Lliteratura Miguel Rojo publica un nuevu llibru de poesía by asturnet 23 de xineru, 2006 L’escritor Miguel Rojo acaba de publicar un nuevu llibru de poesía embaxo’l títulu de ‘Llaberintos’. El conxuntu de poemes conteníu nel últimu títulu del autor de “Hestories d’un seductor” presenta una voz fonda y confidenciada que busca al través del regueru de les palabres la complicidad de los llectores. Los versos de “Llaberintos”(Trabe, 2006) comparten cola so poesía anterior el tonu meditativu y la reflexón autobiográfica, y mantienen un estilu coloquial que caracteriza al autor ente los poetes asturianos, alloñáu de la retórica, pero capaz de sorprender con un llinguaxe vigorosu, ricu n¹imáxenes, col que¹l poeta se reinventa a elli mesmu mientres axusta cuentes, n¹intelixente diálogu, col mundu que lu arrodia. Miguel Rojo (Zardaín, Tinéu, 1957), bien conocíu como narrador, mostró dende siempre¹l so inclín poéticu, a pesar de que nun publicó en llibru hasta l¹aparición de “Buscador d¹estrel.las” en 1996. Sicasí, yá paez antologáu en “Poesía última asturiana” (El Ciervo, 1986) o na Muestra corregida y aumentada de la poesía en Asturias, de 1989. Nel 2001 publicaba un segundu y formosu llibru, “Bilbao estación terminal”. El volume editáu agora: “Llaberintos”, ye’l so tercer poemariu. 23 de xineru, 2006 0 FacebookTwitterPinterestEmail
Música Manta Ray publica el so esperáu “Torres de electricidad” by asturnet 22 de xineru, 2006 Manta Ray saca’l prósimu 31 de xineru el so esperáu discu “Torres de electricidad”, una apuesta sonora pola rotundidá espansiva de la música avezada nesta banda qu’afonda nel so nuevu trabayu por afitar el so sitiu singular na escena independiente asturiana ya internacional. El vascu Kaki Arkarazo ye l’autor de la producción del discu de los xixoneses, editáu por Acuarela. Arkarazo (productor de músicos como Fermín Muguruza, Anari o Dixebra, ente otros) colabora por segunda vez na grabación d’un discu de Manta Ray y la masterización cuerre a cargu de Roger Seibel (colaborador avezáu de bandes como Calexico, Sun Ra o Tortoise). Los propios miembros de la banda asturiana definen los diez temes conteníos en “Torres de electricidad” como un “emocionante saltu hacia un rock crudu, orgánicu, físicu y enllenu d’aristes onde toa influencia se dilúi por mor de la so aplastante personalidá”. El prósimu 31 de xineru va salir a la vienda’l nuevu trabayu discográficu de Manta Ray. Manta Ray 22 de xineru, 2006 0 FacebookTwitterPinterestEmail
Música Paul Collins aporta a Xixón col bagaxe a recostines del últimu power pop by asturnet 21 de xineru, 2006 El músicu estadounidense Paul Collins actúa esti sábadu 21 en Xixón nun de los sos conciertos de la xira per tol estáu. La cita ye na Sala Parque del Piles a les 22,00 hores y el programa del conciertu va ser un repasu a más de tres décades na vanguardia musical, con una parada irrefugable na so etapa como cabezaleru de los míticos The Beat. Collins llega a Xixón con un nuevu discu publicáu de la so actual carrera en solitariu: “Flying hihg”, una recordanza viva de que’l músicu sigue dando puxu enforma a les sos canciones. El trabayu discográficu col que se presenta l’americanu ye’l primeru tres doce años ensin grabar y tres un periplu axitáu que lu llevó a embarcase en diferentes aventures artístiques y profesionales. Agora ye la ocasión de ver el resultáu d’esa llarga busca en directu. 21 de xineru, 2006 0 FacebookTwitterPinterestEmail
Plástiques La Conseyería de Cultura coproduz una esposición del pintor estremeñu Juan Barjola nel IVAM by asturnet 19 de xineru, 2006 L’Institutu Valencianu d’Arte Modernu (IVAM) inauguró esti miércoles 18 una esposicíón retrospectiva del pintor estremeñu Juan Barjola que ta coproducida pola Conseyería de Cultura del Principáu. L’amuesa va poder visitase en Xixón nel propiu Muséu Barjola y nel Palaciu de Revillaxixéu d’abril a xunu. La esposición, que va inaugurase en Xixón el prósimu 6 d’ abril ta compuesta d’un cientu d’ obres qu’abarquen dende fines de los años cuarenta hasta los primeros años de 2000. El conxuntu, comisariáu por Felipe Garín, amuesa los distintos períodos cronolóxicos y tamién les temáticas recurrentes propies del artista qu’ articularon la so creación (bodegones, figures, neños, maternidaes, tauromaquies, autorretratos y retratos apócrifos ) consiguiendo asina una amplia panorámica que permite acercase y conocer la trayectoria del estremeñu Juan Barjola, referente fundamental del expresionismu figurativo español en la segunda mitá del sieglu XX. Las obras seleccionadas proceden de importantes colecciones públicas como la del Museo Nacional Centro de Arte Reina Sofía, el Museo Patio Herreriano de Valladolid, el Museo de Bellas Artes de Bilbao o el propio Museo Barjola, así como numerosas aportaciones de varías galerías comerciales, colecciones particulares y, hay que hacer especial mención, a la colección de la familia y del taller del artista tal como quedó tras su muerte. 19 de xineru, 2006 0 FacebookTwitterPinterestEmail
Música Xuacu Amieva, Melendi y El Sueño de Morfeo reciben los premios AMAS d’honor by asturnet 19 de xineru, 2006 El gaiteru Xuacu Amieva, el cantante Melendi y el grupu El Sueño de Morfeo, xunto al productor Manolo Díaz, son los destinatarios de los premios d’honor del Anuariu de la Música Asturiana (AMAS) correspondiente a 2005. Los premios a les diferentes categoríes van concedese y entregase el prósimu 24 de febreru nuna gala nel Teatru Filarmónica d’Uviéu. Los nominaos na categoría de meyor cantante de 2005 son Anabel Santiago, Fran Fernández (Australian Blonde, La Costa Brava), Héctor Tuya (Babylon Chat) y Ramón Lage (Avalanch). Como grupos revelación los candidatos a recibir el premiu AMAS son FMM, Stoned Atmosphere, Dogfight y Alto Volto. Nes categoríes a meyores discos, en folk concurren “Esnalar” de Llangres, “De Romandela”, de La Bandina, “Namái” de DRD y “Salia” de Corquieu; como meyor discu de pop-rock, los nominaos son Nacho Vegas por “Desaparezca aquí”, DIxebra por “Ensin novedá”, Avalanch por “El hijo pródigo” y Amon Ra por “Incarnatio”. Premios AMAS 19 de xineru, 2006 0 FacebookTwitterPinterestEmail
Música The Lords of Altamont traen a Xixón los sos ritmos arispios de garaxe-punk by asturnet 19 de xineru, 2006 La banda americana de garaxe-punk The Lords of Altamont ufierten esti xueves 19 un conciertu na Sala Parque del Piles de Xixón pa presentar el so últimu discu: ‘Lords have Mercy”. Los ex componentes de The Fuzztones y Bomboras traen a Asturies los sos ritmos arispios y contundentes nuna única actuación que de xuro nun va defraudar nin a los fans nin al públicu casual. La cita pa ver a la banda capitaneada por Jake Cavaliere ye a les diez de la nueche na discoteca Parque del Piles de Xixón con un preciu de 15 euros en taquiella y 12 en vienda anticipada. 19 de xineru, 2006 0 FacebookTwitterPinterestEmail
Plástiques Una esposición amuesa los dibuxos secretos d’Asterix fechos por Uderzo by asturnet 18 de xineru, 2006 Una esposición recupera parte de les ilustraciones que’l dibuxante francés Albert Uderzo fexo del so héroe Asterix fuera de los álbumes que recueyen les aventures del popular personaxe de cómic. L’amuesa de los ‘dibuxos secretos’ del míticu guerreru galu puede contemplase hasta’l prósimu 6 de febreru na sala d’esposiciones del Forum de Fnac en Siero. Uderzo y el so compañeru René Goscinny firmaron dende 1959 un total de 32 álbumes de les aventures d’Asterix, una obra que supunxo la fechura de más de mil cuatrocientes planches. Tres la muerte va ya ventiocho años de Goscinny, Albert Uderzo siguió componiendo nueves traces al personaxe creau por entrambos autores. Agora el Forum de Fnac amuesa una parte significativa de la obra fecha por Uderzo al marxe de los álbumes. 18 de xineru, 2006 0 FacebookTwitterPinterestEmail
Música Aplácense temporalmente los ciclos musicales ‘Entre mujeres’ y ‘Pop la cara’ by asturnet 17 de xineru, 2006 Les actuaciones previstes dientro de los ciclos musicales ‘Entre mujeres’ y ‘Pop la cara’ organizaos pola empresa promotora del Crossroad Festival na Sala Albéniz de Xixón van aplazase temporalmente por dellos problemes nel calendariu de los artistes participantes. Destamiente los conciertos de les cantadores Esperanza Älvarez y Mayte Martín programaos pa esta selmana pospónense pal mes d’abril. La organización de les actuaciones asegura nuna nota de prensa que les persones con entraes adquiríes pa los conciertos de les dos cantadores flamenques pueden conservales hasta la nueva fecha de les actuaciones o solicitar que-yos devuelvan les perres onde les mercaron. Na mesma nota infórmase que los otros ciclos musicales programaos pal mes de marzu: ‘Guitars & Revolution’ y ‘White Boy Blues’ van celebrase nes feches previstes. Asina’l viernes 3 de marzu, actúen Comando 9mm + Desakato y dientro’l ciclu de bandes españoles de blues el xueves 9 de marzu van tocar Los reyes del KO, el viernes 17 del mesmu mes: Malcom Scarpa/Ñaco Goñy trio y el viernes 23 : Tonky Blues Band. 17 de xineru, 2006 0 FacebookTwitterPinterestEmail
Lliteratura La Conseyería de Cultura fai públicos los nomes de los sos premios Asturias Joven by asturnet 16 de xineru, 2006 La Conseyería de Cultura fexo públicos los nomes de los ganadores de los premios lliterarios en castellano que concede añalmente embaxo’l marchamu de Premios Asturias Joven. Los escritores José Ángel Gayol y Juan Bautista Bilbao Lopategui fueron los ganadores esti añu nos apartaos de poesía y narrativa. La convocatoria pa testos teatrales quedó erma nesta ocasión. El xuráu de los Premios ‘Asturias Joven’ tuvo compuestu pola directora del Institutu Asturianu de la Mocedá, Carmen Barrera Fernández y los escritores Ismael Piñera Tarque, Ricardo Menéndez Salmón, Adolfo Camilo Díaz, Teresa Lorences y Silvia Ugidos. Nel so aconceyamientu final decidió premiar el llibru “Con el velo de una sonrisa” de José Ángel García Fernández (José Ángel Gayol) na categoría de poesía y na categoría de narrativa l’orixinal de Juan Bautista Bilbao Lopategui presentáu embaxo’l títulu de “Tres relatos”. Entrambos premios tán dotaos con 1.800 euros y la publicación de la obra. 16 de xineru, 2006 0 FacebookTwitterPinterestEmail
Lliteratura Pedro Fandos da a estampa el so llibru “Dejaron hu(e)lla” by asturnet 15 de xineru, 2006 El prósimu xueves 19 de xineru, a les ocho la tarde, el Centru Asturianu de Madrid entama nel Salón “Príncipe de Asturias” la presentación a cargu d’Heliodoro Temprano del llibru “Dejaron huella. Historia de la minería en el Concejo de San Martín del Rey Aurelio” de Pedro Fandos Rodríguez, xeólogu y expresidente del Grupu Coleccionista Mineru Investigador, y Mariano Iglesias Rodríguez. 15 de xineru, 2006 0 FacebookTwitterPinterestEmail