Comunicación Un 119% de los blogues dAsturies escríbense nasturianu by asturnet 8 de febreru, 2008 Un estudiu sobre lusu de los blogues nel estáu español que ta acabante despublizase y que fizo Alianzo, amuesa quAsturies ye una de les comunidaes con mayor númberu de bloguers, superando la media estatal y con Aragón y Madrid como úniques comunidaes autónomes per delantre. Otru de los datos quamuesa esti estudiu ye que l881% de los blogues asturianos tán redactaos en castellán, mientres quel restu, tán redactaos nasturianu. Estes cifres amuesen, que magar de lo minoritario del asturianu na rede de redes, la presencia del asturianu nos blogues nun ye despreciable, con blogues dactualidá, política, música, educación, lliteratura, cine, ciudaes, los fotoblogues y blogues personales ente otros. Esta bayurosa presencia yá samosó va meses cuando los encargaos de munchos de los blogues nasturianu entamaron un alcuentru de blogueros cola idea dentamar nun futuru cercanu una Xunta de Blogueros Asturianos. 8 de febreru, 2008 0 FacebookTwitterPinterestEmail
Educación Xixón va gastar esti añu 800.000 euros en Formación y cásique un millón pa contrataciones nes ONGs by asturnet 8 de febreru, 2008 La conceyala d’Emplegu, Igualdá y Xuventú, Begoña Fernández, presentó esti xueves nel Barriu La Arena la convocatoria de dos concursos públicos con un importe total de dos millones de euros, ente los que destaca’l Plan Local de Formación, que cunta con una inversión de 800.000 euros y va promocionar acciones formatives pa desemplegaos asina como pa trabayadores con tarxeta de meyora d’emplegu. Amás de los programes del Plan de Formación, l?ayuntamientu va destinar una partida de 925.000 euros, n’ayudes a la contratación empobinaes a entidades ensin ánimo de lucru. Los contratos deberán tener una duración mínima de seis mes y como máximu un añu y empobinase namái qu’a persones desemplegaes. 8 de febreru, 2008 0 FacebookTwitterPinterestEmail
Sociedá El PP xixonés denuncia la política llingüística que se fai nel consistoriu by asturnet 8 de febreru, 2008 “L’Ayuntamientu de Xixón nun fizo nengún avance significativu en nenguna de les estayes que conformen la política llingüística”. Esta ye la opinión que tien el Partíu Popular de Xixón del funcionamientu de les politiques de promoción de l’asturianu nel consistoriu xixones. Nun comunicáu, los populares critiquen asimesmo la non presentación d’una ordenanza municipal pal usu del asturianu, el funcionamientu precariu de la oficina municipal de la llingua y les torgues a l’aplicación de la toponimia del conceyu. “L’usu del asturianu na publicidá institucional del conceyu, l’usu de los topónimos oficiales en señales, mapes y documentos o’l facilitar l’accesu de la ciudadanía a productos y servicios n’asturianu de tou tipu”. Estes son dalgunes de les midíes que plantega llevar al cabu’l PP de Xixón amás de potenciar la oficina de la llingua cola formación d’un nuevu conseyu asesor, crear un plan director de les polítiques llingüístiques o garantizar l’usu de l’asturianu nos documentos oficiales. 8 de febreru, 2008 0 FacebookTwitterPinterestEmail
Sociedá La XPDL critica l’usu ellectoralista que tan faciendo del asturianu PP y PSOE by asturnet 8 de febreru, 2008 “La oficialidá nun pue ser un arma pa tirase a la cabeza unos a otros, sinón que ye un asuntu de derechos ciudadanos, un tema ensin resolver dende hai 30 años que sigue ehí”. Nestos terminos se pronunció la Xunta Pola Defensa de la Llingua Asturiana sobre l’usu ellectoralista que, al so xuiciu, tan faciendo del asturianu PSOE y PP nesta precampaña. Según denuncia XPDL nun comunicáu, esta situación nun beneficia en nada a algamar el consensu necesariu pa la defensa de los derechos de los asturfalantes. El centru de les crítiques de la Xunta foron les declaraciones cruciaes ente Gabino de Lorenzo y Jesús Gutierrez alredor de la oficialidá. XPDL reprocho-yos la so actitú al candidato popular; “Gabino de Lorenzo, sigue cola so táctica de facer cantos d’amor al asturianu, pero ensin demostralo más allá de detalles anecdóticos”, y tamien al socialista; “Ye tanta la perceguera que-y da l’asturianu fuera de los ámbitos de la casa y del chigre que, cuando lu ve usase pa falar de política, Gutierrez ya se pon nerviosu”. La Xunta tuvo asimesmo pallabres de rempuesta pa les actitudes pa col asturianu de la FSA y del diputáu popular Joaquín Arestegui, quien haz bien poco volvió a poner enriba la mesa’l tema de la obligatoriedá. Nesti sen, XPDL respuende-y con una entruga, ¿Va atravese Arestegui a falar d’obligatoriedá a los sos compañeros de Galicia y Valencia, comunidaes con abondos años de Gobiernu popular y onde les sos llingües son oficiales?”. 8 de febreru, 2008 0 FacebookTwitterPinterestEmail
Sociedá Xuristes pol Asturianu quéxase de la doble política del gobiernu col asturianu by asturnet 8 de febreru, 2008 L’Aconceyamientu de Xuristes pol Asturianu ta acabante d’unviar una quexa a la Directora d’Expolangues por mor de lo que consideren doble política na manera de tratar l’asturianu nes actuaciones del gobiernu d’Asturies. AXA, al travies d’un comunicáu, calificó de falsura la participación del gobiernu nel salón Expolangues pa promocionar la llingua asturiana, al tiempu que torga la so presencia na educación infantil, pieslla los servicios de normalización que tan funcionales o prohibe’l so usu a los funcionarios de l’alministración. 8 de febreru, 2008 0 FacebookTwitterPinterestEmail
Sociedá Easyjet va xunir Asturies y Xinebra a partir del 22 d’abril by asturnet 7 de febreru, 2008 Easyjet va poner en serviciu un nueva llínia aerea ente Asturies y Ginebra con tres vuelos selmanales a partir del 22 d’abril. Los aviones van salir dende l’aeropuertu d’Asturies los martes, xueves ya’l sábadu a les 12:10 hores. La compañía opera anguaño n’Asturies con rutes a Madrid y a Londres y, anque tovía nun ufre serviciu a Alemania, como prometió al llegar al Principáu, amplía agora la ufierta col serviciu a la capital suiza. 7 de febreru, 2008 0 FacebookTwitterPinterestEmail
Sociedá Los odontólogos critiquen el modelu públicu de salú bucodental by asturnet 6 de febreru, 2008 El presidente del Colexu Oficial d’Odontólogos y Estomatólogos d’Asturies y presidente del Conseyu Xeneral de Colexos d’Odontólogos y Estomatólogos d’España, Manuel Alfonso Villa Vigil, alvirtió esti martes a Europa Press de les “dudes” que xenera ente los profesionales la elección del modelu públicu pa les prestaciones de salú bucodental escoyíu pol gobiernu del Principáu d’Asturies. “Si n’Asturies se pretende, como paez ser, atender la demanda apostando pol serviciu públicu nun se cómo va facer”, dixo Villa Vigil en declaraciones a Europa Press. “El Gobiernu asturianu nun va saber los recursos económicos que va apostar a esta actuación, porque si espera desarrollar el proyectu colos recursos de que dispón nesti momentu los neños van quedar ensin atender”, llamentóse. Villa Vigil fizo estes declaraciones en relación col derechu publicáu nel BOE sobre la regulación de la concesión de sovenciones a les comunidaes pa la promoción d’actividaes pa la salú bucodental infantil de neños de siete y ocho años nel 2008. “Les midíes fomentaes pol Ministeriu de Sanidá son mui básiques y casi iguales a les que ya se taben dando na mayoría de les comunidaes”, dixo al respecto. El Principáu va percibir 187.725 euros nel 2008 p’atender a la población infantil de siete y ocho años, que na comunidá s’asitia en 8.343 neños. El Ministeriu va financiar a les Comunidaes Autónomes con 22,5 euros por cada neñu, partiendo de la estimación de que’l coste individual pue ser de 45 euros por caún nun modelu capitativu –pautáu coles clíniques privaes– porque “nun modelu públicu d’asistencia colos propios recursos y profesionales ye bastante más caru”. 6 de febreru, 2008 0 FacebookTwitterPinterestEmail
