ConvocatoriesFiestes La Caravana pola Oficialidá del CAO llega al suroccidente asturianu by asturnet 26 d'ochobre, 2007 El Conceyu Abiertu pola Oficialidá sigue cola campaña pa llevar la reivindicación de la oficialidá a tolos conceyos dAsturies. Pa ello, la organización, quaxunta a docenes dasociaciones, convoca esti sábadu 27 dochobre, una Caravana pola Oficialidá pel suroccidente asturianu. La marcha va percorrer los conceyos de Cangas, Tinéu, y Allande. Siguiendo la filosofía quacompaña a les caravanes feches hasta agora, la movilización y les actividaes que lacompañen van ser entamaes poles organizaciones y colectivos de los propios conceyos, asinamesmo les actuaciones musicales van correr a cargu dartistes llocales. Les actividaes desta caravana pel suroccidente van siguir de tarde en Cangas: los músicos Pedru Pereira, Rafa Lorenzo, Ambás, Diego Pangua, Dolfu R. Fernandez y Roberto Ablanedo van actuar a partir de les siete nel Teatru Toreno. Dempués del conciertu va facese un filandón nel Bar Caniecho. Toa una xornada de reivindicación a la quel CAO convoca a tolos asturianos del suroccidente. 26 d'ochobre, 2007 0 FacebookTwitterPinterestEmail
Comunicación Carlos Suari estrena columna d’opinión nel periódicu gratuitu ’20 Minutos’ by asturnet 25 d'ochobre, 2007 L’escritor Carlos Suari estrenó güei una nueva columna nel diariu ’20 Minutos’, un periódicu de tirada estatal y distribución de baldre que dedica agora, nes sos páxines p’Asturies, un espaciu pa la columna selmanal ‘Entainando’, qu’esta selmana abre col títulu ‘El Cebu’. Esta columna ye anguaño la única n’asturianu nun periódicu estatal. Edición col artículu de Suari, na páxina 2 25 d'ochobre, 2007 0 FacebookTwitterPinterestEmail
Sociedá Fina’l I Foru sobre la vivienda con conferencies sobre habitabilidá, ecoloxismu y urbanismu n’España by asturnet 25 d'ochobre, 2007 Dende esti martes 23 hasta’l 26 d’ochobre la Universidá d’Uvieu cellebra na Facultá de Psicoloxía el I Foru sobre la vivienda. Na xornada que cierra el Foru va participar, dende les 10 de la mañana la profesora de Psicoloxía Social de la Universidá d’Uvieu Maria de la Villa Moral Jimenez cola conferencia “Relaciones humanas y comportamiento socioespacial; ¿Habitar o convivir?”. Tres el decansu va llegar el turnu de la Coordinadora Ecoloxista d’Asturies col tema “Urbanizar hasta el mar, ¿Que se salva de la construcción?” y del espertu en vivienda Fernando Urruticoechea con “El insostenible tinglado del urbanismo y la vivienda en España”. A partir de les 13:30 hores va cellebrase l’actu de cierre del Foru. Más información 25 d'ochobre, 2007 0 FacebookTwitterPinterestEmail
Sociedá Los Príncipes d’Asturies presiden l’actu d’entrega de los premios nel Teatru Campoamor by asturnet 25 d'ochobre, 2007 Don Felipe y Doña Letizia presiden esta tarde, a partir de les 18:30 hores la ceremonia d’entrega de los Premios Príncipe d’Asturies nel teatru Campoamor d’Uvieu. Nesta ocasión, van intervenir el escritor israelí Amos Oz; la esposa del premiáu Ralf Dahrendorf, Christiane Dahrendorf; Avner Shalev, presidente del museu del holocastu Yad Vashem y don Felipe de Borbón. L’actu entamará cuando’l Príncipe d’Asturies conceda la pallabra al presidente de la Fundación, Jose Ramón Álvarez Rendueles y tres d’elli falará en nome de los galardonaos l’escritor israelí Amos Oz hablará.Los galardonaos nesta ediciñon de los Premios Príncipes d’Asturies son: Al Gore. Cooperación Internacional) Bob Dylan. Artes) Peter Lawrence y Gines Morata. Investigación Científica y Tecnica. Amos Oz. Letras. Las revistas “Science” y “Nature”. Comunicación y Humanidades. Ralf Dahrendorf. Ciencias Sociales. Michael Schumacher. Deportes. La cellebración de la entrega de Premios Príncipe d’Asturies va tar acompañada d’un fuerte despliegue policial y de seguridá amás de axuntar a autoridaes estatales y autonómiques, amás d’embaxadores y otres personalidaes del ámbitu social y cultural, miembros de los xuraos y galardonaos d’otres ediciones. La Reina Doña Sofíaca llegar a mediodía xunto col ministru de Cultura, Cesar Antonio de Molina. En representación del Gobiernu van asistir tamien la ministra d’Educación, Ciencia y Deportes, Mercedes Cabrera, y el d’Asuntos Esteriores, Miguel Ángel Moratinos. 