Escéniques Yheppa Títeres ponen n’escena’l montaxe “La magia del agua” nel Centru Cultural Cajastur d’Uviéu by asturnet 8 de xineru, 2008 Cajastur continua ufriendo nos centros culturales de la rexón una variada ufierta teatral na que tamiñen tiene cabida los títeres. Nesta ocasión la compañía Yheppa Títeres pon n’escena’l montaxe “La magia del agua” nel Centru Cultural Cajastur d’Uvieu (Cai San Francisco, nº4) esti martes 8 de xineru a les 19:00 hores. Tres del pase nel centru ovetense la obra visitará los de Xixón y Mieres. Yheppa Títeres ufren con “La magia del agua” una hestoria recomendada pa neños de 4 a 9 años. 8 de xineru, 2008 0 FacebookTwitterPinterestEmail
Escéniques El teatru Palacio Valdés entama esti vienres una nueva temporada by asturnet 8 de xineru, 2008 Cola entrada del nuevu añu entama tamien la nueva temporada teatral nel teatru Palcio Valdes d’Aviles. Los pases d’esta temporada que va de Xineru a Mayu, van escomenzar esti mesmu viernes 11 d’avientu cola puesta n’escena del montaxe “Demasiado humano”: una obra alredor de los últimos díes de vida de Nietzsche. Darreu, el 18 d’esti mesmu mes, el Palacio Valdes agospiará l’estrenu en primicia de la obra “Carnaval”: un thriller policiacu escritu por Jordi Galcerán y dirixíu por Tamzin Towsend. Pa la última representación los responsables del coliseu avilesín reservaron la pueste n’escena de “El guía del Hermitage” no que supón la vuelta a los escenarios tetrales del actor Federico Luppi y l’actriz Pilar Bardem. “Rebeldías posibles”, “Gatas”, “Valeria y los pájaros”, “De ratones y hombres”, y “La sospecha”, son delles de les pieces que completen la programación del teatru avilesín pa esta temporada que entra. 8 de xineru, 2008 0 FacebookTwitterPinterestEmail
Escéniques La Sala Loreto de Colunga recibe los títeres de papel d’Ana Laura Barros by asturnet 29 d'avientu, 2007 Ana Laura Barros xunto cola compañía de títeres “Tras la Puerta” van representar la obra “3 papeles” nel que’l vehículu d’espresión usáu son títeres fechos de papel. La cita ye esti sábadu 29 d’avientu na sala Loreto de Colunga a les 19:00 hores. “3 papeles” ye un espectáculo empobináu a la reciella basáu en tres hestories: “Tasaku’l picapedreru”, “El páxaru de fueu” y “Abismos”. 29 d'avientu, 2007 0 FacebookTwitterPinterestEmail
Escéniques El musical “Peter Pan” aporta al Campoamor en dos dobles sesiones by asturnet 28 d'avientu, 2007 Los amantes del musical tienen dos cites esta selmana nel Teatru Campoamor d’Uvieu cola obra “Peter Pan” y la compañía Theatre Properties. La primera d’elles foi na tarde y nueche del xueves 27 d’avientu y la segunda esti vienres 28. Nes dos ocasiones tan programaos dos pase de la obra a les 17:00 hores y a les 20:00. Cristina Fargas ya la directora d’esti musical basáu nel popular personaxe inventáu por James Matthew Barrie y ufre un montaxe nel que participen 22 actores. 28 d'avientu, 2007 0 FacebookTwitterPinterestEmail
Escéniques Marga Llano lleva a les tables la hestoria del músicu y poeta Juan del Encina by asturnet 28 d'avientu, 2007 La compañia Factoría Norte van poner n’escena esti sábadu ales 18:00 hores, la obra “Más vale trocar”. escrita y dirixida por Marga Llano alredor de la hestoria del poeta, músicu y autor teatral na españa de los Reis Católicos Juan del Encina. La obra va cuntar col trabayu interpretativu de Borja Roces, Pepe Mieres, Andión Iturribide, Benjamín López y la propia autora. 28 d'avientu, 2007 0 FacebookTwitterPinterestEmail
