Sociedá Les cais d’Uviéu volveran a vivir esti vienres una xornada de reivindicación by asturnet 9 de mayu, 2008 La Xunta Pola Defensa de la Llingua Asturiana, coincidiendo col entamu de los actos de cellebración del día de les lletres asturianes, convocó una manifestación pa esti vienres 9 de Mayu, con salida de la Estación del Norte d’Uvieu a les siete la tarde. Como cada añu y embaxo’l lema “Na reforma del estatutu l’asturianu llingua oficial” la XPDLA continua cellebrando actos pa reclamar la reconocencia de la llingua asturiana como llingua oficial na redacción del prósimu estatutu d’Autonomía, un testu cuya reforma tan estudiando nestos díes los diferentes grupos parlamentarios del Principáu. XPDL recuerda nun comunicáu que n’Asturoes siguimos igual qu’haz venticinto años nel reconocimientu de la llingua de nueso. “l’asturianu ye la única llingua del Estáu que tovía nun ye oficial. Añu tres añu siguen apaeciendo casos de discriminación pol usu de la nuesa llingua, l’asturianu sigue teniendo una presencia marxinal -dacuando hasta como motivu de risa- nos medios de comunicación, nel sistema educativu y nes alministraciones”. 9 de mayu, 2008 0 FacebookTwitterPinterestEmail
Lliteratura Xixón acueye una nueva edición del Salón del Llibru Iberoamericanu by asturnet 8 de mayu, 2008 Dende’l miercoles y hasta’l prósimu día 12 de mayu, el Centru de Cultura Antiguu Institutu de Xixón va acoyer la XI edición del Salón del Llibru Iberoamericanu. Durante los seis díes que dura la feria, el visitante va tener la oportunidá de comprobar el trabayu que se vien faciendo en más de 30 editoriales d’Iberoamerica amás de poder asistir a esposiciones, llectures y conocer a dellos escritores como María Novo, la poeta mapuche Elicura Chihauilaf o Lucas Chiape. Esti añu la Feria ta dedicada a la lliteratura en rellación col mediuambiente. Amás de presentaciiones de llibros, conferencies y velaes poetiques , durante’l festival van entregase dellos premios lliterarios como’l VI Premio de Poesía Alonso de Ercill, nel que participen 173 poemarios, la primer edición del Premiu Internacional de Traducción, que recayó esti añu nel italianu Pino Cacucci, o el VII Premio Internacional de Novela Las Dos Orillas al que concurrieren más de 200 exemplares. Esti año, un elementu bien destacáu dientro de la completa ufierta que presenta’l festival ye la consolidación de les tresmisiones de los ecventos más destacaos de la feria al travies del serviciu Salón TV na web www.literastur.es. Al travies de los videos qu’ufre la pexina va poder siguise cásique en directu les conferencies, les meses redondes o les gales poetiques. Web del Salón Iberoamericanu del Llibru 8 de mayu, 2008 0 FacebookTwitterPinterestEmail
Lliteratura Xuan Bello presenta “La historia atapecía” na llibrería Cervantes d’Uviéu by asturnet 7 de mayu, 2008 Xuan Bello va presentar “La Historia Atapecida”, tercera entrega na so triloxía de Paniceiros dempues de “Hestoria Universal de Paniceiros” y “Los cuarteles de la memoria” na llibrería Cervantes d’Uvieu esti miercoles a les 19:30 hores. La editirial que s’encargó de la edición d’esta nueva obra de Bello ye Ámbitu. Bello ye ún de los autores más prestixosos de la lliteratura asturiana d’anguaño y quiciabes el más reconocíu tanto ente’l públicu del restu l’Estáu. Amás de les noveles citaes tien nel so haber dellos llibros de poemes como “Los nomes de la tierra”, “El llibru vieyu” o “Los caminos secretos”. 7 de mayu, 2008 0 FacebookTwitterPinterestEmail
Lliteratura La clas política asturiana participó na selmana de les lletres con una llectura publica na Xunta by asturnet 7 de mayu, 2008 Los actos de cellebración de la Selmana de les lletres aportaron esti miercoles a la Xunta Xeneral, nun actu institucional nel que dellos representantes de la clas política asturiana ficieron la tradicional llectura pública de testos lliterarios n’asturianu. L’actu entamó pa les 13:00 hores nel Salón Europa de la Xunta con una breve presentación del eventu al cargu de la Presidenta de la Xunta, María Jesús Álvarez González. Darreu. la presidenta abrió’l turnu d’intervenciones con un de los testos recoyíos en “Sentir que toi viva”, llibru editáu pola Xunta Xeneral pa la ocasión. Amás de la presidenta de l’Academia de la Llingua, Ana Cano; el presidente del Conseyu de Comunidaes Asturianes, Manuel Fernández de la Cera y la directora de Promoción Cultural, Consuelo Vega participaron nel actu el delegáu del Gobiernu, Antonio Trevín; la conseyera de cultura, Encarnación Rodríguez Cañas; el conseyeru d’educación, Jose Luis Iglesias Riopedre, el de Salú, Jose Ramón Quirós, y el d’Infraestructures, Francisco Gonzáles Buendía. Otros miembros del parlamentu atonómicu que quisieron participar na llectura foron: Jesús Iglesias, Joaquín Arestegui, Pilar Alonso, Cristina Coto, Faustino Álvarez y Emilio Perez Cueva. Jose Manuel Cuervo, Hugo Morán, Pilar Fernández Pardo y Dorinda García ficieronlo en calidá de diputaos y senadores por Asturies. 7 de mayu, 2008 0 FacebookTwitterPinterestEmail
Lliteratura El Premiu Arbidel va entregase esta tarde en Ribeseya cola presencia de los ganadores, Xosé Nel Riesgo y David Rivas by asturnet 7 de mayu, 2008 Güei a les siete la tarde na Casa Cultura de Ribeseya va entregasel Premiu Arbidel de lliteratura erótica, que nesta primer edición va entregase a Xosé Nel Riesgo y David Rivas, con unes cantidaes de 1.000 y 300 euros respectivamente. La obra de Riesgo titúlase De bandera, mientres que la de Rivas lleva por títulu Boedica y doña Nuria. La entrega ta dientro de los actos de la 1er Selmana Ribeseyana de les Lletres. Xosé Nel Riesgo y David Rivas ganen la primer edición del Premiu Arbidel de lliteratura erótica 7 de mayu, 2008 0 FacebookTwitterPinterestEmail
Lliteratura La Selmana Ribeseyana celebró ayeri una charra sobre la hestoria de la televisión en llingua asturiana by asturnet 7 de mayu, 2008 La 1er Selmana Ribeseyana de les Lletres cuntó ayeri cola presencia del presentador de la TPA, Inaciu Galán, que dio llectura a la conferencia Televisión en llingua asturiana: Reinvindicación y presencia (1974-2008), na que fizo un repás a la presencia del asturianu na televisión, dendel primer programa prsentáu por Carlos Rubiera, hasta les emisiones nasturianu del programa infantil de la TPA Presta Asgaya. Darréu de la conferencia, los asistentes al actu participaron nun alderique sobre la presencia y futuru del asturianu na televisión. Xandru Martino presenta a Inaciu Galán Lentamu de la conferencia Otru momentu de la conferencia dInaciu Galán 7 de mayu, 2008 0 FacebookTwitterPinterestEmail
Sociedá Los cursos de Branu d’Asturianía entamen en xunetu con una ufierta de 27 places by asturnet 7 de mayu, 2008 La Escuela de Branu d’Asturianía del Conseyu de Comunidaes Asturianes ufierta un total de 27 places pa esti añu. Asina quedo desplicao nuna rueda de prensa na que participaron el Presidente del Conseyu Manuel Fernández de la Cera, y el Viceconseyeru de Seguridá, Emigración y Cooperación al Desarrollu, Valentín Ruiz. Los cursos entamen el 16 de xuunetu n’Uvieu y finen el 31 del mesmu mes. Especialmente diseñaos pa formar mayestros de cultura y música tradiconal asturiana col oxetivu de trabayar nos Centros Asturianos con reconocimientu d’Asturianía, los cursos abarquen materias como Gaita, Baille tradicional, Antropoloxía y Llingua Asturiana, Folklor, Traxe’l País o Percusión. 7 de mayu, 2008 0 FacebookTwitterPinterestEmail