25 d'ochobre, 2007 0 FacebookTwitterPinterestEmail
Comunicación Al Gore axuntará mas de mil persones en Xixón by asturnet 24 d'ochobre, 2007 L’expresidente norteamericanu Al Gore, qu’esti añu ta acabante de convertise en Premiu Príncipe d’Asturies de Cooperación Internacional y Premiu Nobel de la Paz, va ufiertar esti xueves una conferencia-alcuentru nel Teatru Xovellanos de Xixón alrodiu del so documental alredor del cambiu climáticu. La conferencia titulada “Una verdá incómoda” va entamar a partir de les 20:30 hores y tien prevista una asistencia de más de mil persones. Pa esti alcuentru con Gore el Xovellanos distribuyó de baldre casi 800 entraes, la Fundación Príncipe otres 200 y el Conceyu de Xixón unes 100 ente protocolu municipal, prensa, etc. Dende esti llunes 22 pudieron recoyese tamien les entraes nes taquilles del teatru Xovellanos anque nesti momentu ya tan agotaes. “Una verdá incomoda” repasa en aproximadamente hora y media de duración la situación climática mundial al travies de diapositives y imaxes proyectaes nuna pantala de 12 metros. 24 d'ochobre, 2007 0 FacebookTwitterPinterestEmail
Comunicación Responsables de Sciencie destaquen el cambiu climáticu y la xenética como los campos nos que más se va avanzar by asturnet 24 d'ochobre, 2007 Los responsables de la revista Science, galardonaos col Premiu Príncipe d’Asturies de Comunicación y Humanidaes xunto col revista Natura agradecieron esti día en ruede de prensa el reconocimientu a la so llabor y alertaron de la importancia de les investigaciones nel campu de la xenetica y del cambiu climáticu como unes rames de la ciencia nos que más se va avanzar nos prósimos años. En pallabres del editor xefe de la revista, Andrew Sugden la ciencia relacionada col cambiu climáticu va tener que ser una de les más importantes. Sudgen tamien reconoción que de los afayos que fizo la revista durante el sieglu XXI posiblemente el descubrimientu del xenoma humanu seya’l más importante. L’editor xefe de la publicación, Colin Norman tuvo unes pallabres d’agradecimientu pa col xuráu del Premiu Príncipe d’Asturies y econoció que “l’oxetivu de la revista siempre fuí comunicar dientro del mundiu de la ciencia y dar información científica al públicu asina que asina que ganar un prestixosu pemiu com esti ye un gran honor”. 24 d'ochobre, 2007 0 FacebookTwitterPinterestEmail
Educación Entama la enseñanza del lleonés nos colexos públicos by asturnet 23 d'ochobre, 2007 Nun alderique organizáu pol Diario de León, el conceyal dEducación del Ayuntamientu de Lleón, Abel Pardo, afimó que cola enseñanza del lleonés quier garantizasel derechu de que tolos que quieran adeprender esa llingua puean facelo al tiempu que daba anuncia de quun cientu dadultos ya se matricularen na Escuela Tradicional y que cuatro neños formalizaren yá la matricula nel Colexu Antonio Valbuena. Nel alderique tamién participaball presidente de la Federación dAsociaciones de Padres y Madres de León (Fapa), Jesús Sánchez, que desplicó que na negociación cola Concejalía de Educación y Cultura pala implantación del lleonés tuvieéronse en cuenta dos aspectos fundamentales:El primeru que nun fuera una enseñanza propia dun idioma