Odisea Teatro presenta en Llugones “La barca ensin pescador”

La compañía uvieina Odisea Teatro va presentar la so versión de la obra orixinal d’Alejandro Casona “La barca ensin pescador” esta selmana en Llugones. La cita, el vienres 28 de setiembre, a les 19.30 hores, na Casa de Cultura de la localidá.

L’acción entama nel despachu de Ricardo Xordán, un importante empresariu, cobiciosu y ensin escupulicios, que vese na ruina en perdiendo la so fortuna de forma repentina. Énte situación tan desesperada, preséntase-y como única alternativa, intentar establecer col Caballero de Negru, un macabru pactu pa recuperar les perdes sobreveníes. Pa ello, tien de demostrar que tien la clara voluntá de cumplir tan ventureru alcuerdu… Dalgún tiempu dempués, Ricardo decide pescudar pola so cuenta les consecuencies de la so actuación.

– – – – –

Dirección: Paula Moya.
Elencu: Eusebio To, Inma Montes, José Ramón Fernández, Javier del Rei, Francisco Prieto, Tita Saavedra, Marián F. Seiz, Octavio Fernández y Beatriz Arrieta
Duración: 100 minutos
Entrada llibre, llindada al aforu de la sala