Plástiques Una esposición amuesa la China en blanco y negro de Marc Riboud by asturnet 13 de febreru, 2006 Una esposición recueye la mirada personal del fotógrafu francés Marc Riboud sobre los rostros diversos de la China que conoció el míticu reporteru de l’Axencia Magnum. En “China en blanco y negro” Riboud amuesa los cambios esperimentaos pol país asíaticu a lo llargo de la segundá mitá del sieglu XX. Definíes pol propiu autor como “notes de viaxe”, les semeyes d’esta esposición, que puede visitase hasta’l prósimu 24 d’abril na Galería Fotográfica de Fnac en Parque Principado, reflexen la mirada inquieta d’un reporteru escepcional. Marc Riboud nació en Lyon (Francia) en 1923 y a los 14 años recibió de so padre una cámara Kodak como regalu. Después de combatir na resistencia francesa mientres la segunda guerra mundial dedicóse a la fotografía y en 1951 fíxose reporteru independiente. Un añu más tarde entra a trabayar pa l’Axencia Magnum cola que va cubrir gráficamente dellos de los principales conflictos bélicos de les siguientes décades: Camboya, China, Congo, Vietnam…En 1975 ye nomáu presidente de Magnum. 13 de febreru, 2006 0 FacebookTwitterPinterestEmail
Plástiques Ramón Isidoro espón nel Barjola una amuesa de la so colaboración col grupu Manta Ray by asturnet 7 de febreru, 2006 L’artista astur-lleonés Ramón Isidoro espón nel Muséu Barjola de Xixón una amuesa del so trabayu de collaboración col grupu Manta Ray na que la música de la banda xixonesa endólcase coles semeyes y los oxetos de lluz del autor d’esta instalación titulada “Hypersonic Paintings”. La obra de Isidoro va poder visitase hasta’l prósimu 14 de marzu. Isidoro, artista multimedia y técnicu d’imaxe nos conciertos en directu de Manta Ray -amás d’autor de les portaes de lo sos últimos discos- va inaugurar una nueva amuesa del so trabayu plásticu el prósimu 24 de febreru na galería xixonesa Espacio Líquido y na que se recueyen obres de pintura embaxo’l títulu “Tonic Paintings”. 7 de febreru, 2006 0 FacebookTwitterPinterestEmail
Plástiques La Mancomunidá de la Sidra entrega los sos premios de comic n’asturiano by asturnet 3 de febreru, 2006 Esti vienres día 3 de febreru a les 19 hores na Casa la Cultura de Bimenes van entregase los premios del III Concursu de Cómic n’asturianu y del I Concursu de Tires Cómiques de la Comarca la Sidra que son organizaos pol Serviciu de Mocedá de la Mancomunidá Comarca de la Sidra y el Serviciu de Normalización Lligüística de la Comarca la Sidra, col patrociniu de Caxastur y la collaboración de la Conseyería de Cultura, Comunicación Social y Turismu. Los diplomes van ser entregaos pol Alcalde de Bimenes, D. Emilio González Aller; y pol Presidente de la Mancomunidá, D. Francisco Javier Parajón Vigil. Los premiaos nesta ocasión son: MODALIDÁ 1: Cómic n’asturianu, dirixío a autores/as mayores de 14 años Premiu de 500 euros y Diploma a la obra titulada: “OCHO VALLES” l’ autor premiáu ye JOSÉ JUAN GONZÁLEZ GARCÍA El xuráu concedió dos accésit de 200 euros y Diploma a: DAVID LAFUENTE y a TOMÁS GONZÁLEZ CANELLADA MODALIDÁ 2: Tires Cómiques, feches per alumnos/es d’enseñanza primaria y secundaria de los distintos centros educativos de la Comarca la Sidra Categoría del Ciclu Primeru y Segundu de Primaria: Premiu Primeru pa MÓNICA ARCE COSTALES del Colexu Públicu Maliayo de Villaviciosa. Categoría del Ciclu Terceru de Primaria: Primer Premiu pa CLAUDIA MIRAVALLES GONZÁLEZ del Colexu Públicu Maliayo de Villaviciosa. Categoría d’Enseñanza Secundaria Obligatoria: Premiu Primeru pa MARIA SÁNCHEZ DÍAZ de Bimenes. El xuráu quixo destacar l’altu grau de calidá que se vio na modalidá de Cómic, asina como la bayurosa participación de los escolinos/es de la Comarca na modalidá de Tires Cómiques. Nel actu tamién se va inaugurar una esposición coles obres presentaes a concursu asina como la entrega d’una espublización coles obres premiaes y les finalistes. 3 de febreru, 2006 0 FacebookTwitterPinterestEmail
Plástiques Cinco artistes asturianos viaxen cola galería Espacio Líquido a ARCO by asturnet 2 de febreru, 2006 La galería Espacio Líquido presenta el llabor de cinco artistes asturianos na edición de la feria internacional ARCO qu’escomienza en Madrid el prósimu 9 de febreru. Los trabayos de Cuco Suárez, Avelino Sala, Rebecca Menéndez, Pablo San José y Chechu Álava van poder contemplase nesta cita imprescindible del mercáu del arte contemporáneu. La sala xixonesa ye la única d’Asturies qu’acude a ARCO 06 y xunta los creadores mencionaos va llevar tamién obres d’ artistas internacionales como MK Kahne, Aino Kanisto, Lamberto Teotino y Arcángel Constantini. 2 de febreru, 2006 0 FacebookTwitterPinterestEmail
Plástiques La obra de Melquiades Álvarez llega a Barcelona by asturnet 28 de xineru, 2006 El pintor asturianu Melquiades Alvarez (Xixón 1956) expón estos díes na sala d’arte contemporáneo Artur Ramon de Barcelona la parte más recien de la so obra pictórica y dibuxu. Esti artista xixones, lleva dexando la so impronta n’abondos museos y colecciones, dende que nel añu 1973 entamare la so andadura n’exposiciones individuales, siendo la primera d’elles nel Ateneu Xovellanos de Xixón. De la obra de Melquiades Álvares hai destacar que ta presente nel Museu de Belles Artes d’Asturies, nes Conseyeríes de Xultura y Turismu del Principáu d’Asturies, na colección Eduardo Chillida de San Sebastián, na Caxa d’Asturies n’Uvieu y na Fundación Príncipe d’Asturies ente otres. Tamien tien participao en dalgunes exposiciones colectives siendo la primera na Galería Benedet d’Uvieu. 28 de xineru, 2006 0 FacebookTwitterPinterestEmail
Plástiques Jaime Herrero amuesa n’Uviéu más de cuarenta años de llabor artística by asturnet 23 de xineru, 2006 EL pintor Jaime Herrero ye l’autor de la esposición retrospectiva que s’amuesa na Sala Cultural de Cajastur nel Teatru Campoamor d’Uviéu hasta’l prósimu 12 de marzu. Herrero, artista plásticu y escritor, recuerre a lo llargo de cuatro décades el so trabayu a la busca d’un llinguaxe espresionista que nun refuga la voluntá comunicadora. La esposición que se puede visitar n’Uviéu enseña cuarenta y cuatro óleos pintaos pol artista mierense dende 1963 hasta anguaño nuna esbilla comisariada por Luis Feas. Jaime Herrero llevaba más de dieciocho años ensin colgar públicamente una esposición de la so obra: agora nesta amuesa recupera una curiosa parte del so trabayu dende los oríxenes xuniéndolo a les sos últimes aportaciones nel terrén artísticu. 23 de xineru, 2006 0 FacebookTwitterPinterestEmail
Plástiques La Conseyería de Cultura coproduz una esposición del pintor estremeñu Juan Barjola nel IVAM by asturnet 19 de xineru, 2006 L’Institutu Valencianu d’Arte Modernu (IVAM) inauguró esti miércoles 18 una esposicíón retrospectiva del pintor estremeñu Juan Barjola que ta coproducida pola Conseyería de Cultura del Principáu. L’amuesa va poder visitase en Xixón nel propiu Muséu Barjola y nel Palaciu de Revillaxixéu d’abril a xunu. La esposición, que va inaugurase en Xixón el prósimu 6 d’ abril ta compuesta d’un cientu d’ obres qu’abarquen dende fines de los años cuarenta hasta los primeros años de 2000. El conxuntu, comisariáu por Felipe Garín, amuesa los