Nueva xunta preparatoria de la campaña contra agresiones sexistes n’Avilés

Nueva xunta preparatoria de la campaña contra agresiones sexistes n’Avilés
26 xunetu 09:50 2018 Imprimir

La concejala d’Igualdá, Raquel Ruiz, va participar xuntu con representantes del Conseyu de la Muyer, cuerpos y fuerces de seguridá y persones interesaes nuna nueva xunta preparatoria de la campaña contra agresiones sexistes nes fiestes del branu n’Avilés.

Esti xueves 26 de xunetu va tener llugar la próxima xunta preparatoria de la campaña contra agresiones sexistes en fiestes de branu qu’impulsa la conceyalía d’Igualdá. Va Ser a partir de les 17 hores y alla tán convocaes tantu representantes del Conseyu de la Muyer d’Avilés como axentes de los cuerpos y fuerces de seguridá, y vecinoes en xeneral que yá participaron en xuntes anteriores.

Nesta sesión de trabayu va falase de distintos aspeutos de la futura campaña. Ente ellos la ellaboración d’una Guía de Recursos colos que cunta Avilés y que pueden resultar d’utilidá énte casos d’agresión sexual. Tamién se va tratar la confección y distribución del material divulgativo de la mesma campaña, y distintos aspeutos organizativos de la mesma.

Asina mesmo, va concretase colos y les axentes de cuerpos y fuerces de seguridá asistentes la so participación nel desenvolvimientu d’esta campaña, resolviendo toles duldes al respeutu que puedan surdir al restu de persones asistentes.

L’oxetivu fundamental de la campaña informativa qu’agora se peracaba ye, per un sitiu, concenciar na prevención d’esti tipu de delitos y, per otru llau, articular una respuesta coordinada pa responder énte agresiones sexuales producíes nel ámbitu de les celebraciones festives de branu.

Pretende garantizase que les muyeres ser atendíes de la manera más rápida y efectiva posible, incidiendo de manera especial en pautes d’actuación empobinaes a testigues d’agresiones sexuales, concenciando sobro la necesidá d’emprestar sofitu a la víctima.

  Categories: