Sociedá MIAS posicionase énte un “nuevu insultu” del presidente Areces a la mocedá asturiano by asturnet 20 de xunetu, 2006 La Mocedá d’Izquierda Asturiana dexixe-y a Areces “menos insultos y mentires y más fechos y propuestes series” Les últimes declaraciones del presidente asturianu afitando que “la mocedá dAsturies emigra porque la so cualificación ye meyor a les dotres comunidaes autónomes son calificaos dende la organización xuvenil de la izquierda asturiana como insultos y mentires desixendo MIAS “más fechos y propuestes series”. Pal portavoz nacional de MIAS, Carlos Suari Rodrigue, “esti fechu constitúi, una vegada más, un insultu per parte del presidente asturianu, que tornó a desmentir léxodu de miles de moces y mozos asturianes y asturianos cada añu a la gueta dun trabayu dignu. Suari diz que “esti gobiernu de la esquierda plural non solo nun foi quién a desendolcar midíes afayadices pa evitar la emigración forciada de la mocedá sinon que tracamundia datos pa xustificase y engañar a la sociedá asturiana fechu quel portavoz de MIAS topa gravísimu anque afita que nun son a engañar a naide, porque toes y toos conocemos bayura de casos de mocedá titulao que nun ye a topar un emplegu acordies cola so capacitación nesti País. Nesti sen, Carlos Suari quixo apuntar que les declaraciones una tres dotra del presidente Areces nun fain más quaumentar la indignación y lenfadu de les families asturianes que ven colar a les sos fíes y fíos acullá de les nueses llendes. Carlos Suari Rodrigue demandó una política seria demplegu onde sigüe la problemática de la emigración de la mocedá asturiano, ún de tantos fechos sangrinos que tamos padeciendo con estos malgobernantes, polo que desixó menos insultos y mentires y más fechos y propuestes series pa rematar con un ¡Yá ta bien dagresiones, Sr. Areces!. El presidente asturianu fizo unes declaraciones nes qu’afirmaba que “la bona formación de la mocedá asturiano facilitaba que fuera demandada pa trabayar n’otres comunidaes autónomes” asina mesmo reconocío que los planes de trabayu pa la mocedá titulao nun diben solucionar l’éxodu xuvenil. 20 de xunetu, 2006 0 FacebookTwitterPinterestEmail
Sociedá La Xunta Executiva d’Andecha Astur confirma negociaciones con Izquierda Asturiana. by asturnet 20 de xunetu, 2006 La Xunta Executiva d’Andecha emitió un comunicáu de prensa nel qu’aclaren les informaciones proporcionaes pola Mesa por la Unidad de los Verdes, asina como confirmen un procesu d’averamientu con Izquierda Asturiana cola fin d’algamar un alcuerdu electoral pa les elecciones de 2007. Andecha considera que ye prioritario algamar esti alcuerdu, siguiendo la llinia que marcara’l so últimu Conceyu Nacional. Sobre les negociaciones cola Mesa pola Unidá de los Verdes la Xunta Executiva alcuéntrase esperando pola resolución de la Xunta Nacional. La organización nacionalista Andecha Astur afita qu’anguaño nun entamó nenguna negociación col grupu “Los Verdes”. 20 de xunetu, 2006 0 FacebookTwitterPinterestEmail
Sociedá L’agrupación de Siero dAndecha Astur ve surrealista la propuesta de la Xunta Toponimia. by asturnet 20 de xunetu, 2006 Nun comunicáu fechu pola agrupación de Siero d’Andecha Astur, el grupu nacionalista afita’l llabor de normativización y los criterios d’autoridá llingüística de l’Academia de la Llingua, considerando que “tien que ser esta institución la quafite los topónimos del nuesu Conceyu y non la Xunta de Toponimia quentendemos como una ferramienta de llaváu de cara dIU, tres la renuncia a la oficialidá nos sos pautos de gobiernu col PSOE, que ye dafechu inecesaria y que pa nós busca quitái competencies y erosionar a lALLA polos sos irrenunciables posicionamientos a favor de la oficialidá de la Llingua Asturiana y de defensa de los drechos llingüísticos de los asturianos y asturianes”. L’agrupación de Siero considera que la propuesta toponímica de l’Academia de la Llingua Asturiana, recoyida nel llibru “Nomes de Conceyos, Parroquies y Llugares del Principáu d’Asturies” no tocante a la toponimia de Siero el llibru de referencia nel que s’inxerten los topónimos a oficializar. Andecha Astur considera pergrave que se propongan nomes billingües pa oficializar, como Lugones-Llugones. Andecha camienta que “surrealistes estes pretendíes denominaciones billingües y nun-yos encontramos más sentíu quel de tapecer la denominación tradicional” Pa finar Andecha Astur diz que la Xunta de Toponimia, coles sos propuestes “a la escontra de les resoluciones académiques de la institución “a la que-y correspuenden les competencies normativizadores, namás trai confusión ente la población, dificulta la normalización social de la Llingua Asturiana y desprestixal gran llabor de lAcademia , ya incluso la propia llingua, énte la ciudadanía” L’Academia de la Llingua Asturiana tamién amuesó la so perplexidá énte la propuesta de la Xunta de Toponimia sobre les denominaciones de les parroquies y llugares del conceyu de Siero. 20 de xunetu, 2006 0 FacebookTwitterPinterestEmail
Sociedá L’asociación El Hórreo de Barcia premia a Nené Losada by asturnet 19 de xunetu, 2006 La escritora Nené Losada foi premiada pola asociación cultural El Hórreo de Barcia pola so trayectoria en defensa de la llingua y cultura asturiana y por dignificar mediante la so obra a la variedá llingüística y la cultura del occidente d’Asturies. La candidatura de Nené Losada presentóla l’Asociación de Muyeres Valdés S.XXI Nené Losada nació en L.luarca en 1921 y tien asoleyaos “Cantares valdesanos”(Pexe, 1992), “Ente apigarcios”(Trabe, 1997) y “El nome de las cousas”(Trabe, 2003), asina mesmo tamién tien publicaos dalgunos de los sos trabayos n’Antoloxía Valdesana, Enciclopedia Asturiana o nes revistes “Sietestrellu”, “Lliteratura” o “Payella” o “d´arte rama”. 19 de xunetu, 2006 0 FacebookTwitterPinterestEmail
Cine Xixón acoyerá’l Primer Festival Internacional de Cine Gai y Lésbicu d’Asturies – by asturnet 18 de xunetu, 2006 Xixón acoyerá’l Primer Festival Internacional de Cine Gai y Lésbicu d’Asturies – CinegailesAST, que se celebrará nesta ciudá del 26 al 29 de xunetu del 2006, nel Salón d’Actos del Centru de Cultura Antigu Institutu, na cai Xovellanos 21, a partir de les 5 la tarde y destináu a promocionar n’Asturies el cine de temática homosexual, gai, lésbica o transexual de tol mundu. El Festival CinegailesAST recibió yá abondos trabayos procedentes d’América, Asia, Europa. L’asistencia a les proyecciones nel Salón d’Actos del Antigu Institutu de Xixón sedrán dafechu gratuítes y preténdese que’l festival seya un certame participativu y abiertu a tou tipu de públicos ensin nenguna clase d’esclusiones y por ello dedicáu a tol mundu interesáu nel cine de ficción y documental más actual que se ta faciendo alrodiu estes temátiques. Pa ponese en contactu cola organización y poder collaborar col Festival CinegailesAST nun hai más que dirixise a la seña electrónica festivalcineastur@wanadoo.es 18 de xunetu, 2006 0 FacebookTwitterPinterestEmail
Sociedá Sabino Fernández Campo afala a la non enseñanza del asturianu by asturnet 18 de xunetu, 2006 L’ex-xefe de la Casa Real nel marcu d’una conferencia sobre Xovellanos dio’l so parecer sobre la llingua asturiana y l’estatutu d’autonomía. Pal Conde Llatores la oficialidá ye “esaxerada” y defendió’l castellanu como llingua universal«Deberíamos estudiar inglés en vez de bable». Sobre la presencia del asturianu nel estatutu d’autonomía afaló a llendar la situación poniendo dalguna pallabra n’asturianu como “Gijón con equís”. Sobre la denominación del país Fernández Campo aseguró que “se puede tar mui bien llamándonos, a la vez, Asturies y Principáu”. L’ex-xefe de la Casa Real tamién tuvo pallabres sobre la negociación del gobiernu español cola organización ETA como que condicionaba’l resultáu del discutiniu a les concesiones del gobiernu dao que “si durante trenta años tuvieron matando p’algamar una serie coses, estráñame qu’ensin les algamar puedan dexar de matar” La intervención del Conde Llatores encuadrábase dientro de los Cursos de branu de la Granda, organizaos pola Fundación Escuela Asturiana de Estudios Hispánicos, y en concretu nel ciclu El Pensamiento Español. 18 de xunetu, 2006 0 FacebookTwitterPinterestEmail
