Fiestes Felpeyu protagonizó lintensu programa dactos del Festival Intercélticu dAvilés by asturnet 25 de xunetu, 2007 Redacción. A les 12:15 entamen los actos de güei del Festival Intercelticu d’Aviles con ‘Música na cai’, que recibe al grupu ‘Danserien Lann Tivizio’. Yá pela tarde, na Bolera de Llaranes van celebrase a les cinco y media talleres llibres de bolos, llave y rana. A les siete vuelve la musica a la cai con ‘Pitlochry and Blair Atholl Pipe Band’. Y na Plaza de Camposagráu a la mesma hora va facese un taller de bailles d’Escocia, col grupu de baille ‘Ballocheam Highland Dancers’. L’actuación diaria del ciclu ‘Países Celtes’ va tar dedica güei a Galicia, na Plaza de Carlos Lobo y cola actuación de la Banda de Gaites Ledicia y d’Inquedanzas. La nueche va terminar col cuentacuentos de Milio’l del Nido a les once la nueche y l’actuación de ‘Felpeyu’, qu’apocayá tornó a los escenarios con un repertoriu nuevu. Too ellos va ser na Plaza de Carlos Lobo. Programa del miercoles 25 11:00 a 14:00 y 18:00 a 21:00 Amuesa: Asturies na emigración (Palaciu de Valdecarzana) 12:15 Música na cai (Les Meanes, Centru Comercial “El Atrio”, Cai La Cámara y El Parche) Danserien Lann Tivizio 17:30 Xuegos y deportes populares: Talleres llibres de bolos, llave y rana. (Bolera de Llaranes) Club popular de cultura de Llaranes 19:00 Música na cai (Les Meanes, Centru Comercial “El Atrio”, Cai La Cámara y El Parche) Pitlochry and Blair Atholl Pipe Band 19:00 Taller de baille: Escocia (Plaza de Camposagrado) Ballocheam Highland Dancers 20:00 Paises Celtes: Galicia (Plaza de Carlos Lobo) Banda de Gaites Ledicia Inquedanzas 23:00 Cuentacuentos (Plaza de Carlos Lobo) Milio’l del Nido 23:15 Nueche orgenomesca (Plaza de Carlos Lobo) Felpeyu 25 de xunetu, 2007 0 FacebookTwitterPinterestEmail
Fiestes El Carmín de La Pola termina esta nueche cola danza prima y lactuación de Luis Aguilé by asturnet 24 de xunetu, 2007 Redacción. Güei martes a les ocho la tarde na cai Luis Navia Osorio de La Pola Siero van tener llugar los últimos actos de les fiestes d’El Carmín con una ‘fin de fiesta’ configurada polr una espicha y parrillada organizada pola Sociedá de Festeyos de La Pola Siero. La espicha va tar amenizada pola orquesta ‘Corujo Show’. A les doce la nueche va entamar el baille de la Danda Prima con salida dende la cai Florencio Rodríguez y pasando peles cais Pedro Vigil y el Parque Alfonso X. Esta danza prima va tar cantada y dirixida por Marco Antonio Moro. A la fin de la Danza Prima va tener llugar l’actuación del cantante Luis Aguile. El Carmín de La Pola Siero, sotitulada como ‘La Romería d’Asturies’, ye una celebración con una gran tradición en Siero y les fiestes algamaron esti añu 312 años d’hestoria. 24 de xunetu, 2007 0 FacebookTwitterPinterestEmail
