Portada Música Nuberu, Hevia y Wolfstone fadrán la nueche folk de San Mateo

Nuberu, Hevia y Wolfstone fadrán la nueche folk de San Mateo

by redacción asturnews
Componentes del grupu escocés Wolfstone

Esti martes 15, na Plaza de la Catedral d’Uviéu, celebrase la nueche folk de San Mateo na que particien esti añu Nuberu, Hevia y el grupu escocés Wolfstone.

El conciertu entamará con Nuberu a les 21,30 y siguirá con Hevia a les 22,45 pa poner el broche Wolfstone a partir de la medianueche.

Wolfstone son un emblema del meyor rock celta: una formación que demientres munchos años percorrió esti país de cabu a rabu. La banda escocesa, en formatu actual de sestetu, tien una singladura de más d’un cuartu de sieglu.

Son el referente pa los que miren pol retrovisor y pa cualesquier que quiera tener el meyor puntu de fuga si ye que pretende fundir música de raigañu y rock. Ensin dulda, cunten con dellos álbumes memorables (como Terra Firma, Year of the dog o The Half Tail), lo mesmo qu’un bon ramillete d’himnos.

Duncan, Chisholm y Stuart Eaglesham son los miembros que dende los sos entamos caltienen el proyectu sollerta A ellos súmase Stevie Saint, un grande de la gaita escocesa, al pie de la cazumbre fresca qu’apurre’l tridente rítmicu y la guitarra eléctrica.

Tamién te podria gustar