Escéniques Lata de zinc y Nosepara organizen el segundu certame de Cabaret n’Uviéu by asturnet 17 de marzu, 2008 Los colectivos culturales Lata de Zinc y Nosepara ta acabante d’abrir el plazu pa presentar propuestes al segundu certame de Cabaret. Embaxo’l nome “Variete s’il vous plaît”, estes dos asociaciones ovetenses van llevar a los locales asociaos de la capital un buen piñu de montaxes del xeneru durante’l mes de mayu. Les candidatures puen presentase hasta’l 14 d’abril a la dirección latadezinc@yahoo.es. El premiu pa la compañía ganadora ye de 600 euros. Amás va haber un premiu del públicu dotáu con 400 euros. 17 de marzu, 2008 0 FacebookTwitterPinterestEmail
Escéniques Teatro Electra representen “Las mellizas de Guanajuato” na Casa Cultura de Nava by asturnet 17 de marzu, 2008 La Casa de Cultura “Marta Portal de Nava” va ser l’escenariu, esti llunes 17, de la representación de la obre teatral “Las Mellizas de Guanajuato”, de la mano de la compañía Teatro Electra. A les 20:00 hores va entamar esta función cola qu’Electra quieren cellebrar los actos del pasáu día de la muyer. 17 de marzu, 2008 0 FacebookTwitterPinterestEmail
Escéniques Últimu día de la compañía La Zaranda en La Llaboral de Xixón by asturnet 14 de marzu, 2008 Güei ye lúltimu de los dos díes nos que la compañía andaluza La Zaranda va poner nescenal so últimu montaxe, Los que ríen los últimos. La hora de lactuación va ser les 20:30 hores y el llugar, el Teatru de La Llaboral. Lespaciu escénicu va amosar el viaxe de tres actores que dan vida a una troupe de payasos, los hermanos Zarandini, que nun tienen más posesiones que la risa. 14 de marzu, 2008 0 FacebookTwitterPinterestEmail
Escéniques Gatas lleva’l puntu de vista femenín al Palacio Valdes ya’l Xovellanos by asturnet 14 de marzu, 2008 “Gatas”, montaxe teatral coles conversaciones ente muyeres como tema central,llega esti vienres al teatru Palacio Valdes d’Aviles de la mano de les compañíesEl Catalejo Producciones y Loquibandia. La obra ta dirixida por Manuel González Gil en base un testu propiu y l’elencu d’actrices ta formáu por Silvia Abascal, Rosario Pardo, Ana Gracia, Nieve de Medina, Paloma Gómez y Paloma Montero. La cita ye a les 20:15 hores nel teatru avilesín y al día siguiente nel Xovellanos de Xixón a les 20:30 hores. 14 de marzu, 2008 0 FacebookTwitterPinterestEmail
Escéniques Los monólogos de Lluis Antón González, Cellero y Silvino Torre lleguen al Café Trisquel de Xixón by asturnet 13 de marzu, 2008 El Café Trisquel de Xixón ufre güei a partir de les nueve y media la nueche un espectáculu de monólogu modernu formáu por seis monólogos echaos por Carlos Alba “Cellero”, Silvino Torre y Lluis Antón González, que davezu participen nel programa Al Aldu de la TPA y en gales per tol país. El monólogu modernu, quentamó va pocos años al traviés del llabor de lasociación Xareos! a xurdir, ta ganando pasu ente pasul favor del públicu y la selmana pasada pudo vese a Lluis Antón González y a Inaciu Galán echando monólogos modernos nel Teatru Campoamor y dientro de la Muestra de Folclore Ciudá dUviéu, un certame nel que yeren habituales los monologuistes tradicionales y quagora sabre a nueves esperiencies del xéneru, con escelente rempuesta del públicu y bones crítiques nos periódicos asturianos. El Café Trisquel, hestóricu dientro del asturianismu, entama tolos xueves actividaes musicales ya interprestatives y ta asitiáu na cai Marqués de San Estebán Los Arcos. 13 de marzu, 2008 0 FacebookTwitterPinterestEmail
