Plástiques Morrió lescultor asturianu Joaquín Vaquero Turcios by asturnet 17 de marzu, 2010 El célebre artista asturianu ñaciere en Madrid en 1933 y taba nos últimos tiempos trabayando nel diseñu de la nueva cubierta del Estadiu dEl Molinón, de Xixón. Ayeri, a les cinco la tarde, y dempués de sufrir una llarga enfermedá morría na so residencia de Santander. Arquitectu, pintor, escultor… una obra bien polifacética de la quuna parte pue disfrutase nAsturies. Actuó coles sos obres sobre les centrales hidrollétriques de Grandas y Tanes, nes oficines del Insalud nUviéu, nautopista Y, onde instaló una escultura de grandes dimensiones que nomó Cauce y que los asturianos rebautizaron como El cuélebre; o en Xixón, onde la so escultura Nordeste dominal costáu oeste de Cimavilla. Anque hai munches más repartíes pel territoriul país. Entamó nel mundu la pintura de la mano del so pá, Joaquín Vaquero Palacios, artista asturianu que lu venceyó a esti país dende bien neñu. Estudió arquitectura en Roma (1950-57). En 1953 fizo la so primer esposición, na galería Giardino de Lugano y nel 55 espondría per primer vegada en Madrid. Participó nes EXPO de Bruseles y York, y les sos obres-y valieron ser nomáu miembru de lAcademia de Florencia. La so obra ta presente nos principales museos del tol mundu, comol Reina Sofía y la Fundación Juan March, en Madrid, el Centru Pompidou de París, el Muséu del Vaticanu y el Jean Modern Art de Locarno (Suiza), ente otros. En Madrid, dirixó la restauración del Teatru Real y creol Monumentu a Afayu dAmérica na Plaza de Colón. Tamién foi maestru asociáu de la Facultá de Belles Artes de la Universidá Complutense y espublizó dellos llibros sobre técniques de pintura paleolítica. 17 de marzu, 2010 0 FacebookTwitterPinterestEmail
Plástiques La escultura y el so campu espandíu na Estensión Universitaria de Xixón by asturnet 11 de marzu, 2010 Güei, xueves, 11 de marzu, a les 19.30 hores, nel Salón d’Actos de la Cátedra Gaspar Melchor de Xovellanos d’Estensión Universitaria de la Universidá d’Uviéu, María Soledad Álvarez Martínez va pronunciar la conferencia La escultura y el so campu espandíu. L’actividá realízase en collaboración con La Llaboral Centru d’Arte y Creación Industrial. 11 de marzu, 2010 0 FacebookTwitterPinterestEmail
Plástiques Alicia Calzón espón na Casa Cultura de Grau del 11 al 31 de marzu by asturnet 9 de marzu, 2010 La Conceyalía de Cultura del Conceyu de organiza una esposición de pintura de lartista Alicia Calzón. Lamuesa va tar abierta del 11 al 31 de marzu nel corredor de la Casa Cultura de Grau. La pintora Alicia Calzón (Uviéu, 1961) presenta una esposición individual compuesta por una trentena d’olios de medianu formatu, ente los que predominen los paisaxes y los bodegones. De vocación madura, anque dende siempres inquieta nel arte de crear, y de formación autodidacta, entama en feches recién la so andadura pictórica más reflexiva recibiendo clases de pintura nel taller de Luis Repiso n’Uviéu. Ente les sos esposiciones más recién tán les celebraes en Les Arriondes, La Pola L.lena, el Centru Asturianu d’Uviéu o la Galería Mariña de Diego de la mesma ciudá, ente otres munches. Tamién participó en diversos certámenes y foi escoyida como finalista nel XVI Concursu de Muyeres Pintores del Oriente d’Asturies en 2009. De factura academicista y clásica, l’artista decántase decididamente por una paleta de colores nidios, matizaos y permediaos, que-y sirven pa encetar una amplia temática na que se conxuguen la lluz, les tonalidades y les formes. Utilizando la técnica tradicional del oliu sobro llenzu, Alicia Calzón propón una esposición llena de frescura y color, colgando na Casa Cultura de Grau una selección de lo meyor de la so obra pictórica dapocayá. 9 de marzu, 2010 0 FacebookTwitterPinterestEmail
