Música Villaviciosa gana la segunda fase de XVI Liga Gallega de Bandes de Gaites by asturnet 10 d'abril, 2006 La Banda de Gaites de Villaviciosa-Sidra El Gaitero consiguió la másima puntuación na segunda fase eliminatoria de la “Liga Galega de Bandas de Gaitas”. El conxuntu maliayés algama por segundu añu consecutivu esta posición del prestixosu concursu de música tradicional. La Banda de La Villa llogró sacar 95,75 puntos sobre un total de 100 nesta segunda fase de la Liga Galega, un campeonatu al qu’acuden conxuntos musicales de toa Galicia y d’otros países, ente ellos Asturies. La eliminatoria celebróse esti domingu Parque del Temple de Ponferrada nun certame nel que participaron más de cinco mil gaiteros y nel que Xácara algamó los 90 puntos y Candás los 93. La Banda de La Villa llogró sacar 95,75 puntos sobre un total de 100 nesta sefunda fase de la Liga Galega, un campeonatu al qu’acuden conxuntos musicales de toa Galicia y d’otros países, ente ellos Asturies. La eliminatoria celebróse esti domingu Parque del Temple de Ponferrada nun certame nel que participaron más de cinco mil gaiteros. La fase cellebrose nel Parque del Temple, al llau de la estacion de trenes, de manera qu’habia aparcamientu palos casi 120 autobuses qu’elli se xuntaron. La Liga entamó a les 10:00 col izar de les banderes, gallega, asturiana, castellano-leonesa y española y darréu, a les 10:40, entamó a tocar la primer banda que foi “Castro Bergisdum”, l’anfitriona que tocó en primer llugar a mou d’exhibicion, ya que lleven dellos años ensin competir na Liga por desavanencies cola organizacion. Depués entamaron les bandes participantes. Al final Villaviciosa algamó los 95,75 puntos y convirtióse na ganadora d’esta fase que ye la segunda que gana esti añu, A Carballeira llogró 95,50 puntos, como segunda clasificada, Ledicia con 94,75 foi la tercera clasificada, y les otres dos bandes asturianes participantes algamaron tamién bonos resultaos: Candas con 93 puntos y Xacara con 90,75 puntos. Toes les tres ficieron un perbon papel, ya que nesta competición tolo que seya pasar de 90 puntos tien de considerase un ésitu. Los asturianos consiguieron quedar per delantre de bandes como Xinzo de Llimia, banda ganadora de la Liga nes anteriores ediciones. Yera la segunda vegada que se celebraba una fase en Ponferrada, na anterior ocasión nel añu 2000. La Lliga namái que tuvo hasta agora fases fuera de Galicia en Valladolid y Ponferrada y l’añu que vien ta previsto qu’haya una en Madrid y otra en Villaviciosa. 10 d'abril, 2006 0 FacebookTwitterPinterestEmail
Sociedá Colectivos culturales piden en Huesca una llei pa les llingües d’Aragón by asturnet 9 d'abril, 2006 La ciudá de Huesca acoyó a lo llargo de los últimos díes les XII Chornadas sobre as luengas dAragón entamaes pola Asoziazión Cultural Nogará-Religada y nes que se presentaron diversos proyectos audiovisuales de normalización llingüística. Ente les conclusiones del alcuentru los participantes pidieron una llei que reconoza los dos idiomes propios del vieyu reinu: l’aragonés y el catalán. Ente los proyectos de normalización presentaos nes XIII Chornadas de l’Asoziazión Nogará-Religada destacaron el del archivu audiovisual d’Aragón y de la televisión per Intertet Charrando TB. Nes xornaes tamién se presentaron los últimos númberos de les revistes en catalán “Temps de Franja” y n’aragonés “Espiello”. El proyectu audiovisual Charrando TB ye una iniciativa del portal dixital www.charrando.com y anguaño val pa ufiertar la descarga d’una serie de videos sobre actualidá de la llingua y la cultura aragoneses. La intención d’esta televisión pola rede ye programar d’un llau archivos d’imáxenes y d’otru reportaxes informativos col propósitu d’avanzar nel esporpolle social del idioma. La otra iniciativa, l’archivu audiovisual ye un proyectu d’investigación fechu pola Asociación Cultural Parola y la productora Modelika col propósitu de recoyer el patrimoniu oral d’Aragón. 9 d'abril, 2006 0 FacebookTwitterPinterestEmail
Sociedá La Xunta pola Defensa de la Llingua presenta l’agrupación de Salas by asturnet 9 d'abril, 2006 La Xunta pola Defensa de la Llingua va presentar el prósimu sábadu 22 d’abril la nueva agrupación de Salas. L’actu de presentaicón va facese a les siete y media la tarde nel Pabellón de la Veiga onde, amás de la valoración que los portavoces de la Xunta van facer sobre la situación de la llingua asturiana y la esposición de les perspectives de trabayu de la nueva agrupación, se va cuntar cola actuación del grupu Nerbia y de los músicos Hector Braga y Marco Guardado. A les diez de la nueche, n’acabante l’actu de presentación, va facese una espicha nel restaurante Casa Pacita. El preciu pa participar na espicha ye de 12 euros y, p’apuntase, hai que facelo nel propiu Casa Pacital, o en Casa Ricardo (Curniana), La Casa Posafuelles (Uvieu) o nel Cafe Trisquel (Xixón). Tamien se puede facer llamando al númberu de telefonu 617 801 495. 9 d'abril, 2006 0 FacebookTwitterPinterestEmail