Sociedá Valledor culpa al gobiernu de dir p’atras en materia de polítiques llinguístiques by asturnet 6 de febreru, 2008 El diputáu d’Izquierda Xunida, Javier García Valledor acusó al gobiernu del Principáu de tener ensín presentar la evaluación del Plan de Normalización Llingüística y del retrocesu xeneral en política llingüística que vive la rexón en comparación colo que se fizo durante la llexisllatura na que IX tuvo nel executivu. “Ta percorriendose un camín inversu al de la llexislatura pasada”, declaro Valledor en rueda de prensa. Según el diputáu los casos de desantención a la llingua son claros. No tocante al curriculu d’educación infantil y primaria, esti ta incumpliendo, según Valledor, la llei d’usu, al nun contemplar l’oxetivu esplícitu d’aniciación oral na llingua, el trabayu fechu cola toponimia ta paralizáu y los servicios de normalización nun funcionen con normalida o nin siquiera funcionen. Amás tamien acusó al gobiernu d’Areces desterrar la llingua de l’Alministración. Por últimu tamien se refirio al espaciu qu’ocupa l’asturianu na televisión autonómica del Principáu, al so xuiciu restrinxíu a unos pocos programes, y a la presencia de la llingua asturiana nel Salón Internacional “Expolangues” de París, dalgo que Valledor ve como un intentu del Gobiernu de protexer l’asturianu más como un elementu de museu que como un idioma vivu y con derechos fundamentales a los qu’atender. 6 de febreru, 2008 0 FacebookTwitterPinterestEmail
Sociedá Médicos del HUCA atopen un patóxenu nos ácaros del polvu que favorez les enfermedaes respiratories by asturnet 5 de febreru, 2008 Un equipu d’investigadores del Serviciu d’Anatomía Patolóxica II del Hospital Universitariu Central d’Asturies (HUCA) informaron güei del descubrimientu d’un nuevu patóxenu, más concretamente d’un protozóu flaxeláu, presente nos ácaros del polvu que, en contactu en seres humanos inmunodeprimíos, puen provocar l’apaición de patoloxíes de carácter respiratoriu, principalmente asma. Según esplicó en rueda prensa, l’ex xefe del Serviciu de Patoloxía del HUCA, el doctor Andrés Ribas Barceló, el descubrimientu d’esti protozóu “abre una puerta” hacia l’estudiu del asma. L’atopadura d’esti axente patóxenu tien, poro, especial relevancia nuna rexón como Asturies, na que’l diez por cientu de la población tien asma. “Y lo más preocupante ye que’l cinco por cientu nun lo sabe”, afirmó’l doctor. Nesti sen, el citólogu y investigador, Rafael Martínez Girón, explicó qu’estos protozoos, al tar nel interior de les víes respiratories, dañen la barrera de los bronquios. Esta situación pue provocar que los pacientes inmunodeprimíos, al ponese en contactu col polen, los escrementos de los ácaros o otres sustancies que puen ser alérxiques, desarrollen asma. “Nun tamos diciendo qu’estos protozoos provoquen asma, sinón que favorecen l’apaición de l’alerxa respiratoria”, afirmó l’espertu. 5 de febreru, 2008 0 FacebookTwitterPinterestEmail
Educación Asturies tará presente con un stand na Expolangue de París by asturnet 2 de febreru, 2008 El gobiernu del Principáu d’Asturies promocionará la llingua asturiana nel encuentru Expolangues, que va desendolcase los prósimos días 6, 7, 8 y 9 de febreru en París. El salón internacional d’idiomes ya tuvo a Asturies con stand propiu en delles ocasiones.`p> A París, el Principáu va llevar información documental con un cartafueyu informativu, n’asturianu y tornáu al inglés, francés y alemán, y al catalán, euskera y gallego. Nesi cartafueyu desplícase l’orixen, la historia y la situación actual de la llingua asturiana y de la so producción literaria, cifrando’l númberu actual de falantes en más de 250.000. También va amosase material lliterariu n’asturianu y castellán, asina como información sobre Asturies, la so ñaturaleza y paisaxe. El stand’ va inaugurase’l día 6 a les 18 hores nel Parc Expo de París, y nel actu van tar presentes Consuelo Vega, Direutora Xeneral de Cultura, la presidenta de la Academia de la Llingua, Ana Cano, y el poeta Pablo Antón Marín Estrada, ganador del premiu de poesía Xuan María Acebal 2007. 2 de febreru, 2008 0 FacebookTwitterPinterestEmail