Portada Comunicación Oscar López recibe na Feria’l Llibru’l Premiu de Fomentu de la Llectura

Oscar López recibe na Feria’l Llibru’l Premiu de Fomentu de la Llectura

by redacción asturnews

La Feria del Llibru de Xixón qu’entamó esti 14 de xunu y va desenvolvese hasta’l domingu 17 va reconocer col Premiu de Fomentu de la Llectura a Óscar López, director y presentador del programa televisivu Página dos de RTVE.

La direición de la Feria decidió crear el Premiu de Fomentu de la Llectura para reconocer el trabayu de les persones o entidaes que s’estremaren pol so llabor nesti ámbitu y el so compromisu col llibru y la llectura

El premiu recayó n’Óscar López, director y presentadordel programa televisivu Página dos de RTVE, que con más de 10 años n’antena, ye un referente del llabor de los medios de comunicación nel so papel de trasmisión de la imaxe de la llectura como actividá cultural y d’ociu.

Pel so espaciu pasaron cientos escritores y escritores nun formatu curioso y moderno que-y fixo merecedor d’otros munchos premios: Premiu Nacional de Fomentu a la llectura 2012 del Ministeriu de Cultura, Premiu al meyor programa de llibros de TV na Feria del Llibru de Sevilla 2011, Premiu al Fomentu de la Llectura de la Federación de Gremios d’Editores d’España etc.

Pa recoyer el premiu, Óscar López va tar na Feria del Llibru’l esti vienres día 15 de xunu a les 21 hores

Tamién te podria gustar