Plástiques Alfonso Zapico gana’l “Alfonso Iglesias” con “Cuadernos d’Itaca” by asturnet 21 de payares, 2013 El dibuxante Alfonso Zapico, qu’algamó fama nel panorama del comic européu pela so nomada ‘Dublinés’ y qu’algamara esti añu pasáu’l Premiu Nacional del Cómic, xuntó esti miércoles el premiu ‘Alfonso Iglesias’ de Cómic n’Asturianu, dotáu con 3000 euros, al so palmarés. La Conseyería de Cultura, daba anuncia el miércoles de la decisión del xuráu de concedeí esti Premiu al cómic presentáu pol dibuxante bliméin presentáu embaxo’l titulu ‘Cuadernos d’Ítaca’, pola “profesionalidá que s’amuesa na obra d’acordies coles nueves tendencies europees”. El fallu del xuráu foi por mayoría, lo que fala de la calidá de les obres presentaes esti añu xunta la d’Alfonso Zapico, que se presentara col seudónimu *Capricornio*. Alfonso Zapico, ñacíu en Blimea, nel conceyu de Samartin del Rei Aurelio, en 1981, estudió Artes Plástiques y Diseñu na Escuela d’Arte d’Uviéu, y trabaya dende va tiempu como profesional gráficu y autor de cómic. Fizo ilustraciones, diseños, animaciones y campañes nel mundu publicitariu amás de caltener una bona rellación cola prensa asturiana, collaborando en La Nueva España y na publicación Cuenca del Nalón. Hasta agora tenía espublizaos publicaos cuatro álbumes o de cómic o noveles gráfiques: “La guerre du professeur Bertenev” “Café Budapest”, “Dublinés” y “La ruta Joyce”. El xuráu formábenlu, baxo la presidencia de la directora xeneral de Política Llingüística, Ana María Fueyo Llaneza, los autores de cómic Javier Marinas, ganador de la edición anterior del premiu, y Ruma Barbero; l’escritor y guionista Chechu García y los técnicos en materia llingüística y educativa, Luis Casteleiro y José Luis Remis. 21 de payares, 2013 0 FacebookTwitterPinterestEmail
Plástiques Alejandro Zapico protagoniza otra sesión d’Asemeyar esti xueves by asturnet 18 de payares, 2013 El próximu xueves, día 21 de noviembre, a les 20H.00, nel local social del Atenéu Obreru de Xixón (Cl Cuadonga, 7 – 1o Izda.), va tener llugar una nueva sesión de Asemeyar. Nesta ocasión cuntamos cola presencia del fotógrafu Alejandro Zapico. El ciclu Asemeyar, de calter periódicu, consiste en qu’un fotógrafu de reconocíu prestíu proyeute’l so trabayu a los asistentes al empar que va esplicando los rellabicos del mesmu. Nes anteriores sesiones cuntamos cola presencia de García de Marina y Julio Herrera. Llueu va visitanos el premiu Pulitzer Manu Brabo. Asemeyar ye una actividá entamada pol Atenéu Obreru de Xixón en collaboración con Fotohof – Asturies. Alejandro Zapico empieza’l so trabayu como fotoperiodista nel añu 2003 cubriendo les guerres d’Afganistán ya Iraq pa medios pertenecientes al Grupu Corréu y pa l’Axencia mexicana Notimex. Dende entós el so trabayu como fotoperiodista caracterizóse por un altu compromisu social y n’especial coles causes de quien más sufren. Son munches les ONGD coles que collaboró pal espardimientu de les sos actividaes y les problemátiques qu’intenten solucionar, ente les que destaquen Médicos Ensin Fronteres, Amnistía Internacional, UNICEF, Asociación d’Amistá col Pueblu Saharagüi, Asociación pal Desenvolvimientu y l’Acción Social Solidaria, distintos colectivos sindicales y movimientos sociales alternativos. Les sos fotografíes fueron publicaes per medios nacionales como’l diariu El País, el dominical El Magacín, La Nueva España, El Comerciu, Diagonal, La Voz d’Asturies ya internacionales como La Xornada de México o Legendmagazine. Nel añu 2006 l’Institutu de la Mocedá d’España premió’l so trabayu audiovisual sobre les bandes guatemaltecas (Les Maras: La Vida y la Muerte pintada na Piel). Esi mesmu añu tamién recibió’l premiu de fotografía, nel so apartáu d’inmigración, de l’Asociación Asturies Acueye. En 2010 recibe’l premiu de la Ongd VOLS a la meyor semeya social. Mientres ocho años collaboró na organización de los Alcuentros Internacionales de Fotoperiodismo Ciudad de Xixón empobinaos pol Pulitzer Javier Bauluz. 18 de payares, 2013 0 FacebookTwitterPinterestEmail
Plástiques Entrega del premiu pintura Aqualia en L.lena by asturnet 14 de payares, 2013 Esti xueves, 14 de payares a les 11 hores nel colexu públicu Jesús Neira, l’alcalde de L.lena, Ramón Argüelles va apurrir el premiu de pintura de Aqualia, acompañáu por Xefe de Serviciu de Aqualia en L.lena, Francisco Gallego. El premiu va ser pa un alumnu del colexu públicu Jesús Neira, que resultó finalista ente los más de 36.500 alumnos que se presentaron anguaño ente España y Portugal. 14 de payares, 2013 0 FacebookTwitterPinterestEmail
Plástiques Asterix vuelve a falar n’asturianu 21 años depués by asturnet 7 d'ochobre, 2013 Les incógnites y el secretismu entá arrodien l’asoleyamientu previstu pal 24 d’Ochobre de Astérix y los Pictos,el 35 album del pequeñu galu sobre’l que se peñeraron pocos detalles na presentación que se ficiere la selmana pasada en Paris y na que tuvo presente Uderzo. Nesta nueva aventura, el pequenu galu y los sos amigos van cruciar la Canal del Llurdiu p’ayudar na so llucha contra los romanos al pueblu de los pictos, que’l so nome significa los homes pintaos y habitaben les tierres de l’actual Escocia. El dibuxante del 35º álbum de les aventures de Astérix el galu, del que la so publicación ta prevista pal 24 d’Ochobre de 2013, va ser Didier Conrad, que recueye los lápices de Frédéric Mébarki, según anunciaron el miércoles los responsables de les Éditions Albert René. El guionista va siguir siendo’l mesmu: Jean-Yves Ferri, collaborador de los estudios Albert-René dende va años y ceador de Retour à la terre, con dibuxos de Larcenet, y De Gaulle à la plage. La selmana pasada, Uderzo y los nuevos autores revelaron, ensin detallar quién la protagonizará, que nel nuevu álbum un personaxe va vivir “una hestoria d’amor” y que, como yá s’especulara, va haber güisqui, muyeres y faldes escoceses”. La fía de Goscinny, pela so parte, cuntó que ensin l’amistá que xunió al so padre con Uderzo, “les aventures de Astérix nun esistiríen”. “Ye imposible encetar esti trabayu ensin sensibilidá, ensin realcontrar el nuesu propiu prestar de mozos llectores”, añedieron Ferri y Conrad. Nos últimos meses los nuevos autores, que cuntaron colos conseyos y la supervisión de Uderzo, sí dieren delles pistes: “Ye un viaxe épicu a una tierra llena de tradiciones y hestoria. Ellí van conocer a apavoriantes guerreros y antigües cles de pictos y van afayar el güisqui, les gaites, los oríxenes del muriu d’Adriano y el llar de la bisarma del llagu Ness”, comentó Ferri. N’España, la editorial Salvat, que vieno publicando tolos álbumes de Astérix, y este mesmu añu rellanzar en gran formatu, tien preparada una tirada del nuevu títulu de 170.000 exemplares en castellán y de 25.000 en catalán. El llibru, que tamién va salir en euskera, gallegu, asturianu, galés, gaélicu y escocés, va llegar a mediu mundu. Ente los distintos países tán Alemaña, Holanda, Inglaterra, Holanda, Portugal, Brasil, Italia, Finlandia, Suecia, Noruega, Polonia, Dinamarca, Hungría. Les aventures de Astérix publicáronse en 111 llingües y vendieron en tol mundu más de 350.000.000 exemplares. La primer traducción al asturianu d’Asterix fízose allá pel 1992 y foi la edición de “Asterix en Britania” por Alborá Llibros, cuatro años depués de que Editorial Aína espublizara en llingua asturiana dos álbumes de Tintín. Los álbumes del periodista belga foron asoleyaos pola editorial Aína, nel añu 1988: Stock de Cok y La Islla Prieta. L’entamu nun tuvo continuidá. 7 d'ochobre, 2013 0 FacebookTwitterPinterestEmail
