Fiestes Xuegos, música, teatru costumista y folclore nel Día dAsturies en Xixón by asturnet 31 de xunetu, 2010 El Cerru Santa Catalina va acoyer los actos de celebración del Día dAsturies en Xixón, que va entamar a les doce la mañana del domingu 1 dagostu. A les 12 la mañana va entamar un desfile tradicional dende los Xardinos de la Reina al Cerru. Yá nel Cerru van participar de la folixa grupos de baille y bandes de gaites, como Villa de Xixón, A. de Foclore Xaréu, C. y D. Covadonga, G.F. El Xiringüelu, Los Collacios, Los Xustos o la Banda de Gaites Noega de Xixón, ente otros. Darréu celébrense dellos concursos: Meyor Presentación de comida en prau, Meyor Cesta, Corta de tueru con hachu, carrera de llecheres, cucaña, corta naltura, corta de tueros con tronzón y esibición de la Escuela de Deportes Tradicionales (Rana, Llave, etc.) A les 16:30 y 19:15, va actuar Carlos Alba con Lo tuyo ye too Cuento . Pesllando la xornada Anabel Santiago y Héctor Braga con un conciertu, de magar les ocho y media; y una hora más tarde, la obra Planeta Joselín; una comedia asturiana… de pura cepa, que van interpretar Alberto Rodríguez, Jorge Moreno y David Soto. 31 de xunetu, 2010 0 FacebookTwitterPinterestEmail
Fiestes Mercáu nos Alcuentros cola Cultura Tradicional de Colunga by asturnet 23 de xunetu, 2010 Siguen les actividaes de los Alcuentros cola Cultura Tradicional de Colunga. El sábadu 24 y domingu 25 na Plaza del Conceyu, en Colunga celebraráse un Mercáu que va sirvir de colofón a los Alcuentros y que, amás de diversos puestos de venta y esposición de productos artesanos y alimenticios, va cuntar con talleres en vivu sobre antiguos oficios, xuegos tradicionales, animaciones y actuaciones folclóriques y musicales. Va haber, tamién nel so marcu, una esposición de preseos tradicionales ya intervenciones en directu con curdión, zanfonía, xiblates, percusión El día 24, sobre les 20:00 h. va tener llugar nel Mercáu el Festival de l’Asociación d’Intérpretes de la Canción Asturiana (A.I.C.A.) cola intervención de los cantantes de tonada asturiana Juan Robledo Iglesias, Laudelina Hortal y Juan Luis García Lobo, acompañaos a la gaita por Francisco José Álvarez. va cuntase nesti Festival cola actuación del Grupu de Teatru La Cruz de Ceares que va representar la obra El recateo. 23 de xunetu, 2010 0 FacebookTwitterPinterestEmail
Turismu Nava celebra esta fin de selmana’l Festival de la Sidra by asturnet 9 de xunetu, 2010 El Festival de la Sidra de Nava llega a la so edición XXXIII esta fin de selmana. Ente les actividaes, el ciclu Cancios de chigre, un conciertu de Los Berrones, güei vienres, mercáu dartesanía, entrega del premiu a la meyor sidra natural del añu, llectura del pregón, llanzamientu del chupinazu, concursu dechadores de sidra, verbenes y festival infantil. Consulta’l programa completu de les fiestes 9 de xunetu, 2010 0 FacebookTwitterPinterestEmail
Fiestes Tiuya celebra ente los llagares familiares lúnicu concursu de sidra de casa by asturnet 8 de xunetu, 2010 El pueblu de Tiuya, dactualidá internacional estos díes pol xugador David Villa, celebra a partir del vienres, y hastal domingu 11, les Fiestes de San Xosé Obreru de La Mudrera. El llugar foi escoyíu en 2009 como Pueblu Afayaízu pol Conceyu Llangréu. Nel programa va poder esfrutase de concursos de parchis, tute, xuegos pa los guah.es… Amás dun carpa na que va sirvirse la yá tradicional xinta de corderu a la estaca que va aconceyar a más de 200 vecinos. Nes fiestes cunten tamién con orquestes, tantol sábadu comol vienres. Nel mesmu llugar, va celebrasel III Concursu de la Sidra de Casa, el sábadu dende les 19:30 hores, un festival únicu nAsturies nel que los asistentes voten ente los alredor de venti llagares de sidra de casa, cuálu yel meyor palu de 2010. Acompañen a la folixa, bolos, tonada, gaiteros, misa y el teatru costumista asturianu de Carbayín, que pieslla les fiestes el domingu. 8 de xunetu, 2010 0 FacebookTwitterPinterestEmail
Fiestes Bimenes celebra la fiesta de la oficialidá esta fin de selmana by asturnet 1 de xunetu, 2010 El sábadu 3 de xunetu entamen les actividaes de la Fiesta de la Oficialidá del Asturianu, en Bimenes. A les once la mañana, nel prau dEl Padrizu (Rozaes) ábrese la VIII Feria dArtesanía y Mercáu de Productos Agroalimentarios. Media hora más tarde, un pasacais de los grupos folklóricos Los Yerbatos (Bimenes) y Os Pauliteiros (Miranda del Douro) va percorrer les cais de Xenra hasta la Casona de los Careaga, onde a les 1200 hores, el cantante del grupu de rock Dixebra, Xune Elipe, va dar llectura al pregón, siguíu duna misa nasturianu, oficiada por José Manuel García de Jesús y cantada por El Corriellu la Pandorga (Bimenes). Darréu, nel prau dEl Padrizu, en Rozaes, va facese la Puyal ramu, entamada pola Sociedá de Feries y Fiestes Nuestra Señora del Rosario de Santuyano. A la una y media van actuar los grupos folklóricos Los Yerbatos (Bimenes) y Os Pauliteiros, llegaos de Miranda del Douro. La xornada para al meudía pa celebrar una Xinta popular, con corderu a la estaca y parrillada mixta (costielles, chorizu y pollu) al preciu de venti euros, ya incluyendo pan y arroz con lleche. Yá de tarde, de magar les cuatro, celébrase un taller de manualidaes pa neños, a cargu de lAsociación Sociocultural Afayaivos. A les 1830 hores la música torna a la folixa pa celebrar el XI Concursu de Gaiteros y Gaiteres Mozos. La nueche trai con ella, a partir de les 11, un conciertu de La Bandina la Curuxa, La Tarrancha y DJ J15. 1 de xunetu, 2010 0 FacebookTwitterPinterestEmail
