Nueva Cátedra Merkle de Ciencia de Datos y Marketing na Universidá d’Uviéu

La Universidá d’Uviéu, xuntu cola compañía Merkle, van poner en marcha la nueva Cátedra Merkle de Ciencia de Datos y Marketing. La cátedra, creada nel marcu del nuevu grau en Ciencia ya Inxeniería de Datos, naz de la necesidá de fomentar la cultura del datu ente los mozos.

El rector de la Universidá d’Uviéu, Ignacio Villaverde, y el Chief Executive Officer de Merkle España, Manuel Blanco, roblaron esti martes pasául conveniu de constitución de la cátedra.

El rector considera necesario que l’estudiantáu «conoza de primera mano» en qué consiste’l campu nel que se van a enfusar y les salíes d’empleabilidá que-yos ufierta. «Nada meyor que faelo de la mano d’una compañía como Merkle, qu’aplica la ciencia de datos en daqué tan concretu como’l CXM (Customer Experience Management)», amestó.

«Nel sector empresarial recibimos con gran prestu’l nuevu Grau de Datos de la Universidá d’Uviéu porque da respuesta a una demanda cada más creciente del mercáu. Al traviés de la Cátedra, dende Merkle queremos sofitar la formación de los estudiantes cola nuesa esperiencia y conocencia de los datos y el marketing, coles mesmes que promovemos el so insertamientu llaboral», amestó Manuel Blanco, CEO en Merkle España.