Plástiques Una conferencia presenta a Esteban Vicente nel Muséu de Belles Artes d’Asturies by asturnet 1 d'ochobre, 2013 El Muséu de Belles Artes d’Asturies entama pa esti miércoles, a les 19 hores, una conferencia en redol a la obra ‘Ensin títulu’ (1956) d’Esteban Vicente, que se va esponer na pinacoteca asturiana ente’l 2 d’ochobre de 2013 y principios de xineru de 2014 con motivu del Programa ‘La obra convidada’. La ponencia va correr al cargu d’Ana Martínez Aguilar, directora del Muséu d’Arte Contemporaneo Esteban Vicente de Segovia. El programa tien como misión llevar al Muséu de Belles Artes d’Asturies destacaes obres procedentes d’otres instituciones nacionales ya internacionales con cuenta de contribuyan a reforzar el discursu de la colección permanente, rellenando llagunes y afondando en dellos aspeutos de la mesma. Esteban Vicente (Turégano, Segovia, 1903-Nueva York, 2001) ye un artista consideráu fundamental dientro de l’astracción pictórica de la segunda metá del sieglu XX, venceyáu a la Escuela de Nueva York. 1 d'ochobre, 2013 0 FacebookTwitterPinterestEmail
Plástiques El XXXVII Salón Internacional del Cómic va desendolcase n’Ochobre en Xixón con Mariscal de protagonista by asturnet 24 de setiembre, 2013 El XXXVII Salón Internacional del Cómic del Principáu d’Asturies, va celebrase nel Centru de Cultura Antiguu Institutu (CCAI) dende’l día 2 al 5 d’ochobre,, con un programa nel que Mariscal va tener enforma protagonismu: va xubir al podiu entrando na nómina d’autores col Premiu John Buscema “pol so llabor incondicional a favor del mundu de la historieta y del so espardimientu”, va ser motivu d’una esposición, nel patiu central del CCAI, integrada pol material más representativu de la so hestoria y, finalmente, va ufiertar al públicu, el día de la clausura, una de los sos interesantes conferencies. Nel Salón, el so direutor, Faustino Rodríguez Arbesú, va presentar el segundu tomu de ‘La hestoria de la historieta n’Asturies’, y van compartise esperiencies y cómic en vivu col autor francés Frédéric Pumar, vieyu conocíu del certame; l’escritor estadounidense d’orixe checu Jan Strnad y l’italianu Ivo Milazzo. Otra de les presencies destacaes ye la de José Ortiz, reconocíu como unu de los más grandes autores españoles, y ente los invitaos asturianos, Geaspar Meana, ceador de la saga medieval ‘La Crónica de Leodegundo’, que va ser el motivu de la esposición más destacada de les que tán preparándose pal Salón. La obra, dacgechamente creada en llingua asturiana, foi editada pola Universidá de Palma de Mallorca y va poder ser contemplada na Sala 1 del CCAI, al traviés de 52 páxines, en color y en blancu y negru. Otros invitaos d’esta edición van ser Enrique Carballeira, Elvira Menéndez, Pau Rodríguez, Alberto Álvarez Peña, Marcos de les Heras, J. Antonio Marines, Neto, Noguera, José María Álvarez y Suso Mortimer. 24 de setiembre, 2013 0 FacebookTwitterPinterestEmail
Plástiques Les XVIII Xornaes del Cómic n’Avilés y el Manga protagonistes by asturnet 11 de setiembre, 2013 El primer actu programáu dientro de les XVIII Xornaes del Cómic Villa d’Avilés que s’inauguraron ayeri pela tarde na Casa de Cultura foi una mesa redonda sobre la Manga fechu n’Asturies, que sirvió pa presentar en sociedá a trés artistes consideraos multidisciplinares y qu’utilicen un llinguaxe de narración secuencial.La presencia asturiana foi la más significativa nesti primer día d’historieta. Y en el tríu, dos dibuxantes que se consideren como tales porque ye la forma de cuntar les hestories que tienen na cabeza, como señalaben Nory y Angye Fernández, creadores de «Underdog», unu de los siete mangues escoyíos p’abrir la Llínea Gagin n’España, y «Herem», dambos de Noiry, y «Gears», de Angye Fernández. Les dos artistes, alumnes de la Escuela d’Arte d’Uviéu. Sobre la trayectoria d’un dibuxante de cómic faló ayeri Noiry qu’empezó la so carrera a los 16 años publicando’l so primer cómic y primer manga asturianu “La Maldición”. Dexó bien claro que n’España nun s’aprecia’l trabayu de dibuxante: Ye necesario dise fuera yá que namá cuando trunfasti nel esterior ta bien vistu’l trabayu equí. Y al respective de la visión que la mayoría de la sociedá tien de los dibuxantes, Noiry dixo cómo’l cómic acomuñase davezu a los neños y nun se considera un oficiu. Pero a pesar de los equívocos y el desconocimientu de la so actividá, dambes artistes siguen con ilusión somorguiaes nel so trabayu porque les obres non los fexes pa ganar dineru y faete ricu, sinón por que les llea la xente y compartir con ellos unos personaxes, una hestoria y unos dibuxos. Óscar Martín y Luciano Saracino ufiertaron ayeri les primeres charres-coloquiu de les xornaes del cómic. El primeru compaxina’l trabayu n’axencies (ye’l dibuxante de Tom y Jerry) cola so propia creación y l’autor del personaxe Solu, un aguarón antihéroe. Saracino tien una llarga carrera profesional na que destaca’l so papel de guionista d’historietes, dibuxos animaos y películes, amás de publicar más de mediu centenar de llibros. 11 de setiembre, 2013 0 FacebookTwitterPinterestEmail
Plástiques Sidro Villa espón en La Pola Siero retratos acompañaos de poemes by asturnet 2 de xunetu, 2013 Sidoro Villa Costales reconocíu ilustrador, escritor y maestru del Conceyu Siero, va tener otra vegada espuesta la so obra, con una esposición de retratos y caricaretratos fechos al acrílicu na que presenta xente conocío de La Pola Siero y la redolada. La esposición, titulada Bacu y otra xente (retratos con mensaxe), amuesa dambes facetes artístiques del autor al conxugar lo pictórico y lo lliterario, yá que cada retratu ta caompañáu dun poemín nasturianu inspiráu nel mesmu personaxe protagonista. Lamuesa pue vese na Sala dEsposiciones de La Casa La Cultura de La Pola Siero, dendel 4 al 19 de xunetu nhorariu de 1800 a 2100 hores, inaugurándosel xueves 4 a les ocho la tarde. 2 de xunetu, 2013 0 FacebookTwitterPinterestEmail
Plástiques Xixón organiza una esposición pa facer alcordanza del fotógrafu Constantino Suárez by asturnet 8 de marzu, 2013 El Centru de Cultura Vieyu Institutu acueye ente l’8 de marzu y el 7 d’abril una esposición dedicacada al otógrafu xixonés Constantino Suárez Fernández, agora que se cumplen los trenta años del so fallecimientu. Va venti años, la so colección -casi nueve mil negativos, a partir d’entós calteníos nel Muséu del Pueblu dAsturies- mercóla’l Conceyu de Xixón a iniciativa del Muséu. L’Atenéu Obreru de Xixón aviva con esta esposición l’alcordanza de quien fuera unu de los sos socios mientres la década de 1930. Constantino Suárez entamó la so carrera profesional nel añu 1920, y complementó l’actividá nel so estudiu fotográficu con un notable llabor como corresponsal de prensa. Asina, dende la década de 1920 semeyes d’estudiu al pie de tou tipu d’imáxenes de la vida cotidiana de Xixón