Pablo Iglesias sofita l’asturianu: “La oficialidá ye la meyor garantía de futuru”

Pablo Iglesias sofita l’asturianu: “La oficialidá ye la meyor garantía de futuru”
04 mayu 17:30 2017 Imprimir

“Sofitando l’asturianu nel Congresu pola Selmana de les Lletres. Porque la oficialidá ye la meyor garantía de futuru pa la Llingua Asturiana”, con esti tuit, el secretariu Xeneral de Podemos ufiertaba una semeya na que colos sos collacios nel Parlamentu español sofitaba dafechu la oficialidá na Selmana de les Lletres.

Esti xueves 4 de mayu al meudía, Pablo Iglesias facía una semeya nel congresu de los diputaos na qu’amuesaba so compromisu y el del so partíu pa cola oficialidá de la Llingua Asturiana, con motivu de la celebración de la Selmana de les Lletres. Na semeya, los representantes parlamentarios de Podemos arropaben a los congresistes asturianos y al so secretariu xeneral, amosando cartelos pala manifestación de la Oficialidá del vienres y camisetes conmemoratives.

El tuit de Pablo Iglesias na so cuenta de Twitter espublizose pasaes les 13 hores y en malpenes 4 ya tinía cásique cincucientos siguimientos favoratibles y otros tantos retuits.

 

 

Loading Facebook Comments ...