Sociedá La Universidá dUviéu remembra a Pidal y los cien años de filoloxía asturiana by asturnet 28 d'agostu, 2006 Con motivu del centenariu de la espublización de la obra de Menéndez Pidal El dialecto leonés, estudiu consideráu fundacional pa la filoloxía asturiana, el Seminariu de Filoloxía Asturiana de la Universidá dUviéu prepara un simposiu científicu, ente los díes 9 y 11 dochobre, coordináu pol profesor Xulio Viejo, nel quespertos de la propia Facultá, xunto a especialistes lleoneses, cántabros y portugueses van analizar la obra de Pidal, asina como los sos trabayos dencuestación per Asturies que quedaren inéditos. Col envís da facer una revisión llingüística a estos cien años, el Seminariu de Filoloxía Asturiana collabora cola Universidá de Lleón que yá celebró un simposiu asomeyául pasáu mes de marzu, cola participación del profesor Ramón dAndrés. Nel congresu, van dase a conocer unes encuestes dialectales feches por Pidal pel occidente a principios del sieglu pasáu quhasta agora taben inédites 28 d'agostu, 2006 0 FacebookTwitterPinterestEmail
Sociedá El Bloque por Asturies celebral Día de la Nación Asturiana en La Pola L.lena by asturnet 28 d'agostu, 2006 El prósimu 8 de setiembre, el Bloque de la por Asturies, va celebrar el Día de la Nación Asturiana cola presentación del so candidatu a la Xunta Xeneral, asina como’l Bloque de la Mocedá Asturianista, nun actu a la una la tarde na Plaza Alfonso X El Sabio. Pela nueche, los festeyos van terminar con un conciertu de La Col.lá Propinde, Adizión Etílica, K-Nalón, Ampikoyo y los Mokomitas. Nel marcu duna espicha tradicional, el prósimu 8 de setiembre, a la una la tarde, el Bloque por Asturies va presentar al so candidatu a la Xunta Xeneral asina comol so candidatu nel conceyu de L.lena. Amás, va ser presentáu tamién el Bloque de la Mocedá Asturianista. La celebración del Día de la Nación Asturiana va seguir con tonada, música y xuegos tradicionales, pa terminar con un conciertu de La Col.lá Propinde, Adizión Etílica, K-Nalón, Ampikoyo y los Mokomitas. 28 d'agostu, 2006 0 FacebookTwitterPinterestEmail
Sociedá IAS y Asturianistes por Nava celebren a comuña’l prósimu Día d’Asturies na busca d’una ‘Asturies alternativa’ by asturnet 27 d'agostu, 2006 El portavoz d’IAS, Ignaciu Llope, y la conceyala d’Asturianistes por Nava, Patricia Teja, anunciaron que les dos formaciones que representen ‘alcordaron facer en Nava los actos conxuntos del 8 de setiembre’, coincidiendo coles celebraciones oficiales, pa tresmitir ‘a la sociedá asturiana y naveta la otra cara de la moneda del país idílicu y festivu qu’Areces y Escobio quieren escenificiar’. Pa ello, nos prósimos díes van dar anuncia a una serie d’actos pa esti día nos que se proponga una ‘Asturies alternativa’ pa les elecciones de 2007. L’actividá central del actu d’IAS y Asturianistes por Nava va xirar alredol d’un actu políticu nel que van intervenir representantes de les dos formaciones, al que va seguir una comida d’hermandá y que se va complementar con una concentración na mañana del vienres y la llectura d’una manifiestu conxuntu. 27 d'agostu, 2006 0 FacebookTwitterPinterestEmail
Lliteratura Xixón acueye más de cinco mil obres nel IV Salón del Llibru Asturianu by asturnet 24 d'agostu, 2006 El Gremiu d’Editories asturianos inaugura güei en Xixón el IV Salón del Llibru Asturianu que va tar abiertu al públicu na cai Tomás y Valiente hasta’l prósimu 3 de setiembre. Les cinco mil obres en castellanu y n’asturianu que se van poner a la venta esta selmana van tar ordenaes por materies envede por editoriales pa facilitar la busca de los visitantes. El Salón, organizáu pol Gremiu d’Editories d’Asturies col patrocioniu del Ayuntamientu xixones y la Conseyería de Cultura, va tar abiertu de 11.00 a 14.00 hores y de 17.00 a 21.00 hores de llunes a xueves, y de 11.00 a 14.30 hores y de 17.00 a 21.30 hores los fines de selmana. 24 d'agostu, 2006 0 FacebookTwitterPinterestEmail
