ConvocatoriesFiestes Uviéu convoca la IX edición del so concursu de rock by asturnet 7 d'agostu, 2006 L’Ayuntamientu d’Uvieu como patrocinador y la Sociedá Uviedina de Festeyos como organizadora, tán acabantes de convocar el IX Concursu de Rock ‘Ciudad de Oviedo’, que tien como principal intención la promoción de los grupos de música rock locales. El concursu, que se va celebrar na Plaza de Feijoo nos díes 15 al 24 de setiembre y que va tener abiertu el so plazu d’inscripción ente los díes 14 d’agostu y 10 de setiembre, tien como primer premiu l’actuación nes fiestes de San Mateu’07, por un importe de 3.000 euros. Col únicu requisitu de qu’a lo menos ún de los componenetes del grupu sía vecín del conceyu, el IX Concursu de Rock ‘Ciudad de Oviedo’ cunta con otros cuatro premios en metálico de 2.400, 1.800, 1.200 y 600 euros. Les inscripciones pa participar nel certame fáinse na Oficinal Municipal de Turismu ‘L’Escorialín’, na cai Marques de Santa Cruz n’horariu de 10:30h a 14 h y de 16:30h a 19:30h. 7 d'agostu, 2006 0 FacebookTwitterPinterestEmail
ConvocatoriesFiestes L’Ayuntamientu de Mieres convoca la XVI edición del premiu Teodoro Cuesta de poesía by asturnet 2 d'agostu, 2006 L’Ayuntamientu de Mieres ta acabante d’abrir el plazu pa la XVI edición del premiu ‘Teodoro Cuesta’, conocíu como’l galardón más prestixosu na poesía asturiana que cuenta ente los sos premiaos a dalgunos de los poetes más emblemáticos d’anguaño, como Berta Piñán, Xuan Bello, Antón García, Pablo Antón Marín Estrada o Chechu García, ente otros. El ganador, que recibirá un premiu de 4.000 euros, daráse a conocer, como yá ye tradición, a finales del prósimu mes d’avientu. El día 9 de payares, día nel que se cumplen 177 años de la muerte del poeta mierense Teodoro Cuesta, terminará’l plazu de presentación d’exemplares pa la XVI edición d’esti premiu de poesía. Los poemarios, qu’han de ser orixinales y tar escritos n’asturianu, han de presentase n’actual Casa la Cultura de Mieres, na cai la Vega. 2 d'agostu, 2006 0 FacebookTwitterPinterestEmail
ConvocatoriesFiestes L.lena convoca una nueva edición del so concursu de cuentos by asturnet 1 d'agostu, 2006 L’área de Cultura del Ayuntamientu de La Pola L.lena convoca una nueva edición del so famosu concursu internacional de cuentos, que cuenta col apoyu de la Consería de Cultura del Gobiernu del Principáu d’Asturies. El certame, nel que suelen participar autores d’abondos países europeos y americanos, tien una dotación económica de 3005 euros pal cuentu ganador. Les bases del concursu desixen que la obra presentada tea mecanografiada a doble espaciu y que nun pase de los ocho folios d’estensión. De tema llibre, los cuentos han de ser ineditos, nun pueden tar premiaos por otros concursos y nun han de tener compromisu anterior d’espublización. Les obres han d’unviase a la Casa Cultura de La Pola, faciendo constar los datos personales del autor, la dirección postal y el so númberu de telefonu. 1 d'agostu, 2006 0 FacebookTwitterPinterestEmail
ConvocatoriesFiestes La Unión Europea convoca un concursu pal logotipu de 50 aniversariu del Tratáu de Roma by asturnet 10 de xunetu, 2006 La Unión Europea invita a estudiantes y profesionales d’arte y diseñu a facer el logotipu de cumpleaños, que l’añu que vien va ser el símbolu oficial del 50 aniversariu de la firma del Tratáu de Roma. En 2007, la Comisión y les demás instituciones europes van gastar el logotipu ganador en tolos actos rellacionaos col 50 aniversariu. La fecha tope pa la entrega de trabayos ye’l 30 de Setiembre de 2006 y les decisiones finales van anunciase na ceremonia d’entrega de premios en Bruseles n’ochobre. La iniciativa, baxo l’eslogan “¡Feliz cumpleaños, Unión Europea!”, fue organizada pola Comisión Europea, el Parlamentu, el Conseyu, el Comite Económicu y Social