Nuevu conveniu de collaboración de Xixón y la Unión de Comerciantes pa reactivar el comerciu local

Nuevu conveniu de collaboración de Xixón y la Unión de Comerciantes pa reactivar el comerciu local
07 agostu 13:11 2020 Imprimir

La Xunta de Gobiernu de Xixón aprobó esta selmana un nuevu conveniu de collaboración cola Unión de Comerciantes del Principáu d’Asturies por 200.000 euros pa promocionar, dinamizar, consolidar y reactivar el comerciu minorista y urbanu de la ciudá.

Tratase d’un proyectu d’interés públicu tantu poles cifres que’l sector económicu formáu por micropymes representa como pola necesidá de caltener y amontar la so competitividá y desenvolvimientu económicu pa la economía local. Tamién ye de destacar l’interés social pol efectu que produz el comerciu sobro la calidá de vida de la ciudadanía.

Nel marcu d’esti conveniu realizarán actuaciones diverses empobinaes a la totalidá de les empreses de base comercial del conceyu, fomentando la collaboración col sector hosteleru y les entidaes culturales de Xixón y auniendo esfuerzos  cola cuenta d’incentivar el consumu y atraer a la ciudadanía y a los visitantes.

Los programes que se van llevar a cabu son los siguientes:

1. Dinamización comercial de la zona urbana “Centru Comercial Abiertu La Calzada/Natahoyo”.
2. Dinamización comercial de la zona urbana “Centru Comercial Abiertu “El Centru”.
3. Fomentu del consumu nes árees comerciales urbanes de tola ciudá.
4. Comunicación al texíu comercial y la vecería.

  Categories: