Tecnoloxía Pa pagar internet nel mundu ha trabayase ente 33 hores y siete minutos by redacción asturnews 1 de marzu, 2021 written by redacción asturnews 1 de marzu, 2021 2,4K Un estudiu realizáu pol provisor de VPN Surfshark revela que l’Internet menos algamadizu del planeta suel ser tamién el peor. Según esi analís, los nixerianos tendríen que trabayar más de 33 hores al mes con un sueldu mediu pa poder pagar el contratu de banda ancha mensual más baratu disponible nel país. Esto ye asina a pesar de que Nixeria tien la tercera peor velocidá de les conexones de banda ancha y la quinta menos fiable nel estudiu qu’analiza 85 países. Anque los altos precios pa un serviciu deficiente paecen contradictorios a la primer vista, el desequilibriu puede esplicase pola escasa infraestructura y los menores índices de penetración d’Internet en dellos países, que se traducen nun costu más eleváu pa un productu qu’entá nun ta totalmente maduru. D’ente los países llatinoamericanos presentes nel estudiu, Colombia ye’l menos algamadizu de la rexón, yá que se necesiten más d’once hores de trabayu con un sueldu mediu pa llograr un mes d’Internet de banda ancha. Sicasí, na rexón tamién hai países que tán per debaxo del tiempu mediu mundial pa pagar la conexón a Internet de banda ancha más económica, que ye de trés hores y 48 minutos mensuales. Sería’l casu d’Arxentina (2h 28min) y Paraguay (1h 15min). Tamién pueden atopase conexones a Internet bien algamadices y fiables en Canadá, Israel y dellos países d’Europa. Montenegro destaca como’l país col Internet menos algamadizu d’Europa, con un preciu equivalente a siete hores y cuatro minutos de trabayu. N’España, el preciu ye l’equivalente a una hora y 33 minutos de trabayu. Fuente: https://es.statista.com 0 FacebookTwitterPinterestEmail Anterior Spotify sigue conquistando’l mundu siguiente El teatru Xovellanos presenta la programación pa abril, mayu y xunu Tamién te podria gustar Ventanielles y Guillén Lafuerza van ser una “Fábrica... El Principáu y la UOC firmen un conveniu... Los videoxuegos caltienen sesgos de xéneru Educación aconceya a casi 1600 escolares de 12... Convocáu’l II Concursu de Videopoemes POEX 2023 Nueva ruta de realidá aumentada na Casa Natal... Avilés amuésase como referente de la innovación cola... El binomiu Ciencia y Sociedá centra’l foru Horizonte... Asturies envolúbrate: Paisaxes inmersivos del patrimoniu sonoru asturianu Uviéu TECH, “la to cita col futuru”, abre’l...