Pablo Neruda va ser soterráu otra vuelta

Pablo Neruda va ser soterráu otra vuelta
09 febreru 09:00 2016 Imprimir

Los restos del poeta chilenu y premio Nobel de literatura Pablo Neruda, desaterraos en 2013 pa determinar si foi asesináu por axentes de la dictadura d’Augusto Pinochet, tendrán de ser de nuevu soterraos, según una decisión xudicial conocida esti miércoles.

Estos restos va ser asignaos al Serviciu Médicu Llegal el 26 d’abril pa soterralos n’Isla Negra, na mariña central de Chile, l’últimu llugar residencial del poeta, onde él yá fuera soterráu. Según el xuez, “les evaluaciones científiques decretaes sobre esta cuestión yá fueron realizaes”. Y ye que según l’últimu analís, pa identificar si fuéron-y inoculaos al poeta posibles virus o bacteries, tien de llevase a cabu y por eso mesmu piden “caltener delles amueses ósees”.

Según el certificáu de fallecimientu dirixíu a la xunta militar, Pablo Neruda morrió d’un cáncer de próstata el 23 de setiembre de 1973, 12 díes dempués del golpe d’estáu qu’instauró la dictadura militar de Pinochet. Dende la exhumación de los sos restos en 2013, los analises nun apurrieron nenguna respuesta definitiva. En mayu de 2014, un equipu d’investigadores españoles atoparon la presencia masiva de bacteries que podríen ser inoculadas por axentes de la dictadura. Otros especialistes internacionales llanzaron estos últimos meses nuevos analises y les resultancies de les sos investigaciones van ser publicaos en marzu.

  Categories: