Plástiques LAmuesa d’Artes Plástiques dAsturies cumple venti años by asturnet 5 d'ochobre, 2010 Dende’l 30 de setiembre y hastal 31 d’ochobre va tar abierta la esposición de les obres de la XX Edición de l’Amuesa d’Artes Plástiques del Principáu d’Asturies nel Vieyu Institutu Xovellanos de Xixón. Na amuesa pue vese obra de Sara García Fernández, ganadora del Premiu Asturies Xoven d’Artes Plástiques 2009, y Lorena Álvarez Barrero, Adrián Cuervo, Manuel Griñón Montes, Carlos López Traviesa, Robeca Menéndez, Carlos Francisco Pérez Rodríguez y Luis José Suárez Álvarez. Xixón va ser la estación términu de la itinerancia d’esta esposición quentamaba na seronda del 2009 n’Avilés y que pue vese nesti emplazamientu de llunes a vienres, de 18 a 21 hores, los sábados de 11 a 14 h. y de 18 a 21 h.: y los domingos de 11 a 14 hores. 5 d'ochobre, 2010 0 FacebookTwitterPinterestEmail
Plástiques Inaúgurase la esposición del I Concursu de Pintura Rápida Miguel Hernández by asturnet 4 d'ochobre, 2010 Esti llunes, 4 dochobres, a les 19:30 hores, va inaugurase Casa Cultura Mieres la esposición colos trabayos seleccionaos dente los participantes nel Concursu de Pintura Rápida Miguel Hernández. Les obres van poder vese hastal 15 dochobre, de cinco a ocho la tarde. 4 d'ochobre, 2010 0 FacebookTwitterPinterestEmail
Plástiques Radio Parpayuela convoca un concursu de pintura rápida by asturnet 27 de setiembre, 2010 Va celebrase’l I Concursu de Pintura Rápida al aire llibre “Parpayuela”, que va tener llugar el día 1 d’ochobre, nel patiu esterior del Colexu Públicu Licéu Mierense y Aniceto Sela (Cai Manuel Llaneza – Mieres), dende les 17 hasta les 20 hores. La tema a realizar nesta edición va ser “Miguel Hernández: la so figura, la so obra”. Esta actividá ta entamada per Radio Parpayuela y Parpayuela Espaciu Cultural en collaboración cola Conceyalía de Cultura del Conceyu de Mieres y la Universidá d’Uviéu. La inscripción ye de baldre y el plazu va tar abiertu hasta’l mesmu día del concursu, pudiendo presentase les solicitúes per corréu lletrónicu a espaciocultural@parpayuela.com o hasta media hora enantes del entamu del concursu nel mesmu llugar de celebración. Los datos a apurrir son: nome, DNI, edá y teléfonu de contactu. 27 de setiembre, 2010 0 FacebookTwitterPinterestEmail
Plástiques Hernán Bravo inaugura esposición en Grau by asturnet 15 de setiembre, 2010 Lartista Hernán Bravo Águila inaugura la esposición de colaxs titulada “Cortar y pegar” esti xueves 16 de setiembre a les 20:30 hores nel corredor de la Casa de Cultura de Grau. L’actu compleméntase con un whats happening poéticu-musical a cargu del colectivu Implícate. La esposición va tar abierta hasta’l día 30 desti mesmu mes. 15 de setiembre, 2010 0 FacebookTwitterPinterestEmail
Plástiques El Muséu Casa Natal de Xovellanos acueye una amuesa dAmador by asturnet 27 d'agostu, 2010 Hastal 30 de setiembre ta abierta la esposición quamuesa la colección dAmador perteneciente a los fondos del Muséu Casa Natal de Xovellanos de Xixón, compuesta por un importante conxuntu d’escultures, pintures y obres sobre papel, tanto dibuxos y collages como obra gráfica. Les ecultures permiten facer un percorríu pola trayectoria del escultor, con dalgunes de les sos pieces más significatives. El restu d’obres averen al espectador el taller del artista, los sos procedimientos y métodos de trabayu. Entel conxuntu d’obres destaquen pola so calidá los collages, concebíos nunos casos como creaciones autónomes y notros como trabayos preparatorios pa les sos escultures.L’horariu del Muséu casa Natal de Xovellanos ye, de martes a vienres de 9.30 a 14 y de 17 a 19.30 hores y sábados, domingos y festivos de 10 a 14 y de 17 a 19.30, siendo la entrada de baldre. 27 d'agostu, 2010 0 FacebookTwitterPinterestEmail
Plástiques Sorolla y los sos contemporáneos na colección Pedro Masaveu by asturnet 26 d'agostu, 2010 La esposición Pintura pa un nuevu sieglu. Sorolla y los sos contemporáneos na colección Pedro Masaveu, entamada pol Conceyu de Xixón, en collaboración col Muséu de Belles Artes d’Asturies y el Muséu Nicanor Piñole, axunta una franca representación de los pintores españoles qu’a finales del sieglu XIX y principios del sieglu XX gociaron d’una notable reconocencia a nivel internacional. Puede visitase hastal 26 de setiembre nel Muséu Nicanor Piñole. Una significativa escoyeta d’obres de Sorolla, Nonell, Rusiñol, Mir y Cases, ente otros, ufierta la posibililidá de presentar de forma contextualizada la producción artística de les figures más relevantes del panorama artísticu español de les primeres décaes de sieglu, periodu nel que se formalizan los nuevos llinguaxes pictóricos que ruempen col realismu costumbrista qu’apoderaba la pintura oficial d’esi periodu. Pueden facese visites guiaes y de baldre tolos domingos a les 12.00 hores, previa concertación telefónica nel 985 359 594. Folletu de l’amuesa de Sorolla 26 d'agostu, 2010 0 FacebookTwitterPinterestEmail
Plástiques Arte pola oficialidá na Casa Cultura de Colunga by asturnet 25 d'agostu, 2010 La Casa Cultura de Colunga, cola collaboración del Serviciu de Normalización Llingüística de la Comarca de la Sidra, acueye hasta esti llunes 30 dagostu, la V Amuesa dArtistes Asturianos pola Oficialidá del Asturianu, cedida pol Conceyu Abiertu pola Oficialidá (CAO). Una esposición que va más allá del so interés artísticu. Ye un posicionamientu de los artistes asturianos a favor de los drechos llingüísticos. Les persones que participan tán pola llabor de que se reconozca la oficialidá del asturianu y gallego-asturianu como un drechu ciudadanu básicu: la posibilidá llegal dusar la llingua propia en cualesquier ámbitu de la vida. Son una parte más de la sociedá civil que ve con bonos güeyos la recuperación y normalización del patrimoniu llingüísticu d´Asturies. Les artes y la cultura conviden d´esta miente a la sociedá asturiana a que tome conciencia de la urgencia de resolver esta cuestión d´una manera tranquila y consensuada. Ye una ocasión pa conocer obres del arte actual y reflexonar sobre la situación del problema llingüísticu nAsturies. Lamuesa axunta artistes de toles tendencies y edaes que, como espresión de compromisu donen estes obres al CAO payudar nes sos campañes de reivindicación. La esposición ta coordinada pol Foru Arte Ciudá que participa nel CAO ente más de 250 asociaciones civiles. Cuenta con obres de artistes tales como Fernando Alba, Berto Peña, nel Amaro, Maite Mentol, Charo Cimas, Beatriz Corredoira, Pablo Maojo, Alejandro Mieres, Ricardo Mojardín, Neto, Ánxel Nava, Ástur Paredes, Vicente Pastor, Bernardo Sanjurjo, Cuco Suárez, Guillermo Simón, etc. 25 d'agostu, 2010 0 FacebookTwitterPinterestEmail
Plástiques Convócasel VI Concursu de cartelos Cuenques Mineres by asturnet 19 de xunetu, 2010 La Secretaría de Mocedá de la Unión Comarcal de CC.OO. del Nalón entama’l VI Concursu de cartelos, nel que pueden participar toles persones que lo deseyen, ensin llende d’edá. Van Poder presentase, a lo más, dos obres orixinales ya inédites. La temática ha tar rellacionada principalmente col mundu llaboral xuvenil y la situación social y cultural de los mozos de les cuenques mineres. En toos y caún de los trabayos tendrá de figurar de forma visible la lleenda: “La to seguridá lo primero, la salú nun se viende”. Los orixinales han de presentase nes oficines de la Unión Comarcal de CC.OO. del Nalón, C/Florentino Cueto, s/n – 2º, 33930 La Felguera (Llangréu) Feches de presentación: del 1 de mayu al 1 d’ochobre de 2010, n’horariu de 9:30 a 13:30 y de 16:30 a 19:00 hores. Los orixinales pueden apurrise en mano o bien mandase per corréu certificáu al apartáu de correos: 109, con acuse de recibu, cola referencia: “Concursu de cartelos 2010”. 19 de xunetu, 2010 0 FacebookTwitterPinterestEmail
Plástiques Morriól dibuxante de cómics Víctor de la Fuente by asturnet 6 de xunetu, 2010 Le Mesnil Saint Denis, en Francia, vio morrer esti vienres pasáu al dibuxante asturianu Víctor de la Fuente (Ardisana, Llanes, 1927). Lautor asturianu yera ún de los dibuxantes de cómic más conocíos y valoraos en tol mundu, dende que nos años cuarenta entamó cola so actividá artística. Nos setenta coló pa Francia cultivandol westerm, con títulos como Sunday, Amargo, Los Gringos o Tex; y la fantasía heroica, con Haxtur, Mathai-Dor y Haggarth, ente otros. Ente los sos premios tán dellos de los gallardones más importantes dente los dedicaos a los autores de novela gráfica, comol Yellow Kid del Festival de Lucca, que-y dieron en 1980, ol Gran Premiu del Salón Internacional del Cómic de Barcelona, ortorgáu a de la Fuente en 2006. Asturies rindió-y homenaxe n’ochobre de 2002 nel XXVI Salón internacional del Cómic. De la Fuente yera xunto a Isaac del Rivero y otros dibuxantes, parte duna xeneración del cómic na quAsturies despuntó con una obra de calidá. 6 de xunetu, 2010 0 FacebookTwitterPinterestEmail
Plástiques Abierta una expo sobre les campañes de normalización social de la llingua feches na Mancomunidá del Cabu Peñes by asturnet 23 de xunu, 2010 La MANCOMUNIDÁ DEL CABU PEÑES espón esta última quincena de xunetu, y nel Centru Polivalente La Baragaña – Candás, delles CAMPAÑES DE NORMALIZACIÓN SOCIAL DE LA LLINGUA ASTURIANA entamaes dendel Serviciu de Normalización Llingüística de la Mancomunidá cola collaboración de la Conseyería de Cultura y Turismu del Principáu dAsturies y la REDE. Y ye que ye sabío que lusu de la llingua autóctona en tou tipu dactividaes xenera un texíu de producción económica y cultural al rodiu desti tipu campañes que tienen como enfotu la recuperación, conservación y promoción del asturianu; esto ye, la normalización social de la llingua asturiana. Anguaño, estes actividaes al rodiu del asturianu caltiénense con gran vigor y tán algamando un grau madurez bien importante. 23 de xunu, 2010 0 FacebookTwitterPinterestEmail