Música Castrillón quier abrir les puertes de la escuela de baille tradicional by asturnet 8 de xineru, 2007 Énte los proyectos del gobiernu del conceyu de Castrtillón ta’l de volver a abrir les puertes d’esta escuela, que foi de les primeres que la Fundación Municipal de Cultura entamara hai yá dos décades. Nel añu 2006 les clases dexaron de ponese pola falta d’alumnáu. Los talleres de baille tradicional fadránse con un mínimu d’ocho alumnos. El llugar pensáu pa la impartición de les clases sedrá’l colexu de Campiello, mientres se construye la nueva Casa de la Cultura de Piedras Blancas. El nuevu edificiu d’equipamientu cultural nel conceyu de Castrillón tara inauguráu pal branu de 2008. 8 de xineru, 2007 0 FacebookTwitterPinterestEmail
Música Tejedor escosó la taquilla del Campoamor by asturnet 5 de xineru, 2007 La presentación del últimu discu de Tejedor “Música na maleta” acabó coles entraes del teatru Campoamor d’Uviéu. Nesta presentación xunta la composición avezada de la banda participaron dellos de los musicos que collaboraron con los hermanos Tejedor na grabación d’esti trabayu. Noticia presentación discu “Música na maleta” 5 de xineru, 2007 0 FacebookTwitterPinterestEmail
Plástiques Amuesa sobre la Gráfica Contemporánia Asturiana by asturnet 4 de xineru, 2007 La Obra Social de Caxastur entamó’l 21 d’avientu una amuesa nomada “Itinerarios de la gráfica contemporánia asturiana”. Nesta amuesa 25 artistes compromotíos cola creación gráfica asoleyen les sos obres. L’amuesa tará nel Palaciu de Revillaxixéu de Xixón hasya’l 25 de febreru. Los artistes participen nesta amuesa con tres obres caún, les estampes tán feches con diferentes técniques gráfiques que van dende les más clásiques a los nuevos procedimientos. L’amuesa sobre la Gráfica Contemporánia Asturiana viaxará a lo llargo de 2007 a la sala internacional del “Centre de Gravure et de l’Image Imprimée” de la Louviére (Bélxica). Los artistes que comprenden l’amuesa son los que vienen darréu: Fernanda Álvarez, J. Carlos A. Cabrero, María Álvarez, Melquiades Álvarez, Laura Blanco, Beatriz Corredoira, Reyes Díaz, Luis Fega, Marta Fermín, Francisco Fresno, Angélica García, Elías G. Benavides, Isabel G. Cuadrado, Eduardo Guerra, Ricardo Mojardín, J. de la Peña “Israel”, Jaime Rodríguez, Ramón Rodríguez, Bernardo Sanjurjo, Fermín Santos, Antonio Suárez, Carlos Suárez, Consuelo Vallina, Francisco Velasco y Ana Vila. Los horarios pa visitar l’amuesa son de martes a sábadu de les 10,30 hasta les 13.30 y de 16.00 a 20.00 hores; los domingos l’amuesa podrá visitase dende les 12.00 a les 14.30. 4 de xineru, 2007 0 FacebookTwitterPinterestEmail
Lliteratura Conferencia de Bernardo Atxaga sobre la situación d’Euskadi by asturnet 4 de xineru, 2007 L’escritor vascu Bernardo Atxaga va dar una conferencia’l próximu 8 de xineru, a partir de les 20,00 hores, nel Club de Prensa Asturiana. L’actividá, na qu’Atxaga desenvolverá les sos opiniones sobre la situación d’Euskadi, ta organizada pola Asociación de Xóvenes Historiadores. Bernardo Atxaga ye’l creador d’obres como Obabakoak, pola que algamaría’l Premiu Euskadi, el Nacional de Narrativa, el Premiu de la Crítica y el Prix Millepages, l’añu pasáu Obabakoak llegó al cine dirixida por Montxo Armendáriz col títulu d’Obaba. 4 de xineru, 2007 0 FacebookTwitterPinterestEmail
Música Los hermanos Tejedor presentaron Música na Maleta by asturnet 4 de xineru, 2007 Tejedor presentó “Música na Maleta” güei nel Teatru Campoamor. La presentación del nuevu discu de los hermanos Tejedor tien yá vendíes les tres cuartes partes del aforu del teatru uvieín. Les entraes pueden comprase nes taquilles del Teatru Campoamor o nos caxeros Tiquexpress de Caxastur por 10 euros. El conciertu entamará a les 21 hores del xueves 4 de xineru. Tejedor presenta’l so tercer discu “Música na maleta” dedicáu a Ígor Medio y Carlos Redondo 4 de xineru, 2007 0 FacebookTwitterPinterestEmail