queden recoyíos nos sos negativos, xenerando una escepcional crónica gráfica. Mientres la guerra civil el so oficiu convertir en testigu d’esceición de la realidá de l’Asturies republicana. Dende’l frente hasta la retaguardia, Suárez capta cola so cámara imáxenes sorprendentes, y con un nivel calidable comparable a otros grandes fotógrafos de guerra contemporaneos. Tres la guerra’l so llabor como fotoperiodista, y el fechu de ser sociu del Atenéu Obreru de Xixón, convirtiéronse en cargos abondos pa inhabilitalu profesionalmente. Retírase-y el so carné de fotógrafu y encarcélenlu na prisión d’El Coto, en delles ocasiones, ente los años 1937 y 1957. Constantino Suárez consigue esconder el so archivu fotográficu de forma eficaz mientres toos esos años d’aprovecimientu. Pa sobrevivir trabaya como fotógrafu de cai, de manera clandestina y en permanente riesgu de ser descubiertu y deteníu. Xubílase nel añu 1969 -tres mediu sieglu d’actividá profesional- con una mísera pensión derivada de la so inhabilitación. Mientres la década de 1970 Constantino Suárez reivindicó, ensin ésitu, l’autoría de les sos fotografíes. Yeren reproducíes reiteradamente ensin el so permisu, ensin citar que yeren d’él y por tantu ensin paga-y. La so profesionalidá y amor a Xixón llévenlu a siguir retratando la cotidianidá llocal hasta finales d’esa década, al par que s’enfotaba n’entamar el so archivu consciente del so escepcional valor. Suárez vive la transición a la democracia con gran decepción al comprobar que’l fin de la dictadura nun implicaba la restauración de la República con que suañara, y los sos años finales tuvieron marcaos poles dificultaes económiques y pola amargura. En finando, nel añu 1983, la so colección fotográfica pasó a manos d’un anticuariu quien la caltuvo na so poder hasta que nel añu 1992 el Conceyu de Xixón alcordó mercala. Entendíase que naquelles 8.996 semeyes taba una parte fundamental de la hestoria de Xixón y d’Asturies. Nel añu 2002 el Conceyu de Xixón entamó la primer esposición monográfica sobre la obra que Suárez realizó ente 1920 y 1937, y el día 1 de febreru de 2011 aprobóse dar el nome de Xardinos del Fotógrafu Constantino Suárez a una zona verde d’El Coto, cerca de l’antigua Cárcele del Distritu. Nel actu d’inauguración d’esos xardinos, el 9 de xunu de 2011, l’Asociación Profesional de Fotoperiodistes Asturianos restituyó-y, simbólicamente, el carné profesional que-y fuera retiráu setenta y cuatro años enantes, nomándolo a títulu póstumu Sociu d’Honor. 8 de marzu, 2013 0 FacebookTwitterPinterestEmail
Plástiques La Casa de los Alberti acueye una esposición cola obra gráfica de Chema Rodríguez Álvarez by asturnet 10 de xineru, 2013 El Centru de Referencia de la Llingua y la Cultura Asturiana, asitiáu na Casa los Alberti, en Ciañu, acueye dendel 9 de xineru una orixinal muestra artística del creador llangreanu Chema Rodríguez Álvarez. La serie Monumentos y edificios representativos dAsturies amuesa unes peculiares creaciones artístiques realizaes con arroz, lenteyes, grana y un buen puñáu de paciencia. Una riestra obres que lleven un gran trabayu y nos averen a dellos monumento llangreanos, del Vallel Nalón y Asturies en xeneral: ermita dEl Carbayu, ilesia de Sama, ilesia de La Felguera, ilesia de Ciañu, Torre la Quintana, Casa Conceyu de Llangréu, Casa Conceyu de Samartín del Rei Aurelio, Casa la Buelga, MUMI son dalgunos exemplos de les obres de les que vamos poder disfrutar nesta esposición. Un gran llabor con un resultáu espectacular que de xuro paga la pena visitar. 10 de xineru, 2013 0 FacebookTwitterPinterestEmail