Fiestes Marta Sánchez canta na Nueche de San Xuan de Mieres by asturnet 23 de xunu, 2010 La célebre cantante Marta Sánchez va celebrar un conciertu dempués de la foguera de Mieres, a la una la nueche. Sicasí, muncho enantes, a les once y media la mañana, entamen les actividaes, con xuegos predeportivos. A les siete la tarde, enramáu de les fontes del conceyu, y a les ocho, preparación de la Foguera, la conocidá como “la Cargüeñá” (Acarréu de lleña pa la foguera) Y mientres unos carreten, otros van celebrar larrozada. A les 23, 15 celébrase un gran espectáculu de fueos artificiales tituláu ¡Color, lluz, maxa!, y na foguera, Danza Prima. 23 de xunu, 2010 0 FacebookTwitterPinterestEmail
Fiestes Música y cabezudos na foguera del conceyu condal by asturnet 23 de xunu, 2010 La foguera que se celebra en Noreña tien a la música por protagonista. A partir de les siete la tarde celébrase amás, nel Parque los Riegos, un desfile de Cabezudos acompangaos de Tambor y Gaita. A les 20:00 hores xuegos tradicionales pa neños y una amuesa de música tradicional. A les diez de la nueche va cuntase cola orquesta LaNoche y dempués de la foguera, que se prende a les doce, actúal grupu ska-reggaeLa Tarrancha. 23 de xunu, 2010 0 FacebookTwitterPinterestEmail
Fiestes La Corredoria y Santianes allumen el conceyu dUviéu en San Xuan by asturnet 23 de xunu, 2010 NUviéu, celébrense dos fogueres parroquiales. La primera delles tien llugar en La Corredoria. El día va entamar a les 19:30 hores, con una misa polos socios de la comisión de fiestes finaos esti añu. A les 21:30 hores entama la romería y verbena amenizada poles orquestes Dominó y Tango. A les 22 hores escuéyese a la Reinina y Reina de les fiestes, y a les doce la nueche préndese la foguera. A la mesma hora, en Santianes celébrase una foguera ente la xente del pueblu que da entamu a les fiestes del llugar, quentamen perdafechu esti vienres 25. 23 de xunu, 2010 0 FacebookTwitterPinterestEmail
Fiestes Loccidente tamién prende esta nueche perdayuri by asturnet 23 de xunu, 2010 En Navia celébrase una de les fogueres más multitudinaries del occidente. Dende les cuatro la tarde neños y adultos pinten xuntos el gran cuélebre que dempués se quema na foguera. A les seis de la tarde celébrense nel Parque Alfonso Iglesias xuegos populares y a partir de les doce la nuech, nes pistes dEl Pardo, va arder la conocida como la Gran Fogueira dAmancio. En Tinéu, la foguera celébrase nel barriu de San Xuan, onde tán de fiestes. Al otru día celebren misa solemne y procesión dende la ilesia a la fonte San Xuan, onde se celebra la foguera la nueche anterior. En Santalla dOzcos, celébrase foguera popular con música, sidra y pinchu. De la mesma forma, en Cangas, a partir de la media nueche, foguera nel barriu del Corral. Soirana, Puertu Veiga, nel conceyu de Navia, tamién celebren foguera. A partir de les diez repártese sidra de baldre y toca la banda de gaites Aires de Valdés”. Xunto a la capiella de San Xuan, a partir de les 23:30 préndese la foguera. La tercer cita nel conceyu navetu ye en Talarén, nuna foguera amenizada con música. En Trelles Cuaña y tres la ilesia parroquial de San Xuan, va celebrase otra foguerina, a partir de la media nueche. 23 de xunu, 2010 0 FacebookTwitterPinterestEmail
Fiestes Llaviana, Sobrescobiu, Onís, Nava y Carreño tamién celebren San Xuan by asturnet 23 de xunu, 2010 Tán planificaes pequeñes fogueres en llugares como Campu Casu, a partir de les diez de la nueche, con cena y conxuros; La Pola Llaviana, onde a partir de les doce, y cabol ríu Nalón, xunto a la escuela, va prendese la foguera llocal; Rusecu (Sobrescobiu), onde la enllena de les selmanes últimes marchó con parte de lo axuntao pola mocedá del pueblu pa la foguera, tamién va celebrar foguera a partir de la media nueche, sedrá na zona conocida como La Nave. La nueche más curtia del añu va celebrase tamién en La Torre, Samartín de Grazanes, nOnís, onde a partir de les diez y media van prender una pequeña foguera, quanuncien, va poder vese dende la vegal Güeña. NEl Remediu, en Nava, celébrase una foguera, xunto al Centru Social de La Pría. Y en Candás (Carreño) celébrase la foguera na playa la Pregona, con música tradicional y la Danza Prima, a partir de la media nueche. 23 de xunu, 2010 0 FacebookTwitterPinterestEmail