Sociedá IX d’Avilés afirma que l’asturiano fue motivu de tensión nel equipu municipal by asturnet 1 de marzu, 2006 El coordinador local d’Izquierda Xunida d’Avilés y primer teniente d’alcalde nel consistoriu José Fernando Díaz Rañón retruca a les declaraciones feches pol alcalde socialista Santiago Rodríguez Vega tocantes a la llingua asturiana. Nes sos declaraciones el rexidor avilesín afirmaba que la cuestión llingüística nunca fuera motivu de tensión nel equipu municipal con IX, un estremu que desmiente Rañón. En manifestaciones al mesmu mediu onde Rodríguez Vega faló, el responsable local d’Izquierda Xunida afirma que l’asturiano fue en múltipls ocasiones motivu de discrepancia colos socialistes y tocante a la política llingüística entamada polos socios de gobiernu d’IX, Díaz Rañón manifiesta que «choca colo que consideramos necesario». Tocante a les tensiones por esa materia nel senu del equipu municipal, el primer teniente d’alcalde dixo: “claro que les hubo y munches, lo que pasa ye que nun salieron a la lluz”. José Fernando Díaz Rañón contestaba asina a les palabres del alcalde Santiago Rodríguez Vega publicaes nel diariu El Comercio del domingu 27 nes qu’ente otros asuntos declaraba que pidir la oficialidá yera “forzar sentimientos que nun son reales n’Asturies”. 1 de marzu, 2006 0 FacebookTwitterPinterestEmail
Música Un llibru recueye los trabayos de les Xornaes d’Estudiu de la Gaita Asturiana by asturnet 28 de febreru, 2006 El salón d’actos del Edificiu Administrativu de Servicios Múltiples (EASMU) del Principáu n’Uviéu acoyó esti llunes 27 la presentación del llibru: “La gaita asturiana. Xornaes d’estudiu”, un volume que recueye les actes del congresu celebráu en Xixón en mayu del añu pasáu alrodiu de diversos aspectos tocantes a la realidá del instrumentu tradicional. Fernando Ornosa, del Muséu de la Gaita de Xixón, entidá organizadora de les xornaes del añu pasáu; los gaiteros Pedro Pangua y Flavio de Benito, y el responsable d’estudios artísticos de la Conseyería d’Educación Roberto del Campo participaron nel actu de presentación de los trabayos espuestos nes Xornaes d’Estudiu de la Gaita Asturiana. Nel cursu de la so intervención, el representante de l’administración autonómica, recalcó’l compromisu de la Conseyería n’elevar a rangu oficial los estudios musicales de gaita asturiana. 28 de febreru, 2006 0 FacebookTwitterPinterestEmail
Sociedá Les mocedaes del PP de Castiella y Lleón entamen una campaña contra los idiomes del estáu by asturnet 28 de febreru, 2006 La organización rexonal de Nuevas Generaciones de Castiella y Lleón acaba de poner en marcha una campaña contra los idiomes cooficiales del estáu na que s’afirma que la xente mozo de la comunidá vecina ta dicriminao nel so accesu a la función pública “por mor de la so llingua”. La campaña sofítase nun cartelu nel qu’un rapaz pon la oreya con xestu d’estrañeza al llau de la llienda: ¿Ho entens?” (“¿entiéndeslo?” en catalán). Nel documentu que desenvuelve’l planteamientu de la campaña entamada poles mocedaes del PP afírmase qe los ciudadanos castellanos y lleoneses tenemos vedáu l’accesu a puestos na función pública nes comunidaes que cuenten con llingua propia y que, poro, tamos discriminaos nel accesu a la función pública, non namás nes comunidaes que tienen llingua propia sinón en tol territoriu nacional. La razón d’esa supuesta discriminación xeneralizada ye que, según afirmen los autores del documentu, vense obligaos a competir con aspirantes qu’ostenten una esperiencia acumulada en puestos a los que los castellanos y lleoneses tienen vedáu l’accesu por mor de la so llingua. Al pesar de que na comunidá de Castiella y Lleón se falen, amás del castellano, otres dos llingües propies, como l’astur-lleonés y el gallego, Nueves Xeneraciones nun recueye en dayures la so campaña esti fechu y plantéase como una campaña de sofitu a la recoyida de firmes contra’l nuevu estatutu catalán entamada en tol estáu pol Partido Popular (PP). Contra la imposición de la lengua cooficial Los autores del Manifiesto reclaman que para acceder a los puestos de la administración pública únicamente sea exigible y valorable el conocimiento de la lengua española”; que en las comunidades con lengua propia sea la administración contratante la que asuma la enseñanza de dicha lengua; que se respete el derecho de los trabajadores de la administración pública a expresarse en sus funciones internas en lengua española, sin imponerles la obligación del uso de ninguna lengua cooficial. 28 de febreru, 2006 0 FacebookTwitterPinterestEmail