distintos períodos cronolóxicos y tamién les temáticas recurrentes propies del artista qu’ articularon la so creación (bodegones, figures, neños, maternidaes, tauromaquies, autorretratos y retratos apócrifos ) consiguiendo asina una amplia panorámica que permite acercase y conocer la trayectoria del estremeñu Juan Barjola, referente fundamental del expresionismu figurativo español en la segunda mitá del sieglu XX. Las obras seleccionadas proceden de importantes colecciones públicas como la del Museo Nacional Centro de Arte Reina Sofía, el Museo Patio Herreriano de Valladolid, el Museo de Bellas Artes de Bilbao o el propio Museo Barjola, así como numerosas aportaciones de varías galerías comerciales, colecciones particulares y, hay que hacer especial mención, a la colección de la familia y del taller del artista tal como quedó tras su muerte. 19 de xineru, 2006 0 FacebookTwitterPinterestEmail
Plástiques Una esposición amuesa los dibuxos secretos d’Asterix fechos por Uderzo by asturnet 18 de xineru, 2006 Una esposición recupera parte de les ilustraciones que’l dibuxante francés Albert Uderzo fexo del so héroe Asterix fuera de los álbumes que recueyen les aventures del popular personaxe de cómic. L’amuesa de los ‘dibuxos secretos’ del míticu guerreru galu puede contemplase hasta’l prósimu 6 de febreru na sala d’esposiciones del Forum de Fnac en Siero. Uderzo y el so compañeru René Goscinny firmaron dende 1959 un total de 32 álbumes de les aventures d’Asterix, una obra que supunxo la fechura de más de mil cuatrocientes planches. Tres la muerte va ya ventiocho años de Goscinny, Albert Uderzo siguió componiendo nueves traces al personaxe creau por entrambos autores. Agora el Forum de Fnac amuesa una parte significativa de la obra fecha por Uderzo al marxe de los álbumes. 18 de xineru, 2006 0 FacebookTwitterPinterestEmail
Plástiques El Muséu de Belles Artes fue ún de los más visitaos de tol estáu en 2005 by asturnet 12 de xineru, 2006 El Muséu de Belles Artes d’Asturies recibió l’añu pasáu un total de 57.066 visitantes, una de les cifres más altes de les rexistraes por pinacoteques públiques de tol estáu. La colección asturiana ye amás una de les poques que caltién de baldre les entraes pa les sos visites. Un estudiu de la revista Consumer recueye qu’a lo llargo de 2005 más de la mitá de los museos de belles artes del estáu perdieron visitantes y l’asturianu ye un de los que s’esclúi d’esti fechu, dándose amás la circunstancia de que ganó alrodiu d’un diez por cientu d’entraes. L’estudiu señala a la colección del Palaciu de Velarde como una de les seis que caltienen de baldre el so accesu. El Muséu de Belles Artes d’Asturies cumplió l’añu pasáu el so venticinco aniversariu y ente les obres qu’abelluga destaquen les de pintura del sieglu XIV al XX, escultura moderno y contemporáneo, asina como divereses amueses d’artes industriales. El númberu d’obres espuestes ye de 360, ensin cuntar cerámiques y vidrios; amás tien inventariaes y almacenaes nos sos fondos, alrodiu de 10.000 pieces. Estudiu en Consumer 12 de xineru, 2006 0 FacebookTwitterPinterestEmail
Plástiques Pelayo Ortega inaugura esposición na Sala Marlborough de Nueva York by asturnet 9 de xineru, 2006 L’artista asturianu Pelayo Ortega inauguró esti sábadu 6 de xineru en Nueva York la so esposición «Paintings and constructions» (pintures y construcciones), un percorríu pelos paisaxes urbanos más personales del autor que puede visitase na sala Marlborough, nel 211 West de la Calle 19, en Manhattan hasta’l prósimu 14 de febreru. 9 de xineru, 2006 0 FacebookTwitterPinterestEmail