Sociedá Ana Cano denunció la discriminación del asturianu na programación de la TPA by asturnet 26 d'avientu, 2007 La presidenta de l’Academia de la Llingua Asturiana, Ana Cano, denunció nunes declaraciones a l’axencia Europa Press, la situación de discriminación na que ta l’asturianu nel módelu de programación de la Televisión Pública del Príncipáu d’Asturies. Según la másima responsable de l’ALLA la TPA habría emitir a lo menos el 50% de la so programación n’asturianu y, nel mesmu sen, pidió l’usu del asturianu como “llingua vehicular nún de los dos espacios informativos diarios de la TPA, el del mediudía o el de la nueche” como “una preba de que la cosa entama a dir con normalidá. Nel repartu de responsabilidaes Ana Cano venceyó la situación de desaniciu que vive l’idioma a la falta de voluntá política por algamar la oficialidá. Según la responsable academica el mayor problema al que s’enfrenta l’asturianu ye la perda de tresmisión xeneracional de la llingua de padres a fíos, dalgo que podía camudase dafechu cola oficialidá, y con una Llei de Normalización que faiga viable la normalización social real. Per otra parte, alredor del tema de la incompatibilidá de les variantes dialectales de la llingua cola norma academica, Ana Cano negó la mesma. “Nenguna norma respuende exactamente a lo que se fala na cai en nengún idioma, y eso nun ye problema específicu del asturianu”, apuntó la presidenta al tiempu que recordó que anque l’asturianu normativu ta fechu, en fonetica y morfoloxía, alredor de la variante central esto nun diba ser problema ya que “la identificación del falante cola llingua culta soluciónase con una bona escolarización, cola presencia digna de la llingua nos medios de comunicación y con una bona normalización social”. 26 d'avientu, 2007 0 FacebookTwitterPinterestEmail
Sociedá Dos dobladores tan tornando profesionalmente al asturianu los clasicos del cine nun canal de youtube by asturnet 26 d'avientu, 2007 Dos dobladores profesionales asturianos, Pedro González del Valle y Clara G. Vega, tan espublizando nun canal de youtube los sos trabayos de torna de clásicos del cine al asturianu. L’espaciu que ye pioneru na rede n’esti ámbitu y pasa yá de les 2000 visites y ufre cachinos de películes como “Atopando a Nemo”, “Lo que’l vientu llevó”, “El Rei lleón” o “Pulp Fictión” en llingua asturiana. Pedro González y Clara Vega tan formaos en Madrid anque anguaño tan trabayando na rexón y fixerón esti trabayu como avance de lo que sería un trabayu de torna profesional de cine al asturianu, dalgo que se vien faciendo con normalidá en Cataluña o en Galicia. L’ultimo vídiu que ufre, “Cine n´asturianu”, ye una esbilla de dalgunos momentos clásicos del setimu arte anque tamien puen vese trabayos antiguos como la torna de “El Rei Lleón o “Atopando a Nemo” 26 d'avientu, 2007 0 FacebookTwitterPinterestEmail
Música Astro Discos asoleya’l documental “Cambia de vida: el viaje del Xixón Sound” by asturnet 25 d'avientu, 2007 Tres dos años d’espera Astro Discos, coincidiendo col so 13 cabudañu, asoleya’l documental sobre la escena musical xixonesa de los 90 “Cambia de vida: el viaje del Xixón Sound” d’Elena Medina y Jose A. Fernández. Esta película cunta con testimonios de los protagonistes de, lo que la prensa dio en nomar, Xixón Sound, amás d’una hora de conteníos extra con entrevistes, dos curtios de los dos propios realizadores y ensayos de bandes como Sangrientos, Nosoträsh, Detritus X y Jorge Explosión. 25 d'avientu, 2007 0 FacebookTwitterPinterestEmail
Música Ernesto “Paredano” García ya’l barítonu David Menéndez ponen música a los poemes d’Esther García by asturnet 24 d'avientu, 2007 Ernesto “Paredano” García ya’l barítonu David Menendez presenten esti miercoles (18:00 hores) na Casa municipal de Cultura d’Aviles el discu “Alebrix”, un trabayu nel que los dos músicos canten poemes d’Esther García. Nel actu van tar presentes los cantantes y la poeta y xunto con ellos asistirán Lisandro Lombardía, director del Festival Intercelticu de Lorient y Román Álvarez, conceyal de Cultura d’Aviles. Los poemes d’Esther García tan escritos ente 2003 y 2005 y cunten con música d’Ernesto García y la voz de David Menendez. 24 d'avientu, 2007 0 FacebookTwitterPinterestEmail
Música Morrió José Blanco Alonso, gaiteru mayor de Xixón dende 1963 by asturnet 24 d'avientu, 2007 Morrió Jose Blanco Alonso, gaiteru mayor de Xixón dende l’añu 1963. “Pepín el de la luz”, como yera conocíu popularmente, falleció ayeri a los 90 años d’edá por mor d’un infartu. Esti llunes a les 13:00 hores los familiares van cellebrar el funeral pola so memoria na Ilesia Parroquial de la Inmaculada. Pepe Blanco exerció de gaiteru mayor de la ciudá hasta va bien poco, tocando inclusive’l pasáu mes. Xunto con Belarmino Viña o Jose Luis Castaño, que lu acompañaben al tambor llevó la música tradicional asturiana por paises como Mexico, EE UU, Puerto Rico, Rusia, Suecia Egipto o Polonia. 24 d'avientu, 2007 0 FacebookTwitterPinterestEmail
Música Jaime Urrutia defiende les canciones de “EnJoy” na xixonesa Sala Albéniz by asturnet 22 d'avientu, 2007 Jaime Urrutia, el que foi cantante de Gabinete Caligari, va actuar esti sábadu na sala Albeniz de Xixón nun conciertu que forma parte de la xira que lu ta llevando por tola península pa presentar “EnJoy”: el que ye’l so primer discu recopilatoriu rexistráu en directu na madrileña sala Joy. Nesti trabayu, que incluí númberos de la epoca de Gabinete y de la suya propia en solitariu, participen tamien dellos collacios del músicu como Ariel Rot, Bumbury o Loquillo. Les entraes pal eventu, que va entamar a les 00:30 hores, tan a la venta nes taquilles de la Albebiz (Cai San Bernardo, 62) al preciu de 20 euros, 18 euros nel casu de mercales por anticipáu. 22 d'avientu, 2007 0 FacebookTwitterPinterestEmail
Sociedá El Conceyu de Mieres y l’Asociación de Comerciantes de Caudal van fomentar l’emplegu del asturianu by asturnet 22 d'avientu, 2007 El Conceyu de Mieres y l’Asociación de Comerciantes del Caudal (ACC) van fomentar l’usu del asturianu nos sos establecimientos asociaos al travies del repartu de cartelos en llingua asturiana. “Acutao”, “Pesllao” o “Permítese fumar” son dellos de retulos que vesturan los locales del conceyu como cada añu. Según afirmó’l Director de la Casa de la Cultura de Mieres, Ismael María González Arias, esta campaña tien meyores niveles d’aceutación nel sector hosteleru que nel comerciu anque “un añu sí y otru tamien vamos viendo cómo más comercios acepten la iniciativa”. 22 d'avientu, 2007 0 FacebookTwitterPinterestEmail
Música Asturnews ufre una entrevista en vidiu col grupu “Dulcamara”, les pandereteres del sieglu XXI by asturnet 21 d'avientu, 2007 El grupu Dulcamara llevo dellos años nos escenarios, pero hasta agora nun tenía discu nel mercáu. ¡Sali, l.luna! ye’l primer trabayu d’estes moces que vienen pisando fuerte y quieren modernizar el conceptu de lo que ye una panderetera. N’Asturnews ufrimos una entrevista con dos de les sos componentes, Paula y Carmen, esta última igua un testu de nueva creación pal discu y amás ye la voz principal en dalgunos de los temes. Calca nesti enllaz pa ver el vidiu 21 d'avientu, 2007 0 FacebookTwitterPinterestEmail
