Portada Comunicación Ochobre ufre programación nueva na Universidá Popular de Xixón

Ochobre ufre programación nueva na Universidá Popular de Xixón

by asturnet

Yá ta disponible la nueva programación de cursos y talleres de la UP, con propuestes diverses en toles árees temátiques  que van de cursos como Iniciación al paisaxe sonoro, Fotografía documental o Xapón imperial a Ferramientes d’Internet na nube.

Como cada cuatrimestre la Universidá Popular introduz na so ufierta nuevos cursos y talleres colos qu’arriquecer la so programación, dándo-y un calter flexible y dinámico acorde a los sos oxetivos y xenerando al empar nueves moliciones culturales y d’ociu. Cursos como Iniciación al paisaxe sonoro, Fotografía documental, Xapón imperial, El mundu oníricu d’Aurelio Suárez, Panes duces, bizcuechos y galletes o Ferramientes d’Internet na nube, son bonos exemplos d’ello, anque non los únicos.

Na web ye posible consultar la programación completa y aportar al catálogu de conteníos y oxetivos propuestos para cada unu de los cursos, onde tamién s’indica si ye preciso tener conocencies previes, apurrir dalgún material o recursu y otros datos que ye importante conocer antes de realizar la inscripción en dalgún de los cursos o talleres. Esta información tamién va poder consultase nos folletos editaos pola UP, que van tar disponibles a principios del mes de setiembre nos puntos habituales.

El periodu de matriculación va permanecer abiertu dende’l llunes 17 de setiembre, a les 9.00 h., hasta’l llunes 1 d’ochobre. Los cursos van dar empiezu a partir del 3 d’ochobre. Pa cualquier dulda o consulta, pueden contactar directamente col departamentu de UP, en upgijon.es o llamando al los teléfonos 985 18 10 32 y 985 18 10 01.

Tamién te podria gustar