Sociedá El Boletín Oficial del Principáu d’Asturies espubliza’l decretu pol que s’aprueba la toponimia oficial de Nava by asturnet 24 d'agostu, 2006 EL Boletín Oficial del Principáu d’Asturies de güei espubliza’l Decretu 98/2006, fecháu’l 3 d’agostu, pol que s’aprueben los topónimos oficiales del conceyu de Nava. L’espediente toponímicu navetu, que llevaba meses paralizáu ensin recibir el preste que lu facía oficial, pesie a pasar tolos trámites alministrativos previos, foi aprobáu nel últimu Conseyu de Gobiernu enantes del períodu vacacional. Con esta aprobación, ruempe’l silenciu d’ocho meses colos que l’alministración asturiana tenia bloqueada l’aprobación oficial de la toponimia. L’alministración asturiana manifestaba con esta aprobación la so intención de seguir aprobando espedientes a partir del mes de setiembre. Esti nuevu emburrión na aprobación de la toponimia, y el compromisu de siguir alantre con ella una y buena que termine’l periodu vacacional, ye frutu de la recien valoración del pactu de gobiernu nel qu’una de les mayores taches foi precisamente les torgues que per parte de l’Alministración recibíen la Xunta Asesora de Toponimia y los propios conceyos pa ver aprobaos los sos espedientes. 24 d'agostu, 2006 0 FacebookTwitterPinterestEmail
Lliteratura Verines abre les sos puertes a América na XXII edición de los alcuentros lliterarios by asturnet 23 d'agostu, 2006 Los alcuentros lliterarios de Verines, dirixíos pol profesor de la Universidá de Salamanca, Luis García Jambrina, van celebrar una nueva edición ente los díes 14 y 15 de setiembre baxo’l lema ‘America desde las dos orillas: suaño, mito, utopía, literatura’. La casona de Quintueles va axuntar a ventidós escritores en diferentes llingües y nacionalidaes. Con presencia per primer añu internacional, ente los convidaos encuentrense Clara Obligado, Juan Carlos Mestre, Luis Sepúlveda, Jon Kortazar y Flavia Company, ente otros. Nel quintu centenariu de la muerte de Colón, los organizadores del Alcuentru d’Escritores y Críticos de les Lletres Españoles vieron n’America’l tema más afayadizu pa debatir na casona d’indianos de Verines. Asina, per primer vez na hestoria de los alcuentros tán convidaos escritores d’orixe o vinculación hispanoamericana, como Flavia Company, Luis Sepúlveda, Horacio Vázquez Rial, Adolfo García Ortega, Alfredo Conde, Jorge Volpi o Jose María Merino. Nel encuentru tamien va participar l’asturiana Vanessa Gutierrez. Tres d’esta esperiencia, los organizadores de los alcuentros piensen n’abrir el conceptu de la lliteratura, convidando, más alantre, a otros escritores europeos que puedan arriquecer los debates de Verines. 23 d'agostu, 2006 0 FacebookTwitterPinterestEmail
Sociedá Dos militantes de Darréu denunciaos por ‘daños’ al pintar un mural pola oficialidá en Llangréu by asturnet 23 d'agostu, 2006 Les mocedaes nacionaliegues de Darreu denuncien públicamente l’acusación fecha contra dos de los sos militantes ente la Fiscalía del Menor, ‘por decisión de l’alcaldesa de Llangreu -sigún informaciones de la propia Policia Local-‘. La denuncia, que ye tachada por Darreu como ‘una aición represiva por motivaciones polítiques’ y ‘descomanada’, vieno motivada pola pintada d’un mural dientro de la so campaña ‘100 murales pola oficialidá’. Darreu empezaba a finales de mayu una campaña per 25 conceyos d’Asturies baxo’l títulu de ‘100 murales pola oficialidá’. Con más de 65 murales espardíos pelos conceyos de Noreña, Siero, Sariegu, Nava, Llangreu, Samartín del Rei Aurelio, Llaviana, Sobrescobiu, Casu, Mieres, Riosa, Morcín, Carreño, Gozón, Corvera, Illas, Xixón, Piloña, Parres, Ribeseya, Cuaña, Villalón, El Franco, Castropol y A Veiga, Darreu fai una valoración ‘mui positiva’ de la repercusión de la compaña, de la que dicen ‘ta cumpliendo los oxetivos d’esparder la reivindicación de la oficialidá pela xeografía del país’. Sicasí, dende la organización nacionalista llamenten la denuncia ente la Fiscalía del Menor a dos de los sos militantes por daños, nuna decisión qu’achaquen a l’alcaldesa de Llangreu y que consideren ‘represiva por motivaciones polítiques y vese no descomanao de la so decisión y el que fuere ella la que lo ficiere por decisión personal’. 23 d'agostu, 2006 0 FacebookTwitterPinterestEmail
Sociedá Llamazares diz qu’IX nun ta ‘necesariamente’ na perspectiva de repitir l’alcuerdu de Gobiernu by asturnet 21 d'agostu, 2006 El coordinador xeneral d’Izquierda Unida, Gaspar Llamazares, manifestó ayeri nuna entrevista a Radio Llangréu que la so formación nun ‘se sitúa na perspectiva de volver editar necesariamente l’alcuerdu’ de gobiernu que tien col PSOE n’Asturies, ‘anque sí na posibilidá de sacar meyores resultaos’. Pal llider d’izquierdes, anque’l pactu ‘goza de bona salú’, IX tien demostrao ‘ser capaces de gobernar y de facelo bien’. No tocante a la reforma del Estatutu d’Autonomía asturianu, Llamazares apuntó qu’esti puntu ta ‘paralizáu pol PP y un erru de cálculu del PSOE’. Esta problemática y la oficialidá del asturianu son, según coordinador xeneral, ‘los borrones’ del gobiernu autonómicu. 21 d'agostu, 2006 0 FacebookTwitterPinterestEmail
Sociedá El CAO recueye en Xixón más de 500 firmes n’apoyu de la oficialidá de la llingua by asturnet 20 d'agostu, 2006 El pasáu sábadu 19 d’agostu, el Conceyu Abiertu pola Oficialidá (CAO), entidá formada por más de 170 asociaciones en favor de la oficialidá de la llingua asturiana, recoyó más de 500 firmes nuna xornada d’apoyu organizada nel paseu de la playa de Xixón. Baxo’l lema ‘Na reforma del Estatutu, l’asturianu llingua oficial’, miembros del CAO repartireron folletos ente los xixoneses pa desplicar la necesidá d’esti reconocimientu oficial pa la llingua. El Conceyu pola Oficialidá vien organizando con munchu esitu nos últimos meses una serie de campañes reivindicatives per diferentes ciudaes asturianes. Ente elles, destaca la Caravana pola Oficialidá que yá recorrió dalgunes de les principales villes promocionando y treslladándo-y a la sociedá la necesidá de reconocer na prósima reforma estatutaria la oficialidá de la llingua. La última, esta recoyida de firmes en Xixón que terminó con una actuación del tríu DRD na Plaza’l Parchís. 20 d'agostu, 2006 0 FacebookTwitterPinterestEmail
Sociedá Polémica en Lleón por un llibru que llama al asturlleonés ‘castellanu tradicional’ by asturnet 16 d'agostu, 2006 El catedráticu de Filoloxía de la Universidá de Valladolid, Cesar Hernánez, y el so equipu d’investigadores asoleyaron cola editorial Ambito, de Valladolid, un diccionariu de más de diecisiete mil palabres y venti mil acepciones, organizáu temáticamente en 51 campos lexicos. Esta voluminosa obra ye causa de la polemica en Lleón por cuenta de qu’entemez palabres de dominiu castellanu con otres que lo son del asturlleones, calificando estes de ‘castellanu tradicional’ y, pa más saña, cuenta cola financiación de la propia Xunta de Castiella y Lleón. Ensin mecionar en dengún momentu la existencia del dominiu llingüísticu, y ensin facer nin siquiera mención a llingua, dialectu o fala lleonesa o asturlleonesa, los autores despliquen nel prólogu qu’ ‘optaron por ampliar el conceptu de ‘lexicu rural’, (…) faciendo un Diccionariu del castellanu tradicional de notable riqueza’. D’esta manera, palabres como gochín, fuelga, abeseu, bandullu, bubiella, tuero, llábana, filandón, llambrión, dengue, ñal… aparecen catalogaes nel Diccionariu como ‘castellanu tradicional’ ensin más definiciones, pesie a cuntar con una estensa bibliografía onde se recueyen multitú d’estudios monográficos sobre l’asturlleones como los de Menendez Pidal, Guzmán Álvarez, Concha Casado, Cesar Morán, Jose Ramón Morala, Janick Le Men, F. Krüger o Santiago Alonso Garrote. La polemica qu’estos díes recueye la prensa de la comunidá vecina medra inda más por tratase d’una obra espublizada cola financiación de la propia Xunta de Castiella y Lleón. 16 d'agostu, 2006 0 FacebookTwitterPinterestEmail