y el Comite de Rexones y tien una dotación en premios de 6000 euros al meyor logotipu y 4000 y 2000 pal segundu y terceru respectivamente. Na seronda, los tres diseñadores premiaos van participar nuna ceremonia d’entrega de premios en Bruseles. Tán convidaos a participar nel concursu tolos estudiantes d’arte, diseñu gráficu, diseñu de comunicación, comunicación visual, diseñu de medios de comunicación o disciplines afines procedentes de los veinticinco Estaos miembros, asina como Bulgaria y Rumanía. Tamien los diseñadores profesionales que se graduaren en 2006. Los participantes van tener que facer un logotipu y, tamien, si quieren, un lema sobre la integración europea. El logu tien de facer referencia al 50 aniversariu del Tratáu de Roma y espeyar los llogros de la Unión Europea y el so futuru, quier dicise: que clas d’UE quieren pa les futures xeneraciones. El procesu de selección del ganador va tratar de dos etapes. En primer llugar, un grupu d’especialistes de renome internacional nel mundu del diseñu va esaminar toles propuestes y escoyer les diez más convincentes. A continuación, los tres meyores que pasaron la escoyeta van ser seleccionaos por un segundu tribunal compuestu por representantes de les distintes instituciones organizadores, y presidíu conxuntamente polos Vicepresidentes Margot Wallstön y Alejo Vidal-Quadras. La fecha tope pa la entrega de trabayos ye’l 30 de Setiembre de 2006 y les decisiones finales van anunciase na ceremonia d’entrega de premios en Bruseles n’Ochobre. Más información 10 de xunetu, 2006 0 FacebookTwitterPinterestEmail
ConvocatoriesFiestes Siero dedica los premios de les Fiestes del Carmín a la muyer y la so participación social by asturnet 3 de xunetu, 2006 La conceyalía de Bienestar Social y Polítiques d’Igualdá del conceyu de Sierto ta acabante de convocar los sos concursos de les Fiestes del Camen y el Carmín, dedicaos nesta edición a les muyeres y la so participación. Cola temática de la participación femenina n’ámbitos sociales, culturales, polítcos y económicos, el consistoriu sierense convoca la quinta edición del so concursu de fotografía y per primer vez establez una cateogoría d’audiovisuales, amás de dos premios de poesía y rellatos. En les distintes modalidaes, los premios van de los 450 euros pal ganador, asina como un accesit de 300 euros pa una obra esbillada ente les presentaes dende’l propiu conceyu. 3 de xunetu, 2006 0 FacebookTwitterPinterestEmail
ConvocatoriesFiestes El CA de Barcelona convoca’l XX Certame Lliterariu de Poesía y Narrativa ‘Alfonso Camín’ by asturnet 31 de mayu, 2006 El Centru Asturianu de Barcelona ta acabante de convocar la XX edición del Certame Lliterariu de Poesía y Narrativa ‘Alfonso Camín’. Los trabayos tienen d’unviase a nome de la entidá nes cais Naranjo de Bulnes 1-7 y Ráfols 17-21 (CP 08034) de Barcelona enantes del 5 de setiembre, mes nel que se va facer la entrega de premios, coincidiendo cola celebración del Día La Santina na ciudá condal. Pal certame de poesía la estensión de los trabayos va ser de dos folios per una sola cara y a doble espaciu, mentes que na narrativa la estensión másima ye de cuatro folios. Los trabayos recibíos van quedar en poder del Centru Asturianu pa les sos posteriores reproducciones. Emigrastur 31 de mayu, 2006 0 FacebookTwitterPinterestEmail
ConvocatoriesFiestes El Concursu de Navelgas tien abiertu’l plazu d’unvíu de maquetes by asturnet 26 de mayu, 2006 El Concursu Internacional de Folk “Cuartu los Valles” de Navelgas va celebrar ente los díes 28 y 29 de xunetu la setima edición d’esti festival, que tien abiertu’l plazu d’unvíu de maquetes hasta’l prósimu día 31. Les grabaciones mandaes, de les que van ser seleccionaes un númberu de cinco pa participar nel certame, deben tener a lo menos cinco canciones y el grupu tar formáu por más de tres persones. El premiu pal ganador del concursu ye de 1500 euros, un trofeu del artista Manuel G. Linares y la retresmisión del conciertu en Radio 3, mentes que los demás finalistes recibirán una cantidá de 1000 euros. 26 de mayu, 2006 0 FacebookTwitterPinterestEmail
