Pablo Ardisana, Manuel Asur, Roberto González-Quevedo y Miguel Rojo, candidatos al IV Premiu Timón

04 mayu 08:59 2010 Imprimir

La primer convocatoria del Premio Timón p’autores en castellán, convocáu por L’Arribada, yá tien tamién candidatos: Fulgencio Argüelles, Carlos Bousoño, Ángeles Caso, Luis Fernández Roces, Carmen Gómez Ojea, Carmen Ruiz-Tilve y Gonzalo Suárez.

Per otru llau, la cuarta edición del Premiu Timón, p’autores en llingua asturiana y n’eonaviego, convocáu pa escritores que ñacieren nel añu 1960 o anteriormente, publicó la so llista de seleccionaos: Pablo Ardisana, Manuel Asur, Roberto González-Quevedo y Miguel Rojo.

P’alcordar el premiu, l’asociación va convocar dos xuraos, ún por cada modalidá, integraos por persones vinculaes a la cultura del país. Esta distinción, que consiste nuna obra del escultor y ceramista xixonés Jesús Castañón, va entregase durante la cellebración de L’Arribada 2010, dientro de la so estaya Vagamar, que va facese del 18 al 25 de setiembre.

Los ganadores anteriores fueron, en 2007, Nené Losada Rico, en 2008, Xuan Xosé Sánchez Vicente y, en 2009, Manuel García ‘El Galano’.

  Categories:
Loading Facebook Comments ...