Fiestes Entamen los actos de la Folixa na Primavera en Mieres, el festival de les músiques del Arcu Atlánticu by asturnet 20 d'abril, 2007 Redacción. Mieres va celebra nos próximos tres díes (20, 21 y 22 d’abril de 2007) la XII Folixa na Primavera, una fiesta concebida como un festival de música onde la música celta, con bandes folk de prestixu internacional, la gaita, la gastronomía asturiana y la sidra son la base d’una fin de selmana de fiestes. El festival de les músiques del Arcu Atlánticu entama güei nel Parque Xovellanos col pregón de Mari Luz Pontón, el descorche de los 10.000 llitros de sidra y los conciertos de Xuacu Amieva y los irlandeses Four Men and dog. Felpeyu recueye güei’l VII Distintivu Fini Suárez d’investigación etno folk pola so trayeutoria en favor de la cultura asturiana. Gwendal y la presentación del últimu discu d’Skanda, serdrán protagonistes de la fin de selmana, nel que va sirvise’l menú especial de primavera en 30 restoranes del conceyu. 20 d'abril, 2007 0 FacebookTwitterPinterestEmail
ConvocatoriesFiestes XEGA convoca concursos nel Día Internacional de Lesbianes, Gais, Transexuales y Bisexuales by asturnet 20 d'abril, 2007 Redacción. L’asociación Xente Gai Astur convoca un concursu de rellatos qu’aborden la temática GBLT y que nun sobrepasen les seis fueyes, pudiendo presentalos n’asturianu o en castellán. Va valorase na eleición de los ganadores, la calidá lliteraria y la visión positiva que se dea del coleutivu homosexual. Y como ye tamien habitual, XEGA convoca un concursu de cartelos p’anunciar el Día Internacional. El cartelu tien de llevar el testu «28 de xunu. Día internacional de gais, lesbianes, transexuales y bisexuales». Y el lema d’esti añu ye ‘Agora Europa: la igualdá ye posible’. Bases completes 20 d'abril, 2007 0 FacebookTwitterPinterestEmail
ConvocatoriesFiestes Yá tán a la venta les entraes pal XIX Conciertu pola Oficialidá organizáu pola XPDLA by asturnet 19 d'abril, 2007 Redacción. La Xunta pola Defensa de la Llingua Asturiana (XPDLA) y Xunta Moza organicen pal próximu día 28 d’abril el so tradicional ‘Conciertu pola Oficialidá’, qu’esti añu llega a la so edición númberu diecinueve con un cartelu mui ambiciosu, onde apaecen los grupos y artistes asturianos de más esitu. El conciertu va facese nel aparcamientu del estadiu Carlos Tartiere, onde va instalase una carpa xigante y dos escenarios independientes nos que van dir alternándose les actuaciones de: Tuenda, Llangres, Dulcamara, Lafu y Rebeca Velasco, Toli Morilla, Chalaneru Soundsystem, K-Nalón y Skama la Rede El conciertu va entamar a les 19:30 y va durar más d’ocho hores ensin descansu gracies a los dos escenarios nos que van alternándose los artistes. La xornada quier sirvir pa llamar l’atención sobre’l problema llingüísticu n’Asturies. Les entraes tán a la venta al preciu de 5 euros y a 6 euros na puerta. Más información: 19 d'abril, 2007 0 FacebookTwitterPinterestEmail
ConvocatoriesFiestes LAcademia de la Llingua Asturiana preséntase esti domingu la toponimia de La Montaña (Valdés) by asturnet 19 d'abril, 2007 Redacción. Esther García, llicenciada en Pedagoxía, profesora d’enseñanza secundaria y esperta en Filoloxía Asturiana presenta’l so trabayu últimu, ‘Toponima de La Montaña (Valdes)’. L’actu va ser esti domingu a la 1 la tarde na Ilesia parroquial de Belen, nel conceyu de Valdes. García ye autora d’una bayurosa obra lliteraria y de didáutica de l’asturianu. Destaquen ente los sos llibros ‘Llingua asturiana y práutica simulativa na E.X.B.’ o’l poemariu ‘L.luribaga’, amás ye miembru de l’Academia de la Llingua Asturiana y collabora como articulista na edición avilesina de La Nueva España. La publicación d’esti cartafueyu de toponimia inxerase dientro de la Coleición Toponimia de l’Academia de la Llingua y que llega yá a los 112 númberos. Esti volume van presentalu, xunto a l’autora, l’alcalde de Valdes Juan Fernández, l’academicu Roberto González Quevedo y el párrocu de La Montaña, Jesús Emilio Menendez. 19 d'abril, 2007 0 FacebookTwitterPinterestEmail
Fiestes El FUSOA entama otru añu más la Folixa Primeru de Mayu, con música, actos políticos y comida popular by asturnet 17 d'abril, 2007 El Fondu xUnitariu de Solidaridá Obrera d’Asturies (FUSOA) entama esti añu, por quinta vegada, la Folixa Primeru de Mayu, con música, actos políticos y comida popular y que, como novedaes mas importantes, durará dos díes y va facese embaxo la carpa que llevantaras na pista polideportiva de l’altu de l’Atalaya en Xixón. El cartelu definitivu de conciertos entama’l llunes 30 y desendolcase hasta’l 1 de Mayu con esta programación: LLUNES, 30 D’ABRIL (hora d’entamu: 17.00): – LENDAKARIS MUERTOS (los Dead Kennedys navarros cellebrarán n’Asturies el so conciertu númberu 100) – INSERSHOW (tres del ésitu del añu pasáu, vuelve el grupu catalán di-versiones revolucionaries) – SKAMA LA REDE (presentado el so nueu discu, Echaos a la mar) – SKONTRA (col so caberu CD, Semaya de la rabia) MARTES, 1 DE MAYU (hora d’entamu: 16.00): – BLIMA (folc) – MERINO (cantautor di-versiones revolucionaries) – ASTUR SOUND (reggae-soundsystem) – LOS OSOS (rock) Les Entraes, a la venta dende esta selmana tienen tres tipos: Abono llunes y martes por 10 , entrada pal llunes 8 y entrada pal martes 5 euros. 17 d'abril, 2007 0 FacebookTwitterPinterestEmail
Fiestes El Cuartu Mercáu tradicional La Flor de L.lena celebrase esta fin de selmana by asturnet 14 d'abril, 2007 El Cuartu Mercáu tradicional La Flor de L.lena va celebrase esta fin de selmana en La Pola L.lena cola actuación de True Kd´Art, Xera, La Bandina, Tuenda y Chalanero Sound. El Mercáu va tener a Xulio Concepción como pregoneru. Esti sábadu a les 11 la mañana entamará’l mercáu d´artesanía, pa siguir a les 12 cola presentación del mercáu y el pregón a cargu de Xulio Concepción. A les 5 la tarde entamarán los Xuegos tradicionales pa los guah.es y a les 22:30 los conciertos con True Kd´Art, Xera y La Bandina. El domingu a les 11 la mañana abriráse otra vuelta’l mercáu d´artesanía y pa les 5 la tarde tan prevists los xuegos tradicionales pa los guah.es. A les 8 la tarde anicia’l conciertu con Tuenda y les 10 y media l’otru conciertu del día con 30 Chalaneru Sound. Dúrante los dos díes tendrá llugar el mercáu d´artesanía con un centenar d´artesanos y pasucais de gaites, actor medieval y los sos monólogos. 14 d'abril, 2007 0 FacebookTwitterPinterestEmail
ConvocatoriesFiestes Concursu “Mocedá y Sexualidá” by asturnet 6 de marzu, 2007 El Conseyu de la Mocedá d’Asturies pon en marcha un concursu de propuestes artístiques sobre “Mocedá y sexualidá” nel que se pretende reflexar como vive, espresen, siente la sexualidá la mocedá a través de diferentes manifestaciones artístiques. La sexualidá entendida como una fonte de relación, de comunicación y de placer ente les persones. Esti concursu tien cinco categoríes: cartel, video, fotografía, relatos eróticos y música. Van poder participar mozos y moces d’ente 14 y 30 años. En cauna de les categoríes van establecese dos grupos un de 14 a 18 años y otru de 19 a 30 años. Cada participante va poder presentar tres obres inédites como máximu pa caunda de les categoríes. Les bases completes pueden vese equí. 6 de marzu, 2007 0 FacebookTwitterPinterestEmail
ConvocatoriesFiestes XIV Concursu de Cuentos pa Rapacinos y Xóvenes d’Asturies d'”El Portón” y “El Tragaulz” by asturnet 5 de marzu, 2007 L’asociación cultural “El Portón” y l’asociación xuvenil “El Tragaluz” convoquen la XIV edición del concursu de Cuentos pa Rapacionos y Xóvenes d’Asturies. La participación nesti concursu ta abierta a toles persones que tean interesaes. El plazu pa entregar los orixinales acaba’l 23 d’abril, los testos han unviase al apartáu 140 d’Uviéu a nome de l’asociación cultural El Portón. 5 de marzu, 2007 0 FacebookTwitterPinterestEmail
Fiestes L.lena va cellebrar l’Antroxu esti sábadu by asturnet 2 de marzu, 2007 El conceyu de L.lena como ye avezao peslla les celebraciones del antroxu asturianu. El sábadu 3 de marzu a partir de les 18.00 hores fadráse un pasucais que va recorrer les principales cais de La Pola. La organización va repartir 4.000 euros en premios a los meyores antroxaos. 2 de marzu, 2007 0 FacebookTwitterPinterestEmail
Fiestes Asturies entama a antroxar esta fin de selmana by asturnet 17 de febreru, 2007 Esti sábadu ya son munches les ciudaes que como Avilés y Xixón disfruten de los primeros actos del programa d’Antroxu, con programes empobinaos a los neños nestos primeros díes, como tamién asocede en Llangréu. En Xixón, Pachi Poncela foi l’encargáu de pregonar la fiesta más folixera del iviernu Nun pregón en castellán y en versu, Pachi Poncela fizo un repasu a tola actualidá periodística y política, dedicando-y bona parte del pregón a la polémica alrodiu de la sidra y la llei del alcohol:”según estudio reciente en españa han detectado mucho hígado encebollado por causa del aguardiente. más bares que bibliotecas, hay mucho perjudicado y muchas gargantas secas. y el gobierno preocupado, el gobierno se preocupa de lo que el votante chupa. previniendo el colocón, pa evitar el botellón prohíben la botellina, de tal forma que en gijón, en nava o en la conchinchina haya que pillar les jumes sin que te vean los chiquillos, metidos en la cocina. Primero fue no me fumes,ni puros, ni cigarrillos. hoy, guerra a los carajillos, a la juma de jumilla, al fino, a la manzanilla, al campari y al cynar, y pa acabar de jodelo, al vino de consagrar. nos van a dar para el pelo ¿y con qué vendrá después la ministra a hacer rebajas? con bayeta y con sidol dejará al pueblo español limpio de polvo y de pajas. ¡mira que gusta el bebercio y que cunde el folleteo! (yo no lo hago, que está feo: sólo hablo de lo que veo, de lo que escucho a diario dentro del confesionario) tal y como va la cosa habrá que hacer les espiches con mosto o con gaseosa”. 17 de febreru, 2007 0 FacebookTwitterPinterestEmail