ConvocatoriesFiestes Los emigrantes mozos en Madrid y Bruseles convoquen un concursu de fotografía by asturnet 24 de mayu, 2006 Les asociaciones d’Asturianos en Bruseles y Madrid conviden a tolos retratistes interesaos, mesmo profesionales qu’aficionaos, a participar nel I Concursu Fotográficu ASBRU-ASMA, col envís d’afalar la creación fotográfica n’Asturies y sobre Asturies. El plazu tope pa la presentación de los trabayos acaba’l miercoles 31 de mayu. El concursu, que quier establecese con calter biañal, cunta con un xuráu presidíu pol periodista Jose Luis Balbín, director del selmanariu informativu La Clave, y compuestu por profesionales de reconocíu prestixu como Gael Turine, fotógrafu belga autor de varios llibros de fotografía, Luis Hevia, fotógrafu asturianu especialista n’interiorismu y retoque dixital, y Manuel Romarís, delegáu de l’Asociación de Periodistes Gráficos Europeos (APGE). Javier Menendez Bonilla, en representación de les asociaciones ASBRU y ASMA, completa esti xuráu. El I Concursu Fotográficu ASBRU-ASMA convócase en dos modalidaes : la primera, abierta a tolos fotógrafos asturianos o residentes n’Asturies con tema llibre, y la segunda, abierta a tol mundu col tema «Asturies». Toles obres presentaes van ser amosaes nel portal web d’ASMA (www.asturianosenmadrid.com), onde tamien se puen lleer les bases completes d’esti concursu. ASBRU, qu’ograniza esta actividá gracies al apoyu del Principáu d’Asturies, ALSA y Air Nostrum, ta preparándose pa celebrar el prósimu 16 de xunu’l so primer aniversariu con una fista en Bruseles. Inspirada nel exitosu modelu desarrolláu por ASMA dende l’añu 2001, ASBRU cunta yá con más de doscientos socios na capital belga. 24 de mayu, 2006 0 FacebookTwitterPinterestEmail
ConvocatoriesFiestes Cambalache presenta mañana un llibru contra la presa de Caliao by asturnet 17 de mayu, 2006 L’asociación Cambalache presenta mañana n’Uvieu a les ocho la tarde, dientro de la programación de la segunda Feria del Llibru, un llibru que lleva por títulu «Más agua, ¿para que? Plan hidrográfico nacional. La nueva cultura del agua. El embalse de Caleao». L’estudiu, ellaboráu por dos xeólogos de la Universidá d’Uvieu, considera que la presa de Caliao nun ye necesaria. Eduardo Menendez y Beatriz González, profesores de la Facultá de Xeoloxía de la Universidá d’Uvieu, decidieron estudiar la situación del embalse que se quier construir en Casu como apoyu a la plataforma pola defensa del parque de Redes que se niega a tala actuación. Pa los xeólogos, esti “ye l’exemplu más sangrín n’Asturies sobre les actuaciones en materia d’agua qu’anguaño ta faciendo’l Principáu”. 17 de mayu, 2006 0 FacebookTwitterPinterestEmail
ConvocatoriesFiestes Cultura convoca’l premiu de testos teatrales Alejandro Casona by asturnet 12 de mayu, 2006 La Conseyería de Cultura del Principáu convoca un añu más el VII Premiu de Testos Teatrales “Alejandro Casona”, dotáu con 6.000 euros y al que puen presentase orixinales en llingua castellana o asturiana. El plazu de presentación de les obres fina’l prósimu 30 de xunu y el fallu va conocese un mes despues. Los autores que quieran presentase al concursu habrán facelo con obres orixinales, inedites y ensin premiu en nengún otru certame. Les obres habrán presentase nel Rexistru de la Conseyería de Cultura, na Plaza’l Sol, 8, 33009 d’Uvieu y entregaránse embaxo’l sistema de pliques: un sobre col orixinal firmáu con seudónimu y otru cerráu colos datos personales del autor. 12 de mayu, 2006 0 FacebookTwitterPinterestEmail