Sociedá Los xuristes pol asturianu asoleyen un informe nel que se denuncien les agrasiones recientes escontra l’asturianu by asturnet 7 de mayu, 2008 L’Aconceyamientu de Xuristes pol Asturianu ta acanate presentar un nuevo informe nel que denuncia un total de 14 normes nueves y 2 proyeutos que tan enanchando la discriminación llegal del asturianu nos últimos meses. AXA fale nel IV Informe-Denuncia de temes tocantes al desendolcu sostenible medioambiental; la educación infantil y profesional, el bachilleratu y la formación del profesoráu; na carrera fiscal y nel tratu nos tribunales de xusticia; na espublización de les normes; nel Nomenclátor Xeográficu Básicu d’España; ente l’Axencia Estatal d’Alministración Tributaria; nes rellaciones coles fuerces armaes y obligaciones de la Guardia Civil; na producción y distribución cinematográfica; na sociedá de la información; o nel Sistema Arbitral de Consumu. 7 de mayu, 2008 0 FacebookTwitterPinterestEmail
Lliteratura Xosé Nel Riesgo y David Rivas ganen la primer edición del Premiu Arbidel de lliteratura erótica by asturnet 6 de mayu, 2008 L’escritor avilesín Xosé Nel Riesgo, convirtióse nel primer ganador del Premiu Arbidel de Cuentos Eróticos en llingua asturiana, convocáu pol Ayuntamientu de Ribeseya y que va entregase mañana miércoles en Ribeseya dientro del marcu de la 1er Selmana Ribeseyana de les Lletres. La obra que llevó a Riesgo a llograr los 1.000 euros colos que se dotó esti gallardón titúlase De bandera, en referencia a la típica espresión sidrera a la hora d’aludir a un bon “culín”. L’autor, qu’amás ye vicepresidente de l’Asociación Cultural l’Arribada, confesó que-y facía muncha ilusión ganar esti certame “por ser la primer edición y por tratase d’un palu que nunca nun tocara como narrador, polo que pa min yera un retu personal mui especial”. Según Riesgo, ésti ye un relatu que xuega coles ambigüedaes y que narra la obsesión d’un médicu que nun pue beber sidra porque-y produz foria, pero que por embargu, “bébela por ver cómo la echa una nueva camarera de la que ta prendáu”- “Un ritu que-y da pie a milenta pantasíes sexuales”, añadió. L’escritor recoyerá’l so premiu’l miércoles viniente nun actu públicu que se cellebrará na Casa Cultura de Ribeseya y nel marcu de la I Selmana Ribeseyana de les Lletres. Tendrá de lleer en público’l so relatu y fadrálo “ensin ningún tipu de pudor al pesar de que la temperatura del protagonista va xubiendo pasu a pasu hasta algamar niveles X y con claridá espositiva”, aseguró. El segundu premio, dotáu con 300 euros, foi pal xixonés afincáu en Candanal (Villaviciosa), David Rivas, pola obra titulada Boedica y doña Nuria. Trátase d’una historia ambientada na época del reináu d’Alfonso XII que tien como protagonista a un rapaz que s’anicia nel sexu cola marquesa pa la que trabaya. Nun falten tampoco les relaciones luxurioses de la aristócrata col so maríu o les que tien el marqués na clandestinidá. Un rellatu onde’l narrador, que ye miembru de la directiva de l’Arribada, fai un prestosa incursión na narrativa erótica. 6 de mayu, 2008 0 FacebookTwitterPinterestEmail
Lliteratura La I Xunta dEscritores en gallego-asturianu va retrasar la so celebración hastal mes dochobre by asturnet 6 de mayu, 2008 Según pudo conocer la redacción dAsturnews, la celebración de la Xunta dEscritores en gallego-asturianu, que fuere anunciada pola Conseyería de Cultura pal mes de xunu que vien va ser retrasada, hasta dempués del branu, probablemente pal mes dochobre, según fontes cercanes a la organización. Les razones del retrasu paecen responder al escasu tiempu col que se cuntó pa preparar los actos. La Xunta va suponer el primer alcuentru de los escritores de la fastera eonaviega y tien como coordinadora a la escritora Aurora García Rivas. 6 de mayu, 2008 0 FacebookTwitterPinterestEmail