ConvocatoriesFiestes Villaviciosa entamal Parque Encantáu pa los neños del conceyu by asturnet 24 de xunetu, 2007 Redacción. L’Ayuntamientu de Villaviciosa dio entamu estos díes a una nueva iniciativa d’ociu pa los neños del conceyu, ye’l ‘Parque encantáu’, un espaciu d’ociu que va entamase los llunes, martes y miercoles nel conceyu maliayu. El Parque encantáu ye un programa d’ociu que van llevar alantre monitores de la asociación xuvenil El Glayu. El programa incluí un programa de tiempu llibre con conteníu educativu nel qu’hai cuentacuentos, gymcanes o manualidaes plástiques ente otres actividaes, que cada día van dir rotando “dientro de la imaxinativa hestoria d’un parque que ta embaxo un encantamientu”, comenten los organizadores. Les actividaes son nel parque de La Villa, na zona de La Pergola. Anque nun taba previsto que’l programa se desenrrollara de llunes a vienres, a la fin va facese de llunes a miercoles d¡11:30 a 13:00 hores. Si la iniciativa tien esitu, l’Ayuntamientu va estudiar estendela al mes d’agostu. 24 de xunetu, 2007 0 FacebookTwitterPinterestEmail
Fiestes La Pola Siero celebra güei El Carmín, La romería dAsturies by asturnet 23 de xunetu, 2007 Redacción. Güei entamen los actos del día grande de les fiestes d’El Carmín, una fiesta con 312 años d’hestoria, sotitulada como ‘La Romería d’Asturies’. A les doce la mañana van celebrase pasacais. A les 17.30 hores va celebrase una concentración de charangues y grupos na Plaza Les Campes, llugar de ñacimientu d’El Carmín, pa dar entamu al desfile p’hacia’l prau de los campos de La Sobatiella. Ellí va celebrase un homenaxe al Grupu llocal ‘Los Cascaos’ van amenizar la xuba y baxada, cola banda de gaites Nalgañu, charanga El Carmín de La Pola, charanga NBA de La Coruña, charanga Mecánica de La Coruña y la charanga El Felechu de Corvera. A les once la nueche va entamar la Verbena ‘monumental’ na cai Luis Navia Osorio, cola de del grupu ‘La huella’ de Barcelona y la orquesta ‘Amistad’ de Vigo. Les fiestes van terminar mañana martes col baille de la ‘Danza Prima’ y l’actuación de Luis Aguile. 23 de xunetu, 2007 0 FacebookTwitterPinterestEmail
ConvocatoriesFiestes La revista El Cuirno da anuncia de los conteníos del so tercer númberu by asturnet 23 de xunetu, 2007 Redacción. El Grupu de Baille Tradicional San Felix de Candás va asoleyar, coincidiendo col III Alcuentru cola Cultura Atlántica que va celebrar en Candás ente los díes 23 y el 28 d’agostu, la revista ‘El Cuirno’. Los responsables de la revista ta acabante de zarrar los conteníos del tercer númberu de la so revista añal, qu’esti añu axunta trabayos d’investigación de Xose Lluis García Arias ‘Falemos de los pendientes’, Pedro Busto ‘Santa Marina Valles: Un exemplu de sincretismu n’El Cabu Peñes’, Alberto Álvarez Peña ‘Melecina tradicional en Carreño y Gozón’ y ‘Una urna de piedra na capiya de Santa María Magdalena na parroquia de Samartín de Bocines’, Armando Rodríguez ‘Marañueles na mar’, David Fernández ‘La Casa los Busto’ y el Grupu de Baille T. San Felix ‘Sobre la ropa tradicional usao na villa de Candás’. En cuantes la parte lliteraria, axúntense los versos y proses d’Avelino Llera, Inaciu Galán, Xurde Fernández, Aurelio G. Ovies, Nines Balmori y Arancha Prado García-Jove. 23 de xunetu, 2007 0 FacebookTwitterPinterestEmail