Sociedá La organización moza Darréu asoleya la revista “Irguite” by asturnet 9 d'abril, 2006 Darreu, la organización de mocedá referente d’Andecha Astur, presentó’l pasáu sábadu día 8 “Irguite”, una revista a la qu’esta agrupación presentó como’l nuevu «voceru nacional», dende’l que van dar anuncia de les sos actividaes, asina como a ufiertar conteníos mesmo políticos que culturales. El primer númberu d’esta espublización, que correspuende a los meses xineru-abril, cunta con diez páxines nes que se puede atopar una pequeña esbilla de semeyes; un repasu hestóricu de la organización y de les sos actividaes, como’l Día de la Muyer Trabayadora; asina como una entrevista col responsable de la estaya d’internacional de la organización moza andaluza “Jaleo!”. Nes secciones “Mecigayu” y “Puestu de Material”, repártese información sobre cultura asturiana, música, llibros ya internet, asina como de los materiales que suel vender esta organización moza. Irguite naz con una tirada de mil exemplares que van distribuyise de baldre per diferentes locales, tiendes, chigres y biblioteques, amás de repartise nes diferentes movilizaciones qu’organice la organización. 9 d'abril, 2006 0 FacebookTwitterPinterestEmail
Sociedá La propuesta de Procurador Xeneral enfrenta a PSOE con Izquierda Xunida-Bloque by asturnet 9 d'abril, 2006 El cabezaleru de la FSA y diputáu autonómicu del PSOE Fernando Lastra retrucó en diversos medios al conseyeru de Xusticia y Esteriores Francisco Javier García Valledor poles declaraciones feches por ésti en díes pasaos a cuentu de la propuesta de Maria Antonia Felgueroso como candidata a Procuradora Xeneral del Principáu y nes qu’acusaba a los socialistes de querer más pactar cola oposición del PP que colos sos socios de gobiernu. El dirixente socialista encamentó-y al conseyeru d’IX-BA “manifestase menos públicamente pa nun tener de retificar después” y aseguró que la candidatura de Felgueroso “yera namás la propuesta del PSOE”, negando habela pactao enantes col Partido Popular. Valledor advirtiera a los socialistes de les consecuencies que podía tener nes relaciones ente les dos fuerces presentes nel executivu asturianu una propuesta de candidatura pa Procurador Xeneral fecha a espaldes de la coalición d’izquierdes. El conseyeru de Xusticia y Esteriores tamién espresara públicamente’l so temor de que’l PSOE siguiere una llinia d’actuación asemeyada nel procesu de reforma estatutaria. 9 d'abril, 2006 0 FacebookTwitterPinterestEmail
Sociedá El teatru Filarmónica clamó pola oficialidá by asturnet 8 d'abril, 2006 El pasáu vienres día 7 dabril el teatru Filarmónica dUviéu enllenóse de xente que, siguiendo la convocatoria del Conceyu Abiertu pola Oficialidá, clamaron pola necesidá de que lestatutu asturianu recueya la oficialidá pa la llingua asturiana na so prósima reforma. Representantes de los más de 150 colectivos que formen parte desta organización cívica xubieron al escenariu pa desixir el reconocimientu de los derechos llingüísticos de los falantes dasturianu, llevando a los tribunales, si ficiere falta, cualquier casu de marxinación nesi sen. Debaxo duna gran pancarta na que se pidía Na reforma del Estatutu, lasturianu llingua oficial, los miembros del Conceyu Abiertu pola Oficialidá lleeron un manifiestu nel que sesixíal reconocimientu oficial del asturianu per parte del ordenamientu xurídicu, porque ésta ye la única ferramienta llegal que puede garantizar duna manera efectival respetu hacia esti derechu que los asturianos lleven clamando más de trenta años. Ente les actuaciones dAnabel Santiago, Toli Morilla y Felpeyu, representantes de los más de 150 colectivos de maestros, músicos, escritores, grupos políticos, sociales y culturales que formen parte del CAO xubieron al escenariu del teatru Filarmónica, faciendo desta manera visible la demanda de gran parte de los asturianos que ven agraviaos los sos derechos llingüísticos per parte del Gobiernu asturianu, denunciando asi lactitú inxusta de les fuerces polítiques mayoritaries que de contino vienen negandol reconocimientu llegal de la llingua y de los sos falantes. El gaiteru Xuacu Amieva foi lencargáu de zarrar lactu colos sones del Asturies, patria querida, que foron siguíos por tola xente quel vienres de tarde enllenabal teatru Filarmónica dUviéu. Mentestanto los convocantes emplazaben a la sociedá asturiana a volver a salir a la cail prósimu 5 mayu, día nel que se cellebral tradicional Día de les Lletres Asturianes. 8 d'abril, 2006 0 FacebookTwitterPinterestEmail