Escéniques Saskia Höbling abre’l ciclu “Solos de danza para un espacio muerto” en la Llaboral by asturnet 13 de marzu, 2008 Saskia Höbling, baillarina austriaca de proyeición internacional, va tar presentando “Exposition Corps”, el últimu de los sos montaxes cola compañia Dans.Kias, nel centru d’arte de la Uviversidá Llaboral de Xixón, esti xueves de magar les 19:00 hores. Höbling, ganadora del premiu a la meyor producción de danza nel so país natal en 2002, ye l’artista encargada d’abrir la programación del ciclu “Solos de Danza para un espacio en blanco”. El próximu artista que va pasar pol ciclu va ser Andre Gingras, responsable de Korzo productions, el xueves 10 d’abril. 13 de marzu, 2008 0 FacebookTwitterPinterestEmail
Escéniques El monólogu modernu llega esti xueves al Café Trisquel de Xixón by asturnet 12 de marzu, 2008 El Café Trisquel de Xixón ufre esti xueves a partir de les nueve y media la nueche un espectáculu de monólogu modernu. Los monóloguistes participantes van ser Carlos Alba “Cellero”, Silvino Torre y Lluis Antón González, que davezu participen nel programa Al Aldu de la TPA y en gales per tol país. 12 de marzu, 2008 0 FacebookTwitterPinterestEmail
Escéniques Los cuernos de don Friolera llega güei al Teatru Palacio Valdés dAvilés by asturnet 11 de marzu, 2008 Güei, martes 11 de marzu, a les 20:15 hores, nel Teatru Palacio Valdés dAvilés, la compañía Azogue Teatro va presentar la so versión de la obra Los cuernos de don Friolera, de Valle-Inclán. La obra ta dirixada por Enrique Villanueva y participen Quique Iglesias, Mercedes Verástegui, Begoña Fernández, Silvino Torre, Xuacu Carballido, Ana Vázquez, Carlos Cancio y Roxana Muñoz. 11 de marzu, 2008 0 FacebookTwitterPinterestEmail
Escéniques Tonada, baille por pareyes y monólogu modernu esti domingu pela mañana nel Teatru Campoamor by asturnet 8 de marzu, 2008 El Concursu de Folclore Ciudá dUviéu llega mañana a la segunda xornada de semifinales. A les 11:45 hores, nel Teatru Campoamor dUviéu, va poder vese per primer vegada dos actuaciones del conocíu como monólogu modernu, cola participación dInaciu Galán y González y Lluis Antón González, que participen al principiu y al final de la xornada. Na parte de concursu los semifinalistes participantes güei son Borja Pascual Martínez y Claudia Fernández Camporro na modalidá de pareya de baille, y Francisco Queipo García y Carmen Camporro Palicio na categoría de tonada. Amás, dientro de concursu, van participar tamién Francisco José López Álvarez, Hermógenes Fernández y Álvaro Fernández Conde. Completando la xornada la pareya de baille formada por Jairo López Álvarez y Laura Prada Pozuelo y el gaiteru Gabriel Martínez González. 8 de marzu, 2008 0 FacebookTwitterPinterestEmail
Escéniques Lluis Antón González ya Inaciu Galán van llevar el monólogu modernu al Campoamor esti domingu by asturnet 7 de marzu, 2008 Cola llegada de Xosé Arias Cachero Felechosa a la Conceyalía de Cultura del Conceyu dUviéu ta buscándose modernizar la Muestra de Folclore Ciudá dUviéu y nesi sen, esti domingu van poder vese dos monólogos del nuevu monóloguismu asturianu, conocíu como Monólogu Modernu. Los actores van ser nesti casu Lluis Antón González ya Inaciu Galán y González, que dende va años trabayen esti campu, Galán dende lAsociación Xareos!, quentamó la renovación desti xéneru y Lluis Antón González collaborando con esta última y al traviés del programa de la TPA, Al aldu: La Risión. Los guiones de los monólogos son obra de Chechu García, Isaac de G. de lArada y el propiu Inaciu Galán. La entrada ye dun euru y la hora, les 1145 de la mañana. 7 de marzu, 2008 0 FacebookTwitterPinterestEmail