Nueves normes pa profesoráu y alumnáu na Universidá d’Uviéu

Nueves normes pa profesoráu y alumnáu na Universidá d’Uviéu
16 mayu 09:10 2020 Imprimir

La Universidá d’Uviéu afacese a la ‘nueva normalidá’ y preparase pa volver a l’actividá presencial, pero les adaptaciones necesaries son munches y tán recoyíes nel protocolu qu’ellaboró’l Serviciu de Prevención de Riesgos de la institución y que foi publicáu esta selmana.

Según esi documentu, la Universidá va siguir apostando pol teletrabayo, pero pa quien sí alleguen a los centros, van tener que cumplir una serie de requisitos, dende la forma de llegar (meyor en bici, caminando o en vehículu priváu) hasta la forma de circular polos pasiellos (pola derecha o atendiendo a la señalización) y la de salir (van habilitase entraes y salíes).

Munches cuestiones dependen de la Universidá: facilitar xel hidroalcohólicu, reorganizar puestos de trabayu pa garantizar la distancia de dos metros… Pero otres van depender de la responsabilidá individual. Asina, encamentar a llevar el pelo recoyíu pa evitar tocase la cara; a llevar les uñes curties (pa nun romper los guantes); nun ponese pulseres, aníos, nin reló…

El documentu regula la organización d’esames presenciales, posibilidá que la Universidá dexó abierta pa xunetu pero que nun van vese esti añu. Les aules nesi casu deberíen acoyer un terciu del aforu, les entraes y salíes van ser gradiaes, va dexase espaciu abondu ente alumnos, la superficies van ser desagafaes antes y dempués, ya inclusive se va entamar «la entrega y recoyida de los exames evitando’l contactu directu ente los miembros de los tribunales y los estudiantes (recomendable que’l profesor dexe y recueya l’exame en cada puestos de los examinandos, ensin la presencia d’estos)». Queda fora del documentu la EBAU, que va tener protocolu específicu a ellaborar ente Universidá, Educación, Sanidá y Delegación del Gobiernu.

El nuevu protocolu

Desplazamientos al trabayu:    meyor en bici o vehículu priváu pa garantizar los dos metros de distancia.
Teletrabajo:    sigue siendo la prioridá, entamando veces o alternando selmanes de trabayu presencial con teletrabajo. Plantégase, de forma voluntaria, faer veces de mañana y tarde.
Circulación:    pola derecha y en ringlera. En pasiellos estrechos va haber señalización.
Puestos de trabayu:    van reorganizar pa garantizar la distancia de dos metros. Si non puede garantizase va dotar d’equipos de protección.
Ventilación:    mínimu, una vegada al día de toles instalaciones. Evitar l’usu del aire acondicionáu o aparatos de ventilación.
Aseos:    solo puede aportar una persona. van llimpiase seis vegaes al día.
Protección individual:    llaváu de manos, usu de mázcaru cuando nun se garantice la distancia de seguridá, evitar el saludu con contactu físicu, evitar usar equipos informáticos de compañeros, recoyer el pelo, llevar les uñes curties, nun llevar aníos, pulseres, nin reló, usar pañuelos desechables…
Pruebes presenciales:    un terciu del aforu, distancia de dos metros siempres, entrada gradiada, pelo recoyíu, evitar el contactu ente miembros del tribunal y alumnos. Va Haber protocolu específicu pa la EBAU, poles sos característiques.

  Categories: