Comunicación Carlos Rubiera entrevistáu güei sábadu a les 13:00 hores na Cadena Ser by asturnet 8 d'avientu, 2007 Carlos Rubiera sacaba al mercáu estos díes un nuevu discu, “Asturianaes”, el miércoles yá daba una entrevista n’Asturnews y güei sábadu va falar con más detenimientu del so discu na Cadena Ser de Xixón. Inaciu Galán va entrevistalu güei sábadu a partir de la una la tarde. Una entrevista na que va cuntar detalles del discu que ta acabante de sacar al mercáu, onde axunta temes tradicionales y composiciones propies. “Falando d’Asturies” emítese tolo sábados a partir de la una la tarde en Radio SER Xixón, nel 96.5 del FM y pel programa tienen pasao munches de les figures culturales más d’actualidá d’Asturies. 8 d'avientu, 2007 0 FacebookTwitterPinterestEmail
Comunicación Asturnews fina 2007 con más de 400.000 páxines vistes al mes by asturnet 6 d'avientu, 2007 Asturnews superó nel mes de Payares les 320 mil páxines vistes mensuales superando la media de más de 200.000 que tuvo na segunda parte del añu y calteniendo’l xorrecimientu que en visites y páxines vistes vien algamando a lo llargo del 2007, coincidiendo col so rediseñu y col xorrecimientu de les noticies mensuales que superen yá les 400. Les páxines vistes al mes de calter namái qu’informativu supero les 320 mil y les demás correspondieron a les páxines de la sección d’opinión, que tamién vien xorreciendo en visites y páxines vistes alo llargo 2007. Asturnews tien quince veces más páxines vistes que publicaciones como’l Diari de Barcelona o Diario de Marbella y supera enforma a páxines web del altor de Barcelona TV, Granada Digital o el portal Lleida.com. 6 d'avientu, 2007 0 FacebookTwitterPinterestEmail
Sociedá El CAO dirá en primavera al parlamentu européu pa informar sobre la llingua asturiana by asturnet 6 d'avientu, 2007 El Conceyu Abiertu pola Oficialidá (CAO) va dir al parlamentu européu na primavera pa informar a los diputaos de la UE sobre la situación de la llingua asturiana, sigún dió anuncia esti miércoles el voceru del colectivu, Fernando Ornosa. El CAO axunta a más de 250 organizaciones, firmantes d’un manifiestu a favor de la oficialidá de la llingua asturiana qu’esti martes se llevó hasta Bruseles. Ornosa anunció nuna rueda de prensa que la intención del CAO ye solicitar la intervención de la UE y ve “mui posible” que la mesma se produza tres del conceyu qu’ayeri martes caltuvo en Bruseles con responsables de la Comisión Europea de Multillingüismu, a la qu’entregó dos informes n’asturianu y n’inglés sobre la situación de la llingua asturiana, ún d’ellos a nivel xeneral (políticu, alministrativu y social) y otru a nivel educativu, según informa Europa Press. “Tamos ya faciendo xestiones y prevemos que la intervención se produza na primavera del 2008, coincidiendo col momentu central del procesu de reforma del Estatutu d’Autonomía d’Asturies”, comentó Ornosa, calculando que’l memsu seya “n’abril”. Na declaración parlamentaria, el CAO va denunciar públicamente la “falta d’oficialidá” de la llingua, situación cola que’l so voceru entiende que se ta incumpliendo “l’artículu 3 de la Constitución Española”. Según Europa Press, Ornosa aseguró tamién que los representantes europeos colos que s’aconceyaron, ente ellos Johan Haggan, ún de los máximos responsables del organismu, xunto col comisariu Leonard Orban, “mostráronse sorprendíos” porque n’Asturies nun se declare oficial la llingua asturiana. “Tamién espresaron la so preocupación pola sobrevivencia del idioma ensin la oficialidá”, añadió. Según esplicó, “la comisión nun ye vinculante, pero informáronmos de que puen facer un llamáu d’atención al Gobiernu del Principáu” sobre esti asuntu. El voceru del CAO aseguró que la Comisón ta estudiando una posible visita a Asturies de Leonard Orban nel 2009, na que “s’entrevistaría colos principales axentes implicaos nesti asuntu”, ente los que mencionó a los representantes de los grupos políticos y de l’Alministración, l’Academia de la Llingua o los colectivos implicaos na llucha pola oficialidá. De la mesma manera, adelantó que’l CAO va caltener una “intensa comunicación” cola comisión nel añu 2008, na que van dir “informando de toles nueses actividaes asina como de la sitaución de la llingua”. Según Ornosa, na so visita a Bruseles, en compañía de Xulio Casado, otro resposable del CAO, pudieron comprobar que “n’Europa hai total desconocencia de la llingua asturiana” nel sen de que “nun saben nin qu’existe”. Al so xuiciu, esta situación débese a la falta d’oficialildá, porque “sólo ven les Llingües que son oficiales, anque seyan minoritaries; les non oficiales son inexistentes”. Criticó’l fechu de que “per parte del Gobiernu asturianu se promocione la llingua asturiana n’Asturies, pero nun haya nengún tipu de publicidá fuera, motivu pol cual existe un altu grau de desconocencia”. 6 d'avientu, 2007 0 FacebookTwitterPinterestEmail
Política IX-BA-Verdes y PP critiquen la política fiscal del gobiernu d’Asturies by asturnet 5 d'avientu, 2007 El Conseyeru d’Economía y Asuntos Europeos, Jaime Rabanal presentó los presupuestos de la conseyería pa 2008. Rabanal destacó l’aumentu del mesmu nun 7,22%, lo que cifró nun total de 4100 millones d’euros, 3.880 por habitante. Nesti presupuestu destaquen les ayudes económiques a les families ya l’actividá empresarial y la práctica supresión de los impuestos por sucesiones y donaciones. Rabanal tamien sorayó la desaceleración. alredor del 3%, que ta sufriendo’l sector de la construcción na rexón. La oposición pela so parte criticó al gobiernu socialista en dellos frentes. La diputada del PP, Alejandra Cuetara aseguró que les cuentes presentaes pol Gobiernu d’Asturies “nin son modernes, nin s’axusten al momentu económicu actual”. La popular tamien añadió que’l gastu nesta ocasión medra más que los ingresos y que con estos presupuestos ta comprometiendose’l futuru la rexón. Dende’l PP criticose duramente al conseyeru por “faltar a la verdá” sobre los impuestos de sucesions y donaciones. Izquierda Xunida-Bloque por Asturies-Los Verdes, na coz de Jesús Iglesias recordó-y al conseyeru que son los impuestos directos son los que deben definir y estructurar el marcu fiscal. Iglesias tamien se manifestó a la escontra de la postura caltenida pol conseyeru qu’indicó que la toma de decisiones sobre la fiscalidá verde tien de prollongase nel tiempu. “El centimu sanitariu tien de sirvir como un bon exemplu y bona esperiencia p’avanzar nes midíes de fiscalidá verde”, dixo Iglesias, que tamien pidió más polítiques fiscales que faciliten l’accesu a la vivienda y l’alquiler. “Nun ye gastu social apoyar a los que nun lo necesiten y tampoco ye social que’l salariu social aumente en sólo ocho euros, nin qu’a un mozu con recursos se-y ayude a mercar un ordenador, o que s’ayude a una familia que nun lo necesita cuando decide tener un fíu”. Con estes pallabres Iglesias reprobó les midíes nel terren del gastu social que contempla’l presupuestu del gobiernu. 5 d'avientu, 2007 0 FacebookTwitterPinterestEmail
Política IX-BA-Verdes y PP pedirán al Gobiernu que vuelva a ellaborar los presupuestos by asturnet 5 d'avientu, 2007 Tanto Izquierda Xunida-Bloque por Asturies-Los Verdes como’l Partido Popular van presentar enmiendes a la totalidá del proyectu de presupuestos presentáu pol Gobiernu del Principáu d’Asturies. Asina lo anunciaren en rueda de prensa tanto’l diputáu d’IX-BA-LV, Jesús Iglesias como presidente del Partíu Popular n’Asturies, Ovidio Sánchez. Pa Jesús Iglesias, que tana acompañáu en rueda de prensa polos cabezaleros del Bloque por Asturies, Rafael Palacios, y de Los Verdes, Ignacio González ya’l propiu Gobiernu el que tien la culpa de llegar a esta situación. “Lo que cabe ye retirar esti proyectu y plantegar otru, porque pue haber capacidá d’ellaborar unos nuevos presupuestos partiendo de cero”, Dixo Iglesias, quien afirmó que “lo que nun se podía evitar acabó ocurriendo, porque quienes teníen la responsabilidá de facelu nun ficieron el más mínimu esfuerciu por negociar les cuentes”., destacó Iglesias que denunció “l’escasu conteníu social de les cuentes”. El PP pela so parte, y en pallabres del so másimu responsable na rexón Ovidio Sánchez, calificó la propuesta de proyectu de presupuestos del Gobiernu de “tresnochada” y de ser “más de lo mesmo”. Según el cabezaleru popular nun contribúi al desarrollu económicu y social d’Asturies. “Ye necesariu un presupuestu que cambie les tendencies y ofreza más oportunidaes”, sorayó Sánchez. El PP tamien va pidir la devolución del proyectu al Gobiernu pa que presente ante la cámara una nueva propuesta que respuenda a les necesidaes de los asturianos. El cabezaleru del PP asturianu tamien aprocvechó pa críticar al Fobiernu pola alta presión fiscal del Principáu, la falta d’oportunidaes pa los xóvenes, les altes tases de paru ya l’escasu crecimientu económicu y demográficu de la rexón. 5 d'avientu, 2007 0 FacebookTwitterPinterestEmail
Comunicación RTVE va emplegar les llingües cooficiales nes sos emisiones y los asturianos vamos seguir pagando la normalización de les demás by asturnet 5 d'avientu, 2007 L’Asturianu va perder otra vegada una pergrande posibilidá de normalización por nun ser una llingua oficial, darréu de la decisión del gobiernu de que RTBE use les llingües cooficiales en cuantes que les emisiones seyan dafechu dixitales. La perda económica d’una aición d’esti tipu por nun ser oficial la llingua ye bien grande pa Asturies, mentantu los asturianos pagamos la normalización d’otres llingües. La Comisión Mixta de control parlamentariu de RTVE foi la encargada d’aprobar esti martes, colos votos del Grupu Socialista, Izquierda Unida, Entesa y CiU el conteníu del mandatu marco de la Corporación, qu’incorpora suxerencies de distintos grupos ente les que destaca la difusión de llingües cooficiales en función de “les realidaes llingüístiques de cada comunidad autónoma” cuando la nueva tecnoloxía de difusión dixital lo permita. Anguañu esta emisión sólo puede fcese en Madrid y Barcelona, siún una enmienda pactada pol PSOE y Entesa y sofitada por otros grupos. 5 d'avientu, 2007 0 FacebookTwitterPinterestEmail
Comunicación El Principáu entamará a dar les ayudes a la compra d’ordenador esti mesmu mes. by asturnet 5 d'avientu, 2007 El gobiernu d’Asturies concederá ayudes de 350 euros por hogar pa la compra d’un equipu informáticu y de 150 euros pa la conesión a la rede de banda ancha durante un añu. La iniciativa, que ñaz embaxo’l nome de “Programa hogar tic” foi anunciada ayeri pola conseyera d’Administraciones Públiques y vocera del Gobiernu, Ana Rosa Migoya, que destacó tamien que’l presupuestu pa esti programa ye de 7 millones d’euros. Alredor de 200.000 asturianos d’ente 18 y 35 años van poder beneficiase d’esta nueva subvención del gobiernu ensín nengún llímite rellacionáu col tope de renta nin salarial. Les ayudes van poder solicitase, según sorayó Migoya, a partir de la so espublización nel BOPA de los prósimos díes pero afectará a tolos ordenadores compraos a partir del 1 d’avientu d’esti mesmu añu. 5 d'avientu, 2007 0 FacebookTwitterPinterestEmail
Sociedá El Principáu va echar a andar tres iniciatives sobre voluntariau pa meyorar la vida de persones mayores y con discapacidá by asturnet 5 d'avientu, 2007 El Principado de Asturias dió a conocer los sos proyectos de voluntariáu na primer xornada del Congresu sobre Voluntariáu que se cellebra en Xixón dende ayeri y hasta güei miercoles 5 d’avientu. La Conseyera de Bientar Social del Principáu, Pilar Rodriguez anunció la prósima puesta en marcha de les inciatives “Cerca de ti”, sobre llabores d’acompañamientu a mayores; “Compartiendo aficiones”, proyectu pa iguar grupos de persones discapacitaes que compartan el tiempu d’ociu y “Vamos al parque”, acompañamientu de mayores y neños nos centros d’agospiu. Nel Congresu, que se cellebra nel recintu ferial de Xixón, aconceyense delles asociaciones rexonales y nacionales del sector del voluntariáu. Güei reciben la visita de los Príncipes d’Asturies, don Felipe y a doña Letizia, cola representación d’una obra de teatru. 5 d'avientu, 2007 0 FacebookTwitterPinterestEmail
Comunicación Los televidentes voten pola meyor seición del programa de la TPA “Al Aldu” by asturnet 4 d'avientu, 2007 El blogue RTPA NASTURIANU entama agora una encuesta sobrel programa Al Aldu. Col envís de conocer cuála ye la sección preferida polos telespectadores de la TPA desti programa diariu. Recordamos a los llectores les secciones dAl Aldu: Los llunes Carlos Suari ta al frente de la sección deportiva A galmiaes, que percorre lactualidá deportiva dAsturies, col so espaciu pal deporte tradicional. La risión, una sección coordinada por Lluis Antón González y onde apaecen dalgunos de los meyores monologuistes modernos del país. Miliol del Nido lleva a los espectadores les sos Recetes con cuentu los miércoles, mientres los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, quencamienta a los espectadores actividaes pa la fin de selmana. El programa emítese tolos díes a les 10’30 la mañana, en repetición a la 1:30 la nueche, y los sábados a les doce, emitiéndose al traviés de la TPA2, na TDT, una hora más tarde en tolos casos. VEA LOS VIDIOS DE LES 5 SECCIONES D’AL ALDU A GALMIAES: CON CARLOS SUARI LA RISIÓN RECETES CON CUENTU: MILIO’L DEL NIDO XENTE DE CASA: CON INACIU GALÁN L’AXENDA: CON MERCEDES MENÉNDEZ Vota na páxina web rtpanasturianu 4 d'avientu, 2007 0 FacebookTwitterPinterestEmail
Sociedá Izquierda Xunida y JCA organizen un alderique alredor del Che en Corvera by asturnet 4 d'avientu, 2007 Izquierda Xunida y les Juventudes Comunistes d’Asturies organizen pa güei, 4 d’aventu una charra sobre la figura d’Ernesto “Che” Guevara con motivu del 40 aniversario del so asesinatu. L’actu, que va entamar a les 18:00 hores nel centru Tomás y Valiente de Les Vegues (Corvera) va cuntar cola participación de la representante del Poder popular en Cuba, Mº Teresa Fiallo; Mónica Iglesias de Manos Fuera en Venezuela y dellos miembros d’IX y JCA. Durante’l trescursu del actu tamien se va proyectar el documental “No volverán”, el redor del procesu revolucionariu venezolanu. 4 d'avientu, 2007 0 FacebookTwitterPinterestEmail