Plástiques Inaugúrase una esposición dartistes asturianos con Palestina by asturnet 31 de xineru, 2011 Esti llunes 31 de xineru de 2011 a les 8 la tarde inaguraráse nel Auditoriu Príncipe Felipe la esposición Artistes d’Asturies con Palestina, con obres d’importantes autores asturianes como Legazpi, Mojardín, Mieres, Prendes, Montesinos, ente otros, qu’amuesen d’esa forma la so solidaridá col pueblu palestín. Al actu asistirá l’Embaxador de Palestina nel Estáu español, Musa Amer Odeh, el Presidente d’Asturies, Vicente Álvarez Areces, el Teniente d’Alcalde del Ayuntamientu d’Uviéu, Agustín Iglesias Caunedo y la Conseyera de Bientar Social y Vivienda, Noemí Martín. La esposición tará abierta hasta’l martes 14 de febreru, y les perres recaudaes pola venta de les obres espuestes destinaráse a la campaña Rumbu a Gaza 31 de xineru, 2011 0 FacebookTwitterPinterestEmail
Plástiques Organicen una esposición dartistes asturianos con Palestina by asturnet 28 de xineru, 2011 Causa Árabe Asturies organiza una esposición en favor de Palestina. Va inaugurasel llunes 31 de xineru a les 19:00 hores nel Auditoriu Príncipe Felipe dUviéu, na Plaza de la Xesta. Cuenta con obres d’importantes autores asturianos como Legazpi, Mojardín, Mieres, Prendes, Montesinos, ente otros, qu’amuesen d’esa forma la so solidaridá col pueblu palestín. A la inauguración asistirá l’Embaxador de Palestina nel Estáu español, Musa Amer Odeh, y la Conseyera de Bientar Social y Vivienda, Noemí Martín. La esposición tará abierta hasta’l martes 14 de Febreru, y les perres recaudaes pola venta de les obres espuestes destinaráse a la campaña Rumbo a Gaza (www.rumboagaza.org) 28 de xineru, 2011 0 FacebookTwitterPinterestEmail
Plástiques Entregáronse los premios del IV Concursu de Semeyes La Sidra by asturnet 24 de xineru, 2011 El pasáu 20 de xineru, celebróse la entrega premios del IV Concursu de Semeyes “La Sidra”, na xixonesa Sidrería La Galana. Nel mesmu actu inauguróse la Esposición de Semeyes del IV Concursu Semeyes La Sidra, na que s esponen les venti meyores semeyes seleicionaes pol xuráu del concursu. La esposición permanecerá na Sidrería La Galana demientres dos meses. Nesti actu recibieron premiu Javier Broto Hernández, pola so obra “Criación” (na semeya de la noticia), Joaquín D. Palazón por “Igartubeiti” y Mónica González Álvarez por “Un culín de sidra”. Los premios tan dotaos con 600, 350 y 150 euros respeutivamente más una dotación en llibros de temática sidrera por valor de 150 pa caún dellos. Tamién sentregó un premiu especial consistente en dos caxes de sidre J.R a Ángel Febrero, pola so semeya “De sidra por Xixón”, por ser la meyor semeya seleicionada ente aquellas quamosaben la imaxe del Llagar J.R, patrocinador del concursu. Los organizadores destacaron l ésitu de convocatoria del IV Concursu de Semeyes “La Sidra” al que se presentaren más de 160 fotógrafos con ná menos que 744 semeyes. Amás, anque la participación foi mayoritariamente asturiana, hai obres presentaes de tol estáu, d Europa y dAmérica llatina, apuntando como curiosidá que per primer vegaga se cunta con participación rusa. El Concursu Semeyes “La Sidra” ta entamáu pola revista LA SIDRA y cuenta cola collaboración del Llagar J.R Altu LInfanzón. 24 de xineru, 2011 0 FacebookTwitterPinterestEmail
Plástiques Inaugúrase una esposición con artistes vascos y asturianos by asturnet 12 de xineru, 2011 Esti miércoles, 12 de xineru, a partir de les 19:30 hores nel recibidor de la segunda planta del Centru de Cultura Vieyu Institutu de Xixón, na cai Xovellanos, 21, va celebrase la inauguración de la esposición Converxencies, que va tar abierta hastal 12 de febreru. Nel actu de presentación, l’artista Miguel A. García aka Xedh va ufiertanos un conciertu de música esperimental nel que va encetar les sos moliciones sonores. Pela so parte, la moza Alejandra Bueno, acabante llegar d’una residencia artística en Baviera, va, según cuenten los organizadores, sorprender con una de los sos risonderes pero non por ello menos fondes performances. En Converxencies participen nueve artistes vascos coles sos últimes creaciones, dientro d’un proyectu d’intercambiu creativu entamáu pol Colectivu Interferencies d’Asturies y el Festival d’Arte Esperimental MEM d’Euskadi. Los artistes vascos participantes son Miguel A. García, Zuhar Iruretagoiena, Miriam Isasi, Lorea Palacios, Samuel Labadie, Rosa Parma, Juan de la Rica, Alejandra Bueno y Elena Aitzkoa Reinoso; mientres que pela parte asturiana van esponer Belén García, César Naves, Jaime Rodríguez, Juan Falcón, María Castellanos, Marcos Arroyo y Román Fernández Crespo. 12 de xineru, 2011 0 FacebookTwitterPinterestEmail
Plástiques Aurelio Suárez nel Muséu de Belles Artes d’Asturies by asturnet 4 de xineru, 2011 Hastal 23 de xineru puede visitase nel Muséu de Belles Artes d’Asturies, asitiáu nUviéu, una esposición dedica al pintor Aurelio Suárez. La colección del Muséu, que s’empecipió con dos obres procedentes de l’antigua Diputación Provincial, foi axuntada de 1981 a 1999 ya inclúi 9 olios, 8 gouaches y 3 bocetos sueltos, amás d’un álbum enllibráu en pergamín qu’axunta otros 10 bocetos, 2 ceres y 2 olios. Completa la colección un platu de lloza, como amuesa del trabayu del artista como pintor ceramista. Aurelio Suárez (1910-2003), empezó a pintar na so villa natal, formándose como artista nel Madrid de los años trenta, en contactu cola renovación qu’entós se producía na pintura de tol estáu. Calteniendo siempres el mesmu tamañu, conformaba series constituyíes por un númberu y xuníes por un averamientu temáticu y estilísticu común. Amás d’estos trabayos al oliu fai tamién aguazos sobre papel, en formatu asemeyáu y, en menores dimensiones, lo que denoma bocetos, tamién sobre papel, que prepara en series de cien. En toes estes obres arrama una inspiración bien personal sirvida por una trabayada técnica pictórica, onde les graduaciones de color apaecen rigorosamente midíes, nuna orientación artística de fonda individualidá ensin paralelu nel panorama estatal de los últimos decenios del sieglu XX. 4 de xineru, 2011 0 FacebookTwitterPinterestEmail
Plástiques Javier Broto gana’l Concursu de Semeyes de La Sidra by asturnet 13 d'avientu, 2010 Javier Broto Hernando ganó’l primer premiu del IV Concursu Semeyes La Sidra, cola so semeya “Criación”. El segundu y tercer premiu fueron pa Joaquín D. Palazón Tornero, y Mónica González Álvarez, por “Igartubeiti” y “Un culín de Sidra” respectivamente. El fallu del xuráu tuvo llugar nel Llagar El Mancu, nun actu abiertu al públicu nel que fueron esbillando les semeyes presentaes hasta dexar les venti que formarán parte de la esposición La Sidra 2011 y énte les qu’escoyeron les trés obres premiaes. Nesti IV Concursu Semeyes La Sidra, qu’entama la recista La Sidra en collaboración col Llagar JR- Altu l’Infanzón, presentáronse más de 160 fotógrafos con ná menos que 744 semeyes, lo que representa un auténticu ésitu. Los premios tan dotaos con 600 (500 en metálicu y 100 en llibros) pa la semeya ganaora. 350 (300 en metálicu y 50 en llibros) pal segundu premiu, y 150 (125 en metálicu y 25 en llibros) pal terceru. La semeya ganaora “Criación”, ye obra del oscense Javier Broto Hernando, y nella’l xuráu destacó tanto la calidá fotográfica de la mesma, comu’l fondu conteníu conceptual. En cuantes al segundu premiu “Igartubeiti”, obra del murcianu Joaquín D. Palazón, el xuráu destacó la so composición y cadarma fotoperiodística y la calidá’l collor. A la fin, del tercer premiu “Un culín de Sidra”, de la carreñana Mónica González Álvarez destacóse la perorixinalidá de la obra. Consulta toles semeyes escoyíes pol xuráu 13 d'avientu, 2010 0 FacebookTwitterPinterestEmail
Plástiques Esti vienres preséntase en Cangas la Amuesa d’Obres pola Oficialidá by asturnet 1 d'avientu, 2010 Esti vienres 3 d’Avientu presentaráse a las 13 hores nel Auditoriu de la Casa la Cultura Palaciu d’Oumaña de Cangas del Narcea la Amuesa d’obres pola Oficialidá, cona participación d’Ánxel Nava, artista reconocíu ya coordinador de la muestra, que s’espondrá en Cangas del 2 al 15 d’esti mes; Carlos Pulgar, representante de la Xunta pola defensa de la l.lingua asturiana; ya Bibiana Martínez, conceyala de Cultura del Conceyu Cangas. Nel actu d’inauguración desplicaráse a los asistentes el porquéi ya’l cúmo d’esta muestra artística. 1 d'avientu, 2010 0 FacebookTwitterPinterestEmail
Plástiques Aporta a Avilés la XXI Edición de l’Amuesa d’Artes Plástiques del Principáu d’Asturies by asturnet 26 d'ochobre, 2010 La XXI Edición de l’Amuesa d’Artes Plástiques del Principáu d’Asturies pue vese na Casa Cultura del Conceyu d’Avilés coles obres de los siete artistes escoyíos: Lucia Rivero, Noé Baranda Ferrero, Iraida Lombardía Alonso, Noemí Iglesias Barrios, Manuel Griñón Montes, Adrián Cuervo, Santiago Lara, y cola obra de l’artista Alicia González-Lafita Pérez, ganadora del Premiu Asturies Xoven d’Artes Plástiques 2010. L’Amuesa, va poder vese n’Avilés hasta’l 30 d’ochobre de 11 a 14 h. y de 18 a 21 hores, de llunes a sábadu; y el domingu d’11 a 14, ufiertando la oportunidá d’asomase a los últimos enclinos de la práctica artística n’Asturies. 26 d'ochobre, 2010 0 FacebookTwitterPinterestEmail
Plástiques Caxastur espón la obra de Jon Phillipson Brown en Xixón y Avilés by asturnet 18 d'ochobre, 2010 Caxastur va esponer la obra de Jon Phillipson Brown “La vista consciente” estos próximos díes n’Avilés y Xixón. Na villa del adelantáu la esposición va poder vese na Sala Cultural Caxastur Alfonso VII, dende’l vienres 22 d’ochobre al martes 9 de payares, de llunes a sábados de 18 a 21 hores. En Xixón, la esposición va asitiase nel Centru Cultural Caxastur Muria Romana, dende’l llunes 15 de payares al sábadu 11 d’avientu, de llunes a sábados de 17 a 20 hores. 18 d'ochobre, 2010 0 FacebookTwitterPinterestEmail
Plástiques Los Artistes pola Oficialidá lleguen a la Casa Cultura de Nava by asturnet 6 d'ochobre, 2010 Dempués de pasar n’agostu pela Sala Loreto de Colunga, la Casa la Cultura “Marta Portal”, en Nava, acueye dende’l llunes 4 al xueves 29 d’ochobre la esposición Artistes pola Oficialidá, entamada pol CAO (Conceyu Abiertu pola Oficialidá). La esposición ye amuesa del apoyu del mundu artísticu asturianu a la conservación del nuesu patrimoniu llingüísticu, y ta formada d’obres donaes por artistes asturianos de les cuatro últimes xeneraciones. Dende veteranos autores de la talla y el prestixu de Bernardo Sanjurjo o Fernando Alba a otros muncho más mozos que formen parte del arte emerxente actual. Lamuesa vien a ser un interesante percorríu pol arte contemporaneu producíu n’Asturies, na que s’atopa tanto escultura como pintura y fotografía, con gran variedá de técniques y soportes. Al marxe de la esposición artística, na espo danse a conocer les campañes y l’activida que’l CAO tien puesto en marcha. 6 d'ochobre, 2010 0 FacebookTwitterPinterestEmail