Música Ernesto Paredano y David Menéndez van presentar a finales de mes el discu Alebrix nAvilés by asturnet 21 d'avientu, 2007 El xoven compositor castillonense Ernesto Paredano, descendiente de conocíes families valdesanes, presentarál so discu Alebrix el próximu día 26 davientu, a les 7 la tarde, nel Auditoriu de la Casa la Cultura d Avilés. Con esti motivu, ufiertarán un conciertu nel que actuará lintérprete del discu, el perconocíu barítonu castrillonense David Menéndez acompañáu al pianu por Ernesto. Ernesto Paredano musicalizó pa esti discu poemes de la escritora valdesana Esther García. N opinión del críticu musical Cosme Marina, les canciones dErnesto Paredano son perguapes, cercanes, envueltes en brumosos acentos llíricos Nelles nun hai espaciu pa la indiferencia. Emocional poéticu tanxir de María Esther García, la melancolía y la bruma de los sos versos que se criben dende el balancéu sobriu del asturianu, especialmente fermosos dendel burbús na intimidá del versu que yá ye música y que llueu lo ye más dende la especialmente acertada composición dErnesto nun cruz de caminos y referencies nos que les voces de los artistes se funden nuna mirada única de temblor asique señardosu, qu escapa en silenciu, sin apenas danos cuenta. David Menéndez ye una de les voces mayores del cantu asturianu y español. De manera pautada ta construyendo una carrera importante nos grandes teatros. Non por ello perdió les sos referencies y la so gran voz de barítonu fúndese con plasticidá ablucante nesti sustancial discursu poéticu y musical. La música de Ernesto Paredano fluyi unes veces torrencial, otres pausada en lentos meandros, siempre con garra y especiales aciertos espresivos que la voz del barítonu asturianu va esgranando con posada cadencia, como una gota dagua con ritmo melancolicu. Too ello envuelto nun horizonte nel quel crepúsculu y lalborecer casique se funden nun tiempu concretu, íntimu, de cercana y suxerente fermosura. El día 26 davientu, la voz de David envuelta nes notes del pianu d Ernesto, sonará con maestría n Avilés nesti conciertu, un actu nel que se derrochará llirismu y emoción. 21 d'avientu, 2007 0 FacebookTwitterPinterestEmail
Música Mieres acueye esti domingu la Gala de Navidá de la Canción Asturiana by asturnet 21 d'avientu, 2007 Esti domingu 23 d’avientu la Casa de Cultura de Mieres va ser l’escenariu de la Gala de Navidá de la Canción Asturiana. Dende les 12:00 hores pasarán pol escenariu mierense, artistes como Hector Braga, que va cantar tonada a la gaita y l’harpa; Lafu y Rebeca Velasco, remocicando’l xeneru dende’l chiil-out, Anabel Santiago, los hermanos Valle Roso o la cantante Diamantina Rodríguez. Pela so parte Carlos Rubiera y Mariluz Cristóbal Caunedo van repetir el númberu a duu que ya cantaren nel reciente discu de Rubiera, “Asturianaes”. El tastu folk de la velada va ponela’l grupu Verdasca con Marina Pangua encargándose de les voces demientres que’l el Coru Infantil de Mieres van pone-y el ramu a la gala cantando la pieza “Nel portalín de piedra”. La gala va retasmitila en direutu la TPA con Sonia Fidalgo y Xose Antón Fernández “Ambás” como mayestros de ceremonies. Dempues, a les once la nueche va emitise’l festival en diferío. 21 d'avientu, 2007 0 FacebookTwitterPinterestEmail