Fiestes Tanes espubliza los cartelos festivos n’inglés by asturnet 21 de xunetu, 2007 Los carteles festivos de Tanes (Casu) empleguen esti añu l’inglés, nuna sarcástica rempuesta a les crítiques nesti pueblu del Altu Nalón pol tradicional usu del asturianu pala anuncia de les fiestes. «Children’s games, football match singles-married y more folixa in the morning (esto ye, “más fiesta hasta pola mañana”)». Eso ye lo que diz el cartel d’anuncia promete de les fiestes de Tanes -les «Magdalena Festivities»-, qu’esti añu falen idiomes más internacionales que los patrios. La comisión organizadora decidió añadir a los tradicionales carteles en llingua asturiana la so correspondiente versión n’inglés con un obxetivo lúdicu y reivindicativu. Sigún la comisión, «n’ediciones anteriores recibiéronse delles crítiques de xente que decía que los rótulos n’asturianu nun s’entendíen, y agora tómase la decisión de facelos n’inglés pa ironizar col problema. 21 de xunetu, 2007 0 FacebookTwitterPinterestEmail
Fiestes Últimos díes de los XII Alcuentros cola cultura tradicional d’Asturies en Colunga by asturnet 20 de xunetu, 2007 Redacción. Los Alcuentros cola Cultura Tradicional d’Asturies, que vienen teniendo llugar dende’l 12 de xunetu pasáu, van terminar esta fin de selmana colo últimos actos. Los Alcuentros tán organizaos pol Ayuntamientu de Colunga al travies de la Estaya de Cultura. Güei vienres a les diez de la nueche va entamar la fin de selmana con una actuación del Grupu de Teatru Xana, que presenta los entremeses, con un versión n’asturianu, ‘El vieyu celosu’ de Cervantes y ‘Mancebu que casó con muyer brava’ d’Alejandro Casona, dambes dos na Sala Loreto. El sábadu a les 11 la nueche va entamar la Nueche Folk colos grupos Ibur y Merlín. Esta nueche folk va ser darreu de la XII Amuesa de Bailles Rexonales qu’organiza’l Grupu Folclóricu “Xagardúa” de Colunga, el Coro Manín de Llastres y el cantante de tonada asturiana, Manolo Roza, de Llibardón. A lo llargo de mañan sábadu y del domingu, na Plaza del Ayuntamientu, va celebrase’l III Mercáu Tradicional nos Alcuentros, cola colaboración de Producciones Nun Tris. Esti mercáu inclúi puestos d’esposición y venta de productos d’artesanía y alimenticios típicos d’Asturies, talleres d’oficios tradicionales en vivu, actuaciones musicales y folclóriques, xuegos tradicionales y acciones teatrales. Amás, nel salón d’actos de la Casa de Cultura de Colunga, van poder visitase a lo llargo de los Alcuentros una amuesa de los trabayos realizaos nel taller de cueru y manualidades organizáu pola Estaya de Cultura del Ayuntamientu ente los meses de febreru y xunu. 20 de xunetu, 2007 0 FacebookTwitterPinterestEmail
ConvocatoriesFiestes El Centru dArte de La Llaboral organiza trés talleres de creación pal mes dagostu by asturnet 20 de xunetu, 2007 Redacción. El Centru d’Arte de La Llaboral organiza tres talleres col nome de ‘Ferramientes llibres pa creadores’, los talleres van tratar sobre vidiu, audiu y hardware. L’horariu va ser de 16 a 21 hores y tien una matrícula de 50 euros. Los talleres van celebrase nel mes d’agostu, pero’l plazu d’inscripción ta yá abiertu. Nel casu de vidiu, el taller va titulase ‘Grabar, xenerar ya interactuar’ y va celebrase del 6 al 10 d’agostu. El taller va tratar de crear programes pal tratamientu del vidiu en tiempu real. Les solicitúes de matricula van poder facese hasta’l 23 de xunetu. El taller d’audiu va ser ‘El directu, l’estudiu y más allá. Actuaciones y xeneración de soníu en directu coles habilidaes necesaries pa grabar y remezclar pistes’, ente’l 13 y el 17 d’agostu, tando abiertu’l plazu pa presentase hasta’l 30 de xunetu. El hardware va tratase nel taller ‘Arduino y la lletrónica abierta’ ente’l 20 y el 24 d’agostu. Arduino ye una plataforma abierta pa computación física. Les solicitúes van tar abiertes hasta’l 6 d’agostu. 20 de xunetu, 2007 0 FacebookTwitterPinterestEmail
