Tecnoloxía L’Ayuntamientu de Lleón torna páxines web al asturlleonés de baldre by asturnet 25 de febreru, 2008 Según anunció la Conceyalía de Nueves Teunoloxíes de Lleón, coordinada por Abel Pardo, la institución va tornar al asturianu, nomáu lleonés na zona, toles webs qu’asina lo deseen. El primer pasu diólu MercaLeón cola torna de la so web y según cuenten dendel Conceyu de Lleón, en pocu tiempu otres webs sumaránse a esti proyeutu d’esporpoye de la nuesa Llingua. Páxina de MercaLeón, tornada pol Conceyu de Lleón 25 de febreru, 2008 0 FacebookTwitterPinterestEmail
Tecnoloxía Un 39% de la población d’asturies ye usuaria habitual d’internet by asturnet 11 de febreru, 2008 El 39 por cientu de la población del Principáu mayor de 14 años usa Internet. Suegún un estudiu fechu pola Asociación d’Investigación en Medios de Comunicación (AIMC) d’España Asturies estaría por debaxo de la media del estáu, un 41,1%, nel usu d’internet nesti segmentu de población. Madrid ye la única comunidá que pasa del 50% de población usuaria d’Internet. Baleares, con un 48,2 por cientu, Cataluña col 47,5, País vascu col 46,8, Navarra col 43,4, Cantabria col 43,2 y Canaries col 43 tienen númberos sobre la media. Nel otro sen Asturies, Aragón col 40,8 por cientu, Valencia col 39, Andalucía col 36,2, Castilla y Llión col 35,8, La Rioja (35,4), Murcia (34,5), Galicia (33 por cientu), Castilla La Mancha (33,3 por cientu) y Extremadura, col 24,4 tan por debaxo de la media nacional. 11 de febreru, 2008 0 FacebookTwitterPinterestEmail
Tecnoloxía Migoya promete internet d’alta velocidá pa tolos hogares asturianos en 2012 by asturnet 31 de xineru, 2008 Ana Rosa Migoya prometió que tolos usuarios asturianos van tener banda ancho d’internet nel 2012 al travies d’una rede pública sofitada pol Gobiernu del Principáu. La conseyera d’Administraciones Públiques y portavoz del Gobiernu del Principáu fixo esta anuncia nel marcu del pieslle del programa e-Asturias 2004-2007 nel que presentó los planes del gobiernu nel ámbitu de la sociedá de la información. Dientro del nuevu programa pal períodu 2008-2012, Migoya anunció qu’esta rede va usar la tecnoloxía del cable y otres soluciones nos casos nos llugares de dificil accesu. La conseyera anunció tamien la implantación d’una rede multiserviciu pa la difusión de la televisión dixital terrestre en tol territoriu asturianu. 31 de xineru, 2008 0 FacebookTwitterPinterestEmail
Tecnoloxía El PP tresllada a los conceyos la llucha escontra’l Canon Dixital by asturnet 29 de xineru, 2008 El PP distribuyó a los sos grupos municipales propuestes de moción pa que los conceyos españoles nos que gobierna esti partíu apoyen la campaña escontra’l canon dixital, sigún espublizaba esti llunes Europa Press. Asina lo anunciaba Gabriel Elorriaga, secretariu de Comunicación del PP, tres l’alcuentru calteníu ena mañana del llunes ente’l cabezeleru popular, Mariano Rajoy, y miembros de la plataforma todoscontraelcanon.es, que-y apurrieron más de dos millones de firmes algamaes escontra’l canon dixital. Elorrieaga aseguró qu’ésta ye una “iniciativa ensin precedentes” y recordó que dende’l pasáu 23 d’avientu, cuando Rajoy se sumó públicamente a esta midida escontra’l canon, “algamáronse más de mediu millón de firmes”. De la mesma manera, aludió al “activismu” calteníu nesti asuntu por Nuevas Generaciones del PP. El secretariu de Comunicación de los populares, recordó la importancia d’esta campaña nel ámbitu municipal ya que los conceyos españoles, “a pesar de tar escluyíos del pagu de derechos d’autor, paguen el canon nes sos compres de suministros”,. 29 de xineru, 2008 0 FacebookTwitterPinterestEmail
Tecnoloxía El gobiernu ufre el rexistru gratuitu d’un dominiu .es a los xóvenes d’hasta 30 años by asturnet 21 de xineru, 2008 El Gobiernu del Estáu ta acabante d’entamar el Programa “Jóvenes en red” mediante la cual ufre el rexistru gratuitu del so propiu dominiu .es durante un añu y de baldre. Con esta iniciativa, incluyía dientro del plan Avanza, el gobirrnu trata de fomentar que los xóvenes internautas desarrollen la so presencia social, personal y profesional n’Internet. Pa acoyese a estes ventayes hai que tener un másimu de 30 años y enllenar el formulariu espublizáu na web del programa. 21 de xineru, 2008 0 FacebookTwitterPinterestEmail
Tecnoloxía “Situation room” del xixonés Pablo Soto ye la nueva amuesa qu’entama na Llaboral by asturnet 18 de xineru, 2008 L’artista xixones Pablo Soto va esponer ende esti vienres 18 de xineru en LABoral Centru d’Arte y Creación Industrial. L’amuesa ta titulada como “Situation Room” y foi presentada esta mañana pola directora del Centro, Rosina Gómez-Baeza. La obra ya´algamó el primer premiu nel concursu Labjoven Experimenta pa xóvenes creadores asturianos. El proyectu bebe de la idea de les sales de situación o control de la segunda guerra mundial que servíen pa tomar decisiones gracies a elementos audiovisuales. Una idea treslladada a les sales de control de televisión o de les fábriques y que Soto adapta al ámbitu artísticu. Ocupará dos de les sales plataforma del centru d’arte de la Llaboral y va tar disponible hasta’l 17 de marzu. L’amuesa va tar completada por talleres y conferencies 18 de xineru, 2008 0 FacebookTwitterPinterestEmail
Tecnoloxía L’Academia de la Llingua presentará próximamente la versión online del so diccionariu by asturnet 10 de xineru, 2008 L’Academia de la Llingua asturiana presentará próximamente la versión online del so Diccionariu de la Llingua Asturiana, una obra que asoleyó la Institución nel añu 2000 y que nel so momentu supunxo un momentu hestóricu pal idioma asturianu, que dende Xovellanos tuvo proyectos inacabaos dun diccionariu normativu. La versión online pue consultase públicamente dende ayeri, como tol mundu pudo ver, na páxina web de la institución. El Diccionariu de la Llingua Asturiana en llinia permite facer consultes sobre cualesquiera de les miles de pallabres del DALLA en papel, cola ventaya de consiguir más rapidez y una accesibilidá más afayadiza. El DALLA en llinia atopa pallabres asemeyaes cuando introducimos un términu que nun apaez tal cual y dientro de cada términu ufre categoría gramatical, significáu y llocuciones pa cada aceición si se dal casu. Esta nueva ferramienta quufre lAcademia de la Llingua Asturiana venía siendo demandada dende va tiempu y pon al nuesu idioma definitivamente nel sieglu XXI. Pa usalu ha calcase na seición “Diccionariu”, qu’atopamos na mesma portada de la so páxina web oficial. Consulta’l DALLA en llinia 10 de xineru, 2008 0 FacebookTwitterPinterestEmail
Tecnoloxía LAsociación Xareos! rellanzal Proyeutu Cartelos con más de doscientes semeyes by asturnet 9 de xineru, 2008 Xareos! tien en marcha otra vegadal conocíu como Proyeutu Cartelos, que quier recoyer tola cartelería fixa o móvil quesist, nes cais, comercios y establecimientos públicos de tol dominiu llingüísticu astur. Hasta agora tán axuntaes más de doscientes semeyes y la páxina medra día a día con nuevos conteníos ordenaos por categoríes. A la web pue accedese dende un enllaz na páxina de Xareos!, www.xareos.com Los responsables conviden a participar al traviés de la dirección de corréu xareos@xareos.com 9 de xineru, 2008 0 FacebookTwitterPinterestEmail
Tecnoloxía El Gobiernu Vascu entama una polémica con un informe al que-y abulta más baratu’l software propietariu que’l llibre by asturnet 9 de xineru, 2008 Un informe ellaboráu pal departamentu de Facienda y Alministración Pública del Gobierno vasco afirma que el software llibre resulta más caru que el propietariu, nuna decisión na que les asociaciones que sofiten el software llibre ven la mano de les grandes empreses como Microsoft. Amás, l’estudio, que “sospechosamente” nun foi dau a conocer de forma pública, atalanta que la mayor parte de los programes basaos en GNU/Linux entá son “inmaduros”, y nun puen instalase nes redes y ordenadores d’una administración como la vasca. En Payares, la diputada socialista nel Parlamentu de Vitoria, Idoia Mendía, preguntó en sede parlamentaria por un informe que’l Gobiernu vascu anunciara facer un año enantes pa estudiar la posibilidá de sostituir programes d’ofimática por otros asemeyaos, pero basaos en software libre. Nel primer casu, hai de pagar pola licencia d’uso, mentantu que, nel casu de los programes de códigu abiertu, la llicencia ye de baldre. Darréu d’esto, l’asociación Hispalinux desixe qu’un informe pagáu con dinero de toos se faiga públicu,, porque ” más barato que gratis, es imposible”, en pallabres de Roberto Santos, de Hispalinux. Pa Santos nun hai datos que xustifiquen la decisión del Gobierno vasco. Ensin embargu, hai informes que sí xustifiquen la implantación inmediata y masiva del software llibre nos ordenadores de les alministraciones públiques. 9 de xineru, 2008 0 FacebookTwitterPinterestEmail
Tecnoloxía LAsociación Xareos! rellanzal Proyeutu Cartelos con más de doscientes semeyes by asturnet 9 de xineru, 2008 Xareos! tien en marcha otra vegadal conocíu como Proyeutu Cartelos, que quier recoyer tola cartelería fixa o móvil quesist, nes cais, comercios y establecimientos públicos de tol dominiu llingüísticu astur. Hasta agora tán axuntaes más de doscientes semeyes y la páxina medra día a día con nuevos conteníos ordenaos por categoríes. A la web pue accedese dende un enllaz na páxina de Xareos!, www.xareos.com Los responsables conviden a participar al traviés de la dirección de corréu xareos@xareos.com 9 de xineru, 2008 0 FacebookTwitterPinterestEmail