Sociedá Presentación del CAO en Samartín del Rei Aurelio by asturnet 27 de febreru, 2006 El pasáu vienres 24 de febreru presentóse na Casa Cultura de LEntregu, el Conceyu Abiertu pola Oficialidá, una organización quaxunta asociaciones culturales, sociales,sindicales y polítiques pa trabayar en comuña por consiguir que lEstatutu dAutonomía dAsturies reconoza al asturiano como llingua oficial. Nel actu tuvieron presentes persones destremaos ámbitos de la cultura, como yel casu de los profesores Severino Antuña y Pablo Xuan Manzano, los músicos Chus Pedro Suárez y Manolo Peñayos, el director teatral Roberto Corte, y los escritores Chechu García, Xulio Arbesú, Xurde Álvarez, Henrique Facuriella, Pablo Rodríguez Medina y Vanessa Gutiérrez. Precisamente va ser esti conceyu del Nalón el quacueya lentamu de la Caravana pola Oficialidá que va tener llugar el prósimu sábadu día 4, col envís dinformar y concienciar a los ciudadanos de la necesidá de la oficialidá de la llingua asturiana, que ye un patrimoniu de tolos asturianos al quhai que dar la dignidá que merez. Echa a andar la ‘Caravana pola Oficialidá’ 27 de febreru, 2006 0 FacebookTwitterPinterestEmail
Sociedá Echa a andar la ‘Caravana pola Oficialidá’ by asturnet 27 de febreru, 2006 El sábadu día 4 de marzu va echar a andar nel conceyu de Samartín del Rei Aurelio la Caravana pola Oficialidá, una iniciativa del CAO que tien intención de recorrer Asturies afondando na implicación de la ciudadanía na reivindicación llingüística. Los actos van entamar dende pela mañana, con una caravana de coches que van recorrer el valle del Nalón dende La Felguera hasta La Pola informando ente los ciudadanos de la necesidá doficialidá pa la llingua asturiana, y remátase con un actu nel Teatru Municipal de LEntregu con un actu nel que van participar los grupos Tuenda y Nuberu, ente otros. Ta previsto qua les once la mañana del sábadu día 4 de marzu una caravana de vehículos aconceyaos a tala fin na Estación dAutobuses de La Felguera eche andar recorriendo les principales localidaes del valle informando ente los ciudadanos de la necesidá doficialidá pa la llingua asturiana na prósima reforma del Estatutu dAutonomía. Lactu central de la caravana va tener llugar a les siete la tarde del sábadu nel Teatru Municipal de Samartín del Rei Aurelio, en LEntregu, con un programa dactuaciones nel que van participar la Banda de Gaites Rei Aurelio; dalgunos escritores del grupu Reciella Malory; el grupu folclóricu y etnográficu LEsperteyu; el coru descolinos Y los del Bosquín dirixíu pol cantante Carlos Rubiera; el monologuista Cellero; y que va rematar cola actuación de los grupos Tuenda y Nuberu. 27 de febreru, 2006 0 FacebookTwitterPinterestEmail
Sociedá L’alcalde d’Avilés entra na polémica llingüística entamada por dirixentes socialistes by asturnet 27 de febreru, 2006 L’alcalde d’Avilés Santiago Rodríguez Vega sumóse esti domingu 26 a les declaraciones públiques de cabezaleros socialistes contra la reconocencia oficial de los derechos llingüísticos asturianos. Nuna entrevista concedida al diariu El Comercio el rexidor avilesín afirma que la desixencia de la oficialidá ye “forzar sentimientos de la sociedá asturiana y crear situaciones que nun son reales”. Rodríguez Vega manifiesta el so enfotu en qu’Izquierda Xunida nun “faga caballu de batalla” de la reivindicación del asturiano como llingua oficial nel procesu de negociación del nuevu Estatutu ya que, al so entender: “nun se pueden forzar posiciones” y, pal alcalde d’Avilés: “Izquierda Unida tien derechu a manifestar la so opinión y los socialistas tenemos la nuestra, que respuende a que nun hai un sentimientu na sociedá asturiana nel sentíu d’esixencia d’oficialidá del asturianu, qu’hai que respetalo y promocionalo, pero nun hai que forzar sentimientos y situaciones que nun esisten”, afirma na entrevista. Va unos díes Santiago Rodríguez Vega ya amosara la so posición poco favorable a la llingua asturiana cuando declaró al semanariu Les Noticies que la política llingüística nun yera una prioridá de la so acción de gobiernu al frente del Ayuntamientu d’Avilés, onde caltién el conceyu col sofitu d’Izquierda Xunida. 27 de febreru, 2006 0 FacebookTwitterPinterestEmail
