Núñez Xeisas algama’l Premiu Nacional d’Ensayu 2019 por ‘Suspiros d’España’

Núñez Xeisas algama’l Premiu Nacional d’Ensayu 2019 por ‘Suspiros d’España’
31 ochobre 09:06 2019 Imprimir

El profesor y escritor ourensán Xose Manuel Núñez Seixas (1966) foi galardonáu esti martes col Premiu Nacional d’Ensayu 2019 pola so obra Suspiros d’España. El nacionalismu español 1808-2018 (Crítica, 2018), na que, según el xuráu, destaca “el so esfuerzu de síntesis y de claridá espositiva” y el so rigor.

El xuráu del premiu, dotáu con 20.000 euros y que concede’l Ministeriu de Cultura y Deporte, valoró la obra “por trazar una hestoria del nacionalismu español nes sos diverses corrientes y manifestaciones a lo llargo de la edá contemporanea” y resalta que se sofita n’una trupa trayectoria d’investigación, destaca pol so esfuerzu de síntesis y de claridá espositiva”.

Nuñez Seixas espresó’l so prestu pola concesión d’esti premiu por un trabayu que, indicó, ye un ensayu divulgativu de síntesis dirixíu a un públicu ampliu nel qu’apuesta pol nacionalismu d’Estáu, “daqué que nun ye compartíu por tol mundu”, un conceutu que “nun ye de dereches nin d’izquierdes”, aseguró a los medios.

La obra de Nuñez Seixas fai un percorríu históricu pol conceutu de la idea d’España pa defender que “el nacionalismu español siempres tuvo ende”. Y faise más visible cuando hai una “amenaza esterior o interior”, como asocedió’l sábadu en Barcelona cola manifestación a favor de la unidá d’España y frente a los independentistes, según opina.

Pa Nuñez Seixas, l’apropiación que fixo Franco del nacionalismu español mientres la dictadura y l’hipertrofia posterior que sufrió’l conceutu provocaron qu’esistan problemes de llexitimación  a la d’espresar esa idea. Considera qu’esiste un problema col nacionalismu español” porque tres la muerte de Franco nun hubo un consensu antifascista”, que ye lo que dexó a otros países europeos tres la Segunda Guerra Mundial reconstruyir el so “patriotismu d’Estáu”. “Una cuestión que sigue chirriando, como se vio col treslláu de los restos de Franco y la tibieza de dellos partíos  a la d’asumir daqué que n’otros países ye normal”, aprofió.

Nel llibru l’autor fala del nacionalismu banal, una cuestión polémica yá que naide identificase col nacionalismu al dotar esi significante con un significáu negativu. Ye’l nacionalismu que ta ende y que nun se percibe como tal nel día ente día. Nel so ensayu pon de ejemplo símbolo deportivos que sigo espierten la esaltación de lo español, daqué que nin la Marcha real nin la bandera bicolor llograron, a xuiciu del especialista gallegu.

L’asuntu catalán tamién apaez nel so llibru, nel que cunta qu’una mayo concreción d’un proyectu federal y plurinacional real y non “ambiguu” podría facilitar “soluciones entemedies” a les tensiones territoriales. “Si los nacionalismos periféricos sintiéronse tradicionalmente cómodos nel escenariu de la bilateralidad — nós a un llau, España (lo qu’esto signifique dexar na clarixa) al otru llau—, la necesidá d’encaxar esa bilateralidad nuna multipolaridad más amplia, un escenariu de competencia múltiple etnoterritorial, multiplica los dilemes. Pero tamién puede facilitar soluciones entemedies”, apunta Núñez Seixas.

  Categories: