Escéniques Konjuro Teatru ponen n’escena “Happy birthday, miss Monroe” nel Filarmónica by asturnet 18 d'ochobre, 2007 Continua el ciclu de teatru “Asturies a escena” nel Teatru Filarmónica d’Uvieu cola representación de la obra de Jorge Moreno “Happy birthday, miss Monroe” a cargu del grupu Konjuro Teatru. La cita va entamar a les 20:15 hores y les entraes van tar disponibles al públicu nes taquilles del teatru dende les seis de la tarde al preciu de 3,50 euros. Cristina Cillero, David Acera, Sonia Vázquez y Jorge Moreno componen el plantel d’actores d’esta represenetación que ya algamó dellos reconocimientos como’l premiu de teatru “Carlos Arniches-Ciudad de Alicante” na edición del añu pasáu. La obra ta enmanrcada dientro de la programación del ciclu “Asturies a escena” que trai a los teatros Filarmónica y Casino de Trubia una esbilla d’obres de la escena teatral asturiana en collaboración cola Conseyería de Cultura del Principáu y l’Ayuntamientu d’Uvieu. 18 d'ochobre, 2007 0 FacebookTwitterPinterestEmail
Escéniques La nueva programación del Teatru La Laboral entama el prósimu día 19 by asturnet 15 d'ochobre, 2007 La programación cultural de Laboral Escena pa la prósima temporada va incluir ente otres les obres “Unidad Movil en Disolución” de Llorenç Barber; “Proyecto Miño”, de Baldo Martínez Grand Ensemble; “Scope”, de Rui Horta, o “Gaviota: tema para um conto curto”, de la Compañía dos Atores. Tamien se van cellebrar dellos talleres y esposiciones fotográfiques, segú adelantó’l so director Mateo Feijoo na rueda de prensa cola que’l responsable de Laboral Teatro presentó la programación esta mañana nel patiu de la Conseyería de Cultura. La temporada. qu’entama esti mesmu mes y fina en xunu de 2008, parte con un presupuestu estimáu d’un millón d’euros a la espera de concretar la contratación de varies obres pendientes. Pa escomenzar Mateo Feijóo anunció la representación de la obra “Unidad móvil en disolución” del artista Llorenç Barber, los prósimos 19, 20 y 21 d’ochobre nel Teatro la Laboral Ciudad de la Cultura . El director de programación reconoció que pa la ellaboración d’esti proyectu tuvo mui en cuenta la observación d’otres estructures y modelos de trabayu que se viene desendolcando n’Europa dende va munchos años anque apuntó que’l proyectu de la Laboral Escena yera de calter pioneru dientro de España. Feijoo tamien animó al públicu a asistir a los espectáculos y a que s’atrevan a descubrir les obres nueves enantes de xuzgales. Nel actu tamien tuvieron presentes acompañando a Feijoo la Conseyera de Cultura y Turismo del Principáu d’Asturies, Encarna Rodríguez Cañas, el Viceconseyeru d’esta mesma conseyería, Jorge Fernández León y la Directora General de Promoción Cultural y Política Lingüística, Consuelo Vega. La conseyera pidió nel so turnu d’intervención que’l públicu asturianu se acecase a la nueva programación ensín prexuicios. Pola so parte Jorge Fernández señaló que l’oxetivu del Gobiernu rexonal ye completar, con actuaciones como les d’esta programación, lo que se ta faciendo n’otros espacios escenicos de la rexón. 15 d'ochobre, 2007 0 FacebookTwitterPinterestEmail
