A. Gordón. El cursu ye homologable por 4,5 creditos de llibre configuración y tien un coste d’inscripción de 126, la inscripción, y ampliación de la información, puede facese dende’l web de la Universidá. 25 de xunetu, 2006 0 FacebookTwitterPinterestEmail
Educación Uviéu acueye’l Primer Congresu Internacional de Filoloxía pa investigadores mozos by asturnet 26 d'abril, 2006 Ente los díes 8 y 11 de mayu va cellebrase nel Departamentu de Filoloxía española de la Facultad de Filología de la Universidá d’Uviéu’l “I Congreso Internacional de Filología Hispánica: Jóvenes Investigadores. Orientaciones metodológicas”. La organización del eventu va al cargu de l’Asociación de Jóvenes Filólogos (AJFI), compuesta polos becarios d’investigación predoctoral del mentáu Departamentu. El congresu estrémase en tres estayes que van del VI Alcuentru hispanu-suizu de filólogos noveles, que consistirá nel intercambiu académicu ente un grupo d’estudiantes doctorales de Filoloxía de la Universidá de Basilea (Suiza) y los sos correspondientes de la Universidá d’Uviéu, el II Seminariu Internacional de Llingüística Hispánica (SilHis), que supón la segunda edición d’este seminariu itinerante que tuviera la primera cita na Universidá d’mherst (Massachussetts) en 2005 y que tiene prevista la so tercera xunta na Universidá de Vigo en 2007, y, pa finar, les Primeres Xornaes sobre la investigación lliteraria, qu’entamen con pergrandes perspectives de futuru. L’oxetivu del congresu, dientro les sos tres seiciones, ye poner en comuña les orientaciones metodolóxiques de los más mozos investigadores nes cuatro estayes de conocimientu y disciplines de la Filoloxía Hispánica: Historia de la Lliteratura, Teoría de la Lliteratura, Llingua Española y Llingüística. El plazo d’inscripción palos asistentes tará abiertu hasta’l 3 de mayu, y pue efectuase al través de la páxina web del congresu: www.uniovi.es/congresofilolog Más información 26 d'abril, 2006 0 FacebookTwitterPinterestEmail
Tecnoloxía Los premios a l’accesibilidá Web 2006 reconocieron un proyectu de la Universidá d’Uviéu by asturnet 29 d'avientu, 2005 El Proyectu Gadea d’investigación n’accesibilidá Web de la Universidá d’Uviéu recibió el premiu correspondiente a esa categoría de los cuatro que concedió esti añu la Fundación CTIC pa les páxines que meyor cumplen los requisitos de valir al usuariu en cuantes facilidá de navegación y utilidá. Los premios TAW (Test d’Accesibilidá Web) otórgalos el Centru Tecnolóxicu de la Información y la Comunicación (CTIC), un organismu semipriváu que promueven el gobiernu del Principáu y el ministeriu d’Industria, col oxetivu d’estimular a entidaes públiques y privaes p’afayase a les normes básiques d’accesibilidá Web requeríes pola Llei 34/2002, de Servicios de la Sociedá de la Información y de Comerciu Electrónicu (LSSICE), qu’establez el 31 d’avientu de 2005 como fecha llende pa les Adminstraciones públiques y pa que les entidaes privaes entaínen a cumplir esos oxetivos. Xunto al proyectu Gadea de la Universidá d’Uviéu, la Fundación CTIC distinguió como Web pública más accesible a la de la Seguridá Social: (www.seg-social.es); como Web empresarial más accesible a la Web corporativa de CINTRA (www.cintra.es); y a la Web asociativa más accesible a Redinfancia: (www.redinfancia.org). Proyectu Gadea 29 d'avientu, 2005 0 FacebookTwitterPinterestEmail
Educación La Universidá busca la converxencia europea con siete títulos de postgrao by asturnet 22 d'avientu, 2005 La Universidá d’Uviéu apuesta pola adaptación de los sos estudios al nuevu espaciu européu cola propuesta de siete títulos de postgrao. Les nueves especialidaes van coesistir colos actuales títulos propios hasta l’adaptación dafechu a la nueva realidá académica comunitaria. Les titulaciones propuestes pola Universidá d’Uviéu son Biotecnoloxía alimentario; Ciencies de la Tierra; Xéneru y Diversidá; Inxeniería Web; Música, Comunicación y Espectáculu na Sociedá Contemporánea; Dirección y Planificación del Turismu; y Dirección y Administración d’Empreses. L’orixen d’unos títulos son los másteres y n’otros los doctoraos de calidá. Les nueves titulaciones aprobóles el Conseyu de Gobiernu de la Universidá d’Uviéu na so reunión d’esti miércoles 21 xunta’l presupuestu pal añu qu’entra, cifráu en 183,2 millones d’euros. Propuesta de títulos de potsgrao 22 d'avientu, 2005 0 FacebookTwitterPinterestEmail