Música La Tarrancha ufierta dos conciertos enantes de metese a grabar by asturnet 24 de febreru, 2006 La banda de ska-fusión La Tarrancha ufierta esti viernes 24 n’Avilés y el sábadu 25 en Goián (Galicia) los sos dos últimos conciertos de la temporada enantes de metese nel estudiu de grabación. L’actuación nel Antroxu avilesín va ser la so despidida momentánea de los escenarios asturianos. La Tarrancha tien previsto entamar a preparar un minicedé con dellos de los sos temes y pa ello va retirar un tiempu de facer conciertos. Después de la so actuación n’Avilés, programada ente les 21.30 y les 22.30, la banda de folk progresivu viaxa a Galicia onde toca esti sábadu en Goián, na raya con Portugal, nel Festival de Taíña y xunta grupos como A Banda de Poi, Matraca Perversa y Heissel. 24 de febreru, 2006 0 FacebookTwitterPinterestEmail
Música El Teatru Filarmónica acueye la gala d’entrega de los Premios AMAS by asturnet 24 de febreru, 2006 El Teatru Filarmónica d’Uviéu acueye esta nueche la gala d’entrega de los premios AMAS (Anuario de la Música Asturiana) que se celebren por primer vez agospiaos pola cadena Ser n’Asturies. Nel cursu de la ceremonia van conocese los nomes de los ganadores y Xuacu Amieva, Melendi, El Sueño de Morfeo y el productor Manolo Díaz van recibir galardones honoríficos pola so trayectoria artística. Los premios AMAS pretenden ser un reconocimientu añal a los músicos asturianos en diverses categoríes, dende’l folk al hip-hop, el pop, el rock, la canción d’autor y lleven el nome del proyectu al que tán vinculaos, un anuariu de l’actividá musical na nuestra comunidá. La ceremonia d’entrega va escomenza a les 20.30 nel Teatru Filarmónica y nella van dase a conocer los nomes de los artistes escoyíos pol públicu al través de votación electrónica. 24 de febreru, 2006 0 FacebookTwitterPinterestEmail
Sociedá El Bloque califica de vergoñante la propuesta d’Izquierda Xunida de rebaxar el conteníu de la oficialidá nel Estatutu by asturnet 24 de febreru, 2006 El Bloque por Asturies amosóse sorprendíu y afirma ver con esmolición la propuesta llanzada pol cabezaleru d’Izquierda Xunida Jesús Iglesias na qu’apostaba pola inclusión d’una oficialidá ensin obligatoriedá, una fórmula que los socios nacionalistes de la coalición tildaron de “vegoñante”. Iglesias tamién emponderó l’últimu informe de la FSA sobre la reforma estatutaria, al que calificó de “acertáu” Díes después de que la parlamentaria d’Izquierda Xunida Paloma Uría garantizase al Conceyu Abiertu pola Oficialidá el compromisu de la so formación cola oficialidá, el másimu responsable políticu de la coalición n’Asturies, Jesús Iglesias espurría una propuesta pa inxertar una fórmula nel nuevu estatutu que favoreciese los derechos llingüísticos de los astur-falantes ensin qu’ello significare el conocimientu obligatoriu n’Adminstración. La reacción per parte del Bloque por Asturies nun se fizo esperar y nel so retruque a Iglesias, los nacionalistes llegaron acusar a los sos socios de coalición electoral d’utilizar “los mesmos argumentos falaces” que la FSA al falar de imposición y obligatoriedá. 24 de febreru, 2006 0 FacebookTwitterPinterestEmail
Música La llucha pola llibertá de les muyeres centra l’espaciu reflexivu del Derrame Rock 06 by asturnet 23 de febreru, 2006 < Los responsables de la organización del Derrame Rock presentaron esti miércoles 22 l’espaciu reflexivu del macrofestival qu’esti añu va tar dedicáu a la llucha pola llibertá de les muyeres. Les actividaes de Derrameidea 2006 , feches en colaboración cola Fundación Juan Muñiz Zapico, van remembrar a les muyeres de Ciudad Juárez y Guatemala, a Dolores Ibárruri ‘La Pasionaria’ y a esconxurar la violencia de xéneru con un concursu de grafitis. Esti añu el Derramidea quier abordar l’asuntu de la llucha de les muyeres pola llibertá dende diverses óptiques. Una de les novedaes respective a la primer edición d’esti espaciu reflexivu dientro’l macrofestival de rock pa ser la inclusión d’un tiempu de músiques alternatives nel recintu del Derramidea, “col fin de dar voz a las muyeres pa que daen amuesa de la so contribución a la música”, desplicaron los responsables de la organización. Conferencies, debates, actuaciones musicales y sesiones de Djs van centrar les actividaes de Derramidea 2006, amás de les esposiciones: una sobre la violencia de xéneru, otra sobre La Pasionaria y una tercera sobre la condición de muyer na cultura rock. 23 de febreru, 2006 0 FacebookTwitterPinterestEmail