Sociedá L’Academia asoleya la so perplexidá énte lincomprensible facer de la Xunta de Toponimia by asturnet 18 de xunetu, 2006 LAcademia de la Llingua Asturiana amosaba esti miércoles otra vuelta la so perplexidá éntel lincomprensible facer de la Xunta de Toponimia llamentando una vegada más la falta duna política llingüística medianamente seria y arreyada a les necesidaes dAsturies. Facíalo nun comunicáu col que s’enfotaba n’esclariar responsabilidaes alrodiu de la oficilización de topónimos en Siero. Nel comunicáu de l’Academia entama diciéndose qu’énte les noticies inxertes na prensa asturiana de los díes 18 y 19 de xunetu en rellación cola propuesta de la Xunta Asesora de Toponimia del Principáu dAsturies pa la oficialización de los topónimos del conceyu de Siero, “lAcademia de la Llingua Asturiana quier dexar afitao lo que sigue: 1.En dengún casu lAcademia ye responsable de la propuesta de la Xunta Asesora de Toponimia, darréu que, como ye bien sabío, lAcademia nun asiste a los aconceyamientos de dicha Xunta dende xunu de 2004, tres el determín tomáu pola Institución con fecha 28-6-2004. Y ello por entender, per un llau, que les sos aportaciones a la citada Xunta queden perfeutamente esplicitaes nel nomenclátor ellaboráu pola institución y, per otru, quel llabor de normativización y el criteriu dautoridá en materia llingüística (y la espresión de los topónimos ye materia llingüística) correspuende namái a lAcademia de la Llingua Asturiana, xeres éstes a les que, dende llueu, nun va a renunciar. Asina se comunicó nel so momentu a los responsables de la Conseyería de Cultura y al Presidente del Gobiernu dAsturies. 2.Como se sabe, la propuesta normativa de lAcademia de la Llingua Asturiana pa los nomes de llugar, frutu del trabayu de munchos años, ta recoyida nel llibru Nomes de Conceyos, Parroquies, Pueblos y Llugares del Principáu dAsturies del añu 2000, conseñándose la que cinca al conceyu de Siero nes páxines 195-199. 3.LAcademia, a la hora dafitar la forma asturiana de los nomes de los pueblos tuvo y tien en cuenta, ente otres consideraciones, la realidá oral, les fontes lliteraries, aspeutos de calter filolóxicu y sociollingüísticu, aceutación ente la xente, opiniones de los conceyos, etc. 4.Acordies colo espeyao en Nomes de Conceyos, Parroquies, Pueblos y Llugares del Principáu dAsturies, la resolución académica (nel casu que nos ocupa, ye dicir, Siero) ye considerar, por exemplu, Carbayín y non *Carbaín, Bobes y non *Valbona, Samartín dAnes y non *Samartindianes, La Casa dAnes y non *Les Casadianes, La Pola y non *La Pola Siero, Ceyes y non *Ceis, etc., por nun citar más que dellos de los casos más llamativos quapaecen na propuesta de la Xunta Asesora de Toponimia. 5.Arriendes dello, pa la urbanización de La Fresneda lAcademia en dengún casu propón La Peñal Gatu, con independencia de que dalguna de les finques onde se fixo se llamare asina. Sil nome de la urbanización se toma del nome del pueblu de La Fresnera (Viella), la urbanización deberá llamase La Fresnera. En tou casu, la urbanización llevantóse, como se diz en Nomes de Conceyos… (p.199), en terrenos llamaos La Belga y La Llamarga. 6.Dotra parte, lAcademia cuida que proponer pretendíes denomaciones billingües del tipu Lugones-Llugones ye un sinsentíu, teniendo en cuenta quen casos como ésti la denomación tradicional nasturianu nun xenera nengún problema de comprensión y didentificación del llugar de referencia.” El comunicáu fina diciendo que “LAcademia de la Llingua Asturiana tien quamosar otra vuelta la so perplexidá éntel lincomprensible facer de la Xunta de Toponimia y llamentar una vegada más la falta duna política llingüística medianamente seria y arreyada a les necesidaes dAsturies.” La Xunta de Toponimia entrega’l dictame sobre Siero 18 de xunetu, 2006 0 FacebookTwitterPinterestEmail
