Cine El Filarmónica esibe los curtios del festival REC (Ribedeva en curtiu) by asturnet 6 de febreru, 2008 Los curtios del Festival Nacional de Curtiumetraxes al Aire Llibre REC (Ribadeva en curtiu) van poder vese dende esti martes nel ovetense Teatru Filarmónica gracies a una iniciativa conxunta de los concetos d’Uvieu y Ribedeva y la Fiulmoteca d’Asturies. La primer sesión va ufrir les siguientes obres: “Con lengua” d’Anna Rodríguez Costa; “La Quela” de Liz Lobato, “Garto” de Luis Gómez Guzmán, “In between” de J. E. Iglesias Vigil, “El camino de Ana” de Richard Vázquez y “Sálvame” de Javier Veiga. El miercoles 6 va continuar el programa de proyecciones con: “Mensajes de voz” de Fernando Franco, “Padam” de J. Manuel Carrasco, “Benelux” de Gonzalo Munilla, “Diente por ojo” d’Eivind Holmboe, “Cirugía” d’Alberto González y “Tadeo Jones” d’Enrique Gato. 6 de febreru, 2008 0 FacebookTwitterPinterestEmail
Cine Fnac xunto cola Filmoteca de Cuba ufren el pase de “La bella del Alhambra” by asturnet 6 de febreru, 2008 L’espaciu cultural de la Fnac, en collaboración cola Filmoteca de Cuba, ufre pa esti miercoles 6 de febreru una nueva amuesa del meyor cine de la islla col pase de la película “La bella del Alhambra” de los directores Enrique Pineda Barnet y Miguel Barnet. La proyección va tener llugar na sala d’actos que la tienda tien nel centru comercial Parque Principado de Siero a les 19:00 hores con entrada llibre. “La bella del Alhambra” cunta la hestoria d’una corista y prostituta na Cuba de los años 20. La cinta algamó’l Premiu Goya en 1990 y foi l’aspirante al Oscar a la meyor película estranxera en 1991. 6 de febreru, 2008 0 FacebookTwitterPinterestEmail
Cine Asturies ta siendo l’escenariu de la próxima serie de TVE by asturnet 5 de febreru, 2008 Asturies ye, dende esti llunes 4 de febreru, l’esceneriu natural del rodaxe de la serie “La Señora”, que va emitir la primer canal de Televisión Española. La serie, una ficción ambientada la vida d’una familia d’empresarios mineros durante la dictadura de Primo de Rivera, llevará sellu asturianu gracies a que ta rodada en parte en llocalizaciones como Llanes, Colombres, la sablera de Niembru, Moreda y na playa d’Aguadamia en Cuerres. L’equipu de la productora Diagonal TV, formáu por noventa profesionales, entamó a rodar el pasáu 8 de xineru en Navalcarnero y agora aporta a rodar esteriores a Asturies. Amás del Principáu tamien van rodar nes llocalidaes madrileñes de Bustarviejo y Miraflores, en Sepúlveda (Segovia), Lupiana (Guadalajara) y na finca Górquez (San Martín de la Vega). 5 de febreru, 2008 0 FacebookTwitterPinterestEmail
Cine Asturies llevó 7 de los 14 premios Goya pa los que taba nominada by asturnet 4 de febreru, 2008 Les películes rodaes n’Asturies y nominaes esti añu a los Goya yeren El Orfanato, con 14 nominaciones, Oviedo Express con 7, Luz de domingo con 5, La Torre de Suso con 3 y Pudor con 2, y eso ensin cuntar colos asturianos que competíen en categoríes técniques. Sicasí, el resultáu final nun dexó más que la metá de los premios Goya pa los que taba “nominada” Asturies, toos ellos pa El Orfanato. El más asturianu de los premios, el que recibió Sergio G. Sánchez pol guión orixinal dEl orfanato, que como él mesmu comentó ta basáu nel curtiu que fizo como ensayu, nasturianu, 7337. Llevaron amás un Goya, Juan Antonio Bayona, como meyor director novel, David Martí, Montse Ribé, Pau Costa, Enric Masip, Lluis Castells y Jordi San Agustín pol meyor soníu, Lola López e Icíar Arrieta pola peluquería y el maquillaxe y Joseph Rosell pola dirección artística. A la fin, el cine rodáu n’Asturies, tuvo mui bonos resultaos nes nominaciones, pero non asina nos premios finales. 4 de febreru, 2008 0 FacebookTwitterPinterestEmail
Cine La Filmoteca ufre “Krakatoa, al este de Java” dientro del ciclu sobre cine d’aventures by asturnet 4 de febreru, 2008 Esti llunes 4 de febreru continua nel Teatru Filarmónica d’Uvieu el ciclu sobre cine d’aventures que’organiza la Filmoteca d’Asturies col pase de “Krakatoa, al Este de Java”. La obra del director Bernard L. Kowalski enmárcase dientru del xeneru de catástrofes y cunta la aventura d’un buque, el Batavia Queen, que sufre la erupción del Krakatoa durante una de les sos travesíes. La cita entama a les 20:30 y la entrada ye de baldre. 4 de febreru, 2008 0 FacebookTwitterPinterestEmail
