Portada Conceyos Pablo Rodríguez Medina gana’l Concursu de cuentos pola Oficialidá

Pablo Rodríguez Medina gana’l Concursu de cuentos pola Oficialidá

by redacción asturnews
Pablo Rodríguez Medina imparte el taller de poesía en Sotrondio con dellos neños y neñes

Pablo Rodríguez Medina ye’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu, llegando a la so edición númberu venti, va entregase esti sábadu na capital del Conceyu.

El primer premiu, dotáu con 600 euros, foi pa la so obra “Los restos d’un naufraxu”. El segundu premiu, dotáu con 450 euros, foi pal cuentu “Polly a les puertes del paraísu”, de Lluis Aique Iglesias Fernández (Sotrondio, 1967), y Llucía Fernández Marqués (Xixón, 1974) algamó’l tercer premiu, al que se-y apurren 300 euros, con “Ca tolos vientos”.

Nesta edición el xuráu tuvo compuestu polos escritores Xulio Vixil Castañón, Ana Esther Martínez Sierra y Francisco Álvarez González, amás de pol Alcalde Bimenes, Aitor García Corte, y el técnicu responsable de la Estaya de Cultura, Daniel Cueli Canto, que ficieren les funciones de Presidente y Secretariu respeutivamente.

La entrega premios cellebraráse’l sábadu 2 d’avientu, de magar les 12’30 hores, nel Muséu Casa de les Radios, en Suares (Bimenes) y tres l’actu protocolariu, y la llectura del cuentu ganador na voz del so autor, actuará’l monologuista Carlos Alba.

Tamién te podria gustar