Sociedá La Xunta de Toponimia entrega’l dictame sobre Siero by asturnet 17 de xunetu, 2006 La Xunta de Toponimia entregó l’informe de Siero L’Ayuntamientu de Siero tien dos meses pa decidir sobre’l dictame llingüísticu. Los topónimia asturiana de Siero va ser oficial en cuantes que’l plenu consistorial dea’l vistu bonu a la propuesta de la Xunta de Toponimia. Énte los nomes de llugar restablecíos alcuentrense La Pola Siero, Samiguel, Santiago Areñes o San Xuan del Cuto. La Xunta de Toponimia propunso la doble denominación pa los llugares de Llugones, Cualloto, Argüelles, Celles, Samartidianes, asina como pa la Peña’l Gatu au s’asitia la urbanización de La Fresneda onde’l pueblu restutuye’l so nome orixinal de La Fresnera. Darreu que la Casa Conceyu de Siero aprebe la propuesta de la Xunta de Toponimia esta tien de ser aprobada na Xunta Xeneral, pa que los topónimos algamen la consideración oficial, sicasí existe un parón non xustificáu nel Parlamentu asturianu nel momentu de l’aprobación d’estos espedientes. Por mor d’esti bloqueu y ente la tardanza de la robla del alcuerdu cola alministración del Estáu pa la inclusión de los topónimos asturianos nel nomenclator oficial a bien de persones nun se-yos permite la inclusión del nome orixinal del so llugar nos sos documentos oficiales d’identificación. 17 de xunetu, 2006 0 FacebookTwitterPinterestEmail
Sociedá La Casa de la Llingua de Corvera entama los talleres de branu by asturnet 17 de xunetu, 2006 Les actividaes, empobinaes a los y les más nueves, fadránse hasta’l 27 de xunetu en Los Campos pa dir darréu a Tresona y Cancienes. Averar la cultura y la llingua asturiana a los y les más nuevos demientres el branu ye la fin d’estos talleres didacticos qu’entama la Casa de la Llingua. Col asturianu como llingua vehicular de los cursinos los neños y neñes del conceyu de Corvera van deprender mediante aiciones pedagóxiques aspectos de la cultura asturiana. Los talleres didácticos que se van poner son Mediu Ambiente “La viesca de Muniel.los ta atristayada”, Indumentaria Tradicional, Faciendo los nuesos xuguetes y el Xuegu del panel Conoz el to Conceyu. La Casa de la Llingua ye un proyectu interactivu de conocimientu y estudiu del asturianu. Los tres espacios de la Casa-muséu de la Llingua ufren la posibilidá de conocer la historia de la llingua y lliteratura asturiana, les variedaes de la llingua asturiana y la rellación del asturianu coles otres llingües romániques. 17 de xunetu, 2006 0 FacebookTwitterPinterestEmail
Sociedá Andecha mantién contactos electorales cola Mesa por la Unidad de Los Verdes by asturnet 17 de xunetu, 2006 Nun comunicáu datáu en Madrid el 18 de xunetu el partíu verde La Mesa de Unidad de Los Verdes anunciaba un conceyu de la formación ecoloxista cola organización Andecha Astur, y en concretu con David Rivas y Marcos Abel Fernández. Esteban Cabal, representante de la Mesa de Unidad de los Verdes (MULV), ufrió la posibilidá d’una coalición electoral a Andecha Astur pa les elecciones autonómiques y municipales de mayu de 2007.David Rivas y Marcos Abel Fernández tresmitiran mañana miércoles a la Executiva d’Andecha Astur el so parecer sobre’l conceyu de güei en Valdediós. Pa Esteban Cabal, esiste una gran afinidá ente les dos organizaciones en cuanto a oxetivos programáticos, polo que “nun será difícil alcanzar acuerdos que nos permitan presentar candidaturas conjuntas en las tres circunscripciones autonómicas y en al menos medio centenar de municipios”. Asina mesmo Cabal eloxó la figura del candidatu d’Andecha Astur David Rivas asina como la de Germán Abad, que en 1995 fuere candidatu por Los Verdes d’Asturies. La Mesa pola Unidad de los Verdes ye una organización que nun s’alcuentra nel rexistru de formaciones polítiques del Ministeriu del Interior, asina mesmo tampoco figura énte los grupos verdes homologaos pol Partíu Verde Européu nin pola Confederación de los Verdes. N’Asturies, anguaño l’únicu grupu verde homologáu ye Los Verdes d’Asturies. David Rivas, según indica’l comunicáu de MULV, diz que “la suma de votos de los Verdes y Andecha Astur nos convertiría en una opción de voto útil y nos permitiría irrumpir con fuerza en el Parlamento y en la mayoría de los Concejos asturianos”. Andecha Astur algamó nes últimes elecciones autonómiques 3763 votos 17 de xunetu, 2006 0 FacebookTwitterPinterestEmail