Música Ciclu de Jazz en Caxastur by asturnet 3 de xineru, 2007 La Obra Social y Cultural de Caxastur anuncia una nueva edición del so ciclu de jazz. La selmana del 22 de xineru al 27 de xineru el jazz centrará l’actividá de los auditorios de la Obra Social de Caxastur. Nel ciclu participen figures como Isaac Turienzo, Joaquín Chacón o Confuksion. El día 22 de xineru entamará’l ciclu de jazz de Caxastur cola actuación del Isaac Turienzo Trío nel Centru Cultural de Caxastur n’Uviéu, esti tríu ta formáu por Isaac Turienzo, Miguel Ángel Chastang y Tino di Geraldo. Darréu actuar n’Uviéu darán otru conciertu na Casa la Cultura d’Avilés el martes 23 de xineru. El duu de piano y guitarra compuestu por Federico Lechner y Pablo Reganado actuarán en Xixón el xueves 25 de xineru a partir de les ocho de la tarde. Los guitarristes Joaquín Chacón y Marco Martínez actuarán el 26 de xineru nel Centru Caxastur de Mieres a partir de les 20,00 hores. Confunksión tocarán en L.luarca el vienres 26 de xineru dende les 20,00 hores. Esti grupu formáu en 2003 integra a músicos que provienen de diferentes aries de la música, dalgunes tan estremaes como’l heavy metal o la música latina. Llangréu pesllará’l Ciclu de Jazz uvieín cola actuación del Images Jazz Trío, un grupu formáu por músicos participantes en bandes como Fool Ensemble o V8 Ford. 3 de xineru, 2007 0 FacebookTwitterPinterestEmail
Escéniques “El suañu de la fabada…” de Nel Amaro na Llibrería asturiana de Trabe by asturnet 2 de xineru, 2007 El xueves 4 de xineru a partir de les 19,00 la Llibrería Asturiana de Trabe acoyerá l’acción de la Fundación perruno-situacionista “Laszlo Kovacs” denominada “El suañu de la fabada, como’l de la razón, tamién produz mostruos”. L’acción inxértase dientro de l’amuesa “Paraísu Natural” que l’artista Anxel Nava tien montada na llibrería de Trabe. 2 de xineru, 2007 0 FacebookTwitterPinterestEmail
Música Hevia lleva los sones de la gaita asturiana a Tel Aviv by asturnet 29 d'avientu, 2006 José Ángel Hevia va pesllar el Murphy’s Irish Festival qu’añalmente se vien cellebrando en Tel Aviv, Israel. Hevia participará nesti prestixosu festival como invitáu especial y cabeza de cartel. Hevia dará nesti festival tres conciertos. José Angel Hevia actualmente ta trabayando nun nuevu trabayu discográficu que posiblemente s’asoleye en 2007 El primer conciertu d’Hevia sedrá nel Zappa Club de la ciudá asiática. Los siguientes conciertos fadránse’l día 4 de xineru nel Cinematheque y el día 5 nun sitiu entá por confirmar. Esta ye la segunda ocasión na qu’el gaiteru de Villaviciosa viaxa a dar un conciertu a Israel yá que nel añu 2004 Hevia participó nel Red Sea Jazz Festival d’Eliat. 29 d'avientu, 2006 0 FacebookTwitterPinterestEmail
Música Dixebra presenta N’acción by asturnet 29 d'avientu, 2006 Dixebrá presentó’l so últimu trabayu “N’acción”. Un discu y DVD nel que s’alcuentra el conciertu de cellebración de los 20 años del grupu de rock asturianu. Esti trabayu recueye’l conciertu qu’el grupu ufrió, en xunu, n’Avilés, y nel que Dixebra recorrió, a lo llargo de 20 cantares, la so historia a lo llargo de más d’hora y media de música, que yá forma parte del maxín colectivu del pueblu asturianu. Nel DVD de Dixebra alcuéntrase bien d’imaxenes y grabaciones d’actuaciones del grupu mesmo n’Asturies como fuera del país. Asina como entrevistes colos miembros del grupu, nes que falen de la situación llingüística, social, cultural y política d’Asturies. Una ayalga imprescindible en cualaquier discoteca asturiana que se precie 29 d'avientu, 2006 0 FacebookTwitterPinterestEmail
Música Programación asturiana en xineru nel Forum de la FNAC by asturnet 28 d'avientu, 2006 La programación del Forum de la FNAC de xineru enllénase de música asturiana. Tejedor abrirá les actividaes del Forum el día 2 de xineru cola presentación en directu de “Música na Maleta”. El día 7 Dixebra fadrá la presentación del DVD y del discu directu del conciertu de cellebración de los 20 años de la banda. A estes actuaciones siguirán les de Ramon Lluís Bande día 11 a partir de les 20,00, Xuacu Amieva’l 13 a partir de les 20,00 o Toli Morilla’l día 20 de xineru dende les 20,00. 28 d'avientu, 2006 0 FacebookTwitterPinterestEmail