Plástiques Les Xornaes de Cómic d’Avilés adelanten el programa que van desendolcar en setiembre by asturnet 16 de febreru, 2010 Los responsables de la XV Edición de les Xornaes del Cómic, que van celebrase nAvilés, adelantaron esta selmana la so programación, a falta tovía docho meses pa la celebración cola anuncia de dellos de los invitaos y de l’entamu, ente otros actos, d’unu que tien a la muyer como creadora, asina como otru sobre la creación nAsturies. Nes xornaes dende principios de setiembre van organizase esposiciones pa mostrar los trabayos de dellos autores ente los que s’alcuentren los dibuxantes invitaos que van formar parte del programa dactividaes a desenvolver nesa ciudá. Ente ellos autores como George Pérez, JH Williams III, Igor Kordey o Pere Pérez, que van desplazase hasta Avilés ente los díes 14 y 19 de setiembre. 16 de febreru, 2010 0 FacebookTwitterPinterestEmail
Plástiques Lespeyu que fuxe: esposición en Xixón by asturnet 24 d'avientu, 2009 Hastal 17 de xineru, el Palaciu Revillaxixéu de Xixón va acoeyer esta esposición con artistes reconocíos dientro del panorama del arte del sieglu XX, como Pablo Picasso (dos obras), Louise Bourgueois, Fernand Léger, Salvador Dalí, Joan Miró, Antoni Tàpies, Wassily Kandinsky, Óscar Domínguez, Miquel Barceló, Juan Muñoz, Francisco Leiro, Soledad Sevilla, Antonio Saura, Luis Gordillo, Maruja Mayo, Manolo Millares, Manuel Rivera, Eduardo Arroyo o Francisco Bores. Amás, una representación de la pintura figurativa de finales del XIX y comienzos del XX apaez na esposición nos pinceles de Joaquín Mir, Hermen Anglada Camarasa, Isidro Nonell, Darío de Regoyos, Ramón Casas, Santiago Rusiñol y Francisco Lloréns. Consultar más información 24 d'avientu, 2009 0 FacebookTwitterPinterestEmail
Plástiques Asur Enol Marqués ganal I Premiu dAstrofotografía Cieloastur by asturnet 24 d'avientu, 2009 Un mozu de 16 años, Asur Enol Marqués, foi la persona que se fizo col I Premiu dAstrofotografía Cieloastur, organizáu pola Fundación Asturies XXI, con una semeya de la Ría de Villaviciosa na que pue vese la lluna en conxunción con Venus y Xúpiter. La semeya tomóse navientu del 2008 y cunta cola peculiaridá de que, según cuenta lautor, se fizo cola cámara dun collaciu nel trescursu duna escursión pela zona. Marqués, con esta semeya, llevó un premiu de 1.000 euros. El xuráu que falló esta edición primera del Cieloastur decantóse pola semeya fecha en territoriu maliayu al valorar tantol rexistru de la conxunción como la calidá artística de la semeya y la facilidá pa reconocer nella un puntu concretu de la xeografía asturiana. Los encargaos descoyer al ganador fueron un representante de lAsociación de Fotoperiodistes dAsturies (AFPA), miembros de delles asociaciones asturianes de fotografía y un representante de la Fundación Asturies XXI. Esti premiu ta enmarcáu dientro la Selmana la Ciencia 2009 y cunta col sofitu de la Fundación pal Fomentu nAsturies de la Investigación Científica Aplicada y la Tecnoloxía (FICYT). Les semeyes meyores van ser espuestes nos llocales de la Fundación Asturies XXI, en primer llugar, pa depués percorrer centros sociales, culturales y educativos, amás de difundise per Internet. 24 d'avientu, 2009 0 FacebookTwitterPinterestEmail
Plástiques José Juan González García faise col VII Concursu de cómic n’asturianu de la Comarca la Sidra by asturnet 10 d'avientu, 2009 El xuráu de la séptima edición del Concursu de Cómic n’asturianu Comarca de la Sidra, otorgó’l primer premiu, dotáu con 500 euros, a la historieta Nel día la vitoria, una siniestra hestoria ambientada nun Nueva York en ruines. El so autor ye’l mierense José Juan González García. Tamién foron premiaos, con accésits, Enrique Carballeira y Diego Bernardo Álvarez. 10 d'avientu, 2009 0 FacebookTwitterPinterestEmail
