Olimpiaes asturianes con Sergio Buelga en Llanes

by redacción asturnews | agosto 5, 2022 8:31 am

Centro Cultural de Riegu, en Llanes, tien convocaes les Olimpiaes asturianes con Sergio Buelga, nun actividá que tien como oxetivu principal esta fin de selmana la recuperación de dalgunos d’estos xuegos tradicionales polos sos protagonistes principales: les neñes y los neños.

El xuegu ye una de les espresiones culturales más carauterístiques de los seres humanos, porque, más p’allá del elementu formativu de la personalidá na comunidá y delantre de los retos cotidianos, caltiénlu pasáu la edá infantil. Tamién ye un elementu significativu de cohesión comunitaria, porque les persones integrantes d’un mesmu pueblu conocen y prautiquen xuntes los mesmos xuegos, que van tresmitiéndose de xeneracón en xeneración, y tresformándse pela mesma vía, pero ensin perder la esencia identitaria. Por embargu, el cambiu de paradigma social y cultural de les últimes décades frañó esa tresmisión y los xuegos tradicionales tán dexando pasu a otres espresiones lúdiques más xeneralistes.

N’Asturies esisten xuegos, y incluso xuegos deportificaos, de reaigón tradicional y, incluso, autóctonu que, pesi a les ganes de xente entusiasta, nun lleguen a la xente non involucrada más q’en momentos mui puntuales del añu, como fiestes populares o programes públicos de sofitu.

Esta actividá tien como oxetivu principal la recuperación de dalgunos d’estos xuegos tradicionales polos sos protagonistes principales: les neñes y los neños. Nun solo al travies del so conocimientu puntual, sinón de la puesta en práutica en grupu, que pon en valor les sos propies capacidaes delantre de los sos iguales, más p’allá de les del xuegu en sí. Siepre presta más xugar colos amigos y faer amigos mientres se xuega.

Centro Cultural de Riegu
33597 Riegu
T: 985 880 402

Source URL: http://asturnews.com/olimpiaes-asturianes-con-sergio-buelga-en-llanes/