ConvocatoriesFiestes La esposición Xente mozo. Muncho que dicir va tar abiertá en Xixón hastal 19 dagostu by asturnet 20 de xunetu, 2007 Redacción. Dende ayeri xueves ta abierta nos Xardinos del Náuticu de Xixón la esposición ‘Xente mozo. Muncho que dicir’, organizada pola Obra Social Fundación ‘la Caixa’. L’amuesa ta dientro del programa ‘Xente mozo con valores’, un ciclu que según los orgranizadores “quier fomentar la reflexón crítica ente la mocedá, les families, los educadores y la población en conxuntu”. La esposición quier que “los xóvenes se reconozan como una parte fundamental de la cadena social y afita’l calter tresformador que caracterizó siempres a la mocedá” y va tar abierta de llunes a domingu n’horariu d’11:00 a 14:00 hores y de 18:00 a 22:00 hores pela tarde. 20 de xunetu, 2007 0 FacebookTwitterPinterestEmail
Fiestes LIntercélticu dAvilés entama esti vienres col campeonatu dechadores de sidra by asturnet 19 de xunetu, 2007 Redacción. El Festival Intercelticu d’Aviles entama esti vienres col campeonatu d’echadores de sidra. Los actos van llegar cargaos de música y actividaes pa, según los organizadores, “dexar ensin aliendu al más fuerte”. A partir de güei, la comarca avilesina va ser el centru de referencia pa los amantes de la música celta y el restu de los visitantes. El Campeonatu d’Asturias d’Echadores de Sidra va celebrase na Plaza de Carlos Lobos y pocu dempues, nel Palaciu de Valdecarzana, va inaugurase l’amuesa ‘Asturies na emigración’. Darreu la música va inundar les cais d’Aviles. A les siete va tener llugar la ‘Caetra celtica’, el pasucais con toles bandes participantes y la ‘I Nueche en danza’. El sábadu va celebrase’l I Alncuentru intercelticu de ‘Major’s’ nel palaciu de Valdecarzana. Va haber música na cai, regata de traineres, pasucais y conciertos. El domingu va haber artesanía y parapente n’Illas, xuegos tradicionales n’El Parche y un taller de baille nel parque d’El Muelle, yá n’atapeciendo. Vienres 20 17:00 Concursu d’escanciadores de sidra: Campeonatu d’Asturies (Plaza de Carlos Lobo) 18:00 Entamu de l’amuesa “Asturies na emigración” (Palaciu de Valdecarzana) 18:00 Xuegos tradiconales (El Parche) Club La Peonza 19:00 Tonada: Dúu Astur (Plaza de Carlos Lobo) Jorge Tuya Luis Estrada 19:00 Caetra celtica: Escudu musical al centru históricu de la villa Ballocheam Highland Dancers (Cai Rivero) Danserien Lann Tivizio (Cais P.Valdes, Ruiz Gómez, Jovellanos y Ferrería) Pitlochry and Blair Atholl Pipe Band (Parque Les Meanes, El Atrio y La Cámara) Curran – Fegan (Pza. Carbayedo y Cais de Galiana y San Francisco) Dawnswyr Môn (Pza. Camposagrado, Cai de la Fruta, Cai del Sola y Pza. Alfonso VI) Bagad Landi (Pza. Carbayu, Cais Estación y de la Fruta) Inquedanzas (Cais Ruí Perez, San Bernardo y La Cámara) Banda de Gaites Ledicia (Paseu de la Ría y Parque del Muelle) 19:45 Intercatia: Pasucais Intercelticu (El Parche, La Ferrería y Pza. Carlos Lobo) Ballocheam