Nuevu premiu pal cine asturianu nel XI Festival Nacional de Curtiumetraxes “Ciudá d’Antequera”

by asturnet | diciembre 1, 2008 11:36 am

[1]

El XI Festival Nacional de Curtiumetraxes Ciudá d’Antequera (Málaga), premió esta selmana a “A golpe de tacón”, curtiu de la realizadora asturiana Amanda Castro. El gallardón otórgalu la Radio Televisión Pública Andaluza.

El curtiu d’Amanda Castro yá fuere premiáu nel ‘Ciudad de Chinchilla’ d’Albacete y en Palencia y amás, según informó la productora de la mesma, ye finalista nel III Festival de Curtiumetraxes ‘Cobre y Malacate’, que se celebra na llocalidá minera de Nerva, en Huelva.

”A golpe de tacón” rellata’l protagonismu de les muyeres nes fuelgues y movilizaciones que caltuvieron los mineros asturianos contra la dictadura franquista a principios de los años 60. El guión ye de Pedro Alberto Marcos, y ta adaptáu por Sergio Guardado.

Nel mesmu collaboraron Luis San Narciso, Víctor Manuel, Pelayo Gutiérrez, María José Iglesias y Teresa Fernández Cuesta, ente otros.

Endnotes:
  1. [Image]: http://asturnews.com/bancofotos/fotos/2/4126.jpg

Source URL: http://asturnews.com/nuevu-premiu-pal-cine-asturianu-nel-xi-festival-nacional-de-curtiumetraxes-%c2%93ciuda-d%c2%92antequera%c2%94/