Escéniques El PP denuncia que les obres del Teatru la Laboral puen triplicar el presupuestu by asturnet 15 d'ochobre, 2007 El Partíu Popular denunciaba esti día nuna rueda de prensa que les obres del Teatru La Laboral podíen triplicar el presupuestu col que s’entamó la obra. Los diputaos Ramón García Cañal y Joaquín Aréstegui denunciaron güei, nuna rueda prensa, que’l coste final de les obres del Teatru de la Universidá Llaboral puodía subir hasta los 18 millones d’euros, frente a los 6,65 millones presupuestaos. Sigún Los diputaos del Partíu Popular na Xunta Xeneral del Principáu al presupuestu “hai que suma-y un modificáu con un importe de 4,26 millones d’euros lo qu’implica un incrementu del 64,05 por cientu del coste inicial”. Asina, si a esto “se-y suma’l diez por cientu de la lliquidación real xunto con otros posibles modificaos” la obra finaría costando 18 millones. 15 d'ochobre, 2007 0 FacebookTwitterPinterestEmail
Escéniques Entama “Asturies a escena” con “Hasta que la boda nos separe” de Roberto Lumbreras by asturnet 11 d'ochobre, 2007 La compañia “Barataria Teatro” van ser los encargaos d’escomenzar el programa de representaciones del ciclu “Asturies a escena” cola obra de Roberto Lumbreras, “Hasta que la boda nos separe”. La pieza va llegar al Teatru Filarmónica d’Uvieu esta nueche a les 20:15 hores. “Hasta que la boda nos separe” ta dirixida por Roberto Corte y cunta la rellción emocional de Ramón Gómez de la Serna con una muñeca de goma. Representada por “Barataria Teatro” algamó los premios al meyor espectáculu, a la meyor interprete femenina y al meyor director d’escena na edición de 2004 de los premios Asturies de les Artes Esceniques 2004. El ciclu “Asturies a escena” ta organizáu pol Conceyu d’Uvieu, la Conseyería de Cultura y el Circuitu Profesional de Teatru Asturianu. 11 d'ochobre, 2007 0 FacebookTwitterPinterestEmail
Escéniques “La Fura dels Baus” presenta en Xixón la obra “Imperium” by asturnet 10 d'ochobre, 2007 Entama ayeri una de les dos representaciones de la obra “Imperium” que “La Fura dels Baus” van facer nel escenariu del recintu ferial de Xixón. La cita, lo mesmo que güei, ya a les 21:00 hores nel Pabellón de les Naciones y les entraes tan disponibles en taquilla al preciu de 18 euros. La Fura dels Baus ye un de los grupos de teatro más emblemáticos de los qu’esisten anguaño nel Estáu. Nació en Barcelona en 1979 y sempre se carcterizaron por llevar la innovación a les últimes consecuencies nos sos montaxes. “Imperium” ye’l so últimu trabayu y n’elli faen una reflesión sobre l’imperialismu. 10 d'ochobre, 2007 0 FacebookTwitterPinterestEmail
Escéniques “La mirada del avestruz” de la compañia “L’Explose” llega al Teatru Xovellanos by asturnet 10 d'ochobre, 2007 Embaxo la dirección del asturianu Tino Fernández y representada pola son compañía de danza “L’Explose” llega al Teatru Xovellanos la obra escenica “La mirada del avestruz”. La cita ye’l vienres 12 d’ochobre a les 20:30 hores. “L’Expose” nació en 1991 en París de una inicativa del propiu Tino Fernández. Ente los gallardones másrecientes colos que cuenta “La mirada del avestruz” ta el premiu al meyor espectáculu de danza qu’algamó na Feria Internacional de Teatru y Danza de Huesca del añu pasáu. “La mirada del avestruz” trata de plasmar el desarraigu de la patria de nueve personajes. 10 d'ochobre, 2007 0 FacebookTwitterPinterestEmail
Escéniques “La Esfera” lleven a escena en Tinéu una adaptación de “Croissant” de Jorge Moreno by asturnet 10 d'ochobre, 2007 Los integrantes del grupo teatral “La Esfera”, formáu por actores invidentes o con deficiencies visuales, van representar nel cione Marvi de Tineu un fragmentu adaptáu de la obra de Jorge Moeno, “Croissant”. Esti actu faise en collaboración cola Conceyañía de Servicios Sociales y Sanitarios del Ayuntamientu de Tineu y de la Casa de Cultura de la llocalidá. La obra que tien una duracción de 35 minites cunta nel escenariu d’una cafetería cualquiera la conversación d’unes muyeres que desnuden les sos frustraciones en público. “La Esfera” ye’l grupu teatral de la organización ONCE 10 d'ochobre, 2007 0 FacebookTwitterPinterestEmail