Escéniques Fantasía en Negro aporten al Xovellanos con títeres pa los más pequeños by asturnet 27 d'avientu, 2007 “No eres una lagartija” ye’l nome del espectáculu de títeres pa los más pequeños que van poner nel escenariu del Teatru Xovellanos la compañia Fantasía en Negro esti xueves 27 d’avientu a les 18:00 hores. La obra ta basada nun testu de Concha López Nervaez y cunta coles voces d’Amparo Bravo, Belen Rodríguez, Fernando de Luís, Gloria Cámara, Jose Antonio Duque, Luís Más, Paula Cámara y Roberto Cuenca. Fantasía en Negro faen usu de la tecnica de luz negra, nesta hestoria pa tola familia, pa construir la historia d’un bichu asemayáu a una llargatesa al que lu boten del dosque onde vida namái que por ser diferente. Les entraes tan disponibles a los precios de 3 y 6 euros. 27 d'avientu, 2007 0 FacebookTwitterPinterestEmail
Escéniques Elfo Teatro representen, pa los más pequeños, “La isls de los pájaros” nel Xovellanos by asturnet 26 d'avientu, 2007 Elfo Teatru emabaxo la dirección de Jose Luís Luque van subir a les tables del Tetaru Xovellanos esti miercoles 26 d’avientu pa representar “La isla de los pájaros” nuna función que entamará a les 18:00 hores. Les interpretaciones de Juan Pedro Schwartz, Mirentxu Vidart ya’l propiu Jose Luís Luque iguen la hestoria d’un músicu ciegu, la hestoria d’un rei malditu. Elfo Teatro lleva a escena esti espectáculu empobináu a neños a partir de 4 años 26 d'avientu, 2007 0 FacebookTwitterPinterestEmail
Escéniques Konjuro Teatru representen una obra alredor de la figura de Marilyn Monroe by asturnet 22 d'avientu, 2007 David Acera, Jorge Moreno, Cristina Cillero y Sonia Vázquez; o le que ye lo mesmo’l grupu Konjuro Teatru lleguen esti domingu a Uvieu pa ponber n’escena la obra de Jorge Moreno “Happy birthday, miss Monroe”. La cita ye a les 20:00 hores nel Centru Cultural Cajastur de la capital asturiana con entraes al preciu de 4 euros. L obra echa una güeyada al mito iconográficu que ye Marilyn Monroe y de pasu el propiu trabayu de los actores que camuden n’estrelles. Amás d’una buena rempuesta del públicu esti montaxe tamien ganó’l premiu al meyor testu teatral Carlos Arniches nel añu 2006. 22 d'avientu, 2007 0 FacebookTwitterPinterestEmail
Escéniques La compañía d’Etelvino Vázquez lleva a Lope de Rueda a los escenarios xixoneses by asturnet 21 d'avientu, 2007 Etelvino Vázquez y la so compañía “Teatro del Norte” remociquen esti vienres la obra de Lope de Rueda col montaxe “Hestories de Martín de Villalba”. Nesta ocasión suben al escenariu del Centru Cultural Cajastur Colexata San Xuan Bautista de Xixón a les 20:00 hores. David González, Juan Blanco, Cristina Lorenzo ya’l propiu Etelvino Vázquez van interpretar estos cuatro pasos: “Les aceitunes”, “Cornudu y contentu”, “La tierra de Jauja” y “La carátula” onde la sátira y los diálogos ocurrentes son el denominador común. Esta nun ye la primer obra clásica que pon n’escena la compañía d’Etelvino Vázquez, que ya probaron delles vegaes con “Aventures y desventures de Lázaro de Tormes” ya’l “El vieyu celosu”. 21 d'avientu, 2007 0 FacebookTwitterPinterestEmail
Escéniques Andreas Prittwitz remocica la tradición musical renacentista nun conciertu en Xixón by asturnet 21 d'avientu, 2007 “Los conciertos del Taller”, el ciclu de conciertos que ta organizando’l Taller de Músicos de la Fundación Municipal de Cultura del Conceyu de Xixón va recibir la visita del músicu ya investigador de la tradicion musical del renacimientu Andreas Prittwitz. La cita ye esti sábadu 22 d’avientu, a les 20:00 hores nel Salón d’actos del Centru de Cultura Antiguu Institutu de Xixón. Andreas Prittwitz llega a Xixón, invitáu pol Taller, con un nuevu disco embaxo’l brazu, el reciente “Looking back over Renaissance”. Nesti últimu trabayu Prittwitz afonda na tradición musical renacentista faciendo usu d’instrumentos de la dómina como flautes de picu o vieles de gamba xunto con otres ferramientes más contemporanees como’l saxu o el clarinete. Acompañen al músicu Laura Salinas, Antonio Toledo y Sergio Martínez. 21 d'avientu, 2007 0 FacebookTwitterPinterestEmail