Pablo Canalís aporta al ciclu “Otres cultures… otres músiques”

Pablo Canalís aporta al ciclu “Otres cultures… otres músiques”
18 xineru 08:16 2016 Imprimir

Esti martes 19 de xineru a les 19 hores, nel CMI Pumarín Xixón Sur J. Gonzalo Fernández Mieres el ciclu “Otres cultures, otros preseos musicales, otres músiques” ufre una perinteresante conferencia de Pablo Canalis.

Pablo Canalís, ye un músicu asturianu, multiinstrumentista, conferenciante y baxista de la banda de rock progresivu Senogul. Amás ye un importante coleccionista de preseos musicales, investigador encegoláu colos oxetos exóticos diseñaos de forma singular pa crear música y sobre preseos musicales d’otres cultures. Na conferencia d’esti martes  va introducinos al traviés d’una charra interactiva en tou esi apasionante mundu de lo sonoro. La so intervención ye más qu’una charra coloquiu ye una manera d’afayar un universu de soníos y de singulares hestories onde l’espectador non solo escucha sinón que se fai participe de lo qu’asocede.

En 2004 empecipió la colección de preseos musicales tradicionales de too el mundu, principalmente idiófonos, cordófonos y aerófonos.En 2009 participó nel XII Festival de Música Antigua de Xixón na producción de “Orfeo: a barock opera”. En 2012 participó nel Festival del Arcu Atlánticu, interpretando percusión étnica na obertura “Columnes de Hércules”, compuesta por Eduardo G. Salueña. En 2012, tamién, recibió’l premiu AMES na categoría de meyor baxista asturianu.

  Categories:
Loading Facebook Comments ...