Música El Centru de Cultura Antiguu Institutu acueye’l jazz d’Alexis Cuadrado by asturnet 6 de payares, 2007 El contrabaxista Alexis Cuadrado actua esti martes 6 de payares a las 20:00 hores nel Centru de Cultura Antiguu Institutu de Xixón dientro del ciclu “Jazz nel centru”. El barcelones va tar acompañáu nesta visita a Xixón pol guitarrista Brad Shepik, el saxofonista Loren Stillman y el baterista Mark Ferber. Alexis Cuadrado ye un miembru activu y destacáu de la escena musical más vanguardista de la ciudá de Nuva York, onde viva dende 1999. Con dos discos editaos y una gran esperiencia nel mundiu profesional cunta na so carrera con collaboraciones xunto a músicos de la talla de Kurt Rosenwinkle, Bruce Barth y Chris Cheek, ente otros. 6 de payares, 2007 0 FacebookTwitterPinterestEmail
Música Sergio Rodriguez presenta’l so trabayu de debú esta nueche en Trascorrales by asturnet 6 de payares, 2007 El productor y compositor asturienu Sergio Rodriguez presenta el so nuevu trabayu discográficu esti martes a partir de les 20:30 hores na plaza Trascorrales d’Uvieu. El discu, espublizáu por L’Aguañaz, lleva por nome “Tutu Studiu 07” y amosa en diez pieces la tradición musical asturiana con sones ellectrónicos de vanguardia. Tonada, romances o muñeires pasen pol tamiz ellectrónico del músicu pa da-yos una nueva visión anque ensín perder la so esencia. Sergio Rodriguez ye ún de los productores más prestixosos del momentu, amás de miembru de Dixebra, tecnicu de soníu, compositor y arreglista. Como músicu bien conocíu y respetáu algamó xuntar nesti discu a lo más granao del panorama musical asturianu con nomes como Toli Morilla, Xose Ambás, Ruben Bada, Jose Manuel Tejedor, Dolfu R. Fernández, Hector Braga, Borja Baragaño, Diego Pangua, Lisardo Prieto, Xuan Nel Expósito, o la banda Dulcamara. 6 de payares, 2007 0 FacebookTwitterPinterestEmail
Sociedá El CAO estrena nueva web sobre la manifestación del 24 de payares by asturnet 6 de payares, 2007 Conceyu Abiertu pola Oficialidá estrenó nueva páxina web, www.24payares.org, na que van informar de les novedaes alredor de la manifestación que ta convocada pal prósimu sábadu 24 de payares na estación del Norte d’Uvieu pa esixir la pa oficialidá del asturianu nel Estatutu d’Autonomía. La movilización va entamar a partir de les 18:00 hores y va cuntar cola actuación de La Bandina nel conciertu de cierre. Enantes de la marcha principal, Xixón, Aviles, La Pola Siero, La Felguera, Mieres y Trubia van ser escenarios d’otres marcheas a pie. La marcha de Xixón va salir a les 9:30 de la Gasolinera Foro; la d’Aviles a les 9:00 d’El Parche; la xente del oriente ta convocáo a les 12:30 na Plaza Mayor de La Pola Siero. A les 11.00 nel Parque Vieyu de La Felguera saldrá la marcha del Nalón; La del Caudal será a les 12:30 dende la Plaza l’Ayuntamientu. La xente del occidente aconceyará en Trubia pa salir a les 12.00 dende l’Institutu. 6 de payares, 2007 0 FacebookTwitterPinterestEmail
Música La Fnac de Siero esibe un documental sobre’l discu “Ultra” de Depeche Mode by asturnet 5 de payares, 2007 Esta tarde a partir de les 19:00 hores nel Forum de la Fnac del centru comercial Parque Principado de Siero va proyectase “Oh, well, that’s the end of the band…”, documental sobre la banda británica de pop ellectrónicu Depeche Mode. Esti documentu musical ta exertu dientro del ciclu “Los llunes musicales” que la Fnac dedica emanalmente a repasar l’actualidá del panorama musical internacional. “Oh, well, that’s the end of the band…” acompaña a la reedición del discu “Ultra” espublizada el pasáu ochobre n’Europa. El documental muestra a la banda y a dellos personaxes del so entornu y la casa discográfica opinando alredor de los problemes internos polos que pasó la banda durante la grabación d’esi trabayu. 5 de payares, 2007 0 FacebookTwitterPinterestEmail
Música “Fast food nation”, una ácida crítica a les multinacionales de la comida rápida, esíbise esta tarde en Xixón by asturnet 5 de payares, 2007 Una ácida crítica a les multinacionales de comida rápida ye lo que propón “Fast Food Nation”, coproducción ente britñanicos ya americanos firmada por Richard Linklater en 2006. Siguiendo la premisa propuesta na obra lliteraria d’Eric Schlosser, el director cunta la historia del viexa polos mataderos del país d’un executivu del sector alimenticiu pa comprobar porque les hamburgueses de la so cadena derestaurantes tan contaminaes. El pase de la cinta va entamar a les 20:00 hores na Sala Cultural Cajastur del Monte de Piedá de Xixón con entrada al recintu llibre y de baldre hasta completar l’aforo de la sala. 5 de payares, 2007 0 FacebookTwitterPinterestEmail
Música Llanes acueye el primer fin de selmana de payares la VI edición de “Llanes al cubo” by asturnet 2 de payares, 2007 Durante el primer fin de selmana de payares Llanes va agospiar la sexta edición de “Llanes al cubo “o la “Folixa del Tardíu”, que enllenará de conciertos y xeres la capital de conceyu durante estos tres díes. Según el consistoriu llaniscu l’enfotu d’esti festival ye amosar la tradición cultural asturiana cola modernidá. Llanes al cubu ta enmarcáu diento del programa d’ociu “Otoño Llanes, contigo todo el año”, que desendolca una interesante ufierta deportiva, gastronomica, cultural y festiva durante los fines de selmana d’ochobre y payares en tol conceyu. Esti vienres 2 de payares entama el festival ya dende les 17:00 hores cola apertura de la Carpina Los guah.es en La Bombilla. Esti recintu va ser l’escenariu durante tol fin de selmana de la cellebración de varios talleres pa neños y la xente mozo como el taller d’arqueloxía,el taller rupestre, el de chaples o el de disfraces. Amás va haber cuenta cuentos y un xuego de la oca. Esi mesmu día el platu fuerte de la xornada entema a les 22:00 hores colos conciertos de l’asturiana Anabel Santiago, el grupu folk Skye Peatbog Faeries y Claude Methe. Enantes del cnciertu de les diez, a les 20:30 hores ye’l turnu del grupu de folk Tuenda, el pasacais medieval nel Cascu Antiguu de Llanes (19:00 hores) y la presentación de los curtios que participen nel Festival Nacional de Curtiumetraxes al Aire Libre “REC” (Ribedeva en Curtiu). Esti últimu actu será na Casa de la Cultura a partir de les 18:00 hores. Kiko Veneno, Muchachito Bombo Inferno y Carmen París van ser los artistes principales na segunda xornada de “Llanes al Cubo” con un recital qu’entama a les 22:00 hores na Carpona de La Bombilla. El conciertu de les 20:30 hores na Carpa’l muelle d’esti sábadu va correr a cargu de la banda de folk fusión asturianu Dulcamara. La xornada del sábadu tamien va cuntar cola presencia del director Ramón Lluis Bande pa presentar el dvd “Camín de Cantares” y de les escritores Vanessa Gutierrez y Beatriz R. Viado que van presentar el so llibru “El país del silenciu”. Marea traen el so rock urbanu a la Carpona (22:30 hores) na última xornada del festival que va quedar completada con un conciertu de tonada del cantante Celestino Rozada na Carapa’l Muelle (20:30 hores) y la presentación de la serie de dvd “Diez Autores, Diez Llugares” a cargu de Joe Braña na Casa de Cultura. El programa d’esti últimu día entama ya dende les 13:00 hores cola maxa del Magu Norber col espectáculu “Ilusionariu”. Amás l’Ayuntamientu de Llanes programó delles actividaes complementaries como l’amagüestu en La Bombilla (vienres y sábadu), una feria d’artesanía, feria del llibru y del discu, teatru na cai con “Los Piroduendes” y una amuesa antolóxica de los tallistes de madera Llonguera y Pablo González. Web oficial del festival 2 de payares, 2007 0 FacebookTwitterPinterestEmail