Highland Dancers Danserien Lann Tivizio Pitlochry and Blair Atholl Pipe Band Curran – Fegan Dawnswyr Môn Bagad Landi Inquedanzas Banda de Gaites Ledicia 20:00 El Torques: Presentación de toles delegaciones (Pza. Carlos Lobo) Ballocheam Highland Dancers Danserien Lann Tivizio Pitlochry and Blair Atholl Pipe Band Curran – Fegan Dawnswyr Môn Bagad Landi Inquedanzas Banda de Gaites Ledicia 23:15 Nueche Albionica: I Nueche’n danza (Pza. Carlos Lobo) Música tradicional pa baillar, xotes, muñeires, pasodobles… Sábadu 21 11:00 a 14:00 y 18:00 a 21:00 Amuesa: Asturies na emigración (Palaciu de Valdecarzana) 12:00 I Alcuentru Intercelticu de “Major’s” (Palaciu de Valdecarzana) Christy Kelly (Pitlochry and Blair Atholl Pipe Band) Daniel Perves (Bagad Landi) Hipólito Cabezas (Banda de Gaites Ledicia) Jose A. Cifre (Xeremies Orats, Baleares) Martín Poladura (Banda de Gaites Villaviciosa – El Gaitero) 12:15 Música na cai (Les Meanes, Centru Comercial “El Atrio”, Cai La Cámara y El Parche) Ballocheam Highland Dancers 18:00 Xuegos tradiconales (El Parche) Club La Peonza 18:00 Música na cai (Les Meanes, Centru Comercial “El Atrio”, Cai La Cámara y El Parche) Inquedanzas 19:00 Regata de traineres: Bandera Festival Intercelticu d’Aviles (Ría d’Aviles) Sestao Ferrol Castropol Lluanco 19:00 Taller de baille: Gales (Plaza de Camposagrado) Dawnswyr Môn 19:30 III Alcuentru d’humor asturianu (Plaza de Carlos Lobo) Velino “El Rilu” Folixa Astur Jose M. Reguero (El Maestru) Vicente Prado (El Pravianu) Grupu Teatru “Cruz de Ceares” 19:30 Pasucais (Paseu marítimu de Salinas) 20:00 Alcuentru de Bandes de Gaites (Plaza Doctor Perez, Salinas) Pitlochry and Blair Atholl Pipe Band Bagad Landi Xeremies Orats (Baleares) Banda de Gaites de Castrillón L’Alborcer 21:00 Paises celtes: Gales (Cymru) (Plaza de Carlos Lobo) Dawnswyr Môn 23:15 Nueche Vadiniense (Plaza de Carlos Lobo) Xeremies Orats (Baleares) Xera The Red Hot Chilli Pipers Domingu 22 11:00 a 14:00 y 18:00 a 21:00 Amuesa: Asturies na emigración (Palaciu de Valdecarzana) 11:00 a 15:00 Amuesa: Artesanía llocal (La Caizuela) 11:00 Parapente y paramotor (Picu Gorfolí-La Caizuela) Club de vuelu Viento’n Cola 11:00 Deporte tradicional (Pista polideportiva de La Caizuela) Corta de troncos con hachu y tronzón Carrara de llecheres 13:00 Misa asturiana de gaita (Ilesia de La Caizuela) Mari Luz Cristobal Caunedo Emilio Martínez Pedro Pangua 14:00 Celtes del sur: Galicia (Pista polideportiva de La Caizuela) Inquedanzas 18:00 Xuegos tradiconales (El Parche) Club La Peonza 19:00 Taller de baille: Irlanda (Parque’l Muelle) Curran – Fegan 19:00 Pasucais Intercelticu (Cais de Les Vegues) 20:00 Festival Intercelticu en Corvera (Centru cultural EL Llar, Les Vegues) Inquedanzas Ballocheam Highland Dancers Dawnswyr Môn Grupu de Baille Municipal de Corvera 20:30 Paises celtes: Irlanda (Éire) (Plaza de Carlos Lobo) Curran – Fegan 23:15 Bardos del Mundu Celta: Nueche de gaites (Plaza de Carlos Lobo) Bandes de gaites, grupos de música tradicional y solistes de los paises celtes: Stuart Cassels Banda de Gaites Ledicia Curran – Fegan Banda de Gaites Esbardu Dawnswyr Môn Bagad Landi Pitlochry and Blair Atholl Pipe Band 19 de xunetu, 2007 0 FacebookTwitterPinterestEmail