sinon que prevaleciera la cultura y la tradición leonesa y que fuera una asignatura extraescolar. La postura del PP afitola la conceyala Arancha Miguélez que dixo tar con que la enseñanza del lleonés aporte a los colexos anque punxo en dulda la so utilidá: El sentido común me indica que los padres apuntarán a sus hijos antes a inglés o a informática que a leonés. Abel Pardo manifiesta tamién nesi alderique del Diario de León que sabiendo leonés se aprende tres veces más rápido italiano y dos veces más rápido francés y que así se cumple uno de los puntos del pacto de gobernabilidad. Noticia nel Diario de León 23 d'ochobre, 2007 0 FacebookTwitterPinterestEmail
Sociedá Los galardonaos col Premiu Príncipe d’Asturies d’Investigación Científica y Técnica llamenten la probitú de la investigación española by asturnet 23 d'ochobre, 2007 Los galardonaos col Premiu Príncipe d’Asturies d’Investigación Científica y Técnica, l’español Ginés Morata y el británicu Peter Lawrence, ofrecieron una rueda prensa con motivu de la so llegada a Uviéu pa recoyer el premiu na que destacaron la valía de los investigadores españoles, pero llamentaron que’l país nun algamara ser “potente” nel desarrollu científicu-técnicu. Lawrence afirmó que los científicos españoles que trabayen en Reinu Xuníu o Estaos Xuníos destaquen pola so “creatividá y imaxinación”. 23 d'ochobre, 2007 0 FacebookTwitterPinterestEmail
Educación SUATEA solventa la discriminación en Pando y La Llaboral by asturnet 22 d'ochobre, 2007 Dende SUATEA tan acabante de difundir una nota de prensa esti martes na que ponen na conocencia de tola sociedá que “gracies a les presiones feches ente toos, salgamó la creación de estos dos grupos dasturianu que nun se formaren al entamar el cursu incumpliendo gravemente la Llei dUsu”. SUATEA anima a que “tola Comunidá Educativa (mayestros, escolinos, asociación de mas y pas) y toles instituciones y coleutivos sigan denunciando tolos casos de discriminación llingüística: ye la única mena que tenemos de que se respeten los nuesos derechos.Nos vixilaremos el cumplimientu de la Llei dUsu. Asina mesmo, SUATEA considera que “la oficialidá del asturianu y del gallego-asturiano tien que contemplase na reforma del Estatutu dAutonomía porque la Llei d’Usu ye insuficiente pa dar seguranza del respetu a los derechos llingüísticos de los ciudadanos d’Asturies. Mentanto, caltenemos les nueses postures y siguimos pidiendo les midíes urxentes que vienen darréu: Mesa de negociación cola Conseyería dEducación pa tratar: la precariedá llaboral del profesoráu, ratios, desdobles, inmediata apertura de la bolsa de Gallego-Asturiano Incorporación de la enseñanza de la Llingua Asturiana nel Currículu dInfantil.” 22 d'ochobre, 2007 0 FacebookTwitterPinterestEmail
Sociedá La Fundación tresmitirá los Premios pola Rede by asturnet 22 d'ochobre, 2007 La ceremonia d’entrega de los Premios Príncipe de Asturias na so vixésimo séptima edición, que va tener llugar el vienres día 26 d’ochobre a les 18,30 hores, va tresmitise en directo al traviés d’Internet. Telefónica Data y Telefónica Servicios Audiovisuales van ser les empreses responsables y patrocinadores d’esta tresmisión que va permitir que les imáxenes del actu, ufiertaes por TVE, lleguen a tol mundu. Les ruedes de prensa de los díes 24 y 25, qu’emitirá TVE polos sos canales, y les conferencies impartíes polos galardonaos tamién se van poer seguir pola Rede na direición web de la fundación: www.fpa.es. Ésti ye’l duodécimu añu consecutivu que la Fundación Príncipe de Asturias lleva a cabo esta iniciativa. Notres ediciones, la páxina foi consultada por decenas de miles d’usuarios. Web de la Fundación 22 d'ochobre, 2007 0 FacebookTwitterPinterestEmail