Música L’edificiu históricu de la Universidá agospia una conferencia sobre cantu gregorianu by asturnet 2 de payares, 2007 La conferencia “¿El Canto Gregoriano como canto de la Asamblea?” abre el programa de ponencies dientro del tercer edición del ciclu de música sacra “Maestro de la Roza” que entamo’l 30 d’ochobre n’Uvieu y que se va cellebrar na capital hasta’l prósimu 30 de payares. La conferencia va cellebrase nel Edificiu Históricu de la Universidá d’Uvieu a partir de les 19:30 hores y correrá a cargu de la la presidenta de l’Asociación Hispana de Estudios del Canto Gregoriano, Sor María Dolores Aguirre. 2 de payares, 2007 0 FacebookTwitterPinterestEmail
Música La Banda de música Ciudad De Oviedo actua nel Auditoriu Príncipe Felipe by asturnet 2 de payares, 2007 Esti sábadu 3 de payares la Banda de música Ciudad De Oviedo ufre un recital na Sala Principal del Auditoriu Príncipe Felipe d’Uvieu dientro del programa de conciertos Otoño 2007 na ciudá. El conciertu va entamar a les 20:15 hores y la entrada al recintu ye de baldre hasta completar l’aforu. Nel conciertu van tar acompañaos pola la Banda Moza de Musica Vetusta La Banda de música Ciudad De Oviedo fizo el so debú oficial en 1992 cola aparición nel Desfile del Día d’America n’Asturies y ende esa ocasión contunua ufriendo conciertos dientro del conceyu d’Uvieu hasta un total de 60 añales. Ta compuesta na mayor parte por profesores de música ya escolinos del Conservatoriu d’Uvieu. 2 de payares, 2007 0 FacebookTwitterPinterestEmail
Música Rafa Lorenzo presenta’l so nuevu discu “Primos hermanos” en Tierrra Astur by asturnet 2 de payares, 2007 Los cancios vaqueiros entemeceranse colos poemes gallegos de Lorca na actuación qu’esti xueves 1 de Payares pela nueche va tener llugar dientro’l ciclu d’actuaciones musicales del restaurante Tierra Astur de Cualloto. Rafa Lorenzo va presentar el so nuevu discu “Primos hermanos” que quier ser un homenax al poeta de la xeneración del 27, Federico García Lorca. El nuevu álbum de Lorenzo presentóse nesti Ochobre na Conseyería de Cultura nun actu nel qu’intervinieron, la directora xeneral de Promoción Cultural, Consuelo Vega, el presidente del Conseyu de Comunidaes Asturianes, Manuel Fernández de la Cera, y el productor del discu, Juan Taboada. 2 de payares, 2007 0 FacebookTwitterPinterestEmail
Sociedá Ultimáu’l recorríu de la manifestación del 24-11 by asturnet 2 de payares, 2007 El Conceyu Abiertu pola Oficialidá entamó estos díes la campaña de convocatoria pa la movilización del sábadu 24 de payares col repartu de cien mil sobres de zucre rotulaos nestablecimientos hosteleros de toa Asturies del que ya diere cuenta Asturnews, pero amás yá tien preparada la organización de les marches que van aportar a Uviéu esi día dende estremaos llugares d’Asturies. Les seis marches a pie dende Xixón, Avilés, La Pola Siero, La Felguera, Mieres y Trubia que van aportar a Uviéu tienen un horariu qu’entama en dalgunos casos a les nueve la mañana pa poer llegar a les seis de la tarde a la Estación del Norte na capital uvieina. Sigún informa esti día’l blog “fueyaenblancu”la marcha de Xixón va salir a les 9:30 de la Gasolinera Foro; la dAvilés a les 9:00 dEl Parche; la xente del oriente ta convocáo a les 12:30 na Plaza Mayor de La Pola Siero. A les 11.00 nel Parque Vieyu de La Felguera saldrá la marcha del Nalón; La del Caudal será a les 12:30 dende la Plaza lAyuntamientu. La xente del occidente aconceyará en Trubia pa salir a les 12.00 dende lInstitutu. Asinamesmo, les marches de Xixón y Avilés alcontraránse en Llugones a les 16:00; la de La Pola y La Felguera alcontraránse en Fonciello a les 14:00. La marcha del Caudal va tener el puntu dalcuentru en Les Segaes a les 16:30 y la marcha de Trubia fará parada en San Cloyo a les 14:30. Toles marches llegarán a la plaza la Estación del Norte a les 18:00, hora del entamu de la gran manifestación. El grupu La Bandina va actuar dandol cierre a esta xornada reivindicativa. 2 de payares, 2007 0 FacebookTwitterPinterestEmail