Música Fardaxu, ganadores del Annual Celtic Music Awards by asturnet 7 d'abril, 2006 El grupu astur-arxentín Fardaxu foi ún de los grupos ganadores nel “1st Annual Celtic Music Awards for 2005” que se fai nos EEUU y que ta organizáu por The Celtic MP3s Music Magazine, The Irish & Celtic Podcast y el Brobdingnagian Bards. Fardaxu, que ye l’únicu grupu d’Iberoamerica que calificó pal premiu, comparte’l premiu con grupos d’Australia, EEUU y Irlanda. Hai un mes, Fardaxu foi tamien elexíu pol Irish & Celtic Music Podcast pa integrar el númberu de marzu del mesmu. 7 d'abril, 2006 0 FacebookTwitterPinterestEmail
Tecnoloxía Entidaes gallegues constitúinse en promotora p’algamar el dominiu .gal by asturnet 7 d'abril, 2006 Colectivos profesionales y ciudadanes de Galicia tenten algamar la reconocencia d’un dominiu propiu n’Internet pa la so comunidá siguiendo los pasos daos apocayá por inicitives asemeyaes como la catalana .cat. Tres l’admisión pel ICANN (Internet Corporation for Assigned Names and Numbers) d’un rexistru propiu pa la comunidá cultural del idioma catalán, los gallegos allampien por esi finxu pa la so comunidá. Una docena d’entidaes representatives de diversos ámbitos sociales de Galicia constituyeron recientemente en Santiago de Compostela la promotora de l’Asociación PuntoGal , que tien como oxetivu la creación del dominiu .gal como espaciu propiu na Rede pa la cultura y la lingua del país vecín. Estes organizaciones van avalar la candidatura énte l’ICANN, l’organismu internacional que se encarga d’autorizar y de reconocer los dominios. La promotora ta formada por representantes de l’ Asociación de Editores de Galicia, Asociación de Enxeñeiros de Telecomunicacións de Galicia, Asociación Fillos de Galicia (fillos.org), Colexio Profesional de Xornalistas de Galicia, Consello da Xuventude de Galicia, Asociación de Empresas Galegas Adicadas a Internet (Eganet), el diariu dixital Galicia Hoxe, Idesga-Galego 21, ISOC-Galicia, Mesa pola Normalización Lingüística, Real Academia Galega (RAG) y el portal Vieiros. 7 d'abril, 2006 0 FacebookTwitterPinterestEmail
Música Un xueves de conciertos mui asturianos by asturnet 5 d'abril, 2006 El cantautor Toli Morilla en Xixón y la zanfonista Celia n’Avilés protagonicen les cites musicales d’esti xueves primeru d’abril con un marcáu acentu asturianu. “Nueche d’insomniu” y “Coloradina la guinda” son los sos trabayos más recién, que van aprovechar a repasar nos conciertos d’esta nueche. El cantautor Toli Morilla presenta dientro del calandariu de conciertos del chigre El Trisquel de Xixón los temes del so discu Nueche dinsomniu, con un recital previstu pa les 21:30h nel local xixonés de la Cai Marqués de San Esteban. Per otru lláu, el Centru Municipal d’Arte y Esposiciones d’Avilés “L’Arbolón” presenta esti xueves 6 dende les 20:15h de la tarde la obra de la intérprete de zanfona Celia González, que va tocar los temes del so primer discu “Coloradina la Guinda” que tien a la gaita de rabil como protagonista. La zanfonista Celia González ye abondo conocida poles sos intervenciones en discos d’Hevia, Nuberu, Muyeres o Ramón Prada y presentó nes vacaciones navidiegues el so primer discu en solitariu, ‘Coloradina la guinda’, nel qu’ufre 18 temes interpretaos con gaita de rabil, la mayoría d’ellos cantaos en llingua asturiana. 5 d'abril, 2006 0 FacebookTwitterPinterestEmail
Sociedá El CAO celebra’l vienres n’Uviéu l’actu central de la so campaña pola oficialidá by asturnet 5 d'abril, 2006 El Conceyu Abiertu pola Oficialidá (CAO) va celebrar l’actu central de la so campaña pola reconocencia oficial de la llingua asturiana nel nuevu estatutu d’autonomía con un festival nel Teatru Filarmónica d’Uviéu esti viernes 7 d’abril. Los cantantes Anabel Santiago y Toli Morilla, el gaiteru Xuacu Amieva y el grupu Felpeyu igüen el cartelu d’esta atopada en reivindicación de los derechos llingüísticos asturianos. L’actu tien previsto escomenzar a les 19,30 y amás de les actuaciones musicales van intervenir representantes del mundu de la cultura, la enseñanza y de les organizaciones que formen parte de la plataforma unitaria. Con esti alcuentru públicu va encarrilase la Caravana pola Oficialidá puesta en rodanza va unes selmanes y que percuerre diversos conceyos del país difundiendo ente los ciudadanos la necesidá d’incluir la oficialidá pa la nuestra llingua na prósima reforma del estatutu. 5 d'abril, 2006 0 FacebookTwitterPinterestEmail