Cine Los Goya más asturianos de la hestoria cellebráronse nel Casinu de Xixón by asturnet 3 de febreru, 2008 En pantalla xigante y nel Casinu dAsturies, la nueche del domingu 3 de febreru, tuvo abierta a toes aquelles persones que consiguieron les invitaciones yá escosaes- pa esti eventu. La presentación cirrió al cargu de Begoña Natal, de la Cadena Ser de Xixón, qu’entrevistó a los protagonistes asturianos destes películes, ente otres sorpreses. La música de los hermanos Tejedor, compuesta pa La Torre de Suso ol Grupu de danza de la Escuela Candilejas de Xixón, quactuaron na película Oviedo Express. Les películes rodaes nAsturies son El Orfanato, con 14 nominaciones, Oviedo Express con 7, Luz de domingo con 5, La Torre de Suso con 3 y Pudor con 2, y eso ensin cuntar colos asturianos que compiten en categoríes técniques. La gala ta coordinada por Iván Armesto, que dempúes del so sonáu pasu per Gran Hermano dirixe una empresa, ASG, que sencarga de munches de les selecciones dactores pa les películes rodaes nAsturies. 3 de febreru, 2008 0 FacebookTwitterPinterestEmail
Cine Asturies, con 32 nominaciones, va cuntar cola so propia gala de los Premios Goya en Xixón by asturnet 1 de febreru, 2008 Les películes rodaes esti añu nAsturies collecharon importantes ésitos nes taquilles y agora paez que los premios van llegando. Asina, les películes rodaes nAsturies en 2007 cunten con 32 condidatures nos premios Goya de lAcademia del Cine. La gala va celebrase en Madrid, perol Casinu de Xixón va acoyer una gala especial pa celebra lésitu dAsturies nesti certame. En pantalla xigante y nel Casinu dAsturies, la nueche del domingu, 3 de febreru, va tar abierta a toes aquelles persones que consiguieron les invitaciones yá escosaes- pa esti eventu. La presentación va tar al cargu de Begoña Natal, de la Cadena Ser de Xixón, que va entrevistar a los protagonistes asturianos destes películes, ente otres sorpreses. La música de los hermanos Tejedor, compuesta pa La Torre de Suso ol Grupu de danza de la Escuela Candilejas de Xixón, quactuaron na película Oviedo Express. Les películes rodaes nAsturies son El Orfanato, con 14 nominaciones, Oviedo Express con 7, Luz de domingo con 5, La Torre de Suso con 3 y Pudor con 2, y eso ensin cuntar colos asturianos que compiten en categoríes técniques. La gala ta coordinada por Iván Armesto, que dempúes del so sonáu pasu per Gran Hermano dirixe una empresa, ASG, que sencarga de munches de les selecciones dactores pa les películes rodaes nAsturies. 1 de febreru, 2008 0 FacebookTwitterPinterestEmail
Cine Proyéctase’l documental “Peligro, ¡Trabajo!” nel centru cultural Antiguu Institutu by asturnet 30 de xineru, 2008 Esti miercoles 30 de xineru continuen los actos programaos na Selmana del Aula Popular Jose Luis García Rúa de Xixón col pase del documental “Attention Danger Travail” ! (Peligro ¡Trabajo!) producíu por Annie González. La cinta yá participó con esitu nel Festival de cine documental de Zaragoza, nel Festival Nouveau Cinema de Montreal y ne Festival Resistances y Foix. Na esibición del documental, a les 19:00 hores nel Centru de Cultura Antiguu Institutu, va tar presente la propia productora ya’l presidente del Ateneu Obreru de Xixón, Luis Pascual. La edición d’esta selmana d’actividaes ta organizada pol Aula Popular Jose Luis García Rúa, la Sociedá Cultural Xixonesa, Radio Kras, Teatru La Máscara, l’asociación Sestaferia y l’Ateneu Obreru de Xixón. Tamien cunta col sofitu de la Fundación Municipal de Cultura, Educación y Universidá Popular del conceyu de Xixón. 30 de xineru, 2008 0 FacebookTwitterPinterestEmail
Cine Fnac esibe un documental de Jonathan Demme sobre la figura del lluchador Jean Dominique by asturnet 29 de xineru, 2008 Les actividaes culturales del Fórum de la tienda Fnac, nel centru comercial Parque Principado de Siero, entamen esti martes, como davezu a les 19:00 hores, cola proyección del documental “El agrónomo” de Jonathan Demme. La cinta fala de la vida ya’l trabayu de Jean Dominique, periodista y defensor de les llibertaes en Haiti asesináu, un casu tovía ensín resolver, haz cuatro años. Demme fai un retratu del periodista al travies de testimonios de familiares, amigos y compañeros de trabayu. 29 de xineru, 2008 0 FacebookTwitterPinterestEmail
Cine Soldepaz Pachakuti y Cambalache denuncien la situación de los campesinos paraguayos presos by asturnet 25 de xineru, 2008 L’asociación cultural Cambalache organizó pal vienres 25 de xineru una nueva xornada divulgativa cola esibición del documental “Chokokue. Trabajo, organización y lucha”, obra de Miriam Paz y Guillermo Cohen sobre’l campesináu paraguayu. La xornada ta organizada pola asociación Soldepaz Pachakuti y entamó a les 20:00 hores nel local que Cambalache tiene na cai Martínez Vigil d’Uvieu (30, baxu). “Chokokue. Trabajo, organización y lucha” ye un viexe al interior del Paraguay campesinu pa cuntar la llucha pola tierra, la identidá cultural y los derechos de los sos habitantes escontra les multinacionales. Esti documental llega a Cambalache con motivu de la campaña que ta piediendo l’asilu políticu y la vuelta al so país pa los seis campesinos paraguayos presos na cárcel arxentina de Marcos Paz 25 de xineru, 2008 0 FacebookTwitterPinterestEmail