Portada Conceyos “Nun basta con mirar… Actúa” va ser el lema del Alcuentru de Voluntariáu d’Avilés

“Nun basta con mirar… Actúa” va ser el lema del Alcuentru de Voluntariáu d’Avilés

by redacción asturnews

L’Alcuentru de Voluntariáu d’Avilés, que va tener llugar esti vienres 24 de setiembre nel Pabellón d’Esposiciones de La Madalena, tien como lema “Nun basta con mirar… Actúa”, lo que ye un perbon resume del so enfotu.

El Pabellón d’Esposiciones de La Madalena acueye esti vienres 24 de setiembre l’Alcuentru de Voluntariáu d’Avilés, una xornada que se va desenvolver sol lema “Nun basta con mirar…Actúa”. La cita ta entamada pola Conceyalía de Participación Ciudadana y Cooperación Internacional, al traviés de la Oficina Municipal del Voluntariáu d’Avilés, en collaboración cola Plataforma del Voluntariáu d’Asturies.

L’alcuentru ta enmarcáu nel Plan Estratéxicu de Voluntariáu d’Avilés y tien como oxetivu impulsar y fortalecer los programes y entidaes de voluntariáu. La sesión de la mañana ta dirixida a profesionales del sector, ente que la de la tarde ta abierta tamién al públicu. L’asistencia ye gratuita previa inscripción en https://avilesvoluntariado.org. L’eventu va tener llugar de forma presencial, respetando los requisitos sanitarios de prevención de la COVID 19. Va Tar estremáu en dos partes:

La xornada de la mañana (n’horariu de 9:30 a 14 hores) va tar dirixida a personal técnico, persones responsables o coordinadores de programes o entidaes de voluntariáu. Nella encetaránse, con espertos na materia, cuestiones rellacionaes cola captación, vinculación y fidelización de persones voluntaries.
La xornada de tarde (de 16 a 19 hores), a la que tamién van poder asistir los participantes de la mañana, va dirixida a cualquier persona voluntaria o comenenciuda na acción voluntaria y en conocer de primera esquito les entidaes y programes esistentes n’Avilés. va desenvolver en formatu taller, conducíu por una persona responsable d’una entidá de voluntariáu, pudiendo participar cada unu de los asistentes en dos talleres de forma consecutiva.

L’alcaldesa d’Avilés, Mariví Monteserín, y la conseyera de Derechos Sociales del Principáu d’Asturies, Melania Álvarez, van participar a les 14:00 hores na clausura de la xornada de mañana del alcuentru.

L’asistencia a esta cita ye gratuita. Por cuestiones d’aforu ye imprescindible la inscripción previa que se va realizar pelos siguiente medios: https://avilesvoluntariado.org o nel teléfonu del Serviciu de Participación Ciudadana del Conceyu d’Avilés (985 129 098).

 

Tamién te podria gustar