Plástiques Ruma Barbero faise col Premiu “Alfonso Iglesias” de cómic n’asturianu by asturnet 13 de payares, 2009 Rumaldo Antón Barbero de Diego,Ruma Barbero, resultó ganador de la primer edición del Premiu de cómic en llingua asturiana Alfonso Iglesias, que concede la Conseyería de Cultura y Turismu d’Asturies. Ente les obres presentaes, el xuráu decidió por unanimidá conceder el Premiu al testu tituláu Manzajú, al valorar que se trata d’una gran narración gráfica, mui sólida y moderna y con un gran dominiu técnicu de tolos recursos propios del cómic. El xuráu que concedió esti galardón aconceyó ayeri a les 13.00 hores na sede de la Conseyería baxo la presidencia de la Directora Xeneral de Política Llingüística, Consuelo Vega Díaz, y cola participación de los especialistes José Antonio García Fernández (escritor y guionista de cómic), Ernesto García del Castillo, Neto, (dibuxante gráficu) y Jorge Iván Argiz (escritor y director del Festival de Cómic d’Avilés). Actuó como secretaria María Antonia Pedregal Montes, Xefa del Serviciu de Política Llingüística. El testu presentóse baxo l’alcuñu La Gocha Pegui. Una y buenes abrióse la plica, l’autor resultó ser Rumaldo Antón Barbero de Diego, Ruma Barbero, ñacíu en Xixón nel 1971, llicenciáu en Belles Artes na especialidá d’Escultura pola Universidá de Salamanca y miembru fundador del grupu de folk asturianu Felpeyu, col que continúa n’activu. Ganador nel añu 2003 del primer Premiu de Cómic de la Comarca de la Sidra, tamién ye fundador, en xunto con Xosé Antón García Sampedro, de la editorial Cactus Cómics, que publicó dalgunos de los títulos más influyentes d’esti xéneru n’Asturies. D’otra banda, tamién ye un destacáu diseñador gráficu, autor de les carátules de discos de Felpeyu, La Bandina o DRD y de carteles teatrales pa les actuaciones del grupu Nun Tris. A mediu camín ente’l cómic y el diseñu gráficu ta’l Cómic-CD de Los Ciquitrinos Faciendo lindio (2009), del que tamién ye autor.Acullá de lo específicamente rellacionao col cómic, Ruma Barbero ye lletrista de los grupos Felpeyu, Los Ciquitrinos, Tejedor y Blima, amás de collaborador de delles publicaciones periódiques: el diariu El Comercio, el selmanariu Les Noticies o l’Anuariu de la Música Asturiana. 13 de payares, 2009 0 FacebookTwitterPinterestEmail
Plástiques IX convoca un concursu fotográficu alredor de la Ruta del Alba by asturnet 19 d'ochobre, 2009 IX de Sobrescobiu convoca un concursu fotográficu que premiará la semeya más guapa de la Ruta del Alba ensin el formigonáu actual. La organización pretende con esta iniciativa recuperar la memoria d’una sienda natural y ensin artificiu questropel paisaxe. Al concursu puen presentase semeyes, bien nencontu dixital a la dirección de corréu iusobrescobio@yahoo.es, o en papel a la sede dIX d’Asturies, cola indicación de Concursu Fotográfico Ruta del Alba, (Plaza Alfonsu II, El Castu, númb. 3, 2u, 33003 Uviéu). El xuráu calificador tará presidíu pol diputáu Francisco Javier García Valledor, un representante dIX de Sobrescobiu y otru representante de la dirección dIX d’Asturies. Dente les semeyes recibíes escoyeráse aquella qu’a xuiciu del xuráu represente meyor la esencia de la Ruta del Alba enantes del so formigonáu. Tamién se va valorar la so antigüedá, recibiendo l’autor de la fotografía esbillada recibir 100 euros y cediendo esti, a IX d’Asturies, los derechos de la fotografía pa la so publicación. 19 d'ochobre, 2009 0 FacebookTwitterPinterestEmail
Plástiques LArribada inaugura una esposición coles semeyes ganadores del concursu de Tierra Astur by asturnet 16 de setiembre, 2009 Güei miércoles, lArribada va celebrar dos actos. El primeru dellos, va entamar a les seis de la tarde y va consistir na inauguración de les obres del II Concursu de Fotografíes de Tierra Astur, titulada Buelga astur, la mesma va instalase nel patiu del Vieyu Institutu Xovellanos. A les siete y media va pesllase la xornada con cine, a les 19:30 va proyectase Das Cabinet des Dr. Caligari / El gabinete del doctor Caligari , con rótulos nasturianu, será na sale de conferencies, na 1er planta del mesmu edificiu. 16 de setiembre, 2009 0 FacebookTwitterPinterestEmail