Escéniques Los Canapés acueye la representación de la obra “Las amazonas del caballo” by asturnet 10 d'ochobre, 2007 Les Xornaes de Teatru que’organiza Cajastur pa esti añu 2007 lleguen a Aviles cola puesta n’escena de l obra teatral “Las amazonas del caballo” del autor Chatono Contreras a cargu de la compañía llangreana Sin Texto. La ciya ye esta tarde a partir del es 19:30 hores nel Centru Centru Cultural Los Canapes d’Aviles con entrada llibre y gratuita hasta completar l’aforu. Embaxo dirección de Caqui Jambrina, “Las amazonas del caballo” fala de la doble moral qu’inunda la sociedá d’anguaño al travies d’una serie de personaxes cercanos al mundiu de la droga. 10 d'ochobre, 2007 0 FacebookTwitterPinterestEmail
Escéniques Higiénico Papel define a la muyer del sieglu XXI na obra “Lentas pero seguras” by asturnet 9 d'ochobre, 2007 El Centru Municipal Integráu de L’Arena en Xixón va agospiar esta nueche la representación del montaxe teatral “Lentas pero seguras” al cargu de la compañía xixonesa Higienico Papel Teatro embaxo la dirección de Laura Iglesias. La representación va entamar a les 19:30 hores. Lentas pero seguras ye la visión de Laura Iglesia sobre la realidá de les muyeres del sieglu XXI escrita con motivu del festeyu del Día Internacional de la Muyer. En clave d’humor Higienico Papel muestren les vides de tres tipos de muyer: la profesional que namás piensa na so carrera, l’ama de casa entregada a los sos fíos y a l’hogar y la muyer consumista. La compañía Higienico Papel Teatro nació en Xixón nel año 1996 . Fundada por Carlos Dávila y Ave Hernández como actores y Laura Iglesia como directora lleven dendallí producciendo espectáculos propias y faciendo talleres y cursos de teatru. 9 d'ochobre, 2007 0 FacebookTwitterPinterestEmail
Escéniques Presentación nel Teatru Campoamor del ciclu teatral “Asturias a escena” by asturnet 7 d'ochobre, 2007 A partir de les 12:30 nel salón de te del Teatru Campoamor d’Uvieu tuvo llugar la presentación del ciclu de Teatru “Asturias a escena” que va llevar un total de diecisiete obres teatrales a los escenarios del Teatru Filarmónica d’Uvieu y del Teatru Casino de Trubia d’ochobre a avientu d’esti mesmu añu. “Hasta que la boda nos separe” de Roberto Lumbreras embaxo la dirección de la compañía Barataria Teatro va ser la obra encargada d’abrir el ciclu el prósimu 19 d’ochobre nel Filarmónica. Otres obres que se van representar son “Vecinos” a cargu d’Entresijo Teatro, “Monólogos del chigre” y “Alonsomanía” con Carlos Alba y “Pais” por Teatro Casona. Nel Teatro Casino de Trubia van actuar la Compañía de Rosario Trabanco con “De piescos y escayos”, Zig-Zag Danza con “Tangos de historias de ayer y de hoy” , Higienico Papel con “Puntu y coma” , Carlos Alba con “Monólogos de chigre” y Carbayín con “La maldición de la pita roxa”. Amás durante esti ciclu “Asturias en Escena” van representase nel Teatru Filarmónica cuatro obres empobinaes al publicu infantil: “Frío” a cargu de Higienico Papel, “Más vale trocar” por Factoría Norte, “Despierta costurerita”, de La tejedora de los sueños y “La danza,un camino por recorrer” a cargu de Zig-Zag Danza, 7 d'ochobre, 2007 0 FacebookTwitterPinterestEmail