Paco Abril presenta n’Uviéu la so versión de los Mitos d’Asturies

by redacción asturnews | noviembre 18, 2015 9:22 am

La Llibrería Cervantes d’Uviéu y PINTAR-PINTAR Editorial van presentar esti xueves el llibru Mitos d’Asturies, escritu ya ilustráu por Paco Abril.

L’actu va tener llugar el prósimu xueves, 19 de noviembre, a les 19 hores y va cuntar cola presencia na librería de Paco Abril, autor del libro, Ángela Sánchez, editora de Pintar-Pintar Editorial, Esther García, escritora, miembro correspondiente de L’Academia de la Llingua Asturiana y presidenta de la Asociación de Escritores de Asturias, y Chelo Veiga, bibliotecaria.

Mitos d’Asturies ye una visión absolutamente fresca, anovada y bien personal del escritor y espertu en LIX Paco Abril. El cocu, el chupasangres, la santa compaña, l’home del sacu… Mitos d’equí, d’allá y de tolos tiempos. Dende La Odisea, pasando pol Lazarillo hasta llegar a Narnia. Y con unes ilustraciones qu’el colaxeru Paco compunxo pa la ocasión resgando y pegando mil papeles. Mitos d’Asturies también pue vese en Pinterest.

Portada del llibru Mitos d'Asturies[1]

Portada de Mitos d’Asturies

 

Endnotes:
  1. [Image]: http://asturnews.com/wp-content/uploads/2015/11/unnamed-1.jpg

Source URL: http://asturnews.com/paco-abril-presenta-nuvieu-la-so-version-de-los-mitos-dasturies/